

Kulturë
Nga dritaret e Parisit në arkivat e Tiranës: Arkivimi i dorëshkrimeve në tempullin e kulturës shqiptare
Published
11 months agoon
By
Betim GashiFondi i veprave letrare të shkrimtarit të madh Ismail Kadare është tani në duar të sigurta në Drejtorinë e Përgjithshme të Arkivave (DPA). Më 22 gusht 2024, familjarët e Kadaresë dorëzuan për ruajtje, administrim, restaurim dhe digjitalizim të gjithë koleksionin e tij të vyer letrar në një ceremoni të veçantë që theksoi rëndësinë e këtij arkivi për kulturën shqiptare.
Kryeministri Edi Rama njoftoi se dorëshkrimet e Kadaresë, përfshirë veprat e pabotuara, skicat e ideve dhe drafte të punimeve të tij, do të ruhen në një pavijon të veçantë të DPA-së. Ky hap është një mundësi për të siguruar që pasuria kulturore e Kadaresë të mbetet e ruajtur dhe e aksesueshme për studiuesit dhe publikun e gjerë, shkruan Agjencia Telegrafike Shqiptare.
Drejtori i Përgjithshëm i Arkivave, Ardit Bido, dhe vajza e shkrimtarit, Gresa Kadare, ndanë mendimet e tyre mbi rëndësinë e këtij arkivi. Bido shprehu kënaqësinë dhe nderin që ndjejnë për pasurimin e DPA-së me këtë koleksion të veçantë. Ai theksoi se dokumentet e Kadaresë, të cilat ai i ruante me kujdes gjatë jetës së tij, tani do të jenë në një ambient të përshtatshëm për ruajtje dhe studim.
“Është një nder dhe kënaqësi për DPA që të ketë në përbërjen e saj dorëshkrime të rralla dhe të rëndësishme të shkrimtarit tonë të madh kombëtar. Këto dokumente, të cilat janë ruajtur me shumë dashuri dhe kujdes, do të jenë tani në duar profesionale që do të sigurojnë ruajtjen e tyre për brezat e ardhshëm,” tha Bido. Ai gjithashtu falënderoi Gresa Kadarenë dhe familjen e shkrimtarit për besimin dhe përkushtimin ndaj ruajtjes së këtij arkivi të çmuar.”
Gresa Kadare, e cila luajti një rol kyç në dorëzimin e arkivës, ndau arsyet që e shtynë drejt këtij vendimi. Ajo përmendi se disa institucione të huaja kishin shprehur interes për të marrë arkivën e Kadaresë, përfshirë Universitetin e Sorbonës dhe Universitetin Princeton. Megjithatë, Ismail Kadare kishte hezituar të merrte një vendim të prerë për destinacionin e arkivës, dhe kjo e pengonte atë, shkruan ATA.
“Ismaili ishte në mëdyshje për të vendosur se ku do të dërgohej arkiva e tij. Pas diskutimeve dhe reflektimeve, vendosa të realizoj amanetin e tij dhe të besoj këtë pasuri kulturore në Drejtorinë e Përgjithshme të Arkivave,” tha Gresa Kadare.
Ajo gjithashtu shprehu emocionin e saj që dorëshkrimet e Kadaresë do të prehen pranë Kodikëve të Beratit, duke e konsideruar këtë si një mënyrë për të ndihmuar në ruajtjen dhe promovimin e trashëgimisë kulturore shqiptare.
Mes materialeve të dorëzuara përfshihen dorëshkrimet e veprave si “Spiritus”, “Darka e gabuar”, “Ra ky mort e u pamë”, dhe “Jeta, loja dhe vdekja e Lul Mazrekut”, si dhe blloqe shënimesh, albume me foto familjare dhe dekreti i shtetësisë së Republikës së Kosovës. Ky arkiv është një aset i vyer për historinë letrare dhe kulturore shqiptare dhe do të ofrojë mundësi të reja për studimin e krijimtarisë së Kadaresë në të ardhmen./UBTNews/
Magazinë
Justin Timberlake zbulon se vuan nga sëmundja Lyme
Published
13 minutes agoon
August 1, 2025By
UBT News
Justin Timberlake ka vendosur të zbulojë publikisht se është diagnostikuar me sëmundjen Lyme.
Ai ndau në Instagram se po përballej me probleme shëndetësore dhe se ishte diagnostikuar me sëmundjen Lyme.
“Nëse e keni përjetuar këtë sëmundje, ose njihni dikë që e ka përjetuar, atëherë jeni të vetëdijshëm se të jetosh me të mund të jetë shumë e lodhshme, si mendërisht ashtu edhe fizikisht”, tha ai.
Kjo njohje erdhi ndërsa Timberlake po përfundon turneun e tij dyvjeçar “Forget Tomorrow”, gjatë të cilit u kritikua për performanca të dobëta.
