Lajmet

“Nga zero kapacitete, prokurim me inteligjencë artificiale 360 gradë”, Rama: Modeli i parë në Evropë, gati në 2026-n

Published

2 years ago

on

Nga zero kapacite, synojmë prokurim me inteligjencë artificiale 360 gradë deri në fund të vitit tjetër. Kështu u shpreh kryeministri Edi Rama në fjalën e tij në javën Franko-Shqiptare për Inteligjencën Artificiale, Green AI. Sipas tij ky do të jetë modeli i parë në Evropë pa kontakt njerëz në 95% të procesit, ndërsa theksoi se sot Shqipëria është kryesuese në rajon sa i takon cilësisë së prokurimeve.

“Nisëm nga një vend shumë i zymtë sa i takon cilësisë së prokurimeve ndërkohë sot jemi kryesues në rajon me 80 nga 100 pikë, vendi i dytë është me 70 pikë për cilësinë dhe integritetin e prokurimeve. Jemi ambiciozë, po punojmë me Microsoft të prokurimit me inteligjencë artificiale 360 gradë që do të jetë modeli i parë në Europë pa kontakt njerëz në 95% të procesit. Shpresoj në fund të vitit tjetër të jetë gati për të funksionuar dhe pastaj askush nuk mund të na thotë që kemi probleme me prokurimet se mund t’i sfidojmë”, tha Rama.

Kreu i qeverisë shqiptare u shpreh se vendi ynë ka krijuar një platformë, e cila ka hequr të gjitha zyrat e pritjes dhe kontaktit me qytetarët, duke shmangur pritjen dhe bakshishet për të marrë një dokument.

“Rrugëtimi ynë zë fill nga zero kapacitete, sot kemi krijuar një platformë e cila ka hequr të gjitha zyrat e pritjes dhe kontaktit me qytetarët. Nuk kanë pse rrinë në radhe dhe të humbasin kohë energji dhe bakshish për të marrë një leje licence apo një dokument që vërteton që janë gjallë, gjithçka është në internet. Numri i përdoruesve shkon përtej numrit të banorëve, të gjithë shqiptarët që jetojnë jashtë mund të marrin shërbime nga administrata për qëllime të marrjes së dokumenteve”, u shpreh kryeminsitri.

Inteligjenca Artificiale, sipas Ramës ka ndikuar edhe në ecjen përpara në procesin e integrimit, ku sipas tij ka ndikuar në përshtatjen e kuadrit ligjor me atë të BE-së.

“Kemi ecur shumë para me procesin e integrimit europian, kemi plan ambicioz për të përmbyllur negociatat brenda 2027. Është një dritare mundësie që të bëjmë ç’ është e mundur për të mos e humbur. Duke përdorur IA po e bëjmë me një shpejtësi krejt tjetër. Vetëm për korpusin ligjor të BE me atë kombëtar do të kërkonte një ushtri përkthyesish e tekstshkruesish. Për Kroacinë që pati nëj rekord mbreslënës u deshën 7 vjet, por ne po krijojmë modelin që transpozon në kohë reale por është i aftë të na japë pajtueshmërinë me legjislacionin tonë. Po kështu ëhstë i aftë t’u japë njerëzve aftësinë të shohin si në pasqyrë ngjashëmrinë apo msopërputhjen”, theksoi Rama.

Një tjetër model, sipas Ramës, “është ajo që po pilotojmë në ministrinë e drejtësisë. Po gërmojmë në pirgjet masive të ligjeve për të identifikuar të gjitha mbivendosjet. Nuk është e rrallë që diçka që ti meriton ta marrësh nga një ligj nuk e merr dot, se një ligj tjetër thotë jo”.

Edhe pse e cilësoi dëshpërues fjalimin e tij në anglisht për francezët, Rama tha se ndihet i inkurajuar që Franca po kryeson në ide për të çuar para inovacionin në vendin tonë.

