Kulturë
Nëna e modeles Gigi Hadid pretendon se është goditur fizikisht nga Zayn Malik
Sipas disa mediave, Yolanda po shqyrton paraqitjen e një raporti policor.
Gigi Hadid dhe Zayn Malik thuhet se janë ndarë pasi nëna e modeles Yolanda pretendoi se këngëtari e kishte ‘goditur’ atë gjatë një argumenti, transmeton UBT News.
“Ata nuk janë bashkë tani. Megjithatë, ata janë të dy prindër të mirë”, zbuloi një burim për revistën People. “Yolanda sigurisht që është shumë protektive ndaj Gigi-t. Ajo dëshiron më të mirën për vajzën dhe mbesën e saj”.
Sipas TMZ, Yolanda pretendon se ajo u ‘godit’ nga Zayn gjatë një sherri që ndodhi ‘diku javën e kaluar’, ndërsa Zayn pretendon se incidenti nuk përfshinte asgjë më shumë se një shkëmbim ‘fjalësh të ashpra’ dhe kishte ndodhur ‘disa javë më parë’.
Malik u përmbajt nga emri i Yolandës në postimin e tij në Twitter duke e quajtur atë “një anëtare e familjes së partneres sime” duke shprehur shqetësimin se si akuzat publike mund të ndikojnë në vajzën e tij në të ardhmen.
Në postimin e tij të gjatë në Twitter, Zayn e përshkroi veten si një “person privat” dhe shprehu shqetësim të qartë për “çështjet private familjare” që “hedhën në publik”.
“Siç e dini të gjithë unë jam një person privat dhe dua shumë të krijoj një hapësirë të sigurt dhe private për vajzën time gjatë rritjes. Një vend ku çështjet private familjare nuk hidhen në skenën botërore ku të gjithë mund të ngacmojnë”, filloi deklarata e tij.
“Në përpjekje për të mbrojtur atë hapësirë për të, unë pranova të mos i kontestoja pretendimet që lindën nga një debat që pata me një anëtare të familjes së partneres sime, e cila hyri në shtëpinë tonë ndërsa partnerja ime ishte larg disa javë më parë”.
“Kjo ishte dhe duhet të jetë ende një çështje private, por duket se tani për tani ka përçarje dhe pavarësisht përpjekjeve të mia për të na rikthyer në një mjedis familjar paqësor që do të më lejojë të rrisim bashkë vajzën time në mënyrën që ajo e meriton, [çështja] është ‘hedhur’ në shtyp”, theksoi ai.
Ai shtoi: “Unë po shpresoj pra që të gjithë të përfshirët në argumentin me fjalë të ashpra të qetësohen dhe më e rëndësishmja, unë mbetem vigjilent për të mbrojtur Khai-n dhe për t’i dhënë asaj privatësinë që i nevojitet”.
Zayn kishte blerë një shtëpi jo larg vendit ku banon Yolanda, ku ai dhe Gigi qëndrojnë shumicën e kohës./UBTNews/
Lajmet
Nga arkivat e QKK-së te kujtimet e luftës: Një vizitë studimore e studentëve të Artit dhe Medias Digjitale në UBT
Në kuadër të programit akademik të Fakultetit të Artit dhe Medias Digjitale (AMD) në UBT, studentët e klasave Dizajn Multimedia 1 dhe Efekte Vizuale dhe Film 1, nën udhëheqjen e ligjëruesve Dardan Luta dhe Laura Ymeri, zhvilluan një vizitë studimore me dy ndalesa kryesore që pasqyrojnë rëndësinë e njohjes së praktikës profesionale dhe historisë kulturore të Kosovës.
Vizita e parë u zhvillua në Qendrën Kinematografike të Kosovës (QKK), ku studentët u takuan me drejtoreshën Blerta Zeqiri. Gjatë këtij takimi u diskutua mbi misionin dhe vizionin e QKK-së, mundësitë për aplikim të studentëve për financimin e filmave studentor në vitin 2026, si dhe rëndësia e mbështetjes së talenteve të reja në fushën e kinematografisë. Përveç kësaj, përgjegjësi arkivor Ilir Gjoci prezantoi studentët me arkivin e QKK-së dhe mënyrën e ruajtjes dhe mirëmbajtjes së materialeve filmike ekzistuese.
Vizita e dytë u realizua në Muzeun e Fëmijëve të Vrarë dhe Zhdukur gjatë Luftës, ku studentët patën mundësinë të njihen me ekspozitën “Na ishte njëherë që kurrë mos qoftë”. Ata zhvilluan një bisedë të frytshme me udhëheqësen dhe kuratoren e ekspozitës, Blerta Hocia, duke theksuar rëndësinë e ruajtjes së kujtesës historike dhe të drejtave humanitare.
Këto vizita studimore kanë një vlerë të veçantë për studentët e AMD-së, pasi ofrojnë një eksperiencë praktike që lidh dijen teorike me realitetin profesional dhe kulturor. Njohja me institucionet kulturore dhe historike ndihmon studentët të zhvillojnë aftësi kritike, të kuptojnë më mirë sfidat e industrisë së medias dhe kinematografisë, dhe të frymëzohen për projekte kreative dhe kërkimore.
UBT vazhdon të nxisë iniciativa të tilla, duke u siguruar studentëve infrastrukturën, mbështetjen dhe mundësitë për të zhvilluar aftësitë e tyre profesionale dhe për të kontribuar në zhvillimin e artit, medias dhe kulturës digjitale në Kosovë.
2 hapa të thjeshtë për të parandaluar formimin e mykut në lavatriçe
Messi, rikthim i shkurtër te Barcelona?
Kura shtëpiake për gjunjë të fortë dhe pa inflamacion
Sonte në UBT TV: Podcast me Profesorin Gaz Ejupi
Mike Tyson kërkon revansh me Jake Paul
Jennifer Lawrence flet për bashkëpunimin e qetë dhe profesional me Robert Pattinson
Si të ulni shtypjen e gjakut me vetëm këtë ushqim?
Bellingham dhe Foden rikthehen në kombëtaren e Anglisë
Bruce Willis, buzëqesh në plazh gjatë një daljeje të rrallë publike
-
Lajmet2 months agoProfesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Aktualitet2 weeks agoProfesoresha e UBT-së, Marigona Bekteshi-Ferati, fituese e bursës prestigjioze Fullbright Visiting Scholar, Profesor Vizitor dhe Post Doktoraturë
-
Rajoni1 month agoPolicia, FSK-ja dhe Shërbyesit Civilë përfitojnë bursë 20 për qind në programet Master Shkenca Politike dhe Studime të Sigurisë në UBT
-
Vendi2 months agoVotoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën