Lajmet

Ngrihen pikëpyetje nëse marrëveshja pa nënshkrim me Serbinë duhet të dërgohet në Kuvend

Sipas tij, duhet të shikohen të gjitha hollësitë juridike të Kushtetutës dhe Konventës së Vjenës.

Published

2 years ago

on

Marrëveshja pa nënshkrim mes Kosovës dhe Serbisë po konsiderohet se nuk duhet të shkojë në Kuvend për ratifikim.

Refuzimi i palës serbe për të nënshkruar fillimisht marrëveshjen bazë me 27 shkurt në Bruksel, pastaj edhe aneksin e zbatimit më 18 mars në Ohër, po shihen si sinjale për paqëndrueshmërinë juridike të ujdisë, megjithëse partnerët ndërkombëtarë thonë se e njëjta është ligjërisht e obligueshme. Njohësit thonë se nuk është e drejtë që Serbia po ia hedh kaq lehtë me faktin që nuk e nënshkruan. Në anën tjetër, kjo marrëveshje po vlerësohet si kundër kushtetuese nga Lidhja Demokratike e Kosovës.

Anëtari i Kryesisë së LDK-së, Xhafer Tahiri, tha se kryeministri Albin Kurti dështoi të sjellë njohjen reciproke me Serbinë, përmes politikës siç e quajti ai, “të the qafën me partnerët ndërkombëtarë”.

“Kurti ka dështuar që të sjellë njohjen reciproke. Prandaj kjo marrëveshje, që nuk po e themi vetëm ne, por po e thonë edhe ekspertët kushtetues që madje është edhe kundër kushtetuese. Natyrisht është rezultat i dialogut të Kurtit dhe politikës ‘të the qafës’ me partnerët ndërkombëtarë”, deklaron ai.

Ndërkaq, Arbër Fetahu nga Grupi për Studime Juridike dhe Politike, thotë për KosovaPress se marrëveshja si e tillë pa nënshkrim mes Kosovës dhe Serbisë është e vështirë të dërgohet në Kuvend për të marrë aminin e deputetëve.

Sipas tij, duhet të shikohen të gjitha hollësitë juridike të Kushtetutës dhe Konventës së Vjenës nëse marrëveshja në këtë formë mund të dërgohet në Parlament apo jo.

“Në gjykimin tonë, siç është marrëveshja tash, kur nuk ka as iniciale dhe as nënshkrime është e vështirë të dërgohet si e tillë në Kuvend, por duhet të shikohen hollësitë juridike të Kushtetutës dhe Konventës së Vjenës nëse një marrëveshje e tillë pa asnjë iniciale dhe asnjë nënshkrim duhet të dërgohet në Kuvend apo jo. Në këtë pikë ka pikëpyetje ende”, thekson Fetahu.

Ai kërkon nga institucionet e Kosovës që t’i bëjnë presion Bashkimit Evropian dhe Shteteve të Bashkuara të Amerikës që t’i kërkojnë Serbisë ta nënshkruajë marrëveshjen dhe zbatojë atë.

“Të kenë një strategji koordinimi dhe planifikimi dhe një lloj trysnie të butë edhe me BE-në dhe vendet e tjera që kanë qenë sponsorizuese të kësaj marrëveshjeje që të hedhin një presion tek pala serbe për të nënshkruar apo të paktën për t’u zotuar 100 për qind në implementimin e saj në praktik. Historia ka dëshmuar të kundërtën. Po ashtu nuk është e drejtë që pas gjithë asaj fushate ku thuhet se do të ketë ndëshkime për palët që nuk e nënshkruajnë kjo pajtueshmëri vetëm në mënyrë xhentëlmenë verbale të kalojë aq lehtë për Serbinë, e cila po e refuzon marrëveshjen. Mbi të gjitha BE-ja në veçanti, por edhe ShBA, të gjejnë modalitete për ta bërë këtë marrëveshje të obligueshme. Në këtë fazë të cilën është pa nënshkrime dhe kur Serbia nuk e dërgon ende në Kuvend, kjo marrëveshje është ende në ajër dhe mund të kemi shumë interpretime dhe debate që vazhdojnë në pafundësi dhe efekti i saj mund të jetë zero”, shton Fetahu.

KosovaPress pyeti të martën edhe kryeministrin Kurti në lidhje me mundësitë që marrëveshjen pa nënshkrim me Serbinë të dërgojë në Kuvend, mirëpo nuk dha një përgjigje konkrete, por shtoi se kjo do të diskutohet me deputetët në seancën e së enjtes.