“Në këtë moment përcaktues për botën, Europën e Shqipërinë ndihemi të inkurajuar që Franca po kryeson në diçka që prej një kohe shumë të gjatë dhe për ne. Është një dhuratë që ta ndajmë me Francën dhe të marrim ide e mendje për të çuar para inovacionin tonë. Ndihemi të inkurajuar të ecim dorë për dorë me Francën do të përpiqemi ta meritojmë besimin tuaj. Ecim krah jush edhe kur të bëheni sërish mbretërorë”.

Related Topics:
Continue Reading

lajme

Shkarkohet Blerim Isufaj nga posti i Kryeprokurorit të Prokurorisë Speciale

Published

5 hours ago

on

October 2, 2026

By

Kryeprokurori i Prokurorisë Speciale, Blerim Isufaj, është shkarkuar të premten nga Këshilli Prokurorial i Kosovës (KPK), ka mësuar KOHA.

Gjatë ditës ishte bërë e ditur se KPK-ja do të mblidhej në një takim të jashtëzakonshëm, ku në rend dite ishte diskutimi për performancën e Isufajt.

Isufaj ishte zgjedhur për herë të parë në krye të Prokurorisë Speciale në vitin 2019, ndërsa ishte rizgjedhur në këtë pozitë në vitin 2023.

Gjatë mandatit të tij, Isufaj ka qenë një prej figurave më të kritikuara në sistemin prokurorial nga Lëvizja Vetëvendosje. Ai ishte votuar edhe nga Këshilli Prokurorial për pozitën e Kryeprokurorit të Shtetit, por procesi kishte mbetur pezull dhe nuk ishte dekretuar nga ish-presidentja Vjosa Osmani.

Kryeministri Albin Kurti kishte deklaruar më herët se në sistemin prokurorial “shumica e problemeve kanë emër të përveçëm”, duke iu referuar Isufajt.

Më 2 shtator, Isufaj pati një përplasje me disa anëtarë të Këshillit Prokurorial të Kosovës. Përplasjet u zhvilluan gjatë shqyrtimit të raportit të punës së Prokurorisë Speciale për vitin 2025, i cili më pas u rrëzua nga KPK-ja.

D.L

Continue Reading

Aktualitet

Nis takimi mes Kurtit dhe Hamzës

Published

5 hours ago

on

October 2, 2026

By

Ka nisur takimi mes kryeministrit Albin Kurti dhe kryetarit të Partisë Demokratike të Kosovës (PDK), Bedri Hamza.

Në takim pritet të diskutohen çështja e zgjedhjes së presidentit të ri dhe ndryshimet e mundshme në Ligjin për Dhomat e Specializuara të Kosovës.

Hamza është parë duke hyrë në objektin e Qeverisë i shoqëruar nga deputeti i PDK-së, Rrahman Rama.

Kuvendi i Kosovës ka afat deri më 6 tetor për zgjedhjen e presidentit të ri. Nëse presidenti nuk zgjidhet brenda këtij afati, vendi shkon në zgjedhje të reja.

D.L

Continue Reading

lajme

“Jo në emrin tim” para Ministrisë së Drejtësisë “Voto Ligjin”, kërkohet miratimi i ligjit për mbrojtjen e UÇK-së

Published

6 hours ago

on

October 2, 2026

By

Protestuesit e iniciativës “Jo në emrin tim” kanë zhvilluar sot një aksion simbolik para Ministrisë së Drejtësisë, ku kanë vendosur një baner me mbishkrimin “Voto Ligjin”, duke kërkuar procedimin dhe miratimin e ligjit për mbrojtjen e UÇK-së.

Aktivisti Rron Kafegjolli deklaroi se qytetarët prej 17 ditësh po kërkojnë miratimin e këtij ligji, duke e cilësuar vonesën si të papranueshme.

Sipas Kafegjollit, bazuar në deklarimet e kryeministrit Albin Kurti, ligji po mbahet i bllokuar në Ministrinë e Drejtësisë dhe Ministrinë e Financave.

“Ky nuk është një udhëzim çfarëdo që mund ta kaloni lart e poshtë nëpër zyra. Sepse bëhet fjalë për ligjin që mbron të vërtetën e UÇK-së dhe ne nuk do të lejojmë zvarritjen e tij”, u shpreh ai.

Kafegjolli kritikoi ministren Donika Gërvalla dhe ministrin Hekuran Murati, duke kërkuar nga institucionet që të veprojnë në përputhje me kërkesat e qytetarëve.

“Institucionet e këtij shteti nuk mund të mbeten peng i inateve apo bindjeve personale të ministres Gërvalla dhe ministrit Murati. Shteti nuk është pronë private e dikujt”, tha Kafegjolli.

Duke iu referuar afatit për zgjedhjen e presidentit, i cili skadon më 6 tetor, ai i bëri thirrje Qeverisë që të mos e zvarrisë më tej procesin e miratimit të ligjit.

“Qeveria duhet ta dijë se rinia po ju vëzhgon dhe 6 tetori po afron me shpejtësi. Mos e provokoni durimin tonë”, deklaroi ai.

Kafegjolli e përmbylli fjalimin duke i bërë thirrje Qeverisë që ta dëgjojë zërin e protestuesve dhe të veprojë lidhur me kërkesën për miratimin e ligjit.

D.L

Continue Reading

Lajmet

Master në Gjuhë, Media dhe Komunikim në UBT: Formimi profesional për liderët e së ardhmes

Published

6 hours ago

on

October 2, 2026

By

Në një epokë ku media dhe komunikimi po transformohen me ritme të shpejta, profesionistët e së ardhmes kanë nevojë për njohuri të avancuara, mendim kritik dhe aftësi praktike.

Pikërisht për këtë, UBT ofron programin Master në Gjuhë, Media dhe Komunikim, të konceptuar për të përgatitur profesionistë të aftë për të udhëhequr në sektorin e medias, komunikimit dhe marrëdhënieve me publikun.

Programi Master në Gjuhë, Media dhe Komunikim ndërthur në mënyrë strategjike shkencat sociale, teknologjinë e informacionit, gazetarinë, Marrëdhëniet me Publikun (PR) dhe krijimin e përmbajtjes digjitale.

Përmes kombinimit të njohurive teorike me përvojën praktike dhe hulumtimin shkencor, studentët zhvillojnë kompetenca të avancuara për t’u përballur me kërkesat e tregut modern të punës, si në Kosovë ashtu edhe në tregun global.

Një rëndësi e veçantë i kushtohet etikës profesionale, mendimit kritik dhe aftësisë për të analizuar, interpretuar dhe menaxhuar komunikimin dhe imazhin e institucioneve dhe organizatave.

Kjo e bën programin një mundësi të përshtatshme për të gjithë ata që synojnë të avancojnë profesionalisht në media, gazetari, komunikim strategjik, PR, marketing dhe përmbajtje digjitale.

Përveç mundësisë për të ndjekur një program Master të orientuar drejt zhvillimit profesional, UBT ofron edhe një mbështetje të rëndësishme financiare për studentët. Përmes bursës Engaged Scholarship, studentet që janë pjesë e kësaj fushe përfitojnë 20% zbritje në tarifën e studimeve gjatë gjithë periudhës së programit Master.

Kjo bursë përfaqëson një mundësi konkrete për studentët që duan të investojnë në arsimimin e tyre të avancuar, duke pasur njëkohësisht mbështetje financiare gjatë gjithë rrugëtimit akademik.

Master në Gjuhë, Media dhe Komunikim në UBT është një mundësi për të zgjeruar njohuritë, për të zhvilluar kompetenca profesionale dhe për të ndërtuar bazat e një karriere të suksesshme në një sektor që ndryshon vazhdimisht.

Apliko në programin Gjuhë, Media dhe Komunikim -Master dhe përfito 20% bursë përmes Engaged Scholarship.

Continue Reading

Të kërkuara