Lajmet

Nga nesër nis greva në çerdhet publike

Ai thekson se nuk dihet se kur do të përfundojë greva.

Published

3 years ago

August 24, 2022

Betim Gashi

Nga nesër çerdhet publike do të fillojnë grevën në gjithë Kosovën. Kryetari i këshillit grevist të Bashkimit të Sindikatave të Pavarura të Kosovës, Rrahman Jasharaj ka paralajmëruar se deri në realizimin e kërkesave të tyre, në grevë do të përfshihet i gjithë sistemi arsimor.

Ai thekson se nuk dihet se kur do të përfundojë greva, derisa i bën thirrje kryeministrit Albin Kurti që të ndryshojë qasjen dhe të realizojë kërkesat për mbështetje prej 100 euro për sektorin publik.

“Greva që fillon nesër dhe që do të vazhdojë deri në zgjidhjen e kërkesave, është ardhur nga Bashkimi i Sindikatave të Pavarura të Kosovës. Jo nga SBAShK-u ose ndonjë federatë, por nga BSPK dhe në pajtueshmëri edhe të SBAShK-ut dhe të federatave të tjera. Fillon nesër dhe do të vazhdojë deri në realizimin e kërkesave të BSPK-së dhe federatave të tjera drejtuara qeverisë”, thekson Jasharaj.

Ai shton se Bashkimi i Sindikatave të Pavarura të Kosovës, muajve të fundit, është angazhuar për nxitjen e dialogut me qeverinë. Megjithatë Jasharaj tregon se një gjë e tillë nuk ka ndodhur. Ai komenton edhe deklaratën e kryeministrit Albin Kurti, i cili ka thënë se paralajmërime të tilla janë kërcënim dhe bojkot.

“Jo, nuk është kërcënim e as bojkot dhe se mund të ketë greva e përgjithshme e kemi paralajmëruar qeverinë përmes mediave dhe përmes shkresave tani e sa muaj. Kemi insistuar dhe jemi angazhuar për dialog. Qeveria Kurti asnjë milimetër nuk e ka bërë në këtë çështje, nuk ka pranuar dialog dhe as të merret me kërkesat tona. Greva ka ardhur si produkt i kësaj çështje, i mungesës së dialogut”, shton Jasharaj.

Kryetari i SBAShK-ut njofton se nga nesër do të fillojë greva në të gjitha çerdhet publike.

“Nga përshtypjet e tyre që na i thanë është se SBAShK-u, sikur herëve të tjera do të jetë unik dhe i tërë sistemi arsimor do të jetë në grevë. Mirëpo, natyra e kësaj greve ndryshon tek arsimi, pasi që nesër në grevë do të kemi çerdhet e Kosovës, ndërsa mësimdhënësit do të jenë në vende të punës, por nuk do të kryejnë asnjë detyrë që do ta kryenin në rrethana normale”, përfundon ai.

Këshilli Grevist i BSPK-së nesër në orën 10:00 do të vizitojë çerdhen “Yllkat” dhe më pas do të takojë shërbyesit civilë në komunën e Prishtinës dhe gjykatat.

Lajmet

Aksident me fatalitet në Skenderaj

Published

45 minutes ago

August 1, 2025

UBTnews

Një aksident trafiku me fatalitet ka ndodhur në Skenderaj.

Dy makina janë aksidentuar teksa vozitësit ishin njëri shtetas i huaj e tjetri shtetas kosovar.

Përveç dëmeve materiale lëndime trupore kanë pësuar gjashtë viktimat, tri femra dhe tre meshkuj kosovarë, teksa mjeku ka konstatuar vdekjen e viktimës fëmijë të përfshirë në këtë aksident.

“Është raportuar se ka ndodhur aksident trafiku në mes dy veturave me vozitës meshkuj, njëri shtetas i huaj ndërsa tjetri kosovar. Përveç dëmeve materiale lëndime trupore kanë pësuar gjashtë viktimat, tri femra dhe tre meshkuj kosovarë. Viktimat janë dërguar për tretman mjekësor, ndërsa nga mjeku kujdestar është konfirmuar se njëra viktimë-femije, ka ndërruar jetë. Me vendim të prokurorit viktima dërgohet në IML për obduksion“, thuhet në raportin e Policisë së Kosovës.

Lajmet

Komuna e Prishtinës njofton qytetarët që nuk kanë deklaruar adresën zyrtare se do kenë kufizime në dokumente civile

Published

46 minutes ago

August 1, 2025

UBTnews

Komuna e Prishtinës ka njoftuar qytetarët se duke filluar nga sot nuk do të ofrohen shërbime për dokumente civile në e-Kosova dhe në e-kioska nëse nuk është regjistruar adresa zyrtare e banimit.

Qytetarët që nuk kanë deklaruar adresën zyrtare, do të kufizohen në lëshimin e dokumenteve si; ekstrakti i lindjes, certifikata e vendbanimit, certifikata e shtetësisë, certifikata e bashkësisë familjare.

Megjithatë kufizime nuk do të ketë në çasjen e dokumenteve si; certifikata e lindjes, e martesës, e gjendjes martesore dhe e vdekjes, dhe poashtu nuk do ketë kufizime në regjistrime të reja si; lindjes, martesës dhe vdekjes.

Ndërlidhja e adresës zyrtare mund të bhëet përmes Agjencinë Kadastrale të Kosovës (AKK) – sportelet 1 dhe 2 në objektin e vjetër të Komunës së Prishtinës, në sportelet e gjendjes civile në objektin e ri të Komunës së Prishtinës dhe online përmes e-Kosova.

Lajmet

Prishtina eliminohet nga kupat evropiane

Published

2 hours ago

August 1, 2025

UBT News

Skuadra nga kryeqyteti nuk e ka siguruar raundin e tretë të kualifikimeve për në Ligën e Konferencës. Ndeshja në kohën e rregullt dhe pas vazhdimeve dy herë nga pesëmbëdhjetë minuta kundër Larne nga Irlanda Veriore përfundoi me rezultatin 1:1.

Golin e epërsisë për Prishtinën në stadiumin “Fadil Vokrri” e shënoi Gjelbrim Taipi në minutën e dhjetë të pjesës së parë.

Leotrim Kryeziu kishte një rast të mirë për të thelluar epërsinë në minutën e 42-të, por portieri mysafir Rohan Ferguson nuk lejoi të befasohej.

Ekipi mysafir erdhi deri te barazimi me golin e Dan Bent në minutën e 56-të, pas një reagimi të vonuar të mbrojtjes vendëse.

Në ekzekutimin e penalltive ekipi nga Irlanda Veriore ishte më e saktë duke fituar me rezultatin 5:4. Ndeshja e parë para një jave në Ballymena Showgrounds të Irlandës Veriore kishte përfunduar pa gola – 0:0.

Kujtojmë, Prishtina u eliminua nga Liga Evropa pas humbjes nga Sheriff Tiraspol me rezultat të përgjithshëm 2:5 (0:4-2:1).

Lajmet

Grabitet një poligon i shenjëtarisë, hajnat marrin armë me vlerë të konsiderueshme

Published

3 hours ago

August 1, 2025

UBTnews

Një poligon i shenjëtarisë është grabitur nga hajnat në Gllogoc.

Raportohet se persona me maskë kanë hyrë me forcë brenda poligonit të shenjëtarisë ku kanë arritur të marrin 30 armë zjarri të kalibrave të ndryshëm dhe me vlerë të konsiderushme monetare.

Rasti është nën hetim nga Policia e Kosovës.

“Ankuesi mashkull kosovar ka raportuar se persona të dyshuar të maskuar kanë depërtuar me forcë brenda poligonit të shenjëtarisë dhe nga aty kanë arritur të marrin rreth 30 armë zjarri të vogla të kalibrave të ndryshëm në vlerë të konsiderueshme. Rasti po hetohet nga ekipet relevante“, thuhet në raportin e Policisë së Kosovës.