“Besoj se edhe në Kuvend kjo duhet të diskutohet, mirëpo duhet të keni parasysh se ne kot nënshkruajmë se ne marrëveshje vetë me veti s’mundemi të bëjmë, marrëveshja duhet të bëhet me palën tjetër. Nëse e keni parasysh në krye të tekstit të marrëveshjes bazë që i tha po edhe pala tjetër, ndonëse nuk e nënshkruaji është palët kontraktuese. Unë nuk mund të bëjë nënshkrim me vetveten. Ne mund të bëmë edhe ratifikim në Kuvendin e Republikës, por unë besoj se tani topi nuk duhet të jetë te Kosova, kërkojë kontributin e të gjithë, pasi topi është në anën e Serbisë pse nuk po nënshkruan ajo”, tha Kurti të martën.

Megjithëse nuk pati nënshkrim të marrëveshjes Kosovë-Serbi, ndërmjetësuesi i dialogut, përfaqësuesi i lartë i BE-së, Josep Borell ka thënë se marrëveshja është ligjërisht e obligueshme dhe ka hyrë në fuqi në momentin e dhënies së deklaratës së tij. Të njëjtën e ka potencuar edhe emisari i ShBA-së për Ballkanin Perëndimor, Gabriel Escobar.

Related Topics:
Continue Reading

Bota

Von der Leyen: Bashkëpunimi BE-SHBA në interes dypalësh

Published

1 hour ago

on

January 22, 2025

By

Presidentja e Komisionit të BE-së, Ursula von der Leyen, dhe kancelari gjerman, Olaf Scholz, u shprehën në Forumin Ekonomik Botëror në Davos për rëndësinë e bashkëpunimit të ngushtë mes Bashkimit Evropian dhe Shteteve të Bashkuara të Amerikës.

Von der Leyen paralajmëroi presidentin e ri të SHBA-së, Donald Trump, që të shmangë nisjen e një lufte tregtare me Evropën dhe theksoi gatishmërinë e BE-së për negociata. Ajo theksoi se ekonomitë e BE-së dhe SHBA-së janë të ndërthurura në një masë të jashtëzakonshme dhe se vëllimi i tregtisë mes dy palëve arrin në 1.5 trilion euro, që përfaqëson 30 për qind të tregtisë botërore. “Të dyja palët do të rrezikonin shumë”, tha Von der Leyen.

Kjo deklaratë vjen pas njoftimit të Trumpit gjatë fushatës zgjedhore se kishte për qëllim vendosjen e tarifave të reja për importet, përfshirë një tarifë deri në 60 për qind për mallrat kineze. Trumpi ka shprehur shqetësimin për deficitin tregtar dhe dëshirën për të forcuar prodhimin amerikan.

Kancelari Scholz gjithashtu shprehu shpresën që SHBA të mbetet një aleat i ngushtë i Gjermanisë edhe nën presidencën e Trumpit, por theksoi se duhet të ketë maturi në qëndrimet ndaj SHBA-së, duke shtuar se jo çdo deklaratë ose postim nga Uashingtoni duhet të shkaktojë tensione të mëdha në Evropë. Ai theksoi se bashkëpunimi mes BE-së dhe SHBA-së është kyç për paqen, sigurinë dhe zhvillimin ekonomik global./UBTNews/

Continue Reading

Lajmet

Kontingjenti i FSK-së, pjesë e ushtrimit “Winter EX 2025” në Turqi

Published

1 hour ago

on

January 22, 2025

By

Kontingjenti i Forcës së Sigurisë së Kosovës, i është bashkuar forcave partnere në ushtrimin ndërkombëtar “Winter EX 2025” që udhëhiqet nga Forcat e Armatosura të Republikës së Turqisë ( FART).

FSK-ja njofton se Ushtrimi Fushor “Winter EX 2025” është një aktivitet shumëpalësh me pjesëmarrje të gjerë nga vendet partnere, agjencitë e sigurisë, organizatat qeveritare dhe joqeveritare të Turqisë, e që fokus ka aspektin operacional dhe taktik në kushte të motit ekstrem dhe brenda kufijve territorial të Turqisë.

Pjesëmarrja e FSK-së, në ushtrim ka për qëllim ngritjen dhe avancimin e kapaciteteve operacionale dhe profesionale të njësive , si dhe ngritjen e ndërveprueshmërisë në operacionet e përbashkëta me partnerët.

Continue Reading

Lajmet

Delegacioni presidencial pjesëmarrës në inaugurimin e Presidentit të 47-të të SHBA-ve

Published

2 hours ago

on

January 22, 2025

By

Delegacioni presidencial ka marr pjesë në aktivitetet e organizuara me rastin e inaugurimit të Presidentit të 47-të, të SHBA-ve, Donald Trump.

