Kulturë

Në çfarë formati duhet ta dërgoni një CV kur aplikoni për punë

Dërgimi i CV-së në formatin Word doc, përparësitë.

Published

3 years ago

on

Ju keni gjetur një pozitë të lirë pune ku doni të aplikoni. E keni shkruar dhe përshtatur CV-në tuaj ku tregoni se pse jeni personi i duhur për atë punë. Por para se ta dërgoni atë, ju keni dilemma si: Cili format i CV-së është më i miri? A duhet të ngarkoni CV-në tuaj si PDF ose si Word doc?

Fatkeqësisht, nuk ka një përgjigje që veçon njërën ose tjetrën formë të CV-së. Disa ekspertë të kërkimit të punës rekomandojnë PDF ndërsa ka edhe prej atyre që preferojnë Word doc. Ekzistojnë disa rregulla që mund të ndiqni për të bërë zgjedhjen e duhur që i përshtatet situatës tuaj të aplikimit për punë.

Dërgimi i CV-së në formatin Word doc

Dorëzimi i CV-së tuaj si Word doc është një nga zgjedhjet më të njohura për shumë kandidatë dhe kompani. Ky është një format mjaft i përdorur pasi që është lehtë i çasshëm, që do të thotë se gjasat që rekruterët ta pranojnë atë dhe të jenë në gjendje të hyjnë në CV-në tuaj janë të larta.

Përparësitë:

*Word doc është formati standard dhe më i njohur për shumicën e CV-ve;
*Shumica e sistemeve të ndjekjes së aplikantëve mund të lexojnë dokumentet e Word-it;

Mangësitë:
*Shpesh, emrat e kompanive dhe zhargoni i industrisë mund të mos njihet nga fjalori i procesorit të Word dokumentit tuaj. Kjo do të thotë se disa fjalë mund të nënvizohen me ngjyrë të kuqe automatikisht edhe nëse janë të shkruara gramatikisht mirë. Kjo mund të jetë shqetësuese për një rekrutues kur lexon CV-në tuaj dhe mund të duket joprofesionale;
*Ekzistojnë disa dallime të vogla të formatimit midis dokumenteve Word në një Mac dhe Kompjuter. Kjo mund të dëmtojë formatimin në CV-në tuaj nëse një rekrutues ose menaxher punësimi hap dokumentin tuaj Word në një sistem operativ të ndryshëm;

Dërgimi i CV-së në formatin PDF

Sikurse formati Word edhe PDF është format mjaft i përhapur. Formati PDF është zgjedhje e shkëlqyeshme për një numër arsyesh. Më e rëndësishmja është se ky format eliminon rrezikun e dërgimit të një dokumenti të infektuar nga virusi, dhe ruan formatimin tuaj në mënyrë që pranuesi të marrë CV-në tuaj saktësisht siç e keni ruajtur atë.

Përparësitë:

*PDF është lehtë e pranueshme për të dyja sistemet operative, si në Mac ashtu edhe në kompjuter;
*Dërgimi i një PDF eliminon rrezikun e viruseve;
*Ruajtja e CV-së tuaj si PDF siguron që formatizimi të mbetet siç është, dhe nuk mund të bëhen ndryshime në dokument;

Mangësitë:

*Disa sisteme për gjurmimin e aplikantëve nuk mund të lexojnë dokumente PDF. Nëse dërgoni një PDF që programi ATS (sistemet e ndjekjes së aplikantëve) nuk mund ta lexojë, CV-ja juaj nuk mund të arrijë tek rekrutuesi;

Ndiqni çdo udhëzim të aplikimit

Nëse në përshkrimin e punës kompania ka të caktuar formatin e CV-së që kërkojnë nga kandidatët, atëherë ju duhet t’i ndjekni rregullat dhe ta dërgoni CV-në në formatin e kërkuar. Nëse injoroni kërkesat e kompanisë, ka gjasa që CV-ja juaj të mos shqyrtohet fare nga personat kompetent, pasi duke vepruar në këtë mënyrë, ju po jepni përshtypje se nuk i kushtoni vëmendje detajeve dhe  udhëzimeve.

