Lajmet

Nesër nis mësimi alternativ në Kamenicë, Kastrati: Nuk tërhiqem nga reforma

Published

5 years ago

on

Vendimin e ministres së Arsimit, Arbërie Nagavci, për të organizuar mësimin alternativ të përshpejtuar për 441 nxënësit e fshatrave të Kamenicës, kryetari i kësaj komune, Qëndron Kastrati, po e quan “sjellje të papërgjegjshme dhe tendencioze” që të pengojë reformën e nisur në arsim.

Komuna e Kamenicës ndërmori një sërë veprimesh ku u bë mbyllja dhe fuzionomi i disa shkollave në disa fshatra të Kamenicës për shkak të numrit të ulët të nxënësve. Një gjë e tillë ishte kundërshtuar nga nxënës, prindër e mësimdhënës të cilët patën organizuar edhe protesta e greva.

Duke iu rikthyer vendimit të ministres Nagavci, Kastrati shprehet i bindur se i njëjti ka prapavijë politike, por që thotë se do të organizojnë një mësimin alternativ për nxënësit që nuk e kanë vijuar mësimin.

“Është një sjellje e papërgjegjshme, është tendencioze që mundohet të pengojë reformën në Komunën e Kamenicës, në veçanti riorganizimin e rrjetit të shkollave. Në fund edhe përbrenda vendimit ajo nuk e ka saktësuar, as nuk ka të drejtë të saktësojë, se si bëhet organizimi, se ajo është kompetencë e Komunës, por një prirje për të ndërhyrë në kompetencën e Komunës. Sidoqoftë, ministrja (Arbërie Nagavci) i ka kompetencat e saj dhe unë e ftoj që të qëndrojë vetëm brenda kompetencave dhe mandatit të saj, nuk lejoj të ndërhyjë në kompetenca të Komunës”, thotë ai.

I pari i Kamenicës thotë se do të organizojnë një mësim të tillë për shkak se këta nxënës pothuajse e kanë humbur vitin.

“Mësimin plotësues, ne ishim të gatshëm me ministrinë ta organizojmë, vetëm se ne i përcaktuam cilat janë objektet shkollore funksionale dhe mësimdhënësit të organizojmë dhe koston shtesë ta mbulojë ministria. Sidoqoftë, deri tash nuk po duket që ka vullnet prej ministrisë për ta bërë një zgjidhje, por ne jemi të gatshëm dhe duhet sepse këta fëmijë pothuajse e kanë humbur vitin”, thotë Kastrati.

Kastrati, që kur mori mandatin e të parit të Kamenicës ishte pjesë e Lëvizjes Vetëvendosje, thotë se është i bindur se një vendim i tillë nga ministrja Nagavci është për qëllime politike, e krejt kjo thotë se po bëhet për ta dëmtuar atë në zgjedhjet lokale që do të mbahen në vjeshtë të këtij viti.

“Për hir të së vërtetës këtë çështje ka dashur ta fillojë vetë Arbërie Nagavci kur ka qenë drejtoreshë në Komunën e Prishtinës, por dikur është tërhequr se nuk e ka konsideruar se ja vlen me i hy një sfide të tillë, gjithashtu ka qenë edhe program gjatë fushatës. Kështu që po, unë mendoj që kjo e ka komplet një qëllim të caktuar ku i kanë synim zgjedhjet lokale dhe mundohen me problematizu dhe problemin me e mbajt aktual deri në zgjedhje”, thotë ai.

Ndonëse nuk tregon nëse do t’i hyjë garës edhe për një mandat në krye të Kamenicës, Kastrati thotë se nuk do të zmbrapset nga reforma e nisur në komunën që tash e katër vite e drejton. Ai thotë se një riorganizim i tillë i shkollave është i domosdoshëm nëse synojnë të përmirësojnë cilësinë në arsim.

“Kjo nuk është një aventurë që unë i kam hyrë dhe të provoj a po bënë apo jo, do të thotë jam thellësisht i bindur që kjo është një e drejtë edhe e domosdoshme nëse dëshirojmë të rregullojmë arsimin në Kosovë. Përderisa unë kam të drejtë, që pothuajse të gjithë e pranojnë, edhe ministria vet ligjërisht e ka parapa të bëhet ashtu siç ne e kemi bërë, gjithashtu është edhe propozimi i Qeverisë Kurti të bëhet në këtë formë të tillë dhe ana legale ne kemi të drejtë, nuk ka arsye me u tërheq”, deklaron ai.

