Lajmet

Nga refuzimi i Bislimit e Berishës, tek objektivat e kombëtares, flet Alain Giresse

Ai deklaroi se Izraeli është grup shumë i vështirë, por që nuk duhet të nënvlerësohet.

Published

4 years ago

on

Trajneri i Kombëtares së Kosovës, Alain Giresse ka folur në një konferencë për media para ndeshjes me Izraelin, e parë për ciklin kualifikues për Kampionatin Evropian të vitit të ardhshëm

Duke folur për grupin ku bënë pjesë Kosova, trajneri framcez deklaroi se nuk është grup shumë i vështirë, por që asnjëri prej rivalëve nuk duhet të nënvlerësohet.

“Përgjithësisht ndodhemi në një grup i cili nuk është shumë i vështirë mirëpo në të njëjtën kohë në grup apo ekipe apo përfaqësuese të cilat nuk duhet t’i nënqmojmë. Pastaj është një grup i cili na jep ambicie për të shkuar më tej prandaj edhe jemi këtu… Qëllimi është të instalojmë në këtë grup lojtarësh atë idenë që të japin maksimumin dhe do të thoja me një ambicie e cila nuk ka një limit të caktuar. Padyshim, meqenëse grupi nuk është më i vështiri i mundshëm atëherë ekziston edhe kjo mundësi që ndoshta të kualifikohemi mirëpo ideja është që të kemi një ambicie të madhe dhe ta instalojmë këtë në mesin e lojtarëve”, tha Giresse.

Tutje ai konfirmoi mungesën e dyshes Elbasan Rashani dhe Uran Bislimi për këtë ndeshje, teksa zbuloi gjithashtu se anësori Ermal Krasniqi nuk është ftuar në kombëtare, por që mund të ftohet nëse këto ditë ndonjë lojtar nuk është në formën më të mirë fizike.

“Në krahasim me listën fillestare të cilën e keni parë i kemi dy ndryshime. Ndryshimi i parë është Elbasan Rashani i cili mungon për shkak të lëndimit dhe emri i dytë është Uran Bislimi… Sa i përket Ermal Krasniqit, ai bën pjesë në atë që ne e quajmë paralistë, do të thotë nuk ishte ftuar në këtë grupin prej 25 lojtarëve të cilët i dimë, do të thotë ishte pjesë e kësaj paraliste dhe mbetet të shihet pastaj ne nuk e dimë ende situatën e grupit për shkak se jo të gjithë lojtarët kanë ardhur dhe janë grumbulluar, pastaj kemi disa lojtarë të cilët ndoshta nuk po ndihen mirë si është rasti i Arbnor Mujës, pra mbetet një situatë e cila duhet të shihet, ndoshta edhe ftohet”, theksoi ai.

Në lidhje me numrin e vogël të lojtarëve të ftuar nga Superliga e Kosovës, Giresse theksoi se atyre nuk iu mungon cilësia, por që kombëtarja për momentin ka nevojë për lojtarë me përvojë ndërkombëtare. Ai shtoi se në një fazë siç është kjo e kualifikimeve nuk guxojmë dhe nuk kemi kohë që ti provojmë.

Ndërkohë, menaxheri i kombëtares Bajram Shala ka zbuluar se futbollisti Uran Bislimi ka refuzuar të luajë për Kosovën me arsyetimin se për shkak të dyshtetësisë ende nuk e di nëse do të luajë për Kosovën apo Zvicrën. Në të njëjtën situatë, Shala zbuloi se ndodhet edhe Mërgim Berisha.

Madje për Bislimin, Shala deklaroi se ai i ka humbur të gjitha mundësitë që të luajë për Kosovën.

“Uran Bislimi ka qenë në listë, është ftuar, e ka konfirmuar ardhjen dhe për herë të dytë në tri grumbullimet e fundit Uran Bislimi e ka refuzuar Kosovën edhe besoj që kjo është hera e fundit që ai ka pasur mundësi ta refuzojë Kosovën sepse e ka bërë një gjë të tillë në shtator, kemi treguar mirëkuptim, ka ardhur në nëntor është promovuar me këtë ekip kombëtar e ka puthur fanellën e Kosovës kur ka shënuar gol dhe tani e ka refuzuar edhe njëherë tjetër Kosovën edhe nuk e ka refuzuar ai, por e ka refuzuar përmes klubit. Nuk ka pasur as guxon dhe respekt që ai ta konfirmojë që nuk do të vie”, tha Shala.

