Lajmet

Në Komisionin Hetimor Parlamentar u shqyrtua kërkesa për shtyrjen e datës për intervistim të Berishajt

Berishaj ka deklaruar se për shkak të disa takimeve të caktuara më herët nuk mund të vinte për intervistim sot.

Published

on

Komisioni Hetimor Parlamentar në lidhje me menaxhimin e krizës energjetike nga Qeveria e Republikës së Kosovës sot ka shqyrtuar kërkesën e Martin Berishajt, ambasador i Republikës së Kosovës në Kroaci, për shtyrjen e datës për intervistim nga Komisioni hetimor parlamentar.

Kryetari i këtij Komisioni, Driton Selmanaj lexoi letrën që ia kishte adresuar ambasadori Berishaj, i cili ka deklaruar se për shkak të disa takimeve të caktuara më herët nuk mund të vinte për intervistim ditën e sotme. Ai si data kishte propozuar 29 dhe 30 nëntorin, por këto data u konsideruan të vona nga kryesuesi i këtij komisioni, Driton Selmanaj, i cili tha se meqenëse mandati i këtij komisioni përfundon më 4 dhjetor, prandaj propozoi që deri më 20 nëntor të ketë mundesi ambsadori Berishaj për intervistim.

Ferat Shala nga PDK propozoi që Besim Imeri të ftohet për intervistim. Me propozimin e Shalës u pajtua edhe bashkëpartiaku i tij, Abelard Tahiri duke thënë se ai është person kyç që ka nënshkruar tri memorandume prej të cilave kanë rezultuar me transfere 20 milionë euro.Por në mungesë të kourumit nuk mund të vendosej nëse Imeri do të mund të intervistohet të premten e ardhshme.

Bota

Situatë e rëndë në Greqi, mbyllen shkollat, banorëve iu kufizohet lëvizja…

Published

on

Greqia po kalon një situatë të rëndë për shkak të kushteve të këqija të motit që kanë shkaktuar përmbytje masive dhe dëme të mëdha infrastrukturë, kryesisht në ishujt më të njohur turistike. Në Naoussa, rrugët janë kthyer në lumenj të rrëmbyeshëm, duke marrë me vete dhjetëra makina të parkuara dhe gjithçka që ka qenë në rrugë.

Shkollat janë mbyllur në disa prej ishujve më të prekur, përfshirë Paros, Mykonos, Symi, Kos dhe Rodos, ndërsa banorëve të ishujve të tjerë, si Hios, Samos dhe Ikaria, u është kërkuar të kufizojnë lëvizjet e tyre për siguri.

Përmbytjet janë shkaktuar nga reshje të mëdha shiu, ku vetëm brenda disa orësh, Mykonos ka marrë deri në 100 milimetra shi për metër katror, ndërsa Paros ka regjistruar 70 milimetra. Megjithatë, autoritetet lokale kanë njoftuar se nuk ka raporte për të lënduar deri tani, pavarësisht situatës kaotike. Kjo ka shkaktuar shqetësim për sigurinë e banorëve dhe turistëve në këto destinacione, duke ndërprerë gjithashtu lëvizjen e përditshme dhe aktivitete të tjera.

Continue Reading

Lajmet

APK: Afati për deklarimin e pasurisë vazhdon vetëm edhe sot

Published

on

By

Agjencia për Parandalimin e Korrupsionit (APK) njofton se, bazuar në Ligjin për Procedurën e Përgjithshme Administrative, afati i fundit për deklarimin e pasurisë vazhdon edhe sot, më 1 prill.

“Kur dita e fundit e një afati bie të shtunën, të dielën apo një ditë feste zyrtare, afati mbaron në ditën e punës që vjen menjëherë pas”, njofton APK.

Sipas APK-së, afati i fundit ligjor për deklarimin e pasurisë për vitin kalendarik 2024 është më 1 Prill 2025 (deri në ora 23:59:59).

Gjatë ditë së djeshme, uebfaqja e Agjencisë për Parandalimin e Korrupsionit ka pasur probleme teknike, pikërisht në ditën kur ishte edhe afati i fundit i zyrtarëve publikë për ta deklaruar pasurinë.