“Pas kësaj, të paktën munda ta kuptoja pse ndjeva dhimbje të madhe dhe thjesht lodhje e të përziera të çmendura në skenë”, pohon ai.
Lyme transmetohet nga pickimi i një rriqre të infektuar e mund të shkaktojë simptoma të ngjashme me gripin, si dhimbje koke, dhimbje të kyçeve dhe lodhje.
Simptomat e mëvonshme mund të përfshijnë paralizë të fytyrës, mpirje, ënjtje të kyçeve dhe dëmtim të nervave.
Duke folur më tej rreth diagnozës, Timberlake tha se kishte vështirësi me vendimin për të vazhduar turneun pavarësisht problemeve shëndetësore.
“Kam hezituar të flas për këtë sepse gjithmonë jam rritur duke i mbajtur gjërat për vete. Megjithatë, po përpiqem të jem më transparent në lidhje me problemet e mia në mënyrë që ato të mos keqinterpretohen. Po i ndaj të gjitha këto me shpresën se të gjithë mund të gjejmë një mënyrë për t’u lidhur më shumë. Do të doja të bëja pjesën time për të ndihmuar të tjerët që po luftojnë me këtë sëmundje”, pohon tutje.
Magazinë
Dua Lipa merr shtetësinë e Kosovës me dekret presidencial
Published
3 hours agoon
August 1, 2025By
UBT News
Presidentja e Kosovës, Vjosa Osmani, e ka mirëpritur të enjten në takim yllin botëror të muzikës, Dua Lipa, së cilës, me dekret presidencial, ia ka dhënë shtetësinë e Republikës së Kosovës.
Lajmin e ka bërë të ditur Osmani përmes një postimi në rrjetin social ‘Facebook’.
“Nder i veçantë që sot, me dekret presidencial, t’ia jap shtetësinë e Republikës së Kosovës, Dua Lipës, një prej personaliteteve më të rëndësishme kulturore dhe artistike në historinë e vendit tonë”, ka shkruar Osmani.
Ajo ka thënë se Dua dhe Kosova kanë qenë gjithmonë të pandashme.
“Ajo ka qenë dhe vazhdon të jetë një nga zërat më të fuqishëm në skenat më të mëdha të botës, duke bërë histori me të arriturat e saj dhe duke u shndërruar në inspirim për miliona njerëz anekënd globit”.
Teksa ka shprehur mirënjohje të pafund ndaj Lipës.
“Dua ka bërë dhe vazhdon të bëjë për Kosovën, për rininë tonë, për artin tonë dhe për imazhin ndërkombëtar të vendit tonë. Dua, Kosova është gjithmonë krenare me ty!”.
Dua Lipa do të performojë të premten në “Sunny Hill Festival”, i cili do të mbahet për tri ditë radhazi, nga 1 deri më 3 gusht.
Magazinë
Gjesti prekës i Sharon Osbourne në “lamtumirën” e saj të fundit ndaj Ozzy
Published
3 hours agoon
August 1, 2025By
UBT News
Në momentet para funeralit të Ozzy Osbourne, Sharon Osbourne bëri një gjest të veçantë që preku mijëra fansa të vokalistit legjendar të Black Sabbath.
Dukshëm emocionale, e veja e muzikantit ngriti të dy duart me pjesën tjetër të familjes, duke formuar shenjën e dyfishtë të paqes drejt turmës së mbledhur, duke përsëritur gjestin karakteristik që ishte bërë sinonim i Ozzy-t gjatë gjithë karrierës së tij.
Ky gjest i veçantë kishte një kuptim të veçantë për Ozzy-n. Siç tha në një intervistë më 2002, “Ne ishim grupi i fundit hipi. Ne ishim të gjithë për paqen”.
Edhe pse gjestet “djallëzore” u bënë të famshme ndër të tjera, Ozzy këmbënguli në shenjën e dyfishtë të paqes, gjest që njerëzit e identifikonin me fytyrën e tij.
Sharon dhe fëmijët e saj, Amy, Jack dhe Kelly, dolën nga makina në Broad Street, ku ndodhet stoli i Black Sabbath, për të parë procesionin mortor dhe për të përshëndetur publikun. Turma, duke brohoritur “Ozzy, Ozzy, Ozzy – oi, oi, oi!” dhe “Faleminderit, Ozzy”, krijoi një atmosferë prekëse.
Aktualitet
Policia ndërmerr masa për siguri rreth festivalit ‘Sunny Hill’
Published
4 hours agoon
August 1, 2025By
UBT News
Policia e Kosovës njofton se ka ndërmarrë të gjithë hapat e duhur të sigurisë për mbarëvajtjen e festivalit “Sunny Hill” që do të mbahet nga data 1 gusht deri më 3 gusht 2025, në fshatin Bërnicë të komunës së Prishtinës.
Policia tha se marrë parasysh rrethanat që karakterizojnë festivalin, policia ka angazhuar një numër të konsiderueshëm të zyrtarëve policorë me detyra specifike në zonën ku do të mbahet festivali, shtuar këtu edhe zyrtarët e tjerë të angazhuar me detyra të përgjithshme në gjithë rajonin e përgjegjësisë.
“E gjithë infrastruktura policore e angazhuar në këtë drejtim me vëmendje të shtuar do të monitoron rrjedhën e kësaj ngjarjeje duke qenë e gatshme për të trajtuar gjithçka që kërkohet brenda autorizimeve dhe kompetencës policore”, thuhet në njoftim.
Angazhimet policore do të shtrihen në disa nivele, përfshirë:
- Parapërgatitjen dhe ndërmarrjen e masave të nevojshme planifikuese, koordinuese, preventive dhe operative policore në terren, në mënyrë që festivali të zhvillohet në suaza normale të rendit dhe qetësisë publike;
- Shtimin e masave preventive dhe operative-policore për ruajtjen e rendit dhe qetësisë publike para, gjatë dhe pas festivalit; Sigurimin dhe menaxhimin e hapësirës ku do të zhvillohet festivali;
- Rregullimin dhe kontrollin e trafikut rrugor përreth zonës së festivalit, përfshirë ndalesa të përkohshme, bllokime ose riorientime të rrugëve, varësisht nga nevoja;
- Monitorimin e rendit publik për të parandaluar çdo sjellje asociale, të paligjshme apo të dëmshme për sigurinë kolektive;
- Identifikimin dhe ndërmarrjen e masave adekuate ligjore me Prokurorinë e Shtetit ndaj të gjithë personave të cilët bien ndesh me ligjin; Praninë e shtuar të patrullave në zonat përreth, për të rritur ndjesinë e sigurisë për qytetarët dhe vizitorët;
- Ndërmarrjen e veprimeve të nevojshme policore operative dhe hetimore, sipas ligjit dhe në varësi të situatës apo kërkesave që mund të paraqiten gjatë operacionit;
- Koordinimin me organizatorët dhe institucionet e tjera për të siguruar reagim të shpejtë dhe efektiv ndaj çdo situate të papritur.
Sipas policisë, për shkak të fluksit të madh të automjeteve dhe personave që pritet të frekuentojnë festivalin do të ketë bllokime të plota apo të pjesshme të rrugëve që qojnë për në zonën ku mbahet festivali si dhe ri-drejtim të trafikut rrugor, andaj Policia e Kosovës kërkon mirëkuptim nga pjesëmarrësit në trafik.
“Për shkak të kufizimeve hapësinore të ndërlidhura edhe me faktorë të sigurisë dhe cilësisë së qarkullimit rrugor, do të ketë ndalimqarkullimi për të gjitha mjetet motorike në perimetrin e afërt ku do të zhvillohet festivali. Përjashtimisht do të lejohen automjetet e policisë, ndihmës së shpejtë, zjarrfikësve si dhe mjetet e autorizuara/akredituara në shërbim të festivalit”, thuhet në njoftim.
Sipas polisicë, varësisht nga rrjedha e situatës në terren mund të paraqiten rrethana që kërkojnë veprime të tjera policore në funksion të ri drejtimit të trafikut apo orientimit të pjesëmarrësve, porse në të gjitha rastet qytetarët do të instruktohen nga policët në pikat e caktuara.

Justin Timberlake zbulon se vuan nga sëmundja Lyme

Aksident me fatalitet në Skenderaj

Komuna e Prishtinës njofton qytetarët që nuk kanë deklaruar adresën zyrtare se do kenë kufizime në dokumente civile

Pse shfaqen strijat në lëkurë?

TikTok do t’i njoftojë prindërit kur fëmijët postojnë video

Prishtina eliminohet nga kupat evropiane

Buka në dietën tonë, e nevojshme apo rrezik për shëndetin?

Regjistrohet rrufeja 829 kilometra e gjatë

Grabitet një poligon i shenjëtarisë, hajnat marrin armë me vlerë të konsiderueshme
Të kërkuara
-
Lajmet nga UBT2 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT2 months ago
UBT organizoi Akademi Përkujtimore në nder të Prof. Dr. Naser Kamberit