Sport

Newcastle synon të transferojë yllin e Interit

Spekulohet që Newcastle ka shprehur interesim serioz për Edin Dzeko.

Published

5 years ago

December 21, 2021

UBT news

Skuadra me pronarët më të pasur në botë Newcastle United po synon që të përforcojë repartin e sulmit në afatin kalimtar të transferimeve në janar, raporton “The Sun”.

Spekulohet që Newcastle ka shprehur interesim serioz në shërbimet e sulmuesit të Interit Edin Dzeko.

Sulmuesi 35 vjeçar ka qenë ndër lojtarët kyç të Interit në këtë sezon, duke e zëvendësuar ish-sulmuesin Romelu Lukaku me tetë gola në Serie A.

Thuhet se Newcastle dhe krerët e tyre e kanë identifikuar Dzekon si opsion të dytë, nëse nuk arrijnë që ta transferojnë sulmuesin e Manchester United, Anthony Martial.

Newcastle e sheh si prioritet pistën e Martial, ku ky i fundit ka shprehur dëshirën e tij që të largohet nga Manchester United këtë janar, por nëse dështon pista për transferimin e yllit francez, Dzeko do të jetë prioriteti kryesor për repartin e sulmit.

Sport

Erza Muminoviq humb në çerekfinale, vazhdon garën për medalje

Published

47 minutes ago

August 28, 2026

UBTNews

Erza Muminoviq e ka nisur garimin në Lojërat Mesdhetare “Taranto 2026”.

Xhudistja kosovare u mposht në çerekfinale të kategorisë deri në 48 kilogramë nga italiania Giulia Ghiglone.

Dueli ishte i luftuar, ndërsa italiania e siguroi fitoren me “Ippon” në kohën shtesë.

Megjithatë, gara nuk ka përfunduar për Muminoviqin. Ajo do të vazhdojë në repesazh, ku do ta kërkojë mundësinë për të luftuar për medaljen e bronztë.

D.L

Sport

Flaka Loxha kalon në gjysmëfinale të Lojërave Mesdhetare “Taranto 2026”

Published

1 hour ago

August 28, 2026

UBT News

Xhudistja kosovare Flaka Loxha është kualifikuar në gjysmëfinale të Lojërave Mesdhetare “Taranto 2026”, duke bërë një tjetër hap drejt medaljes.

Në luftën e parë, Loxha u përball me italianen Michela Terranova, të cilën e mposhti në kohën shtesë me “Yuko”.

Loxha po garon në kategorinë deri në 57 kilogramë, ndërsa tash synon të sigurojë një vend në finale dhe të luftojë për medaljen në Lojërat Mesdhetare.

D.L

Sport

Akil Gjakova kalon në çerekfinale të Lojërave Mesdhetare

Published

2 hours ago

August 28, 2026

UBTNews

Akil Gjakova e ka nisur me fitore garën në Lojërat Mesdhetare “Taranto 2026”.

Xhudisti kosovar e mposhti qipriotin Andreou Kyprianos në luftën e parë të kategorisë deri në 73 kilogramë.

Dueli ishte i barabartë dhe fituesi u përcaktua në kohën shtesë. Gjakova realizoi një hedhje për “Yuko”, duke siguruar fitoren dhe kualifikimin në çerekfinale.

Në çerekfinale, Gjakova do të përballet me francezin Maxime Gobert.

D.L