

Lajmet
Në kufijtë e lirisë: Kërcënimi i Lirisë së Shtypit në Gaza
Published
11 months agoon
By
Betim GashiNdërsa Dita Botërore e Lirisë së Shtypit përkujtohet më 3 maj, konflikti në Gaza nxit shqetësimet për sigurinë e gazetarëve, siç dëshmon edhe vdekja e kameramanit të Al Jazeera, Samer Abu Daqa, gjatë bombardimeve izraelite. Funerali i tij u mbajt në Khan Yunis, duke sjellë një moment të trishtueshëm për kolegët dhe familjen e tij.
Situata në Gaza është alarmante për median dhe gazetarët, veçanërisht pas raportimeve të Komitetit për Mbrojtjen e Gazetarëve (CPJ) dhe Federatës Ndërkombëtare të Gazetarëve (IFJ) që tregojnë se kjo është periudha më vdekjeprurëse për gazetarët në këtë zonë. Mbi 100 gazetarë dhe punonjës të medias janë vrarë në shtatë muajt e parë të luftës në Gaza, shumica prej tyre palestinezë. Sipas zyrës së medias në Gaza, mbi 140 gazetarë janë të vrarë, që mesatarisht është pesë gazetarë çdo javë që nga fillimi i tetorit. Këto statistika shprehin një realitet të tmerrshëm për gazetarët që punojnë në këtë zonë të konfliktit.
Volker Turk, Komisioneri i Lartë i OKB-së për të Drejtat e Njeriut, në një deklaratë u shpreh se humbja e një gazetari është humbja e një zë për të vërtetën. Dita Botërore e Lirisë së Shtypit ka për qëllim të mbrojë lirinë e shtypit dhe të festojë vlerat e së vërtetës, por në këtë kontekst ajo rrit nevojën për mbrojtjen e gazetarëve që punojnë në mjediset më të vështira.
Gazetarët e Al Jazeera-s janë ndër viktimat e fundit të këtij konflikti. Hamza Dahdouh dhe Mustafa Thuraya u vranë nga raketat izraelite në Khan Younis. Një tjetër ngjarje tragjike ishte vdekja e kameramanit Samer Abudaqa, i cili u plagos rëndë në një sulm me dron izraelit dhe u vdiq pas disa orësh nga plagët. Rrjeti Mediatik Al Jazeera ka reaguar ashpër ndaj sulmeve, duke kërkuar masa të menjëhershme ligjore kundër forcave okupuese për të siguruar drejtësi për viktimat e tyre.
Kjo rritje në numrin e viktimave dhe sulmet ndaj gazetarëve thekson rëndësinë e mbrojtjes së lirisë së shtypit në zonat e konfliktit dhe nevojën për veprime urgjente për të garantuar sigurinë e gazetarëve që punojnë në kushte të vështira. Më shumë se 100 gazetarë dhe punonjës të medias, shumica dërrmuese palestinezë, janë vrarë në shtatë muajt e parë të luftës në Gaza, sipas Komitetit për Mbrojtjen e Gazetarëve (CPJ) dhe Federatës Ndërkombëtare të Gazetarëve (IFJ). Zyra e medias e Gazës ka numrin në më shumë se 140 të vrarë, që mesatarisht është pesë gazetarë të vrarë çdo javë që nga 7 tetori.
Që nga fillimi i luftës, të paktën 34 mijë e 596 palestinezë janë vrarë dhe 77 mijë e 816 të tjerë janë plagosur në Gaza. Më shumë se 8 mijë të tjerë janë të zhdukur, të zhytur nën rrënoja.
Jonathan Dagher, Shefi i tavolinës së RSF-së për Lindjen e Mesme tha në një deklaratë në prill, se gazetarët e Gazës duhet të mbrohen, ata që dëshirojnë duhet të evakuohen dhe portat e Gazës duhet të hapen për mediat ndërkombëtare.
“Të paktët gazetarë që kanë mundur të largohen dëshmojnë për të njëjtin realitet të tmerrshëm të sulmimit, plagosjes dhe vrasjes së gazetarëve… Gazetaria palestineze duhet të mbrohet urgjentisht”, tha ai./UBTNews/
Përktheu nga Al Jazeera: Dionesa Ebibi
Lajmet
Siguroi votat për deputet, Alban Zogaj dorëhiqet nga nënkryetari i Prishtinës
Published
6 minutes agoon
March 27, 2025By
UBTNews
Alban Zogaj sot ka dhënë dorëheqje nga posti i nënkryetarit të Prishtinës, pasi siguroi votat për t’u zgjedhur deputet në Kuvendin e Kosovës.
Kështu ka bërë të ditur Zogaj përmes një postimi në rrjetin social Facebook, me ç’rast tha se detyrën e nënkryetarit e ka mbajtur “me nder, përkushtim dhe dashuri të thellë për qytetin tim”.
“Dorëheqja ime vjen si rezultat i zgjedhjes sime si deputet në Kuvendin e Kosovës – një përgjegjësi e madhe që e pranoj me përulësi e përkushtim të plotë. Besimi i qytetarëve është shtysa ime më e madhe për të vazhduar punën në një nivel tjetër, tash për të gjithë Kosovën”, shkroi Zogaj.
Zogaj, i cili në zgjedhjet e 9 shkurtit mori rreth 15 mijë vota për deputet nga radhët e Lidhjes Demokratike të Kosovës, shkroi se dorëheqja e tij nuk është lamtumirë, por një kthesë e re në rrugën e shërbimit publik.
Bota