Kundërshtimi i reformës nga disa prindër të kësaj komune, Kastrati thotë se është bërë edhe për shkak se të njëjtit janë përballur me kërcënime dhe linçime për ta kundërshtuar reformën në arsim.

“Ne kemi bërë edhe anketa, për shembull 43 përqind e qytetarëve mendojnë se është gjithqysh e mirë pas probleme se paraprakisht kanë qenë 82 përqind. Pothuajse më shumë se gjysma e prindërve edhe në ato vende mendojnë që është e mirë, ka pasur kontakte dhe komunikim me psikologët, pedagogët dhe gjithë të tjerët mendojnë që mirë. Mirëpo, ata janë duke u ballafaquar me një stigmatizim, do të thotë me kërcënim, linçim e gjitha të tjerat dhe ky është problemi pse po pengohet secili. Tash nëse e dëgjon përgjithësisht opozita në mungesë të ideve, dijes, mundohet me kthye që ky është problemi i vetëm edhe konsideron që vetëm me këtë problem kishte me pas mundësi të fitojnë në zgjedhje”, potencon ai.

Në bazë të vendimit të Ministrisë së Arsimit, Shkencës, Teknologjisë dhe Inovacionit, nga data 5 maj do të fillojë mësimi alternativ i përshpejtuar për 441 nxënësit e pesë fshatrave të Kamenicës.

Mësimi alternativ i përshpejtuar do të organizohet për nxënësit e SHFMU “Hasan Prishtina” në fshatin Busavatë, SHFMU “Asllan Thaqi” në fshatin Karaçevë e Poshtme, SHFMU “Xhelal Sopi” në fshatin Petrocë, për nxënësit e Paraleles fizike në fshatin Shipashnicë e Poshtme si dhe, për nxënësit e paraleles fizike në fshatin Kopernicë.

Related Topics:
Continue Reading

Lajmet

Fakulteti i Muzikës Moderne në UBT prezanton koncertin e studentëve

Published

9 minutes ago

on

January 28, 2026

By

Fakulteti i Muzikës Moderne, Produksionit Digjital dhe Menaxhmentit organizon koncertin që do të mbahet më 29 janar 2026, në ora 13:00, në Sallën e Koncerteve, në Parkun Shkencor, Inovativ dhe Teknologjik të UBT-së.

Koncerti paraqet një platformë prezantuese për studentët e programeve muzikore, duke sjellë para publikut rezultatet e punës akademike dhe artistike gjatë semestrit. Programi përfshin interpretime instrumentale dhe vokale, vepra të kompozimit, si dhe projekte të audioproduksionit, me repertor që shtrihet nga muzika klasike deri te ajo bashkëkohore dhe moderne.

Nëpërmjet kësaj ngjarjeje, UBT synon të promovojë talentet e rinj dhe të forcojë rolin e tij si institucion që kontribuon në zhvillimin kulturor dhe profesional në fushën e muzikës.

Continue Reading

Lajmet

Rinumërohen 80 për qind e votave

Published

1 hour ago

on

January 28, 2026

By

Në Qendrën e Numërimit dhe Rezultateve po vazhdon numërimi i fletëvotimeve sipas listës së vendvotimeve për të cilat Komisioni Qendror i Zgjedhjeve ka marrë vendim që të rinumërohen.

Deri në orën 07:00 të mëngjesit të së mërkurës, janë rinumëruar gjithsej 80.60% e votave, apo 2.061 nga 2557 vendvotime.

Ndërkohë, të martën, KQZ kishte bërë të ditur se procesi i rinumërimit ishte përmbyllur në 28 komuna

Continue Reading

Lajmet

Dyshime për sulm seksual në shkollë në Gjilan – profesori ndalohet 48 orë

Published

1 hour ago

on

January 28, 2026

By

Një rast tejet i rëndë që trondit opinionin publik është raportuar në Gjilan, ku një nxënëse e mitur ka denoncuar se është ngacmuar seksualisht nga profesori i saj gjatë orarit mësimor.

Ngjarja dyshohet të ketë ndodhur më 27 janar 2026, rreth orës 12:30, në ambientet e Shkollës së Mesme të Lartë Teknike “Mehmet Isai” në Gjilan.

Sipas Sinjalit, më 27.01.2026 rreth orës 19:00, në Stacionin Policor në Gjilan është paraqitur viktima e mitur E.A., rreth 15-vjeçare, e shoqëruar nga nëna e saj, ku ka deklaruar se gjatë procesit mësimor është ngacmuar seksualisht nga profesori i saj.

