Lajmet

Në shënim të Ditës së personave të pagjetur, kërkohet zbardhja e fatit të mbi 1600 të pagjeturve

Bajram Çerkini u bëri thirrje autoriteteve të jenë më aktiv për zbardhjen e fatit të mbi 1600 të pagjeturve.

Published

3 years ago

on

Në shënim të 27 Prillit – Ditës së personave të pagjetur të Kosovës, kryetari i Kuvendit të Kosovës, Glauk Konjufca dhe Komisioni Qeveritar për Persona të Zhdukur, kanë bërë homazhe pranë Obeliskut të të pagjeturve.

Ata kanë vendosur kurora lulesh para përmendores së personave të pagjetur në sheshin “Skënderbeu” në Prishtinë.

Bajram Çerkini nga Qendra Burimore për Personat e Zhdukur u ka bërë thirrje autoriteteve vendore dhe ndërkombëtare që të jenë më aktiv për zbardhjen e fatit të mbi 1600 të pagjeturve.

“Është mirë që pas 23 vjetësh nuk po harrohen edhe 1 mijë e 612 vetë të cilët i kemi ende të pagjetur, nuk po harrohen edhe familjet që janë gjithmonë duke vajtuar dhe kërkuar më të dashurit e tyre. Nuk po harrohen edhe ata që po na thërrasin ‘o ejani e merrna’, e ne jemi ata që nuk po dimë ku janë. Pra, një apel, një kërkesë që e kemi pasur tash një vit me ndal një dritë tre minuta, sot iu kërkoj të gjithë atyre që kur të ulen për të ngrënë bukë, të mendojnë një sekondë për familjarët të cilët e kanë zemrën të pashëruar dhe shpirtin t’u iu vajtuar e me lot me gjak. I kisha lutur të kërkojnë me lutjen ‘o Zot ndihmoju këtyre njerëzve’ dhe ‘bëhuni pak më të vetëdijshme autoritet vendore dhe ndërkombëtare për zbardhjen e fatit të pagjetur’”, theksoi ai.

Çerkini pati kritika edhe ndaj ndërkombëtareve, për të cilët theksoi se për 20 vjet nuk e kanë zgjidhur problemin e të pagjeturve.

“I vetmi shans na ka mbetur se mediat mund të na ndihmojnë. Unë jam duke folur edhe me ndërkombëtar edhe me vendorë, Brukseli s’do të mundet me na zgjidh problemin. Janë duke e zvarrit problemin me Serbinë, për shkak se nuk ka shanse me këtë taktikë qe 20 vjet Brukseli duke thënë… merre me mend për disa letra ngjitëse nuk po munden me marr një vendim kështu duhet me hyrë veturat ashtu siç po ndodhë edhe në tjera vende. Por, këto janë për me na mbajt peng neve familjarëve të pagjetur”, tha ai.

Në shënim të Ditë së Personave të pagjetur të Kosovës, Komisioni Qeveritar për Persona të Zhdukur në bashkëpunim me Këshillin Koordinues të Asociacioneve Familjare të të Zhdukurve të Kosovës, sot bëjnë homazhe edhe në kompleksin Memorial në Mejë të Gjakovës.

Related Topics:
Continue Reading

Lajmet

Rektori i UBT-së, Prof. Dr. Edmond Hajrizi, prezanton vizionin e UBT-së për “Smart City” në Kongresin Ndërkombëtar të Cilësisë në Francë

Published

12 mins ago

on

November 15, 2024

By

Në një ngjarje prestigjioze që ka mbledhur profesionistë dhe liderë nga e gjithë bota, Prof. Dr. Edmond Hajrizi, Themeluesi dhe Rektori i UBT-së, po merr pjesë si i vetmi personalitet nga rajoni shqipfolës në Kongresin e 65-të Evropian të Cilësisë, i cili po mbahet në Reims, Francë.

Ky kongres, një nga ngjarjet më të rëndësishme ndërkombëtare në fushën e cilësisë, ka tërhequr rreth 5,000 pjesëmarrës nga Evropa, SHBA-ja, Kina, India, Kanadaja dhe shumë shtete të tjera. Ai shërben si një platformë globale për shkëmbimin e praktikave të suksesshme dhe avancimin e cilësisë në fusha të ndryshme, përfshirë edukimin, shkencën, teknologjinë, dhe menaxhimin e cilësisë.

