Sport

Nga rikthimi i Messit deri te planet në merkato, ja çfarë zbuloi Joan Laporta

Presidenti i Barçës po ashtu foli edhe për mundësinë e transferimit të Lewandowskit dhe Salah.

Published

3 years ago

March 29, 2022

Betim Gashi

Presidenti i Barcelonës, Joan Laporta së fundi ka dhënë një intervistë të gjatë për mediumin “RAC1” ku ka folur gjerë e gjatë për punën që po bëhet në klubin spanjoll, me fokusin më të madh te përforcimet që ka nevojë skuadra, por edhe rinovimet e kontratave me lojtarët aktual, duke mos harruar edhe mundësinë e rikthimit të Lionel Messit.

Duke filluar nga spekulimet për rikthimin e Messit në “Camp Nou”, Laporta bëri të ditur se kjo nuk është në planet e tij dhe se nga lojtari nuk ka pranuar mesazhe për një ide të tillë.

“Në të vërtetë unë nuk kam pranuar mesazhe nga Messi apo agjenti i tij në lidhje me një rikthim të mundshëm. E vërteta është që ne nuk jemi duke e konsideruar këtë mundësi”, ka thënë Laporta.

Më tutje i pari i klubit katalanas ka thënë se në kushtet aktuale klubi e ka të pamundur të mendojë për transferimin e dyshes Erling Haaland dhe Kylian Mbappe.

“Ne nuk do të mund të shpenzojmë shifra të tilla. I shoh që të dy shumë larg nënshkrimeve me Barcelonën”, theksoi ai, derisa shtoi se klubi tashmë ka nënshkruar me dy lojtarë.

“Ne kemi kompletuar dy nënshkrime për sezonin e ardhshëm. Njëri është mesfushor dhe tjetër qendërmbrojtës, por nuk mund t’i them emrat”, tha Laporta.

Presidenti i Barçës po ashtu foli edhe për mundësinë e transferimit të Lewandowskit dhe Salah si dhe pranoi se i pëlqen shumë ylli i Atletico Madridit, Joao Felix.

“Lojtar të nivelit të lartë dëshirojnë t’i bashkohen Barcelonës, kjo është shumë e qartë. Por unë nuk mund të them nëse jemi në negociata me Lewandowski e Salahun apo jo. Unë vërtetë e pëlqej Joao Felixin. Është kënaqësi ta shohësh atë duke luajtur futboll. Vitin e kaluar ne ishim në negociata me Atleticon për shkëmbimin Felix-Griezmann, por në fund dështoi”, ka zbuluar Laporta.

Në vazhdim Laporta bëri të ditur se janë duke punuar në rinovimin e kontratave të Araujos dhe Gavit.

“Negociata për kontratat e reja të Araujos dhe Gavit janë duke shkuar shumë mirë. Ata duan të vazhdojnë këtu në Barcelonë, por ne kemi disa limite që duhet respektuar sa i përket pagave”, tha në fund ai.

Related Topics:Joan Laporta Lionel Messi

Up Next

“Ky është fundi i historisë”, Ronaldo u përgjigjet ashpër gazetarëve

Don't Miss

Formacionet e mundshme të miqësores Zvicër-Kosovë

Sport

Zyrtare: Ferizaj përforcohet në qendër të mbrojtjes, prezantojnë Ardit Iljazin

Published

23 hours ago

June 5, 2025

Albina Zeneli

Ferizaj ka filluar me përforcime për sezonin e ri në Albi Mall Superligën e Kosovës në futboll.

‘Ujqit’ janë përforcuar në qendër të mbrojtjes, ku kanë nënshkruar me qendërmbrojtësin Ardit Iljazi.

24-vjeçari i bashkohet Ferizajt pasi më parë ka luajtur edhe për Gostivarin, Shkupin, Erzenin, Teutën dhe Voska Sport.

Njoftimi i plotë nga FC Ferizaj:

Zyrtare: Ardit Iljazi bashkohet me FC Ferizajn

FC Ferizaj ka kënaqësinë të prezantojë përforcimin më të ri në repartin defensiv Ardit Iljazin, i cili do të jetë pjesë e skuadrës bardhekaltër për sezonin e ri.

Arditi luan në pozitat qendër mbrojtës dhe mbrojtës i djathtë, ndërsa gjatë karrierës së tij ka qenë pjesë e disa klubeve të njohura si Erzeni, Shkupi dhe Voska, duke grumbulluar përvojë të vlefshme në futbollin rajonal.

Ardit Iljazi: “Është kënaqësi për mua t’i bashkohem FC Ferizajt. Jam i motivuar dhe i gatshëm të jap maksimumin për klubin dhe për tifozët.”

Mirë se erdhe Ardit, dhe shumë suksese me fanellën bardhekaltër!

Sport

FSHF: Vijon procesi i shpërndarjes së biletave përmes shortit elektronik për ndeshjen Shqipëri – Serbi

Published

1 day ago

June 5, 2025

UBTnews

Federata e Futbollit njoftoi sot se vijon procesi i shpërndarjes së biletave përmes shortit elektronik për ndeshjen Shqipëri – Serbi.

FSHF thekson se, të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.

Pas këtij afati, linku bëhet i pavlefshëm dhe biletat nuk mund të blihen.

Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.

Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”. /atsh

Sport

Ardian Ismajli mund t’i bashkohet Rashicës te Besiktasi?

Published

1 day ago

June 5, 2025

Albina Zeneli

Mbrojtësi i Kombëtares së Shqipërisë, Ardian Ismajli do të largohet nga Empoli pas ndeshjeve ndërkombëtare.

28-vjeçari mbetet pa kontratë në fund të këtij muaji dhe tashmë ka filluar kërkimin e një klubi të ri.

Mediat e huaja raportojnë se lojtari “kuqezi” mund të transferohet në Superligën e Turqisë.

Besiktasi ku luan Ernest Muçi dhe Milot Rashica për momentin po i prinë garës për mbrojtësin shqiptar.

Ismajli është në grumbullim te Shqipëria për dy ndeshjet e muajit qershor, ndaj Serbisë dhe Letonisë.

Sport

Zyrtare: Inzaghi firmosi me Al-Hilalin

Published

1 day ago

June 5, 2025

Albina Zeneli

Tashmë është zyrtare. Trajneri i njohur italian, Simone Inzaghi ka firmosur me skuadrën arabe Al Hilal. Trajneri i deritashëm i Interit firmosi të mërkurën mbrëma për dy vjet e gjysmë.

Të hyrat vjetore për Inzaghin do të jenë 26 milionë euro neto.

Inzaghi ka firmosur në Paris, pasi i dha fund bashkëpunimit me Interin. Ai e udhëhoqi Interin deri në finale të Ligës së Kampionëve.

Inzaghi është prej trajnerëve më të vlerësuar në futboll.