 
									 
																		
Magazinë
Nga miliardere në krizë? Rihanna humb 29% të pasurisë
Published
5 months agoon
By
UBT NewsGjatë dy dekadave të fundit, Rihanna është kthyer në një nga njerëzit më të suksesshëm në botë, si në muzikë, ashtu edhe në sipërmarrje. Më 2024, u bë kryefjalë e mediave, pasi pasuria e saj arriti në 1.4 miliardë dollarë, falë suksesit të markës, Fenty Beauty.
Sipas listës Forbes “Gratë më të pasura që e kanë ndërtuar vetë pasurinë në SHBA”, vlera neto e Rihanna-s ka rënë me 29%, rënie prej 400 milionë dollarësh.
Në këtë listë, Rihanna renditet e 35-ta mes grave më të pasura që e kanë ndërtuar vetë suksesin e tyre financiare. Sipas Forbes, disa ndryshime të rëndësishme në strukturën e bizneseve të saj kanë ndikuar negativisht në fitim.
“Pasuria e yllit të pop-it ra me 400 milionë dollarë për shkak të vështirësive në disa prej bizneseve kryesore,” shkruan artikulli.
Një nga goditjet më të mëdha ishte dorëheqja e CEO-së së markës së të brendshmeve, Savage X Fenty, në gusht 2024, i cili mori drejtimin e Victoria’s Secret.
Gjithashtu, Forbes thekson se shitjet në Fenty Beauty mbetën të qëndrueshme, por pa rritje të ndjeshme, edhe pse brenda vitit të kaluar ajo zgjeroi praninë në tregun kinez, një hap i rëndësishëm, por që u përball me një “mjedis sfidues”, siç e cilësoi partneri i saj në këtë biznes, gjiganti luksoz LVMH.
Në listën e Forbes përfshihen edhe emra të tjerë të mëdhenj si Beyoncé Kno2les-Carter, Oprah Winfrey, Serena Williams, Kim Kardashian, Taylor Swift dhe të tjera ikona të njohura të kulturës pop dhe sipërmarrjes.
Megjithatë, pavarësisht rënies financiare, Rihanna ka mbetur jashtëzakonisht aktive. Në prill, Savage X Fenty nxori në treg koleksionin e nusërisë, ndërsa Fenty Beauty riktheu produktet ikonike Body Lava në kohë për verën.
Magazinë
Jesse Eisenberg dhuron veshkën për një të panjohur
Published
1 hour agoon
October 31, 2025By
UBT News 
														Aktori i njohur Jesse Eisenberg, i famshëm për rolet e tij në filmat The Social Network dhe Now You See Me, ka marrë një vendim që po frymëzon shumë njerëz.
Ai ka zbuluar se do të dhurojë një nga veshkat e tij për një person të panjohur – një akt altruist që vetë aktori e quan “një vendim i thjeshtë”.
Në një intervistë për emisionin Today, Eisenberg tha: “Në fakt, do ta dhuroj veshkën time pas gjashtë javësh… është një dhurim altruist. Jam i emocionuar ta bëj këtë.”
Ai shpjegoi se dhurimi altruist do të thotë t’i japësh një organ një personi që nuk e njeh, thjesht për ta ndihmuar të mbijetojë. Eisenberg theksoi se procesi është “thelbësisht pa rrezik dhe i domosdoshëm” dhe shumë njerëz nuk e kuptojnë se sa shumë mund të ndryshojnë jetë me një gjest të tillë.
“Mendoj se njerëzit do ta kuptojnë që është një vendim i thjeshtë, nëse ke kohën dhe dëshirën për ta bërë,” shtoi ai.
Sipas të dhënave të HRSA, në Shtetet e Bashkuara ka rreth 90,000 persona që presin një transplant veshke, gjë që e bën këtë akt bujar edhe më të rëndësishëm dhe frymëzues. /A.Z/UBT News/
Magazinë
Billie Eilish u bën apel miliarderëve për më shumë bamirësi në prani të Mark Zuckerberg
Published
3 hours agoon
October 31, 2025By
UBT News 