Për Berishën, Shala tha se ëndrra e tij është që të luajë me Gjermanin edhe pse Kosova ka bërë gjithçka për të.

“Mërgim Berishën jemi duke e pritur që katër vite e gjysmë. Jemi pajtuar me të në kohën kur ka qenë duke luajtur në Salsburg që të jetë pjesë e ekipit kombëtar në ndeshjet e tetorit të vitit 2019…I kemi ofruar gjithçka që mund t’i ofrohet një lojtari deri tek detajet e pajisjes me patentë shofer në Kosovë, deri aty kemi shkuar me Mërgim Berishën dhe kemi diskutuar me agjentin e tij. Gjithçka që mund t’i ofrohet një lojtari Kosova i ka ofruar Mërgim Berishës, mirëpo nëse ëndrra e tij ka qenë të luaj me Gjermaninë, tash duket se po e realizon ai”, theksoi Shala.

Kosova luan në udhëtim te Izraeli më 25 mars, dhe pastaj me Andorrën në Prishtinë më 28 mars.

Related Topics:
Continue Reading

Rajoni

Samiti i NATO-s në Tiranë nuk do të mbahet në vitin 2027

Published

20 minutes ago

on

November 13, 2026

By

Samiti i NATO-s nuk do të mbahet në Shqipëri vitin e ardhshëm, pavarësisht planeve të mëparshme. Lajmin e ka konfirmuar kryeministri shqiptar, Edi Rama, duke saktësuar se organizimi në Tiranë mund të zhvendoset për në vitin 2028.

Duke folur në Dublin përpara një takimi të liderëve evropianë, Rama deklaroi se ende nuk ka një dakordësi të përbashkët brenda aleancës se kur do të zhvillohet samiti i radhës, por përjashtoi kategorikisht vitin 2027.

“Çështja është se ende nuk ka një qëndrim të përbashkët se kur do të mbahet samiti, por me siguri jo në vitin 2027. Dhe në vitin 2028, nëse do të ketë një samit, ai do të jetë në Tiranë”, tha Rama.

Nga ana tjetër, një zyrtar i NATO-s deklaroi të enjten se “samiti i ardhshëm i NATO-s do të mbahet në Shqipëri”, por shtoi se vendimi për datën ende nuk është marrë.

Sipas raportimeve të agjencisë Reuters, planet për mbajtjen e samitit në Tiranë ishin vënë në dyshim që në muajin qershor, për shkak të rezistencës nga administrata e presidentit amerikan Donald Trump dhe pakënaqësive mes vendeve anëtare lidhur me nivelin e ulët të shpenzimeve të Shqipërisë për mbrojtjen.

Gjithashtu, NATO po shqyrton mundësinë e ndërprerjes së praktikës së samiteve vjetore, një lëvizje që shihet si mënyrë për të shmangur tensione të mundshme me presidentin Trump.

Ndërsa në deklaratën e samitit të Hagës në qershor 2025 parashikohej që takimi në Turqi në vitin 2026 të pasohej nga ai në Shqipëri, në deklaratën e samitit të Ankarasë të mbajtur në korrik të këtij viti, liderët e aleancës nuk përmendën as kohën dhe as vendin e takimit të ardhshëm. /Reuters/

Continue Reading

lajme

IQMT gjobit me 9 mijë euro tri kompani postare dhe ndëshkon tregtarët e paregjistruar online

Published

25 minutes ago

on

November 13, 2026

By

Inspektorati Qendror i Mbikëqyrjes së Tregut (IQMT) ka realizuar 70 inspektime ndaj kompanive të shërbimeve postare që shpërndajnë porositë e realizuara përmes platformave online, duke shqiptuar masa ndëshkuese për shkelësit e ligjit.

Sipas njoftimit të IQMT-së, tri kompani postare janë gjobitur me gjithsej 9,000 euro, pasi kanë refuzuar të ofrojnë të dhënat për bizneset apo personat fizikë nga të cilët kishin pranuar mallrat për transport. Gjithashtu, nga monitorimi i rrjeteve sociale dhe platformave të shitjes, janë identifikuar dhe gjobitur dy persona fizikë që ushtronin veprimtari tregtare të paregjistruar, të cilët janë obliguar të regjistrojnë bizneset e tyre brenda afatit ligjor.

