Sport

Nga kualifikimi dramatik te dëshpërimi në Paris, rrëfimi i trajneres Sallauka për rrugëtimin e Donjeta Sadikut

Published

2 years ago

September 4, 2024

Betim Gashi

Pjesëmarrja në Lojërat Olimpike ishte njëri nga synimet më të mëdha të boksieres Donjeta Sadiku dhe arritja e këtij qëllimi kaq madhor nuk ishte aspak i lehtë. Trajnerja e Sadikut, Marjola Sallauka, e cila ka folur për vështirësitë nëpër të cilat ka kaluar Sadiku për t’u kualifikuar në olimpiadë.

Ajo thotë se përkundër luftërave të vështira që e prisnin rrugës, ishte e bindur se Sadiku do të kualifikohej për në Lojërat Olimpike.

“Kualifikimi në fund ka qenë qershia mbi tortë sepse kualifikimi ka qenë një ndër garat më të vështira që e kemi pasur. Kampionati Botëror, Kampionati Evropian i ka vështirësitë e veta, mirëpo kualifikimet që janë mbajtur në Itali kanë qenë sfidë në vete. Ka qenë shumë e përgatitur, në formë shumë të mirë, i ka zhvilluar katër meçe në përgjithësi me kundërshtaret më të forta që i ka pasur në kategori. Do ta veçoja meçin me italian që ka qenë meçi vendimtar që Donjeta të kualifikohet për në Paris. Sfidë e madhe ka qenë për shkak se kualifikimet janë mbajtur në Itali dhe meçi vendimtar ka qenë me një italiane dhe dihet që vendase kur je ke përparësi, por nuk kam dyshuar që me Donjetën do ta arrijmë këtë kualifikim. E kam parë në mendjen e Donjetës, në atë që ajo ka besuar…Ne si trajnerë e ndjejmë, e dimë dhe i kuptojmë boksierët, kështu që e kam ditur sigurt që Donjeta është e pandalshme në atë kualifikim”, tha fillimisht Sallauka.

Medaljet e shumta evropiane e botërore, por edhe kualifikimi në olimpiadë, Sallauka tregon që u arritën fal një pune e përkushtimi të rrallë të Donjetës në stërvitje, aty ku në disa raste ka edhe temperament më të lartë se sa që duhet.

“Sfida me Donjetën nuk kam, në trajnim sidomos, nuk ndodh asnjëherë. Donjeta beson shumë në punën time dhe çfarë do që them ajo i përmbahet atyre këshillave. Ndoshta nervoza e saj e vetme në sallë është kur i shpjegoj diçka dhe nuk mund ta bëjë menjëherë, kështu që ajo bëhet nervoz me vetveten pse nuk po mund ta bëjë dhe kjo më pëlqen shumë tek Donjeta sepse nuk ndalet derisa t’i përmirëson ato. Do të thotë nervoza e saj e vetme dhe përballja jonë e vetme është kjo që bëhet nervoz kur nuk mund të bëjë diçka menjëherë”, thotë Sallauka.

Përkundër pritjeve më të mëdha, në Paris nuk u arritën synimet e boksieres për të rrëmbyer medalje, por Sallauka thotë se nuk ka vend për dëshpërim.

“Kemi besuar shumë në medalje sepse e di çfarë punë ka bërë Donjeta, mirëpo jo gjithmonë gjerat shkojnë ashtu siç ne presim. Unë nuk jam e dëshpëruar me atë çfarë ka ndodhur, edhe pse Donjeta nuk arriti të marr medalje, Donjeta është e re, unë besoj shumë që edhe dy olimpiada Donjeta mund t’i zë dhe atë në formën më të mirë të mundshme…Në olimpiadën e ardhshme do të jetë edhe më e kompletuar dhe besoj shumë në suksesin e saj”, theksoi Sallauka.

Më tutje, Sallauka sqaron në detaje edhe videon e bërë virale ku ajo shihet duke e motivuar Sadikun në luftën e parë të saj në ring në Paris.

