Mediat në Gjermani po raportojnë se tre persona janë plagosur të mërkurën pranë gjykatës së Bielefeldit në Gjermani, ku po zhvillohej seanca gjyqësore lidhur me vrasjen e boksierit kosovar Besar Nimani në vitin 2024.

Ngjarja ndodhi pas përfundimit të seancës kur të shtënat u dëgjuan në afërsi të ndërtesës së gjykatës.

Mediat gjermane raportojnë se mes të plagosurve janë dy të afërm të të akuzuarit për vrasjen e boksierit, Huseyin Akkurt dhe se tashmë njëri nga personat e dyshuar për sulmin është arrestuar.

Huseyin Akkurt akuzohet për vrasjen e Besar Nimanit. Ai u arrestua në Bruksel në qershor të vitit 2024 dhe dyshohet se ka bashkëpunuar me Aymand Daëoud Kirit, 33 vjeç, i cili është ende në arrati. Të dyshuarit kishin qëlluar 16 herë në drejtim të boksierit, i cili humbi jetën në vendin e ngjarjes.

Ministri i Jashtëm rus, Sergei Lavrov, ka kundërshtuar dislokimin e trupave paqeruajtëse evropiane në Ukrainë. Lavrov e ka cilësuar këtë ide si një përpjekje për të “nxitur më tej konfliktin”. Gjatë një konference për shtyp në Katar, Lavrov i cilësoi deklaratat si manovra për të dërguar më shumë armë në Kiev.

Reagimi i kryediplomatit rus vjen pasi presidenti amerikan Donald Trump tha të martën se pas një marrëveshjeje paqeje mund të ishte e nevojshme “një formë paqeruajtjeje” në Ukrainë. Të hënën, Trump deklaroi se Moska ishte e hapur për pranimin e paqeruajtësve evropianë, por deklarata u përjashtuan nga kryedplomati rus.

Lavrov përjashtoi çdo mundësi për ngrirjen e konfliktit në vijën aktuale të frontit, duke nënvizuar se forcat ruse do të vijojnë luftimet derisa të marrin nën kontroll të katër rajonet ukrainase që Moska i ka shpallur si pjesë të saj.

“Disa sugjerojnë ta lëmë vijën e frontit aty ku është, duke ndarë zonat në ruse dhe ukrainase. Kjo nuk do të ndodhë. Ne kemi një kushtetutë të bazuar në vullnetin e popullit,” deklaroi Lavrov.

Moska e konsideron Donetskun, Luhanskun, Khersonin dhe Zaporizhzhian si territore ruse, pavarësisht se nuk i ka nën kontroll të plotë.

Sipas mediave serbe të afërta me regjimin në Beograd, presidenti serb Aleksandar Vuçiq do të arrijë sonte në Banja Llukë me ftesë të Milorad Dodik i cili sot u dënua me një vit burg dhe gjashtë vjet të ndalimit të funksionit të detyrave të Presidentit të Republikës Serbe për mosbindje ndaj vendimit të Përfaqësueses së Lartë në Bosnje dhe Hercegovinë.

Në fjalimin e dytë pas vendimit, Dodik tha se ka bërë dy telefonata dhe se telefonata e parë ka qenë e Vuçiqit, ndërsa telefonata e dytë ka qenë e kryeministrit hungarez Viktor Orban.

Dodik e ka ftuar Vuçiqin që brenda 24 orëve të vijë në Banja Llukë, por është e sigurt që vizita do të ndodhë tashmë sonte. Vuçiq ka thirrur edhe mbledhjen urgjente të Këshillit të Sigurisë Kombëtare të Serbisë për sot në orën 17:00 për shkak të dënimit të Milorad Dodik.

Ministria e Mbrojtjes e Rusisë ka njoftuar këtë të mërkurë se forcat ruse goditën fushat ajrore ushtarake të Ukrainës dhe depot e UAV-ve të cilat janë automjete ajrore pa pilot, gjatë 24 orëve të fundit në operacionin special ushtarak në Ukrainë.

“Aeroplanët operativ/taktik, sulmojnë mjete ajrore pa pilot, trupa raketore dhe artileri të grupeve ruse të forcave goditën infrastrukturën e aeroporteve ushtarake, magazinat që ruanin mjete ajrore pa pilot dhe grumbulluan fuqi punëtore dhe pajisje të formacioneve të armatosura ukrainase në 139 lokacione”, tha ministria në një deklaratë.

Grupi i Betejës Veriore i Rusisë shkaktoi më shumë se 30 viktima në trupat ukrainase dhe shkatërroi dy tanke armike në zonën e tij të përgjegjësisë në rajonin e Kharkovit një ditë më parë, njoftoi ministria.