Shikoni se si po aplikoni

Jo të gjitha CV-të dërgohen te rekrutuesit dhe menaxherët që punësojnë në të njëjtën mënyrë. Forma se si transmetohet CV-ja juaj mund t’ju ndihmojë të vendosni se cili format është zgjidhja më e mirë. Çfarëdo formati që përdorni, sigurohuni që titulli i CV-së të jetë i qartë dhe i drejtpërdrejtë për punëdhënësin. Në qoftë se kërkesa për punë nuk këshillon ndryshe, përdorni emrin tuaj si pjesë të emrit të CV-së. (Akademi Pune)

Related Topics:
Continue Reading

Magazinë

Ish-partnerja e Liam Payne, Cheryl, trashëgon pasurinë e tij me vlerë 32.3 milionë dollarë

Published

1 day ago

on

May 8, 2025

By

Liam Payne mund të ketë qenë i ndarë nga partnerja e tij, Cheryl, me të cilën pati një djalë, Bear 8-vjeçar, në kohën e vdekjes së tij, por nëna e fëmijës së tij po trashëgon pasurinë e tij, me vlerë 32.3 milionë dollarë, pasi këngëtari i One Direction nuk la testament kur ndërroi jetë.

Për momentin, anëtarja e Girls Aloud (e njohur më parë si Cheryl Cole) e cila po punon me avokatin Richard Mark Bray, ka qasje të kufizuar në pasuri.

Payne vdiq në tetor në moshën 31 vjeç, kur ra nga kati i tretë i një hoteli në Argjentinë. Shkaku i vdekjes së tij, sipas ekzaminimit mjeko-ligjor, ishin lëndime të shumta me gjakderdhje të brendshme dhe të jashtme. Një test toksikologjik tregoi narkotikë në trupin e tij në kohën e rënies.

Në atë kohë, ai po dilte me influencuesen Kate Cassidy, e cila e kishte shoqëruar në pushimet e tij në Amerikën e Jugut, por ishte larguar disa ditë më parë.

“Liam ishte në humor shumë të mirë kur u largova nga Argjentina”, do t’i thoshte më vonë 26-vjeçarja gazetës “The Sun”. “Ishim shumë mirë, plot dashuri.” Ai ishte i lumtur dhe optimist. Nuk mund ta besoj që ka mbaruar vërtet.”

Continue Reading

Magazinë

Trump habit me veprimin: Punësoi yllin e reality show-t në muzeun e Holokaustit

Published

1 day ago

on

May 8, 2025

By

Donald Trump ka bërë një tjetër veprim që mund të shkaktojë reagime.

Në muzeun kushtuar viktimave të Holokaustit, ai punësoi yllin e reality show-t Siggy Flicker, e njohur për pjesëmarrjen e saj në shfaqjen The Real Housewives of New Jersey.

Siggy është një nga 11 personat e emëruar nga Trumpi për të shërbyer në bordin e muzeut.

Trump komentoi në platformën Truth Social: “Ata të gjithë e mbështesin Izraelin dhe do të sigurohen që ne të mos harrojmë kurrë. Urime të gjithëve”! Flicker njoftoi gjithçka në Instagram, duke falënderuar Trumpin “për privilegjin”.

Continue Reading

Magazinë

Cardi B i përgjigjet komenteve negative për paraqitjen e saj në Met: Isha e lodhur

Published

2 days ago

on

May 8, 2025

By

Cardi B nuk mund të mungonte në Met Gala 2025, ku u shfaq me një krijim mbresëlënës të Burberry, duke tërhequr edhe një herë vëmendjen mbi veten. Edhe pse shumica e njerëzve e lavdëruan për zgjedhjen e veshjeve, shumë komentuan qëndrimin dhe deklaratat e saj para kamerave.