														Billie Eilish mendon se miliarderët duhet të bëjnë më shumë për botën. Fituesja e disa çmimeve Grammy mori Çmimin e Inovatores Muzikore në “WSJ. Magazine Innovator Awards” të mërkurën, më 29 tetor, dhe gjatë fjalimit të saj të pranimit, e përdori momentin për të ndarë një mesazh me peshë shoqërore.
“Jemi në një periudhë kur bota po kalon kohë të vështira e të errëta, e njerëzit kanë nevojë për më shumë empati dhe ndihmë se kurrë më parë, veçanërisht në vendin tonë,” u shpreh Eilish para të ftuarve.
“Nëse ke para, do të ishte bukur t’i përdorje për diçka të mirë — ndoshta për t’i ndihmuar ata që kanë më shumë nevojë.”
Ajo nuk nguroi t’u drejtohej drejtpërdrejt disa personave në sallë: “Ju dua të gjithëve, por disa prej jush këtu keni shumë më tepër para se unë. Nëse je miliarder… pse je ende miliarder? Pa urrejtje, por, po — jepni paratë tuaja.”
Fjalët e saj u pritën me disa të qeshura dhe duartrokitje të përmbajtura nga audienca në Muzeun e Artit Modern, ku ishin të pranishëm Mark Zuckerberg me Priscilla Chan, si edhe emra të njohur si Hailey Bieber, Spike Lee, George Lucas, Ben Stiller, Chris Rock, Tory Burch, Questlove, Karlie Kloss dhe të tjerë.
Sipas një dëshmitari për revistën PEOPLE, Zuckerberg mbeti i përmbajtur dhe nuk duartrokiti pas komenteve të Eilish. Aktualisht, themeluesi i Facebook-ut renditet si personi i tretë më i pasur në botë, me një pasuri neto prej rreth 257 miliardë dollarësh, sipas Forbes.
Zuckerberg dhe Chan ishin të pranishëm në ceremoni pasi kjo e fundit u nderua me “Inovatore e Filantropisë në Shkencë 2025”.
Priscilla Chan, e cila është mjeke pediatre, u vlerësua për kontributin e saj përmes nismës Chan Zuckerberg Initiative, që synon zhvillimin e mjeteve të reja për identifikimin dhe trajtimin e sëmundjeve. Në profilin e botuar nga WSJ. për Chan, theksohet se ajo dhe Zuckerberg kanë premtuar të dhurojnë 99% të aksioneve të tyre në Meta për qëllime bamirësie gjatë jetës së tyre. /A.Z/UBT News/
Magazinë
“Warner Bros” zyrtarizon filmin “Hello Kitty”, që do të dalë në kinema në korrik 2028
Published
20 hours agoon
October 30, 2025By
UBT News 
														“Warner Bros” ka njoftuar se filmi i i animuar “Hello Kitty”, me regji nga Leo Matsuda, do të shfaqet në kinema më 21 korrik 2028.
Ky projekt realizohet në bashkëpunim mes “Warner Bros Pictures Animation” dhe “New Line Cinema”, dhe do të sjellë në ekranin e madh personazhin klasik të kompanisë japoneze “Sanrio” — macen e famshme Hello Kitty, ka raportuar The Hollywood Reporter.
Lajmi u bë publik përmes një postimi në Instagram, ku studioja shkroi: “Hello Hollywood. #HelloKittyMovie po vjen në kinema më 21 korrik 2028!”
Edhe pse detajet e historisë nuk janë zbuluar ende, skenarin e ka shkruar Dana Fox, e njohur për “Wicked”, producent është Beau Flynn, me Shelby Thomas që mbikëqyr projektin për Flynn Picture Company.
Personazhi Hello Kitty u krijua më 1974 nga Yuko Shimizu, si një mace e bardhë britanike me emrin Kitty White, e njohur për fjongon e kuqe karakteristike.
Që prej asaj kohe, ajo është shndërruar në ikonë globale, me seriale të animuara, produkte të shumta dhe fansa në mbarë botën.
Planet për një film janë diskutuar prej më shumë se një dekade. Që në vitin 2015, “Sanrio” shprehi interes për ta përshtatur historinë në ekran ndërsa në 2019, The Hollywood Reporter raportoi se “New Line” dhe “FlynnPictureCompany” po zhvillonin një film në anglisht.
