

Shëndeti
Nëntë grupet e njerëzve që nuk duhet të pinë kafe
Te disa persona kafeja mund të sjellë pasoja negative.
Published
3 years agoon
By
Betim GashiËshtë vërtetuar se kafeja mund të zvogëlojë rrezikun e zhvillimit të disa llojeve të kancerit, sëmundjeve të zemrës dhe madje mund të ndihmojë në humbjen e peshës. Por në disa njerëz, rezultati do të mungojë dhe mund të ketë pasoja negative me marrjen e kafeinës.
Ja kush duhet t’i kushtojë vëmendje pirjes së kafesë.
Njerëzit që vuajnë nga sëmundjet inflamatore të zorrëve
“Kafeina mund të përshpejtojë tretjen dhe gjithashtu të rrisë shanset për diarre, e cila është një nga simptomat kryesore të sëmundjes inflamatore të zorrëve”, shpjegon dietologia Angel Planels, duke shtuar se është e mençur të shmangni pirjen e kafesë nëse vuani nga IBS.
Nëse keni glaukoma
“Presioni intraokular mund të rritet te personat që kanë glaukoma dhe kur konsumojnë kafe, nëse duhen besuar kërkimet. Prandaj ekspertët këshillojnë që të reduktohet marrja e kafeinës apo edhe të shmanget, por mendoj se nevojiten kërkime shtesë”, shton Planels.
Nëse keni një fshikëz tepër aktive
“Të gjithë e dimë se është më mirë të mos pini një filxhan të madh kafe përpara një udhëtimi të gjatë, veçanërisht nëse nuk mund të shkoni lehtë në tualet. Marrja e kafeinës vetëm mund të përshpejtojë punën e fshikëzës, prandaj do t’ju duhet të urinoni më shpesh”, shpjegon Sue Heikinen, një nutricioniste.
Nëse nuk pini shpesh kafe, mund të jeni shumë më të ndjeshëm ndaj kafeinës.
Personat që vuajnë nga sëmundjet e zemrës
Duke qenë se kafeina mund të shkaktojë një rritje të menjëhershme të presionit të gjakut dhe të përshpejtojë punën e zemrës, është e rëndësishme që çdo person që ka probleme me zemrën të jetë i kujdesshëm dhe të flasë me një mjek se sa kafe mund të pi, shpjegoi Kelly McGrain, nutricioniste.
Gratë shtatzëna
“Shoqata Amerikane e Gjinekologjisë këshillon që gratë shtatzëna të mos pinë më shumë se dy filxhanë kafe në ditë për të reduktuar rrezikun e abortit dhe lindjes së parakohshme. Megjithatë, një studim i publikuar vitin e kaluar thotë se nuk ka sasi të sigurt kafeje për gratë shtatzëna dhe se çdo grua shtatzënë duhet të flasë me gjinekologun e saj se sa kafe duhet të pimë”, tha Heikinen.
Ushqyerja me gji
“Duke qenë se kafeina është një stimulues dhe diuretik, është e mundur që një nënë që ushqen me gji të vuajë nga dehidratimi, prandaj ekspertët këshillojnë që kafeina të shmanget në këtë fazë, ashtu si në shtatzëni”, shton Planels.
Njerëzit me çrregullime të gjumit
“Është e qartë se pas një nate pa gjumë, fillimisht do të kapni një filxhan kafe, por pikërisht ky zakon mund të çojë në një rreth vicioz pagjumësie dhe lodhjeje gjatë ditës. Edhe nëse mendoni se kafeja e pasdites nuk iu prish gjumin, në fakt mund ta bëjë këtë. Këshilla është të pini kafen e fundit gjashtë orë para se të shkoni në shtrat”, shprehet Heikinen.
Njerëzit që vuajnë nga ankthi ose sulmet e panikut
“Kafeina është një stimulues që mund të përkeqësojë ankthin dhe nëse vuani shpesh prej tij, mendoni të reduktoni marrjen e kafeinës”, paralajmëron McGain.
Nëse vuani shpesh nga diarreja
“Disa njerëz pinë kafe pasi zgjohen për të funksionuar zorrët e tyre, por ky efekt nuk është i dëshirueshëm për njerëzit që kanë shpesh diarre. Ndoshta zgjidhja më e mirë do të ishte kafeja pa kafeinë, megjithëse çdo lëng do të stimulojë tretjen”, tha Heikinen.
Personat që kanë epilepsi
“Edhe pse ky është një studim i vogël, një studim i kohëve të fundit zbuloi se konsumimi i kafesë shoqërohet me sulme më të shpeshta, por sigurisht që nevojiten më shumë studime”, tha Planels.
