Kronikë e zezë

Nën akuzë se vrau me thikë tregtarin italian, arrestohet muratori shqiptar

Karabinierët po hetojnë për vrasje me dashje.

Published

4 years ago

on

Një 48-vjeçar shqiptar është arrestuar nga policia italiane si i dyshuar për vrasjen e një tregtari italian. Ngjarja u regjistrua rreth orës 2 të mëngjesit të së shtunës.

Tommaso Dini,50-vjeçar, u godit me thikë në gjoks dhe këmbë në Scandicci (Firence).

Ai vdiq në spital nga komplikimet që lindën pasi iu nënshtrua një operacioni urgjent. 

Mediat italiane raportojnë se ai u godit me thikë gjatë një konflikti në rrugë, në Piazza Piave.

Shqiptari i arrestuar, Ilir Leba, murator me profesion dhe ortak i një kompanie ndërtimi së bashku me vëllain e tij, banon në Scandicci.

Ai jeton prej shumë vitesh në Itali dhe ka disa dosje policie, që datojnë vite më parë.

 Italiani vdiq pas operacionit

Viktima është dërguar në spital pa ndjenja dhe me lëndime të rënda në urgjencë. Prognoza u mbajt gjithmonë konfidenciale dhe të dielën në mëngjes ai iu nënshtrua një operacioni. 

Sipas mjekëve ai nuk ishte në rrezik për jetën edhe pse ishte në gjendje të rëndë. Por në orët pas operacionit ka pasur komplikime dhe 50-vjeçari ka ndërruar jetë.

Ai jetonte pranë vendit ku u sulmua dhe ku kishte biznesin e tij, një agjenci e vogël imobiliare edhe pse duket se së fundmi kishte vendosur të ndryshonte llojin e punës për t’iu përkushtuar një sipërmarrjeje të re biznesi, gjithmonë në tregti. 

Tommaso Dini ishte i martuar dhe baba i dy vajzave.


Karabinierët  po hetojnë për vrasje me dashje

Mësohet se në Piazza Piave, që ndodhet pranë bashkisë së vjetër të Scandicci, ka pasur një sherr mes Dinit dhe 48-vjeçarit. Viktima nuk ishte i armatosur. 

Nga ana tjetër, ai nxori një thikë dhe e goditi me të paktën tre herë dhe u largua me vrap në rrugët midis ndërtesave Scandicci. Më pas ai u kap nga karabinierët, u mor në pyetje në kazermë dhe në fund u arrestua. 

Dyshohet se vrasja ka ndodhur për shkak të mosmarrëveshjeve mes të dyve që kishin pasur më herët në vendin e punës. Oranews

Related Topics:
Continue Reading

Vendi

Vdes një grua në Dragash pas shpërthimit të bombolës së gazit

Published

2 days ago

on

October 10, 2025

By

Një grua ka humbur jetën në Dragash, si pasojë e shpërthimit të një bombole gazi në shtëpinë e viktimës.

Sipas Policisë, vdekjen e viktimës e ka konstatuar mjeku, derisa trupi i saj është dërguar në IML për obduksion.

“Raportohet se viktima femër kosovare ka mbetur pa shenja jete, dyshohet si pasojë e shpërthimit të një bombole gazi në dhomën e shtëpisë ku kishte qenë duke qëndruar. Njësitet policore dhe ekipi mjekësor kanë dalë në vendin e ngjarjes dhe nga mjeku është konstatuar vdekja e viktimës. Lidhur me rastin është informuar prokurori me urdhrin e të cilit trupi i pajetë i viktimës është dërguar në IML për obduksion”, thuhet në njoftimin e PK-së./S.K/EO/PK/

Continue Reading

Lajmet

​Parandalohet një rast kontrabande në Morinë, arrestohen dy persona

Published

2 days ago

on

October 10, 2025

By

Policia e Shtetit ka arrestuar shtetasit F. M. (52) dhe B.L. (55) pasi gjatë kontrollit në automjetet e tyre në Morinë janë gjetur mallra kontrabandë në vlerë mbi gjysmë milionë euro.

Gjatë operacionit Tarifa, në dalje të Shqipërisë, shërbimet e Policisë Kufitare Morinë kaluan në vijë të dytë për kontroll të detajuar, automjetin furgon me drejtues shtetasin B. L. dhe automjetin tip “Volkswagen”, me drejtues shtetasin F. M.

Gjatë kontrollit në automjetin me drejtues shtetasin F. M., u gjetën 1006 kuti me medikamente mjekësore të ndryshme, disa arka me 41.000 tableta dhe 2.194 telefona mobilë, ndërsa gjatë kontrollit në furgonin me drejtues shtetasin B. L., u gjetën 62 thasë me duhan, me peshë 930 kg.

Mallrat me vlerë rreth 54 milionë e 350 mijë lekë (562 mijë euro), u sekuestruan në cilësinë e provës materiale bashkë me dy automjetet.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Kukës, për veprime të mëtejshme./S.K/KP/

Continue Reading

Vendi

Arrestohet një person në Prizren, dyshohet se sulmoi fizikisht një shtetase gjermane

Published

3 days ago

on

October 9, 2025

By

Një person është arrestuar në Prizren nën dyshimin se ka sulmuar fizikisht një shtetase gjermane pas një mosmarrëveshje të momentit.

Ngjarja ka ndodhur dje në rrugën “Rrust Kabashi”, teksa viktima ka pranuar trajtimin mjekësor në Emergjencën e Spitalit të Prizrenit, teksa më pas është transferuar në QKUK.

I dyshuari është arrestuar dhe është dërguar në mbajtje me vendim të prokurorit.

“Rr. Rrust Kabashi Prizren 08.10.2025 – 04:00. I dyshuari mashkull kosovar, pas një mosmarrëveshjeje të çastit ka sulmuar fizikisht viktimën femër shtetase e Gjermanisë. Viktima ka pranuar trajtim mjekësor në Emergjencën e Spitalin e Prizrenit e më pas është transferuar në QKUK për trajtim të mëtejmë. I dyshuari është arrestuar dhe me vendim të prokurorit është dërguar në mbajtje“, thuhet në raportin e Policisë së Kosovës/S.K/KP/PK/.

Continue Reading

Lajmet

Gjendet pa shenja jete një person në Prishtinë

Published

3 days ago

on

October 9, 2025

By

Policia e Kosovës ka njoftuar se është gjetur një person mashkull kosovar pa shenja jete në Prishtinë.

Pas konstatimit të vdekjes, trupi i viktimës është dërguar në IML për obduksion.

Në raportin e policisë thuhet se rasti është duke u hetuar edhe më tej.

“Prishtinë 08.10.2025 – 20:10. Raportohet se viktima mashkull kosovar, është gjetur pa shenja jete. Trupi i pa jetë i viktimës është dërguar në IML për obduksion. Rasti është duke u hetuar“, thuhet në raportin e Policisë së Kosovës./S.K/KP/PK/

Continue Reading

Të kërkuara