Nga ky aksion inspektues, mbi 100 biznese janë formalizuar duke u regjistruar në Agjencinë për Regjistrimin e Bizneseve të Kosovës (ARBK).

Njëkohësisht, IQMT bën të ditur se ka nisur kontrollet e rrepta për ofertat dhe zbritjet e promovuara me rastin e “Black Friday”. Inspektorati do të verifikojë nëse çmimet e reklamuara me zbritje përputhen me çmimet reale të shitjes, duke paralajmëruar gjoba konform Ligjit për Mbrojtjen e Konsumatorit për çdo praktikë mashtruese. Kontrollet ndaj tregtisë online tashmë janë përfshirë në planin e rregullt të punës së këtij institucioni./E.A/

Continue Reading

Vendi

Vitia pranon mungesën e barnave onkologjike gjatë verës, njofton masa disiplinore ndaj zyrtarëve të vonuar

Published

38 minutes ago

on

November 13, 2026

By

Ministri i Shëndetësisë, Arben Vitia, ka pranuar gjatë interpelancës në Kuvendin e Kosovës se në Klinikën e Onkologjisë ka pasur mungesë të medikamentit “Palbociclib” gjatë muajve korrik dhe gusht të këtij viti, si dhe vonesa në furnizimin me disa barna të tjera esenciale.

Duke sqaruar situatën, Vitia bëri të ditur se “Palbociclib” ishte futur në Listën Esenciale në vitin 2025 me planifikim fillestar për 40 pacientë, por dyfishimi i kërkesave bëri që kontrata të shpenzohej në masën 130% brenda nëntë muajsh. Sipas tij, pamundësia për të hapur procedura të reja pa miratimin e buxhetit dhe dështimi i tenderit të parë për mungesë ofertuesish shtynë furnizimin deri më 18 gusht, pas lidhjes së kontratës së përshpejtuar më 30 korrik 2026.

Bilanci i mungesave dhe masat disiplinore

Ministri pranoi se furnizimi i sivjetshëm në Onkologji nuk ka qenë në nivelin e viteve 2024 dhe 2025, duke paraqitur të dhënat mbi shtrirjen e mungesave:

Palbociclib: Mungoi për gati 9 javë, duke prekur 70 pacientë (dy cikle trajtimi).

Bevacizumab (Avastin): Mungoi për rreth 13 javë, duke prekur 70 pacientë.

Bicalutamide: Mungoi për 12 javë, duke prekur rreth 70 pacientë.

Dabrafenib: Mungoi për 20 javë, duke prekur 12 pacientë.

Sorafenib: Mungesa preku 14 pacientë.

Si shkaqe kryesore ai përmendi mungesën e autorizimeve të marketingut dhe vonesat procedurale. Vitia njoftoi se pas një auditimi të brendshëm janë iniciuar procedura disiplinore ndaj zyrtarëve që nuk kanë reaguar me kohë, ndërsa shtoi se tashmë janë nënshkruar kontrata afatgjata për stabilizimin e furnizimit.

/E.A/

Continue Reading

Lajmet

Përzgjedhësi i Izraelit, Ben Shimon: Kosova ka ekip të mirë, jemi në nivel të përafërt

Published

3 hours ago

on

November 13, 2026

By

Përzgjedhësi i Kombëtares së Izraelit, Ran Ben Shimon, ka vlerësuar lart përfaqësuesen e Kosovës në konferencën për media para përballjes së nesërme ndërmjet dy kombëtareve, duke deklaruar se të dyja ekipet kanë nivel të përafërt.

Tekniku izraelit e cilësoi Kosovën si një kundërshtar cilësor, ndërsa shtoi se bilanci i takimeve të kaluara nuk do të luajë rol përcaktues në këtë sfidë.

“Mendoj që Kosova dhe Izraeli pak a shumë e kanë nivelin e njëjtë. Mund të them që të dyja janë ekipe relativisht të vogla. Sa i përket rezultateve të së kaluarës, nuk bazohemi te historia. Kosova me të vërtetë ka një ekip të mirë, por do të shohim se çfarë do të ndodhë”, tha Ben Shimon.

Ndeshja ndërmjet Kosovës dhe Izraelit zhvillohet nesër, ku të dyja përfaqësueset synojnë rezultat pozitiv. Deri më tani, nga tri përballjet e ndërsjella, Kosova ka arritur të shënojë një fitore. /E.A/

Continue Reading

Të kërkuara