Viktima është intervistuar në prezencë të mbrojtësit të viktimave dhe prindit, ndërsa më pas është marrë deklarata edhe nga një nxënëse tjetër e së njëjtës klasë, e cila ka deklaruar se kishte parë dhe dëgjuar sjellje të papërshtatshme të profesorit ndaj viktimës.

Pas grumbullimit të deklaratave, është intervistuar edhe i dyshuari, në prezencë të avokatit mbrojtës. Me vendim të Prokurorit të Shtetit, i dyshuari është ndaluar për 48 orë.

Hetimet lidhur me këtë rast do t’i marrë në trajtim Njësia e Hetimeve Rajonale – Gjilan, ndërsa rasti është cilësuar si “Sulm seksual”.

Autoritetet kanë bërë të ditur se hetimet janë në fazë të ndjeshme dhe do të vazhdojnë me prioritet të lartë, duke garantuar mbrojtje të plotë për viktimën e mitur.

Continue Reading

Lajmet

UBT, TRT dhe Instituti Yunus Emre sjellin “Journalism for Juniors” për të rinjtë

Published

18 hours ago

on

January 27, 2026

By

Në një kohë kur gazetaria po transformohet me shpejtësi përmes teknologjisë dhe platformave digjitale, UBT vazhdon të dëshmojë lidershipin në arsimin inovativ, duke u krijuar studentëve të Fakultetit Media dhe Komunikim, si dhe nxënësve të UBT International Smart Schools, mundësi konkrete për zhvillim profesional përmes punëtorive ndërkombëtare.

Punëtoria “Journalism for Juniors (J4J) – Mobile Journalism Workshop”, është një iniciativë e rëndësishme fuqizon të rinjtë me aftësi bashkëkohore në gazetarinë mobile, tregimin kreativ të storieve dhe prodhimin e përmbajtjes digjitale me ndikim social, duke i përgatitur ata për sfidat dhe mundësitë e medias moderne.

Kjo punëtori, e cila sjell punonjësit televizionit TRT në Kosovë, synon fuqizimin e të rinjve përmes njohurive bashkëkohore në gazetari, duke i pajisur ata me kompetenca që u nevojiten për të rrëfyer histori reale nga perspektiva rinore, për të komunikuar në mënyrë etike dhe për të përdorur mjetet digjitale si instrumente profesionale të informimit.

Në hapjen e kësaj punëtorie, Rektori i UBT-së, Prof. Dr. Edmond Hajrizi, theksoi se investimi në dije praktike dhe inovacion është kyç për përgatitjen e gazetarëve të rinj. Ai vlerësoi këtë punëtori si një hap të rëndësishëm drejt ndërlidhjes së arsimit me trendet globale të medias dhe teknologjisë, duke krijuar mundësi reale zhvillimi për studentët dhe nxënësit e UBT-së.

Fjalën e morën edhe Ramazan Yılmaz, Koordinator i Institutit Yunus Emre, dhe Dekani i Fakultetit Media dhe Komunikim në UBT, Prof. Dr. Ferid Selimi.

Dita e parë – fokus në bazat e gazetarisë dhe tregimin digjital

Në sesionin hyrës, studentët u angazhuan në modulin “Journalism 101”, ku u trajtuan konceptet bazë të gazetarisë, roli dhe përgjegjësia e gazetarit, rëndësia e raportimit të balancuar dhe fuqia e medias në shoqëri. Po ashtu, u zhvilluan sesione mbi storytelling-un, shkrimin kreativ dhe tregimin vizual të storieve, duke nxitur pjesëmarrësit të shprehin historitë e tyre në forma të ndryshme mediatike.

Fokusi gjithashtu u vendos te gazetaria mobile dhe puna në terren, ku pjesëmarrësit mësuan teknika intervistimi, xhirimi dhe editimi të videove përmes telefonit mobil, si dhe mënyrat e përshtatjes së përmbajtjes për rrjetet sociale dhe angazhimin e audiencës digjitale.

Punëtoria ndërkombëtare “Journalism for Juniors (J4J) – Mobile Journalism Workshop” po organizohet nga UBT në bashkëpunim me TRT (The International News Channel of Türkiye) dhe Institutin Yunus Emre, dhe po mbahet në Parkun Shkencor, Inovativ dhe Teknologjik të UBT-së në Lipjan.

Continue Reading

Të kërkuara