Ligji për Deklarim të Pasurisë parasheh që rreth 5 mijë zyrtarë, të cilët obligohen të deklarojnë pasurinë e tyre, ata këtë deklarim duhet ta bëjnë atë deri sot më datë 31 mars 2025, në Agjencinë për Parandalimin e Korrupsionit. Në të kundërtën ata do të përballen me gjoba e kallëzime penale.

Continue Reading

Bota

Kina: Pavarësia e Tajvanit nënkupton luftë

Published

on

Kina ka paralajmëruar se çdo përpjekje për të siguruar pavarësinë e Tajvanit do të çonte në një konflikt të armatosur, duke e konsideruar këtë si një kërcënim për sigurinë e saj kombëtare. Ushtria kineze njoftoi se ka nisur manovra të mëdha ushtarake në afërsi të ishullit të Tajvanit, duke përfshirë stërvitje që angazhojnë forcat tokësore, detare, ajrore dhe raketore. Këto manovra kanë për qëllim testimin e aftësive të përbashkëta operacionale të trupave kineze dhe për të dërguar një mesazh të qartë ndaj atyre që mbështesin pavarësinë e Tajvanit.

Ushtria kineze e ka quajtur këtë veprim një “paralajmërim të ashpër” kundër forcave separatiste të Tajvanit dhe një “veprim legjitim” për të mbrojtur sovranitetin dhe unitetin kombëtar të Kinës. Për më tepër, Ministria e Mbrojtjes e Tajvanit ka deklaruar se po monitoron lëvizjet ushtarake kineze, dhe ka raportuar se 19 anije të marinës kineze u regjistruan në ujërat përreth Tajvanit në 24 orët e fundit.

Ky zhvillim vjen pas tensioneve të vazhdueshme mes Kinës dhe Tajvanit, të cilat janë shtuar gjatë viteve të fundit, veçanërisht pasi disa shtete dhe organizata ndërkombëtare kanë rritur mbështetjen për Tajvanin. Tensionet janë të theksuara edhe në kontekstin e politikave të jashtme dhe të sigurisë në rajonin e Azisë Lindore, ku Kina ka bërë përpjekje për të rritur ndikimin e saj.

Continue Reading

Lajmet

Serbia dhe Hungaria nënshkruajnë marrëveshje për bashkëpunim në mbrojtje, njofton Vuçiq aleancë ushtarake

Published

on

Serbia dhe Hungaria kanë nënshkruar një marrëveshje të re për bashkëpunim strategjik në fushën e mbrojtjes, që përfshin aktivitete të përbashkëta si stërvitje dhe bashkëpunim ushtarako-teknik, përfshirë edhe prokurimin e armëve. Ky është një hap i mëtejshëm në forcimin e lidhjeve ndërmjet dy vendeve, pas një marrëveshje të ngjashme të nënshkruar vitin e kaluar.

Presidenti serb, Aleksandar Vuçiq, ka shprehur shpresën se kjo marrëveshje mund të shërbejë si një hap drejt krijimit të një aleance ushtarake ndërmjet Serbisë dhe Hungarisë. Ai falënderoi qeverinë hungareze, veçanërisht Kryeministrin Viktor Orban, për bashkëpunimin afatgjatë, duke përmendur se Hungaria luajti një rol të rëndësishëm në mbrojtjen e Serbisë gjatë vitit 1999, kur vendi u përball me mundësinë e një pushtimi.

Në vitin 2025, janë planifikuar 79 aktivitete të përbashkëta, krahasuar me 48 të realizuara në vitin 2023, duke theksuar intensifikimin e bashkëpunimit ushtarak mes dy vendeve. Vuçiq gjithashtu theksoi se Serbia dhe Hungaria kanë bashkëpunimin më të zhvilluar të mbrojtjes në rajon dhe besoi se ky bashkëpunim do të çojë më tej në krijimin e një aleance ushtarake mes dy shteteve./UBTNews/

Continue Reading

Të kërkuara