Sport

Neville: Ten Hag ka një “mision të pamundur” te United

Shpresat mbeten të mëdha që Ten Hag mund të rikthejë Unitedin në majat më të larta të futbollit.

Published

3 years ago

on

Manchester United nuk duhet që të ketë shpresa që do të fitojë titull të menjëhershëm nën urdhrat e trajnerit të ri, Erik Ten Hag, ka thënë ish-lojtari i gjigantit anglez, Gary Neville.

Po ashtu, ky i fundit ka paralajmëruar se trajneri holandez do të ketë një punë të vështirë në “Old Trafford”, ku fillimisht duhet të fillojë rindërtimi i skuadrës.

Trajneri momental i Ajaxit, Ten Hag, do të marrë drejtimin e “Djajve të Kuq” nga trajneri i përkohshëm Ralf Rangnick në fund të këtij sezoni, dhe do të ketë për detyrë këndelljen e ekipit, i cili po kalon në periudhën më të vështirë që nga largimi i Sir Alex Ferguson.

Vazhdimisht janë duke u bërë pyetje nëse një skuadër me mungesë vetëbesimi mund të garojë në Ligën e Kampionëve, ndërkaq lojtarë të shumtë pritet që të largohen nga klubi.

Shpresat mbeten të mëdha që Ten Hag mund të rikthejë Unitedin në majat më të larta të futbollit, por ish-mbrojtësi i United, Gary Neville, ka paralajmëruar që nuk do të ketë zgjidhje të shpejtë të problemeve në “Teatrin e Ëndrrave”.

“Ajo se çfarë po përjetojmë tani është e papranueshme. Ten Hag ka një detyrë të madhe dhe të vështirë që ta rikthejë klubin në standardet minimale. Ata duhet të merren me sjelljet, etikën e punës, besimin dhe vetëbesimin, dhe më pastaj duhet të fillojnë të mendojnë për të fituar tituj”, tha Neville.

“Iu desh Jurgen Klopp katër ose pesë vite për të fituar një titull të Premier Ligës. Nuk do të bëja shumë presion drejt Ten Hag për të fituar një titull në Premier Ligë. Ata janë miliona kilometra larg asaj gjëje”, tha Neville.

Momentalisht, pas 33 ndeshjeve të zhvilluara, Manchester United zë vendin e gjashtë në tabelë me gjithsej 54 pikë të arkëtuara, tre sosh larg vendit të katërt që e okupon skuadra e Tottenhamit.

Related Topics:
Continue Reading

Sport

Fabrizio Romano e konfirmon, Arsenali transferon një yll të Chelseat

Published

3 hours ago

on

June 25, 2025

By

Arsenali ka finalizuar transferimin e portierit Kepa Arrizabalaga nga Chelsea, sipas raportimeve të Fabrizio Romano.

Portieri 30-vjeçar spanjoll i bashkohet ‘Topçinjve’ si zëvendësues i David Rayas, me marrëveshjen që thuhet se kap vlerën e 5 milionë funtesh.

Ky transferim u mundësua nga një klauzolë lirimi që Kepa e kishte përfshirë në kontratën e tij me Chelsean gjatë verës së kaluar.

Klauzola i jepte mundësinë të largohej për një tarifë të caktuar dhe Arsenali e ka aktivizuar atë për ta sjellë portierin në ‘Emirates’.

Ish-portieri i kombëtares spanjolle pritet të rivalizojë Rayën për vendin e titullarit, duke i dhënë Mikel Artetës më shumë alternativa në portë.

Përvoja dhe cilësia e Kepas konsiderohen si një aset i vlefshëm për skuadrën, ndërsa ai është përforcimi i radhës pas mbërritjes së Martin Zubimendit.

Transferimi i Kepas vjen pas një periudhe të përzier shtatëvjeçare te Chelsea, ku ai fitoi katër trofe të mëdhenj dhe regjistroi 163 paraqitje.

Continue Reading

Sport

Botërori i klubeve: Atletico Madrid “bie” në grupe edhe pas fitores, PSG dhe Botafogo vijojnë më tej

Published

1 day ago

on

June 24, 2025

By

Kupa e Botës për Klube ka hyrë në ndeshjet e fundit të fazës në grupe, teksa në Grupin B çdo gjë ka përfunduar.

Sfida me interesin më të madh ishte ajo mes Atletico Madrid dhe Botafogos, që pa spanjollët fitues me rezultatin 1-0, e cila nuk i mjaftoi skuadrës së Simeones për të vazhduar më tej, me ekipin brazilian që kalon në fazën e 1/16-ave.

Gjithsesi, fitorja e Atleticos shërbeu si një “asist” për PSG-në. Kampionët e Europës triumfuan me rezultatin 0-2 përballë amerikanëve të Seattle Sounders, duke marrë kështu kreun e Grupit B, pasi verdikti i ndeshjeve direkte ra, me të treja skuadrat që mundën njëra-tjetrën dhe golavarazhi ishte ajo që shërbeu për të vendosur fatet e grupit.

Kështu PSG do të përballet në fazën e 1/16-ave me vendin e dytë të Grupit A, ndërsa Botafogo me fituesin e këtij grupi.

REZULTATET:

ATL. MADRID 1-0 BOTAFOGO

Griezmann 87’

SEATTLE SOUNDERS 0-2 PSG

Kvaratskhelia 35’, Hakimi 67’

Continue Reading

Sport

Llapi “blindon” yllin e skuadrës

Published

2 days ago

on

June 23, 2025

By

Continue Reading

Sport

Darwin Nunez jep sinjale pozitive për kalimin te Napoli

Published

2 days ago

on

June 23, 2025

By

Napoli ka marrë sinjale inkurajuese nga sulmuesi i Liverpoolit, Darwin Núñez, për një transferim të mundshëm gjatë këtij afati kalimtar.

Sipas Fabrizio Romano, lojtari nga Uruguaji i ka dhënë “dritën e gjelbër fillestare” klubit italian, pasi është bindur nga projekti sportiv i prezantuar nga trajneri i ri, Antonio Conte.

Núñez është i hapur për këtë lëvizje, por marrëveshja tani varet nga aspektet financiare. Liverpool kërkon një shumë të konsiderueshme për kartonin e tij, ndërsa edhe paga e lojtarit është një faktor kyç që mund të ndikojë në realizimin ose jo të transferimit.

Sulmuesi 25-vjeçar ka pasur një sezon me ulje-ngritje te Liverpooli, por potenciali i tij mbetet i lartë dhe ai shihet si një profil i përshtatshëm për futbollin italian dhe stilin e Contes.

Negociatat pritet të vazhdojnë në ditët në vijim, me zhvillime që mund të jenë vendimtare për fatin e këtij transferimi të madh të verës.

 

Continue Reading

Të kërkuara