“Emocionet e trajnerëve është vështirë të shpjegohen me fjalë. Kjo video virale nuk e di edhe pse u bë virale sepse ajo që kam qenë në atë video jam edhe ndoshta në shumë meçe tjera, nuk po them në të gjitha, por vjen një moment kur sportistin tënd duhet ta motivosh më shumë edhe me fjalë. Kundërshtaren që e ka pasur ka qenë një ndër kundërshtaret më të forta, ajo njihet për forcë si më e fuqishmja ne të gjithë kategorinë 60 kilogramë…Me Donjetën e kam një komunikim shumë të mirë në ring, si do që të ndihet ajo, lodhjen më të vogël, lëndimin më të vogël mua më duhet ta di dhe ndoshta ka marr bujë kjo video me këshillat e mia sepse mua më pyesin shumë çfarë doje të thoje ‘mos e shtyj, por shtyje duke punuar’, dhe shumë njerëzve kur ua shpjegoj çfarë kam dashur të them me atë, e kuptojnë se ka qenë një keqkuptim. Unë i kam thënë ‘mos e shtyj me duar’ sepse nuk është e lejueshme në sport të shtyhet pa goditje, kështu që i kam thënë ‘mos e shtyj me duar, por shtyje duke punuar”, tregon Sallauka.

Por, humbja në luftën e dytë dhe mbetja pa medalje, Sallauka thotë se e “theu shpirtërisht” Donjetën.

“Nuk ka qenë dita e saj, mund të them se nuk ishte as 50 përqindshi i Donjetës që është në të vërtetë. Ka qenë një dëshpërim shumë i madh sepse e ka pritur fitoren, e kuptoj shumë mirë dëshpërimin e saj, e kuptoj atë reagim të saj që nuk ka dashur as të ekspozohet, ka qenë e thyer për disa ditë, mirëpo unë e di dhe e kuptoj që në ta ardhmen Donjeta do të jetë shumë më ndryshe dhe shumë më e fortë sepse çdo dëshpërim që e ka pasur Donjeta në karrierën e saj e ka kthyer në forcë, kështu që ndonjëherë edhe dëshpërimet janë të mira sepse mund të jenë motiv shtesë për të ardhmen”, thotë Sallauka.

Trajnerja shtoi në fund se puna për të fituar medalje evropiane e botërore nga Donjeta tashmë veç se ka nisur, derisa synimi për medalje olimpike mbetet pika kryesore e karrierës së saj.

Related Topics:Lojerat Olimpike Donjeta Sadiku Marjola Sallauka

Up Next

Kapiteni viziton bashkëlojtarët, Trepça e lumtur që Hajrizi po e merr veten

Don't Miss

“Dardanët” stërviten në “Fadil Vokrri”

Sport

Vusal Isgandarli shpallet “Ylli i Javës” në Superligë

Published

15 hours ago

September 7, 2026

UBTNews

Vusal Isgandarli është shpallur “Ylli i Javës” për xhiron e katërt të Albi Mall Superligës së Kosovës.

Sulmuesi i FC Malisheva u vlerësua për paraqitjen e tij fantastike në ndeshjen ndaj SC Gjilanit, ku shënoi plot tre gola dhe ishte vendimtar në fitoren 3-1 të skuadrës së tij.

Hat-tricku i Isgandarlit i siguroi Malishevës tri pikë të rëndësishme, me skuadrën që aktualisht kryeson tabelën e Superligës.

Çmimi tradicional “Ylli i Javës” ndahet nga Federata e Futbollit e Kosovës, në bashkëpunim me sponsorin zyrtar të Superligës, Albi Mall, ndërsa përzgjedhja bëhet nga Komisioni i Veteranëve të Futbollit.

Me tre gola në një ndeshje dhe një tjetër paraqitje vendimtare, Isgandarli është shpërblyer me çmimin për futbollistin më të dalluar të xhiros së katërt.