Gjermania “s’do të dorëzohet” përballë tarifave të Trumpit për vetura
Published
10 minutes agoon
March 27, 2025By
UBT NEWS
Autoritetet gjermane kanë reaguar ashpër ndaj vendimit të presidentit të SHBA-së, Donald Trump, për të vendosur tarifa prej 25% për veturat dhe pjesët e tyre të importuara, duke theksuar se “nuk do të dorëzohen”. Ministri gjerman i Ekonomisë, Robert Habeck, ka deklaruar se Bashkimi Evropian duhet të “përgjigjet me vendosmëri” ndaj këtij vendimi, duke shtuar se Evropa duhet të tregojë forcë dhe vetëbesim për të mbrojtur interesat e saj.
Përballë kërcënimeve të Trumpit për tarifa më të mëdha, ekonomitë e tjera të mëdha, si Franca, Kanadaja dhe Kina, kanë shprehur shqetësimin dhe kanë kërcënuar me masa hakmarrëse. Ministri i Financave i Francës, Eric Lombard, ka theksuar se Evropa nuk mund ta pranojë këtë situatë, pasi mund të çojë në një spirale të pandalshme tarifash.
Në këtë kontekst, aksionet e kompanive të mëdha si Porsche, Mercedes, BMW dhe Stellantis kanë rënë ndjeshëm, duke reflektuar pasigurinë e krijuar nga këto tarifa. Masat do të hyjnë në fuqi më 2 prill për veturat dhe më vonë për pjesët e tyre, duke rritur shqetësimet për ndikimin ekonomik.
Trump ka mbrojtur këtë masë si një përpjekje për të mbështetur prodhimin amerikan, megjithatë ka pasiguri se si do të ndikojnë kostot për bizneset që varen nga importet e pjesëve të huaja. Shtetet e tjera furnizuese, si Meksika dhe Koreja e Jugut, gjithashtu do të preken nga këto tarifa./UBTNews/
Bota
Sllovenia ndalon mbetjet ushqimore në qendrat tregtare
Published
54 minutes agoon
March 27, 2025By
UBT NEWS
Duke ndjekur shembullin e Francës, Sllovenia planifikon të bëhet vendi i dytë evropian që ndalon mbetjet ushqimore nga zinxhirët e shitjes me pakicë. Në kuadër të një ligji të ri për ushqimin, Ministria e Bujqësisë e Sllovenisë po përgatit një rregullore që do të detyrojë dyqanet dhe marketet të dhurojnë ushqimet që janë afër datës së skadencës ose ende të mira për konsum te organizatat humanitare, në vend që t’i hedhin ato.
Ky hap është pjesë e përpjekjeve për të reduktuar humbjet ushqimore dhe për të kontribuar në luftën kundër varfërisë, duke siguruar që ushqimi i panevojshëm të shkojë tek ata që kanë nevojë. Sllovenia synon kështu të rrisë ndërgjegjësimin për mbrojtjen e mjedisit dhe të kontribuoni në një ekonomi më të qëndrueshme./UBTNews/
Lajmet
Ekzekutoi me thikë 36-vjeçarin, dënohet me 22 vite burgim i riu shqiptar në Itali
Published
1 hour agoon
March 27, 2025By
UBT NEWS
Një i ri shqiptar është dënuar me 22 vite burgim për vrasjen e një 36-vjeçari rumun në Itali, një ngjarje që ndodhi më 17 shkurt 2020. Shqiptari, i cili kishte precedentë penalë për trafik droge, u kap nga policia italiane pas një hetimi të gjatë. Vrasja e rumunit dyshohet se lidhet me një grindje të lidhur me tregtimin e drogës dhe luftën për kontrollin e biznesit të paligjshëm në zonën e Fermos dhe Porto Sant’Elpidio.
Trupi i pajetë i viktimës, gjithashtu një person me precedentë penalë, u gjet me plagë të shumta me thikë në shpinë, çka e bëri këtë ngjarje të një natyre shumë të rëndë dhe alarmuese për autoritetet italiane. Përveç dënimit për vrasjen, shqiptari do të vuajë gjithashtu një dënim të mëparshëm prej 2 vitesh për trafik droge.
Ngjarja ka nxjerrë në pah përfshirjen e grupeve kriminale në veprimtari të paligjshme dhe pasojat e rëndësishme që ato kanë në komunitetet e ndryshme. Pas këtij dënimi përfundimtar, shqiptari do të kalojë më shumë se dy dekada në burgun e Fermos.

Ndryshimet po vijnë, si do të duket iOS 19?

Siguroi votat për deputet, Alban Zogaj dorëhiqet nga nënkryetari i Prishtinës

Gjermania “s’do të dorëzohet” përballë tarifave të Trumpit për vetura

Tronditet Napoli: 14-vjeçari vdes në fushë para prindërve të tij

Sllovenia ndalon mbetjet ushqimore në qendrat tregtare

Mariah Carey feston ditëlindjen e 56-të

Ekzekutoi me thikë 36-vjeçarin, dënohet me 22 vite burgim i riu shqiptar në Itali

Ja gabimet që bëni kur nisni dietën për rënie në peshë

Plani i Rritjes, BE-ja thotë se s’ka momentalisht “parafinancim” për Kosovën e Serbinë
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota2 months ago
Trump zbulon listën e zezë të Shtëpisë së Bardhë