Lajmet

Ngriten çmimet e importit prej 8.6 për qind krahasuar më një vit më parë

Kështu thuhet në njoftimin e ASK-së.

Publikuar

11 muaj më parë

më

Në tremujorin e parë të këtij viti krahasuar me periudhën e njëjtë të vitit 2022, çmimet e importit janë ngritur prej 8.6 për qind.

Sipas raportit të Agjencisë së Statistikave të Kosovës (ASK) të publikuar për Indeksin e Çmimeve të Importit për tremujorin e parë 2023, ngritje më të mëdha sipas sektorëve ishin te: produktet bimore 25.2%, letra dhe artikujt e saj 21.2%, artikujt e gurit, llaçit, produktet e qeramikës dhe të qelqit 17.7%, vajrat ushqyese 14.6%, shtazët e gjalla dhe produktet e shtazëve 13.0%, produktet minerale 12.8%, produktet e industrive kimike 9.2%, artikujt ushqimorë të përgatitur, pijet dhe duhani 7.7%, këpucët 7.4%, mjetet e transportit 7.1%, tekstili dhe artikujt e tekstilit 6.4%, druri dhe artikujt e tij 6.3%, pajisjet e makinerisë dhe pajisjet elektrike 5.7%, plastika, kauçuku dhe artikujt e tyre 4.4%, dhe artikujt e ndryshëm të prodhuar 1.6%.

Sipas ASK-së, ngritja u neutralizua, kryesisht nga rënia e çmimeve sipas sektorëve te: lëkura dhe artikujt e saj (-4.3%); instrumentet optike, fotografike, matëse, medicinale dhe muzikore, si dhe mekanizmat e orës (-1.5%); si dhe metalet bazë dhe artikujt e metaleve bazë (-1.3%).

Ndërkaq, indeksi i tërësishëm i çmimeve të importit në Kosovë u ngrit për 1.1% në Tremujorin e parë të vitit 2023, krahasuar me Tremujorin e katërt të vitit 2022.

“Ngritje më të mëdha të çmimeve sipas sektorëve ishin te: produktet bimore 16.6%, letra dhe artikujt e saj 8.2%, lëkura dhe artikujt e saj 5.2%, tekstili dhe artikujt e tekstilit 3.4%, artikujt e gurit, llaçit, produktet e qeramikës dhe të qelqit 2.9%, produktet e industrive kimike 2.0%, pajisjet e makinerisë dhe pajisjet elektrike 1.6%, artikujt ushqimorë të përgatitur, pijet dhe duhani 1.3%, artikujt e ndryshëm të prodhuar 1.1%, mjetet e transportit 1.0%, instrumentet optike, fotografike, matëse, medicinale, muzikorë dhe mekanizmat e orës 1.0%, vajrat ushqyese 0.3%, shtazët e gjalla dhe produktet e shtazëve 0.1%”, thuhet në raport.

Sipas ASK-së, ngritja u neutralizua, kryesisht nga rënia e çmimeve sipas sektorëve te: druri dhe artikujt e tij 5.4%, plastika, kauçuku dhe artikujt e tyre 3.7%, këpucët 3.5%, metalet bazë dhe artikujt e metaleve bazë 1.7%, dhe produktet minerale 0.9%).

“Ndërkaq, krahasuar TM1 2023 me TM1 2022, çmimet e importit u ngritën në një mesatare prej 8.6 për qind. Ngritje më të mëdha sipas sektorëve ishin te: produktet bimore 25.2%, letra dhe artikujt e saj 21.2%, artikujt e gurit, llaçit, produktet e qeramikës dhe të qelqit 17.7%, vajrat ushqyese 14.6%, shtazët e gjalla dhe produktet e shtazëve 13.0%, produktet minerale 12.8%, produktet e industrive kimike 9.2%, artikujt ushqimorë të përgatitur, pijet dhe duhani 7.7%, këpucët 7.4%, mjetet e transportit 7.1%, tekstili dhe artikujt e tekstilit 6.4%, druri dhe artikujt e tij 6.3%, pajisjet e makinerisë dhe pajisjet elektrike 5.7%, plastika, kauçuku dhe artikujt e tyre 4.4%, dhe artikujt e ndryshëm të prodhuar 1.6%”, thuhet në raport. 

Etiketa
Vazhdo të lexosh

Lajmet

​Kërkohet paraburgim ndaj të dyshuarit për ngacmim të vazhdueshëm seksual

Publikuar

11 orë më parë

më

10 Maj, 2024

nga

Prokuroria Themelore në Gjakovë ka marrë aktvendim për fillimin e hetimeve dhe ka paraqitur kërkesë, në Gjykatën Themelore në Gjakovë, për caktimin e masës së paraburgimit në kohëzgjatje prej 30 ditësh ndaj të pandehurit me inicialet A.D.