D.L

Sport

Taranto 2026 mbyllet me rekord medaljesh, ja bilanci për Kosovën dhe rajonin

Published

16 hours ago

September 7, 2026

UBTNews

Lojërat Mesdhetare “Taranto 2026” kanë përfunduar pas 15 ditësh garash, me Italinë që dominoi bindshëm në tabelën e medaljeve. Në këtë edicion morën pjesë 26 shtete dhe rreth 3 mijë e 800 sportistë, ndërsa u ndanë gjithsej 1 mijë e 853

Në krye të renditjes përfundimtare qëndroi Italia, nikoqire e Lojërave, me plot 224 medalje, prej tyre 74 të arta, 78 të argjendta dhe 72 të bronzta. Italia vendosi kështu edhe një rekord të ri të Lojërave Mesdhetare.

Në vendin e dytë u rendit Turqia, me 111 medalje – 41 të arta, 28 të argjendta dhe 42 të bronzta. Podiumi u kompletua nga Greqia, e cila fitoi 71 medalje, përfshirë 26 të

Franca përfundoi me 88 medalje, ndërsa Spanja me 81. Pas tyre u renditën Egjipti me 58, Maroku me 44, Algjeria me 40 dhe Kroacia me 39 medalje.

Kosova me nëntë medalje

Kosova e mbylli këtë edicion me një bilanc prej 9 medaljesh: 2 të arta, 3 të argjendta dhe 4 të bronzta.

Delegacioni kosovar ishte më i madhi në histori, me 163 sportistë në 21 sporte. Nëntë sportistë arritën të fitojnë medalje, që përbën një rekord për Kosovën në Lojërat

Medaljet e arta u fituan nga Donjeta Sadiku në boks dhe Islam Selmani në karate. Xhudoja solli pesë medalje, ndërsa dy medalje të argjendta erdhën nga peshëngritësi

Kosova u rendit në vendin e 15-të në tabelën përfundimtare.

Shqipëria dhe vendet e rajonit

Shqipëria e mbylli garën me 6 medalje – 2 të arta, 1 të argjendtë dhe 3 të bronzta, duke u renditur në vendin e 16-të.

Kroacia, ndërkohë, pati një paraqitje dukshëm më të suksesshme, me 39 medalje, përfshirë 6 të arta.

Sllovenia fitoi 19 medalje, ndërsa Bosnja dhe Hercegovina, Mali i Zi dhe Maqedonia e Veriut nga 6 medalje secila. Mali i Zi dhe Maqedonia e Veriut fituan nga një medalje e artë, dy të argjendta dhe tri të bronzta.

Bilanci i disa prej shteteve kryesore

Italia: 224 medalje – 74 të arta, 78 të argjendta, 72 të bronzta

Turqia: 111 – 41 të arta, 28 të argjendta, 42 të bronzta

Franca: 88 – 25 të arta, 21 të argjendta, 42 të bronzta

Spanja: 81 – 18 të arta, 35 të argjendta, 28 të bronzta

Greqia: 71 – 26 të arta, 26 të argjendta, 19 të bronzta

Egjipti: 58 – 23 të arta, 16 të argjendta, 19 të bronzta

Kroacia: 39 – 6 të arta, 18 të argjendta, 15 të bronzta

Sllovenia: 19 – 3 të arta, 4 të argjendta, 12 të bronzta

Kosova: 9 – 2 të arta, 3 të argjendta, 4 të bronzta

Shqipëria: 6 – 2 të arta, 1 të argjendtë, 3 të bronzta

Maqedonia e Veriut: 6 – 1 e artë, 2 të argjendta, 3 të bronzta

Mali i Zi: 6 – 1 e artë, 2 të argjendta, 3 të bronzta

Bosnja dhe Hercegovina: 6 – 1 e artë, 0 të argjendta, 5 të bronzta.

Një tjetër moment historik ishte ceremonia përmbyllëse, ku flamuri i Lojërave Mesdhetare iu dorëzua Prishtinës, e cila do të jetë nikoqire e edicionit të ardhshëm në vitin 2030.