Ky do të jetë projekti i parë hollivudian që përfshin zyrtarisht Hello Kitty dhe personazhe të tjerë të “Sanrio”-s si Gudetama, My Melody dhe Little Twin Stars.
“Themeluesi i Sanrio-s, Shintaro Tsuji, në atë kohë kishte deklaruar: ‘Jam i lumtur që Hello Kitty dhe personazhe tjerë të njohur të Sanrio-s do të bëjnë debutimin në Hollywood. Hello Kitty ka qenë simbol i miqësisë, dhe shpresoj që ky film ta zgjerojë edhe më shumë atë frymë miqësie në mbarë botën.’”
Ndërkohë, FlynnPictureCompany po punon paralelisht edhe në versionin me aktorë të vërtetë të filmit “Moana” për Disney, me aktorët Dwayne Johnson dhe Catherine Laga’aia, që pritet të dalë në kinema më 10 korrik 2026. /A.Z/UBT News/
Magazinë
Shkoi i dehur në xhirime! Colin Farrell: E përsërita 46 herë skenën
Published
21 hours agoon
October 30, 2025By
UBT News 
														Aktori irlandez Colin Farrell ka ndarë një nga momentet më të sikletshme të karrierës së tij gjatë një interviste në emisionin “The Late Show with Stephen Colbert”, duke kujtuar një përvojë nga xhirimet e filmit “Minority Report” (2002), ku ai luante përkrah Tom Cruise.
Ngjarja ka ndodhur më 31 maj, në ditëlindjen e tij, kur Farrell kishte kërkuar të mos punonte atë ditë, por kërkesa e tij ishte refuzuar nga produksioni.
Pas një nate feste të tepruar, ai u paraqit në xhirime i lodhur dhe në gjendje të keqe. Farrell ka treguar me humor se kishte kërkuar “gjashtë birra dhe një kuti cigare” për t’u ndier më mirë, por as kjo nuk e ndihmoi.
Gjatë xhirimeve të një skene me Cruise, aktori pati vështirësi për të shqiptuar një fjali të gjatë shkencore, duke bërë plot 46 tentativa për ta thënë siç duhet.
“Tom nuk ishte shumë i lumtur me mua,” ka pranuar Farrell duke qeshur.
Ai ka rrëfyer se kjo periudhë përkoi me betejën e tij ndaj varësisë nga droga dhe alkooli, me të cilat u përball për 16 vjet.
Më vonë, shkoi në rehabilitim dhe që prej atëherë ka qëndruar i pastër.
Sot, Colin Farrell gëzon një karrierë të qëndrueshme dhe suksese të shumta, duke përfshirë edhe një nominim për “Oscar” në vitin 2023, duke dëshmuar se ka nxjerrë mësime të vlefshme nga e kaluara. /A.Z/UBT News/
 
											Fundi i arratisjes, 30-vjeçari bie në prangat e policisë
 
											Ja lista me ushqime që mbajnë yndyrën në gjak nën kontroll
 
											Ekspertët paralajmërojnë: Telefonat para moshës 13 vjeç ndikojnë tek zhvillimi emocional i fëmijëve
 
											Jesse Eisenberg dhuron veshkën për një të panjohur
 
											Nga video në blerje! YouTube e kthen televizorin në platformë inteligjente
 
											Presidentja Osmani pret sot në takim liderët e partive politike
 
											Si të mbroheni nga alergjitë sezonale?
 
											Mbi 2 mijë e 400 gjoba trafiku shqiptohen nga Policia e Kosovës në 24 orët e fundit
 
											Sekretet e mëngjesit që dallojnë njerëzit inteligjentë nga të tjerët
Të kërkuara
- 
   Lajmet2 months ago Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis 
- 
   Rajoni1 month ago Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT 
- 
   Aktualitet1 week ago Aktualitet1 week agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë 
- 
   Vendi2 months ago Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën 

 
									 
									 
																	 
									 
																	