Lajmet
Në Kuvendin e Serbisë sot diskutohet për dialogun dhe planin franko-gjerman
Deputetëve do t’u prezantohet raporti për procesin e negociatave me autoritetet e Kosovës.
Deputeti i Lëvizjes Vetëvendosje (LVV), Faton Peci, ka deklaruar se partia në pushtet po bën përpjekje të vazhdueshme për të zhbllokuar ngërçin politik.
Ai theksoi se problemi nuk është emri i Albulena Haxhiut, duke shtuar se LVV është angazhuar në mënyrë të vazhdueshme për të përmbushur detyrimet ligjore dhe kushtetuese.
“Ne si grup parlamentar vazhdimisht po punojmë për të zhbllokuar këtë situatë. Jemi të angazhuar duke marrë pjesë në çdo seancë dhe duke kontribuar në procesin e votimit. Është e rëndësishme të sqarohet se përkundër spekulimeve të shumta për ndërrimin e emrit të kandidates për kryeparlamentare, ne nuk kemi arritur ende deri tek propozimi i një emri tjetër. Kërkojmë një proces të votimit të fshehtë. Emri i Haxhiut nuk është problemi, dhe po bëhet një padrejtësi ndaj saj pa nevojë,” tha Peci.
Ai gjithashtu foli për takimet që janë mbajtur me presidenten Vjosa Osmani, duke shpresuar që të dalin me propozime që mund të përbëjnë një rrugëzgjidhje për situatën aktuale. Sipas Pecit, shumë nga propozimet janë tashmë të njohura, por ai mbetet optimist se një marrëveshje mund të arrihet.
Shefja e Grupit Parlamentar të Lidhjes Demokratike të Kosovës (LDK), Hykmete Bajrami, ka deklaruar se partia e saj e mirëpret thirrjen e presidentes Vjosa Osmani për një takim ndërpartiak me qëllim të zgjidhjes së ngërçit politik në Kuvend.
Bajrami theksoi se një iniciativë e tillë ka ardhur fillimisht nga vetë LDK-ja.
“Është lajm i mirë që partitë politike po ulen së bashku, të ftuara nga presidentja, edhe pse iniciativa për t’u ulur bashkë e për të diskutuar për të dalë nga kriza që e ka krijuar LVV-ja ka qenë propozim i yni,” deklaroi ajo.
Ajo bëri të ditur se kryetari i LDK-së, Lumir Abdixhiku, do të marrë pjesë në këtë takim dhe do ta paraqesë më në detaje idenë e partisë për zgjidhjen e krizës.
Sipas Bajramit, përgjegjësitë në një qeveri gjithëpërfshirëse duhet të ndahen në bazë të rezultateve zgjedhore dhe jo përmes ndarjes së pozitave në mënyrë joproporcionale.
“Nëse partitë politike e përkrahin, besoj që takimet në vazhdim janë për detaje të tjera – për afatet, për listën e prioriteteve – dhe absolutisht nuk bëhet fjalë për ndarje të pozitave. Kjo do të ishte e lehtë, sepse në një qeveri gjithëpërfshirëse ndarja e përgjegjësive do të mund të bëhej në bazë të përqindjes së rezultateve të votave,” shtoi ajo.
Bajrami theksoi se LDK nuk ka vendosur kushte, nuk ka kërkuar dikastere specifike dhe as nuk ka zhvilluar diskutime të tilla deri më tani.
Kryetari i PDK-së, Memli Krasniqi, ka përsëritur thirrjen që Lëvizja Vetëvendosje ta ndërrojë kandidaten për kryeparlamentare në mënyrë që të zgjidhet ngërçi politik.
Krasniqi ka thënë se është e pakuptueshme se si një kandidat mund të jetë më i rëndësishëm se gati 1 milion qytetarë që kanë votuar.
“Ky është serial i turpshëm i pengmarrjes institucionale që po e realizon VV-ja, me bllokimin jo vetëm të konstituimit, por edhe të krijimit të institucioneve sipas verdiktit të qytetarëve. Fiks një muaj më parë, jemi mbledhur këtu dhe jemi një muaj më vonë dhe shumë muaj pas zgjedhjeve, dhe jemi në bllokadën që po e mban partia në pushtet. Kjo është e tepërt. Edhe një herë i bëj thirrje VV-së dhe deputetit Kurti ta ndërrojë kandidaten që i merr herë 55, herë 56, herë 53 vota sepse nuk do t’i marrë 61. Është e pakuptueshme se si një kandidat mund të jetë më i rëndësishëm se gati 1 milion qytetarë që kanë votuar”, ka thënë ai pas dështimit të 16-të.
Peci: Emri i Haxhiut nuk është problemi, po bëhen përpjekje për zhbllokimin e ngërçit
Arrestohet ish-komandanti serb i policisë, dyshohet për krime lufte në Zveçan
LDK mirëpret ftesën e Presidentes për takim mes partive
Krasniqi: Edhe një herë i bëj thirrje VV-së dhe deputetit Kurti ta ndërrojë kandidaten
Dështon tentimi i 16-të për konstituimin e Kuvendit
Murati: Shpresojmë që sot do të konstituohet Kuvendi
Zemaj: LVV e ka krijuar situatën, askush nuk dëshiron të bashkëpunojë me ta
Berisha-AAK: Nuk presim ndonjë rezultat nga takimi i presidentes me partitë politike
Rutte: Optimist, pika e kthesës për arritjen e paqes i takon Moskës
-
Lajmet nga UBT3 months agoPërgatituni për të udhëhequr politikën e të ardhmes me Fakultetin e Shkencave Politike në UBT
-
Lajmet1 month agoStudentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT2 weeks agoProfesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months agoProfesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim