Kulturë

Nga Lady Gaga te Barack Obama

Personalitetet, shkencëtarët dhe artistët “super”… mëngjarashë!

Published

5 years ago

on

Italianët Valentino Rossi, Fabio Grosso, Gigi Riva, Giuseppe Rossi dhe Mariolino Corsi mes atletëve; Paola Turci dhe Marco Castoldi, në mesin e muzikantëve. Dhe në botë? Lady Gaga, Justin Bieber, Paul McCartney, Jennifer Lawrence.

Midis drejtuesve, Bill Gates, Steve Forbes, Henry Ford, David Rockefeller, Lou Gerstner (ish-president i IBM dhe tani kreu i fondeve të investimeve) dhe ish-presidenti amerikan Barack Obama.

Lista e emrave të shquar që mbushin radhët e personave mëngjarashë, domethënë ata që përdorin gjerësisht dorën e majtë, është e madhe.

Pikërisht këtyre u është kushtuar edhe një ditë ndërkombëtare, 13 gusht.

Ideja e një ditë të tillë u krijua në mënyrë që veçantia e përdorimit të dorës së majtë në një mënyrë mbizotëruese të konsiderohet si një burim shtesë dhe jo një defekt, siç besohej në të kaluarën.

Për të thyer klishetë, që ende duket se vazhdojnë në familjet në të gjithë botën, lindi Dita Ndërkombëtare e Mëngjarashëve, një ngjarje e themeluar zyrtarisht nga klubi londinez “Lefthanders International” në 1992 dhe me origjinë nga një ngjarje e përsëritur që daton nga 1973.

Personat mëngjarashë kanë simetri dhe komunikim më të mirë midis dy hemisferave të trurit, sesa ata që përdorin dorën e djathtë dhe kjo u mundëson atyre të përshtaten më shpejt me ndryshimet dhe rrethanat e papritura.

Kjo aftësi, gjithashtu, i ndihmon ata që të kenë ide origjinale shumë më lehtë, një koeficient inteligjence më të lartë dhe aftësi më elokuente, sipas klubit anglez “Lefthanders International”.

Midis mëngjarashëve me aftësi intelektuale dhe artistë superiorë ndaj të tjerëve, janë edhe Aristoteli, Frederick Nietzsche, Alan Turing dhe Michelangelo, MC Escher, Matt Groening (krijuesi i Simpsons); super atletët John McEnroe, Pele, Martina Navratilova dhe, sigurisht, Fred Astaire, Charlie Chaplin, Oprah Winfrey dhe Robert De Niro.

Related Topics:
Continue Reading

Lajmet

Kosova për herë të parë në ekspozitën e UIA-së në Barcelonë, prezantohet arkitektura kosovare në skenën globale

Published

6 hours ago

on

June 30, 2026

By

Kosova po merr pjesë për herë të parë në Ekspozitën e Seksioneve Anëtare të UIA-së (UIA Member Sections Exhibition), e cila po mbahet në kuadër të Kongresit Botëror të Arkitektëve UIA 2026 në Barcelonë.

Vendi po përfaqësohet nga Asociacioni i Arkitektëve të Kosovës, në një ekspozitë ndërkombëtare ku marrin pjesë 55 shtete nga 121 shtete anëtare të UIA-së. Kjo pjesëmarrje vlerësohet si një hap i rëndësishëm për promovimin e arkitekturës kosovare dhe forcimin e pranisë së saj në arenën ndërkombëtare.

Sipas organizatorëve, prezantimi i Kosovës në këtë forum prestigjioz përbën një moment të rëndësishëm për afirmimin e arkitekturës vendore, si dhe për thellimin e bashkëpunimit profesional, shkëmbimin e përvojave dhe integrimin në rrjetin global të arkitekturës./A.K/

Continue Reading

Lajmet

Prishtina organizon ngjarje për 250-vjetorin e SHBA-së, theksohet partneriteti Kosovë–SHBA

Published

9 hours ago

on

June 30, 2026

By

Kryetari i Komunës së Prishtinës, Përparim Rama, ka njoftuar organizimin e një ngjarjeje të veçantë nën patronatin e Kryeqytetit me rastin e 250-vjetorit të pavarësisë së Shteteve të Bashkuara të Amerikës.

Ngjarja, me titull “America and Kosova – A Freedom Story for the Next 250 Years”, do të mbahet më 2 korrik, duke filluar nga ora 10:00, në Emerald në Prishtinë.

Sipas Ramës, aktiviteti synon të vërë në pah partneritetin e veçantë ndërmjet Kosovës dhe SHBA-së, si dhe të trajtojë historinë e lirisë dhe miqësisë mes dy vendeve.

Ai ka theksuar se kjo ngjarje do të fokusohet në bashkëpunimin e vazhdueshëm që, sipas tij, ka kontribuar në ndërtimin e së ardhmes dhe forcimin e marrëdhënieve ndërmjet dy shteteve./A.K/

Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

11 hours ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

1 day ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Të kërkuara