Një delegacion presidencial, i përbërë nga Learta Hollaj, Shefe e Stafit të Presidentes, dhe Rejhan Vuniqi, Këshilltare për Politikë të Jashtme, të shoqëruar nga Ambasadori i Republikës së Kosovës në SHBA, Ilir Dugolli, ka marrë pjesë në aktivitetet e organizuara për nder të inaugurimit të Presidentit të 47-të, të Shteteve të Bashkuara të Amerikës, Donald Trump.

Nga Presidenca njoftohet se gjatë këtyre ditëve, ata kanë marrë pjesë në ceremoninë e betimit të Presidentit Trump në Capitol Hill, Tubimin e mbajtur para ceremonisë së betimit në Capital One Arena, Ballon e Komandantit Suprem; Ballon Presidenciale “The Liberty Ball”, Ballon “Black Tie and Boots”, të organizuar nga Texas State Society, Midwest Galla, pritjen e organzuar nga Dr. Miriam Adelson, Tilman Fertitta, Sylvie Legere & Todd Ricketts e Mark Zuckerberg, si dhe në Shërbesën e Lutjeve Kombëtare në Washington National Cathedral.

Me këtë rast, ata kanë pasur mundësinë të takohen me një sërë zyrtarësh të lartë, senatorë dhe kongresistë, si dhe këshilltarë dhe persona me ndikim nga bota e biznesit dhe sfera të tjera të interesit.

Gjatë këtyre aktiviteteve, ata kanë pasur mundësinë të bisedojnë me: Kryetarin e Dhomës së Përfaqësuesve në Kongresin amerikan, Mike Johnson; të nominuarin e Presidentit Trump për Drejtor të CIA-s, John Ratcliffe; Kongresistin dhe Kryesuesin e nënkomitetit për Evropë në Komitetin për Politika të Jashtme të Dhomës së Përfaqësuesve të SHBA-ve, Keith Self; Kongresistin Chip Roy; Kongresistin Ronny Jackson; Senatorin John Cornyn, Kongresistin Ted Cruz; Guvernatorin e Teksasit, Greg Abbott; Guvernatoren e Iowa, Kim Reynolds; Ambasodorin e nominuar të Presidentit Trump në NATO, Matt Whitaker; Zëvendës Guvernatorin e Teksasit, Dan Patrick; Prokurorin e Përgjithshëm të Teksasit, Ken Paxton; ish-Sekretarin e Përgjithshëm të NATO-s, Jens Stoltenberg; Senatoren e Teksasit, Angela Paxton; Këshilltarin lokal, Gino Mulliqi; dhe ish-Kongresistin Jack Fields, si dhe përfaqësues të shumtë të mërgatës.

Në të gjitha këto takime, janë përcjellë urimet më të mira për Presidentin Trump dhe administratën e re në emër të Presidentes Osmani dhe qytetarëve të Kosovës, duke konfirmuar angazhimin e Republikës së Kosovës për avancimin e mëtejshëm dhe të vazhdueshëm të raporteve bilaterale. Në bisedat me zyrtarët amerikanë është theksuar gjithashtu rëndësia e vizitave të ndërsjella, si dhe rëndësia e bashkëpunimit me qëllim të avancimit dhe ruajtjes së sigurisë në rajon dhe përtej.

Continue Reading

Lajmet

Lajçak: Marrëveshja e Ohrit hapi rrugën drejt normalizimit të raporteve Kosovë – Serbi

Published

2 hours ago

on

January 22, 2025

By

Miroslav Lajçak, emisari i Bashkimit Europian për dialogun, ka folur për takimin që zhvilloi dje me presidentin serb, Aleksandar Vuçiç, në kuadër të përpjekjeve për të përshpejtuar procesin e dialogut ndërmjet Kosovës dhe Serbisë.

Në një postim në platformën X, Lajçak theksoi rëndësinë e Marrëveshjes së Ohrit të vitit 2023, e cila, sipas tij, ka hapur një rrugë të re për normalizimin e marrëdhënieve ndërmjet dy vendeve. “Theksova se Marrëveshja e Ohrit e vitit 2023 hapi rrugën përpara drejt normalizimit”, shkruajti ai, duke theksuar se avancimi në këtë drejtim është jetik për të ardhmen e dy vendeve dhe të gjithë rajonit.

Lajçak shtoi se progresi i mëtejshëm është në interes të Kosovës, Serbisë dhe të ardhmes së tyre, duke i bërë thirrje të dyja palëve të vazhdojnë përpjekjet për të arritur një marrëveshje përfundimtare që do të kontribuonte në stabilitetin dhe paqen në Ballkanin Perëndimor./UBTNews/

Continue Reading

Të kërkuara