Sipas kërkesës së Prokurorisë, ekziston dyshimi i bazuar se i pandehuri nga muaji dhjetor i vitit 2023 e deri me datën 08 maj 2024, në Gjakovë, e ka ngacmuar seksualisht në vazhdimësi një të mitur.

“Sipas kërkesës së Prokurorisë, ndër të tjera ceket se ekziston dyshimi i bazuar se i pandehuri me inicialet A.D., nga muaji Dhjetor i vitit 2023 e deri me dt.08.05.2024, në Gjakovë, e ngacmon seksualisht në vazhdimësi personin e dobët të dëmtuarën/e mitur, në formë të sjelljes së padëshiruar verbale dhe jo verbale të natyrës seksuale me qellim të cenimit të dinjitetit, në atë mënyre që pasi që i pandehuri dhe e dëmtuara/e mitur ishin njoftuar përmes rrjeteve sociale, i dërgon mesazhe të natyrës seksuale, me të cilat veprime të dëmtuarës ia cenon dinjitetin dhe tek e njëjta krijon një mjedis i cili objektivisht është frikësues, degradues dhe poshtërues”, thuhet në njoftimin e prokurorisë.

Tutje sipas njoftimit me këto veprime formohet dyshimi i bazuar se i pandehuri ka kryer veprën penale, ngacmim seksual në vazhdimësi.

Vazhdo të lexosh

Kulturë, Lifestyle

Televizioni belg ndërpret transmetimin e Eurovisionit

Publikuar

12 orë më parë

më

10 Maj, 2024

nga

Televizioni i Belgjikës, VRT ndërpreu transmetimin e kompeticionit të këngës, Eurovision, të enjten mbrëma, për të dhënë një mesazh përmes së cilit dënon luftën e Izraelit në Gaza dhe shtypjen e lirisë së shtypit.

“Ne dënojmë shkeljet e të drejtave të njeriut nga shteti izraelit. Përveç kësaj, Izraeli po shkatërron lirinë e shtypit”, thuhet në mesazhin e transmetuar. “Prandaj, ne po bëjmë një pushim të përkohshëm nga transmetimi ynë. Tani, armëpushim”.

Thirrjet ndaj Eurovisionit për t’ia ndaluar pjesëmarrjen Izraelit, i cili tashmë ka rezervuar biletën për finalen e madhe të konkursit, janë rritur në mes të luftës në Gaza.

Eurovision i rezistoi thirrjeve për të larguar Izraelin, por i kërkoi vendit të modifikojë tekstin e këngës së tij origjinale, “October Rain”, e cila dukej se i referohej sulmit të 7 tetorit të Hamasit./UBTNews/

Vazhdo të lexosh

Kulturë, Lifestyle

Izraeli rezervon vendin në finale të Eurovisionit

Publikuar

12 orë më parë

më

10 Maj, 2024

nga

Izraeli është kualifikuar në finalen e madhe të Eurovisionit të kësaj fundjave, duke sfiduar mijëra protestues që marshonin në vendin nikoqir të Eurovisionit, Suedi, për luftën në Gaza.

Këngëtarja Eden Golan performoi këngën e saj “Hurricane” në gjysmëfinalen e dytë të së enjtes para 9 mijë shikuesve në Malmo Arena dhe rezervoi vendin e saj në finale falë votave të shikuesve./UBTNews/

Vazhdo të lexosh

Lajmet

Gjermania dënon protestat e dhunshme ndaj UNRWA-s

Publikuar

13 orë më parë

më

10 Maj, 2024

nga

Ministria e Jashtme gjermane ka dënuar protestat e dhunshme ndaj agjencisë së OKB-së për refugjatët palestinezë në Jerusalemin Lindor.

“Izraeli duhet të ofrojë mbrojtje ndaj objekteve të OKB-së dhe personelit. OKB-ja duhet t’i shërbejë mandatit të rëndësishëm në Gaza, Bregun Perëndimor dhe Jerusalemin lindor”, shkroi Ministria në platformën “X”.

UNRWA mbylli të enjten selinë e saj në Jerusalemin Lindor pasi izraelitët i vunë zjarrin zonave në skaj të kompleksit të saj.

Philippe Lazzarini, kreu i UNRWA, tha se ky ishte incidenti i dytë i dhunshëm në më pak se një javë./UBTNews/

Vazhdo të lexosh

Të kërkuara