D.L

Sport

Cristian Tello i jep fund karrierës në moshën 35-vjeçare

Published

16 hours ago

September 7, 2026

UBTNews

Ish-sulmuesi i Barcelonës, Cristian Tello, ka njoftuar tërheqjen nga futbolli profesionist në moshën 35-vjeçare.

Tello, i formuar në akademinë e njohur të Barcelonës, La Masia, u bë i njohur gjatë periudhës së tij me gjigantin katalanas.

Gjatë karrierës, spanjolli ka veshur fanellat e disa klubeve, përfshirë Porton, Fiorentinën, Real Betisin, Al-Fateh, Al-Orobah dhe Los Angeles, ndërsa aventura e tij e fundit ishte te Palm City në Emiratet e Bashkuara Arabe.

Me Barcelonën, Tello fitoi titullin e LaLigës, ndërsa me Real Betisin triumfoi në Kupën e Mbretit. Ai gjithashtu fitoi MLS Cup me Los Angeles.

Në një mesazh për largimin nga futbolli, Tello ka falënderuar sportin që i dha mundësinë të luante në nivelin më të lartë për 16 vjet.

“Sot është një nga ato ditë të vështira për çdo lojtar. Është koha t’i them lamtumirë futbollit profesionist. Nuk do ta kisha imagjinuar kurrë se do të mund të shijoja atë që dua, në nivelin më të lartë, për 16 vjet. E konsideroj veten vërtet të privilegjuar. Tani fillon një kapitull i ri në jetën time.”

Me fanellën e Barcelonës, ish-sulmuesi i krahut regjistroi 86 paraqitje, duke shënuar 20 gola dhe 14 asistime.

Tello largohet nga futbolli profesionist pas një karriere 16-vjeçare, në të cilën pati mundësinë të luante në disa prej kampionateve më të njohura të Evropës dhe më gjerë.

D.L

Sport

Zhegrova mbetet te Juventusi, dështon transferimi te Al-Ittihad

Published

20 hours ago

September 7, 2026

UBTNews

Edon Zhegrova do të ketë një tjetër mundësi për të fituar besimin te Juventusi, pasi transferimi i mundshëm i tij te skuadra saudite Al-Ittihad nuk do të realizohet.

Ylli i Kombëtares së Kosovës ka qenë në qendër të vëmendjes gjatë kësaj vere, për shkak të spekulimeve të vazhdueshme për një largim nga “Zonja e Vjetër”.

Në ditët e fundit, situata u bë edhe më e paqartë pasi trajneri Luciano Spalletti vendosi të mos e përfshijë Zhegrovën në listën e lojtarëve për Ligën e Evropës.

Një nga destinacionet e përfolura për sulmuesin kosovar ishte Al-Ittihad, por kjo mundësi tashmë është mbyllur.

Sipas ekspertit të transferimeve Fabrizio Romano, ishte pikërisht klubi saudit ai që vendosi të mos vazhdonte me negociatat për transferimin e Zhegrovës.

“Edon Zhegrova nuk do t’i bashkohet Al-Ittihadit. Afati kalimtar në Arabinë Saudite tashmë është mbyllur dhe Al-Ittihad vendosi të mos e vazhdojë marrëveshjen për Zhegrovën. Ai ishte i treti në listën e tyre, por në fund zgjodhën të mos e realizonin këtë transferim”, ka raportuar Romano.

Kësisoj, Zhegrova do të mbetet te Juventusi dhe tashmë sfida e tij kryesore është të bindë Spallettin se meriton më shumë hapësirë në skuadër.

Sulmuesi kosovar u aktivizua edhe në derbin ndaj AC Milanit, por pati shumë pak kohë për të treguar vlerat e tij, pasi u inkuadrua në lojë vetëm në minutën e 89-të.

Tani, me mundësinë e largimit nga Torino të mbyllur, Zhegrova duhet të shfrytëzojë çdo minutë në dispozicion për të rikthyer veten në planet e trajnerit italian.

D.L