Gjatë një interviste për Vogue, ndërsa përgatitej për eventin, reperja foli hapur për presionin që ndjen për ta tejkaluar veten çdo herë:

“Është më stresuese tani sepse po konkurroj me veten”, tha ajo, duke shtuar: “Të gjithë presin shumë nga unë. Sidomos këtu, sepse e dinë se kjo është fusha ime. Është e frikshme, por më pëlqen.” Ajo shtoi: “ Kjo më bën të kuptoj se jam vërtet një superyll.” “Sepse vetëm superyjet janë të ftuar.”

Fansat e saj në rrjetet sociale nxituan të lavdëronin mirëkuptimin e saj për çështjen e Met, por videoja tërhoqi vëmendjen edhe për arsye të tjera.

Disa filluan ta kritikonin pamjen e saj, duke pretenduar se dukej “e lodhur”, “e dehur” apo edhe “nën ndikimin e drogës”.

Continue Reading

Kulturë

92 vjet nga lindja e mbretëreshës së këngës shqipe, Nexhmije Pagarushës

Published

2 days ago

on

May 7, 2025

By

Sot janë bërë 92 vjet nga lindja e mbretëreshës së muzikës shqipe, Nexhmije Pagarushës.

Ajo mbetet një nga figurat më të shquara të muzikës shqiptare, e cila sot në këtë përvjetor vazhdon të kujtohet si ‘Bilbili i këngës shqipe’ e cila la pas një trashëgimi të pashlyeshme, e cila vazhdon të frymëzojë e të prekë zemrat e shumëkujt.

Nexhmije Pagarusha nuk ishte vetëm një artiste, por një ikonë, një përfaqësuese e muzikës shqiptare. Me zërin e saj të shkëlqyeshëm dhe interpretimin e ndjeshëm, ajo arriti të kapte zemrat e publikut në mënyrë të paimagjinueshme.

Këngët e saj, si “Baresha”, ”Ani mori nuse”, ”Mora testin”, “Një lule”, “Zambaku i Prizrenit” dhe shumë të tjera, nuk janë vetëm kompozime muzikore, por janë pjesë e trashëgimisë kulturore të kombit tonë.

Veprimtaria e saj muzikore 40-vjeçare është aq e gjerë, sa që është vështirë të thuhet se cilit zhanër i takon. Është e njohur për interpretimet e saj të shkëlqyera në muzikën popullore dhe opera.

Nexhmije Pagarusha ishte edhe aktore e suksesshme, si në film ashtu edhe në teatër.

”Baresha” është një ndër kryeveprat e interpretimit të saj. Kjo këngë u kompozua nga bashkëshorti i saj Rexho Mulliqi, me tekstin e poetit Rifat Kukaj.

Nexhmije Pagarusha interpretoi në një koncert të muzikës klasike veprat e përkthyera shqip të Bethovenit, Puçinit, Verdit, etj. Ky koncert ka qenë i pari i këtij lloji. Fatkeqësisht, asnjërit nga organizatorët teknikë nuk iu kishte kujtuar që të regjistronte këtë koncert. Mendohet se ajo ka interpretuar mbi 150 këngë.

Ajo ishte pjesëmarrëse e koncerteve në Kosovë, Shqipëri, Bullgari, etj. Karrierën muzikore e përfundoi në vitin 1984, pas një koncerti në Sarajevë. Pas 16 vjetësh larg skenës, ajo u paraqit në vitin 2000 me këngën “Për ty” në një emision të udhëhequr nga Ardit Gjebrea, i cili e bindi të bëjë këtë.

Më 2018 Pagarusha u vlerësua me “Medaljen e Mirënjohjes” nga presidenti amerikan, Donald Trump.

Përveç talentit të saj të rrallë, Nexhmije Pagarusha ishte gjithashtu një simbol i forcës dhe rezistencës.

Me 7 Shkurt 2020, Nexhmije Pagarusha u nda nga jeta.

Continue Reading

Të kërkuara