Nëse keni epilepsi, bisedoni me një neurolog se sa kafe duhet të pini.
Shëndeti
Sheqeri po dëmton seriozisht shëndetin tuaj, ja çfarë duhet të dini!
Published
5 hours agoon
April 24, 2025
Konsumimi i tepërt i sheqerit është kthyer në një ndër rreziqet më të mëdha për shëndetin publik, sipas studimeve më të fundit të publikuara nga organizatat ndërkombëtare të shëndetit.
Ndonëse sheqeri është pjesë e pandashme e dietës moderne, efektet anësore mund të jenë më të rënda sesa mendohej më parë.
Sipas ekspertëve të shëndetit, konsumimi i rregullt i produkteve të pasura me sheqer lidhet ngushtë me një sërë sëmundjesh kronike si diabeti i tipit 2, obeziteti, sëmundjet kardiovaskulare dhe madje edhe probleme me kujtesën dhe përqendrimin.
Mjekët paralajmërojnë se sheqeri “i fshehur” në produktet e përpunuara është burim rreziku, përdoruesit nuk janë të vetëdijshëm për sasinë që konsumojnë.
“Është koha të fillojmë të shohim etiketat e produkteve me më shumë kujdes,” thotë dietologe Dr. Elira Gashi. “Një jogurt i zakonshëm apo një pije energjike mund të përmbajë më shumë sheqer sesa një kanaçe me pije të gazuar.”
Autoritetet shëndetësore po kërkojnë ndërhyrje më të forta nga qeveritë për të kufizuar përmbajtjen e sheqerit në ushqime dhe për të informuar më mirë publikun rreth pasojave të konsumit të tij të tepërt.
Shëndeti
Këto ushqime nuk duhet t’i hani gjatë ditëve të nxehta
Published
6 hours agoon
April 24, 2025
Gjatë sezonit veror është e rëndësishme shmangia e disa ushqimeve, që jo vetëm ndikojnë keq, por edhe mund të bëhen shkaktarë për infeksione.
Nuk duhet të konsumoni ushqimet pikante dhe ato që nuk janë vegjetariane. Ushqimet pikante rrisin temperaturën e trupit duke qenë se rritet norma e metabolizmit. Vera nuk është koha më e mirë për të konsumuar mish, peshk apo të gjitha llojet e ushqimeve të detit.
Nëse konsumoni shumë mish do të djersisni më shumë e do keni probleme me tretjen.
Është e rëndësishme të shmangni ushqimet e gatshme apo të fast-food-eve që janë të pasura me yndyrë dhe vaj. Nuk duhet të konsumoni salcat, se përmbajnë sasi të lartë të një lënde që ndikon në shtimin në peshë. Ushqimet mund t’i konsumoni në gjendjen natyrale e nuk keni pse t’u shtoni salcë.
Duhet të tregoni një kujdes shumë të madh edhe ndaj ushqimeve të mbetura nga vaktet e kaluara. Sapo mbarohet ushqimi, pjesën që ngelet duhet ta ruani në ambient të ftohtë ose të ngrohtë, në varësi të llojit. Ushqimi i lënë jashtë mund të kthehet në problem, sepse hyn në një zonë problematike të temperaturës.
Nëse ushqimi lihet jashtë për më shumë se 4 orë, duhet hedhur menjëherë në kosh të plehrave.
Shëndeti
A përplaseni me objekte e mavijoseni lehtë? Mund t’ju mungojë një nga këto lëndë ushqyese
Published
1 day agoon
April 23, 2025
Edhe pse mavijosja është pjesë e jetës, një dietë e pasur me vitamina dhe minerale mund të ndihmojë në reduktimin e tyre
A ju duket se mavijoseni shpejt edhe pas goditjeve të lehta, ndërsa të tjerët mezi vënë re një ndryshim në lëkurë incidenteve të ngjashme?
Mavijosja e lehtë është një sinjal se trupit i mungojnë lëndët ushqyese që forcojnë enët e gjakut dhe lëkurën.
Edhe pse disa njerëz janë natyrshëm më të prirë ndaj mavijosjeve për shkak të gjenetikës ose llojit të lëkurës, ushqimi luan rol kyç në shpejtësinë e rikuperimit nga lëndimet e vogla. Ato ndodhin kur enët e vogla të gjakut nën sipërfaqen e lëkurës dëmtohen, duke bërë që një sasi e vogël gjaku të rrjedhë në indet përreth. Tek ata që mavijosen lehtë, ky proces intensifikohet dhe lëkura ka nevojë për më shumë kohë për t’u rikuperuar.