Në kuadër të këtij kongresi të nivelit të lartë, Rektori Hajrizi do të prezantojë një temë të rëndësishme, “UBT Smart City – The Convergence Platform for Entrepreneurial Education, Research, Science, Technology, and Innovation-Based Ecosystem”. Kjo temë përshkruan vizionin e UBT-së për krijimin e një ekosistemi inovativ, i cili bashkon edukimin, kërkimin shkencor, teknologjinë, dhe inovacionin për të zhvilluar një platformë të menaxhimit të cilësisë që i shërben shoqërisë dhe ekonomisë globale.

Në fjalën e tij, Rektori Hajrizi do të theksojë rolin e UBT-së në nxitjen e inovacionit dhe zhvillimin e bazuar në cilësi, duke përfshirë kontributin e institucioneve arsimore në përmirësimin e proceseve dhe standardeve globale. Idetë novatore që ai do të paraqesë po gjejnë jehonë të gjerë në audiencën globale, duke u vlerësuar për përkushtimin e UBT-së për të ofruar një arsimi të nivelit të lartë dhe të integruar me kërkimin dhe teknologjinë e avancuar.

Pjesëmarrja e Prof. Dr. Edmond Hajrizi në këtë kongres prestigjioz është një garanci për përkushtimin e UBT-së ndaj cilësisë dhe zhvillimit të qëndrueshëm. Ajo gjithashtu përfaqëson një mundësi të shkëlqyer për të promovuar rëndësinë e arsimit të avancuar dhe inovacionit në rajonin shqiptar, duke lidhur përvojat dhe praktikat më të mira të Evropës dhe botës./UBTNews/

Continue Reading

Lajmet

​Reforma e asistencës sociale, lansohet masa për mbështetjen e punësimit

Published

43 mins ago

on

November 15, 2024

By

Masa për mbështetjen e punësimit për anëtarët e aftë për punë të familjeve përfituese nga pilotimi i reformës së asistencës sociale, do të lansohet sot.

Në këtë ngjarje që nis në orën 13:00 marrin pjesë kryeministri Albin Kurti, dhe ministri i Financave, Punës dhe Transfereve, Hekuran Murati. Po ashtu i pranishëm do të jetë edhe drejtori i Bankës Botërore për Kosovë dhe Maqedoninë e Veriut, Massimiliano Paolucci.

Continue Reading

Lajmet

​Rexhbeçaj: Do të luajmë të bashkuar

Published

49 mins ago

on

November 15, 2024

By

Mesfushori i Kosovës, Elvis Rexhbeçaj, theksoi rëndësinë e kontrollimit të lojës në mesfushë dhe angazhimin e të gjithë ekipit për të fituar kundër Rumanisë.

“Stërvitjet kanë shkuar shumë mirë këtë javë. Besoj se jemi gati, e dimë se çfarë atmosfere na pret, por ne jemi futbollistë profesionistë të gjithë, jemi të përgatitur 100 përqind për ndeshjen kundër Rumanisë. Na duhet që ta kontrollojmë lojën në mesfushë, por duhet të gjithë të luftojmë së bashku, pasi kemi ekip shumë cilësor në ofensivë. Do të luajmë të bashkuar në mënyrë që ta dominojmë lojën”, tha Rexhbeçaj, duke premtuar se do të japë maksimumin për fitoren e Kosovës.

Në Grupin C2 të Ligës së Kombeve, Rumania kryeson me 12 pikë, ndërsa Kosova e ndjek me 9 pikë. Për të fituar grupin dhe për të avancuar në Ligën B, Kosovës i nevojitet një fitore më e thellë se 3:0 kundër rumunëve. Ndeshja vendimtare do të zhvillohet nesër në ora 20:45.

Continue Reading

Lajmet

​Malishevë, arrestohen tetë persona të mitur të përfshirë në një rrahje

Published

1 hour ago

on

November 15, 2024

By

Policia e Kosovës ka njoftuar se të enjten në Malishevë, janë arrestuar tetë persona të mitur të cilët ishin përfshirë në një rrahje mes vete.

Sipas policisë në këtë rast dyshohet se janë përdorur edhe armë zjarri.

“Dyshohet se është përdorur edhe armë zjarri, pasi që në vendin e ngjarjes është gjetur dhe sekuestruar një gëzhojë dhe një predhë e pistoletës me gaz”, thuhet në njoftim.

Policia ka bërë me dije se të lënduarve i është ofruar tretman mjekësor, derisa me vendim të prokurorit të dyshuarit janë dërguar në mbajtje.

Continue Reading

Të kërkuara