Aktualitet

Nga 1 shtatori, vendet e CEFTA-s me rregulla të reja të tregtisë së ndërsjellë

Published

on

Nga 1 shtatori nisin të aplikohen rregullat e reja të origjinës preferenciale për tregtinë e mallrave mes vendeve të CEFTA-s, ku bën pjesë edhe Shqipëria.

Sipas Dhomës së Tregtisë dhe Industrisë së Tiranës, rregullat e përmirësuara do të jenë kalimtare dhe do të pushojnë së zbatuari kur konventa PEM (Konventa Rajonale mbi Rregullat e Origjinës Preferenciale Pan-Euro-Mesdhetare) e rishikuar të miratohet dhe hyjë në fuqi nga të gjitha palët.

Në ligjin për ratifikimin e vendimit të Komitetit të Përbashkët të Marrëveshjes së Tregtisë së Lirë të Evropës Qendrore i botuar në Fletoren Zyrtare, përcaktohet se deri në pritje të përfundimit dhe të hyrjes në fuqi të ndryshimit të konventës, palët e CEFTA-s kanë rënë dakord të zbatojnë rregullat kalimtare të zbatueshme të origjinës.

Pritet që rregullat e reja të lehtësojnë dhe zhvillojnë më tej tregtinë e ndërsjellë ndërmjet vendeve pjesëmarrëse në konventë dhe me të cilat Shqipëria zbaton një marrëveshje të tregtisë së lirë, pasi rregullat e reja janë më të thjeshta dhe më fleksibël.

Në zbatimin e këtyre rregullave do të përfshihen të gjitha shtetet e Ballkanit Perëndimor, përfshi edhe Shqipërinë dhe Republikën e Kosovës, në zonën Pan-Euro-Mesdhetare të kumulimit diagonal dhe të plotë.

Bizneset do të kenë mundësi zgjedhjeje, ose të përdorin rregullat aktuale të konventës PEM, ose rregullat kalimtare “alternative”, cilado që të jetë më e dobishme për ta.

Pas ratifikimit vendimi i Komitetit të Përbashkët do të zbatohet nga Drejtoria e Përgjithshme e Doganave dhe monitorohet nga Ministria e Financave dhe Ekonomisë.

Continue Reading

Bota

Zelensky: Po punojmë për një takim të ri me Rusinë në Stamboll

Published

on

Kievi po punon për një takim të ri negociues me palën ruse në Stamboll bëri të ditur presidenti ukrainas, Volodymyr Zelensky përmes një postimi në Telegram.

“Ne diskutuam procesin e negociatave me Sekretarin e Këshillit të Sigurisë dhe Mbrojtjes Kombëtare të Ukrainës, Rustem Umerov, dhe Shefin e Zyrës, Andriy Yermak, në veçanti zbatimin e marrëveshjeve të arritura në takimet me palën ruse në Stamboll dhe përgatitjen e një takimi të ri”, shkroi Zelensky.

Ai theksoi se ndër çështjet kryesore është vazhdimi i shkëmbimit të të burgosurve të luftës.

Continue Reading

Bota

​Balena mbytet pasi godet varkën në New Jersey

Published

on

Një grua u rrëzua nga varka e saj në New Jersey Shore kur një balenë e shqetësuar goditi anijen duke e bërë atë të fluturonte në valët e shkumëzuara. Incidenti ndodhi në Barnegat Bay kur varka e vogël me motor hasi në balenën e llojit Minke që u pa duke u përplasur në ujëra të cekëta.

Kur anija u afrua, balena u bë edhe më e tërbuar dhe përfundoi nën trupin e saj  duke e përmbysur përfundimisht anijen gjatë përplasjes dhe duke hedhur një grua në ujë.

Fatmirësisht ajo u tërhoq shpejt në siguri dhe nuk u lëndua, dhe incidenti u kap në kamera nga Kim Mancini, e cila tha se balena dukej se ishte në telashe para se të mbërrinin anijet.

Balena përfundimisht ngordhi. Ajo dukej se po luftonte për të arritur në ujëra më të cekëta, tha Mancini.

Continue Reading

Aktualitet

​Zjarr në një lokal në magjistralen Kaçanik – Ferizaj, shkaktohen mijëra euro dëme

Published

on

Mbrëmë rreth orës 18:53 ka shpërthyer një zjarr në një lokal, përgjatë magjistrales Kaçanik–Ferizaj, ku fatmirësisht nuk ka të lënduar, derisa dëmet materiale konsiderohen deri në njëzet mijë euro.

Kanun Veseli, zëdhënës i policisë rajonale për Ferizaj, ka konfirmuar, se njësia e zjarrfikësve, patrullat dhe njësia e hetimeve nga stacioni policor Kaçanik, kanë dalë menjëherë në vendin e ngjarjes për të ndërmarrë veprimet e nevojshme.

“Sipas të dhënave fillestare, dyshohet se zjarri ka filluar nga djegia e disa gomave të vendosura jashtë lokalit, e më pas zjarri është përhapur duke përfshirë një lokal të gomisterisë, një pjesë të një lokali tjetër, me dëme të vogla, si dhe një pjesë të një shtëpie përreth. Vlera e dëmit dyshohet të jetë rreth njëzet mijë euro”, ka thënë Veseli.

Po ashtu, është njoftuar edhe njësia e KEDS-it, për të ndërprerë furnizimin me energji elektrike, me qëllim të parandalimit të rrezikut të mëtejshëm.

Hetimet lidhur me rastin janë në proces, ka bërë të ditur zëdhënësi i policisë rajonale.

Continue Reading

Bota

​Shpërthim në kryeqytetin somalez, 1 i vdekur dhe 11 të plagosur

Published

on

Një person u vra dhe të paktën 11 të tjerë u plagosën në një shpërthim bombe në kryeqytetin somalez Mogadisho të dielën. Sulmi ndodhi në lagjen Dharkinley të Mogadisho menjëherë pas namazit të pasdites, duke synuar një çajtore të mbushur me njerëz, tha një oficer policie për Anadolu.

Ai tha se shpërthimi u shkaktua nga një pajisje shpërthyese e improvizuar (IED) “që synonte klientët civilë”, duke shtuar se të plagosurit u dërguan me urgjencë në spitale.

Mohamed Ahmed, një dyqanxhi aty pranë, tha për Anadolu se situata ishte kaotike dhe ai ka parë tetë persona të shtrirë në tokë të plagosur.

Asnjë grup nuk ka marrë përgjegjësinë për sulmin. Megjithatë, grupi terrorist i lidhur me Al-Kaidën, Al-Shabaab, mori përsipër sulmet e fundit me bomba në Mogadisho.

Al-Shabaab, i cili ka zhvilluar një kryengritje kundër qeverisë somaleze për më shumë se 16 vjet, shënjestron rregullisht forcat e sigurisë, zyrtarët qeveritarë dhe civilët,

Continue Reading

Të kërkuara