Mavijosja e lehtë mund të tregojë mungesë të lëndëve ushqyese, qarkullim të dobët apo edhe dehidrim.
Nëse vëreni mavijosje të shpeshta edhe pas ndikimeve të lehta, merrni parasysh rritjen e marrjes së vitaminave dhe mineraleve të mëposhtme.
Ushqyes që ndihmojnë në parandalimin e mavijosjeve
Vitamina C – Ndihmon në krijimin e kolagjenit, që mbështet strukturën e enëve të gjakut e lëkurës. Mungesa e saj mund të dobësojë enët e gjakut.
Burime të mira: agrumet, luleshtrydhet, specat, kivi dhe brokoli.
Vitamina K – Esenciale për koagulimin e gjakut, ndihmon në ndalimin e shpejtë të gjakderdhjes. Njerëzit me nivele të ulëta të vitaminës K janë më të prirur ndaj mavijosjes.
Burime të mira: perimet me gjethe jeshile si lakra jeshile, spinaqi.
Bioflavonoidet – Antioksidantë bimor që forcojnë kapilarët në kombinim me vitaminën C.
Burime të mira: agrumet, manaferrat, qepët dhe çaji jeshil.
Hekuri – Është thelbësor për formimin e rruazave të kuqe të gjakut dhe transportin e oksigjenit. Mungesa e hekurit mund të shkaktojë zbehje dhe të rrisë tendencën për të mavijosur lehtë.
Burime të mira: mish i kuq pa dhjamë, shpendët, peshku, fasulja, spinaqi dhe drithërat e fortifikuara.
Zinku – I rëndësishëm për riparimin e indeve dhe shërimin e plagëve. Mungesa e zinkut mund të ngadalësojë rikuperimin e lëkurës.
Burime të mira: mishi, butakët, bishtajoret, farat dhe arra.
Proteinat – Ato janë të nevojshme për të forcuar e riparuar indet, duke përfshirë lëkurën. Marrja e ulët e proteinave mund të çojë në enët e brishta të gjakut.
Burime të mira: vezët, pula, peshku, tofu, fasulet dhe kos grek.
Kur të bisedoni me mjekun?
Nëse vëreni se mavijosjet shfaqen shpesh ose janë të theksuara, konsultohuni me mjekun, pasi formimi i tepërt tregon probleme shëndetësore si çrregullime të koagulimit të gjakut, sëmundje të mëlçisë ose efekte anësore të disa ilaçeve.
Shëndeti
Studimi: Lotët ndihmojnë në diagnostifikimin e Parkinsonit
Published
1 day agoon
April 23, 2025
Rrjedhja e lotëve, mund t’ju ndihmojë të tregoni nëse vuani nga sëmundja e Parkinsonit apo jo, thotë një studim i ri.
Biomarkuesit mund të zbulohen thjeshtë në lot duke u mundësuar mjekësve të diagnostifikojnë sëmundjen neurologjike e cila prek një në 500 njerëz.
Shkencëtarët zbuluan se kishte dallime minutëshe në nivelet e një proteine të veçantë e gjendur në lot.
Testi mund të ndihmojë në zbulimin e sëmundjeve para se simptomat të zhvillohen duke lejuar mjekët të përshkruajnë trajtime të tilla si medikamenti për të rivendosur dopaminën në tru.

Gjakova dhe Cena garojnë sot në Evropianin e xhudos

Sheqeri po dëmton seriozisht shëndetin tuaj, ja çfarë duhet të dini!

Plagosja e mbrëmshme në Prishtinë dyshohet se është kryer nga dy të dyshuar

Rama: Refuzimi për ta çuar PZHK-në në shqyrtim publik mohon të drejtën e qytetarëve

Meta zgjeron qasjen në AI përmes syzeve Ray-Ban në Evropë

Murati: Kosova me rritjen më të shpejtë ekonomike në Evropë në vitin 2025

Avokati i familjes Lika: Të përmbahemi nga hamendjet, drejtësia s’duhet të ndikohet

Në përpjekje për paqe, Presidenti ukrainas Zelensky viziton Afrikën e Jugut

86 aksidente trafiku dhe mbi 2 mijë gjoba në 24 orët e fundit
Të kërkuara
-
Bota3 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota3 months ago
Fluturimet e dëbimit kanë filluar, thotë Shtëpia e Bardhë
-
Bota3 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Lajmet nga UBT2 months ago
Përgatituni për të udhëhequr politikën e të ardhmes me Fakultetin e Shkencave Politike në UBT