Sport

Në Bayern Munich askush nuk mund të paguhet më shumë se 20 milionë euro

Published

5 years ago

July 22, 2021

UBT news

Bayern Munich gjithmonë ka qenë klub i kujdesshëm në shpenzimin e parasë, madje edhe para krizës së shkaktuar nga pandemia e koronavirusit. Prandaj klubi i Bundesligës asnjëherë s’e ka gjetur veten të zhytur në borxhe.

Bayerni ka vendosur që asnjë lojtar nuk mund të ketë pagë vjetore më të lartë se 20 milionë euro.

Klubi ka vendosur t’i ndajë pagat në katër kategori dhe lojtari do të paguhet varësisht prej rëndësisë në skuadër.

Sipas gazetës së madhe gjermane Bild, Robert Lewandowski është i vetmi lojtar që do të marrë pagë maksimale në Bayern, 20 milionë euro në vit bruto.

Në kategorinë e parë, lojtarët do të paguhen nga 15 deri në 20 milionë euro në vit dhe këtu përfshihen yjet si Lewandowski, Manuel Neuer, Thomas Muller dhe Leroy Sane.

Joshua Kimmich pritet të bëhet pjesë e këtij grupi sapo ta nënshkruajë vazhdimin e marrëveshjes dhe njëlloj do të ndodhë edhe me dyshen Leon Goretzak dhe Kingsley Coman nëse ata nënshkruajë marrëveshje të reja me klubin.

Sport

KV Ulpiana triumfon ndaj KV Forcës

Published

35 minutes ago

October 14, 2026

UBTNews

KV Ulpiana ka shënuar fitore ndaj KV Forcës në kuadër të Superligës A në volejboll, duke e mbyllur përballjen me rezultat 3:0 në sete.

Volejbollistët e Ulpianës treguan paraqitje të mirë që nga fillimi i takimit, duke fituar setin e parë me rezultat 25:17.

Ulpiana vazhdoi me ritëm pozitiv edhe në pjesën tjetër të ndeshjes, ndërsa seti i tretë rezultoi më i luftuar, duke u mbyllur me rezultat të ngushtë 25:23.

Me këtë triumf, Ulpiana regjistron një fitore të rëndësishme në Superligën A.

D.L

Sport

KV Ulpiana e nis fuqishëm ndeshjen ndaj KV Forcës, fiton setin e parë

Published

2 hours ago

October 14, 2026

UBTNews

KV Ulpiana ka nisur me rezultat pozitiv përballjen ndaj KV Forcës, në kuadër të Superligës A në volejboll.

Volejbollistët e Ulpianës kanë treguar lojë të mirë në setin e parë, duke e mbyllur atë me rezultat 25:17.

Ndeshja është duke vazhduar, ndërsa Ulpiana synon të ruajë epërsinë dhe të sigurojë fitoren.

D.L

Sport

Baton Zabërgja në formacionin më të mirë të javës në Ukrainë

Published

5 hours ago

October 14, 2026

UBTNews

Futbollisti i Përfaqësueses së Kosovës, Baton Zabërgja, është përfshirë në formacionin më të mirë të javës së tetë në Premier Leaguen e Ukrainës.

Përzgjedhja është bërë të mërkurën nga faqja zyrtare e kampionatit ukrainas, pas paraqitjeve të futbollistëve në ndeshjet e fundit.

25-vjeçari nga Vushtrria ishte ndër lojtarët më të dalluar në fitoren 2-1 të Kharkivit ndaj Odesas në udhëtim, duke kontribuar me një gol.

Sulmuesi kosovar po kalon një formë të shkëlqyer këtë edicion, duke u shndërruar në një nga lojtarët më produktivë të skuadrës së tij.

Në nëntë paraqitje në të gjitha garat, Zabërgja ka realizuar shtatë gola dhe ka kontribuar me katër asistime, duke konfirmuar formën e tij të mirë në futbollin ukrainas.

D.L

Sport

Albian Hajdari pëson një tjetër lëndim, jashtë fushës për disa javë

Published

6 hours ago

October 14, 2026

UBTNews

Mbrojtësi i Përfaqësueses së Kosovës, Albian Hajdari, ka pësuar një tjetër lëndim, duke u detyruar të qëndrojë jashtë fushës për disa javë.

Lajmin e ka konfirmuar klubi gjerman Hoffenheim, i cili ka bërë të ditur se futbollisti kosovar është lënduar gjatë stërvitjes së fundit, në pjesën e poshtme të shputës së këmbës.

Përmes një njoftimi zyrtar, Hoffenheimi ka konfirmuar mungesën e Hajdarit në javët e ardhshme, duke i uruar shërim të shpejtë dhe rikthim të suksesshëm në fushë.

Ky është lëndimi i dytë brenda një periudhe të shkurtër për mbrojtësin kosovar, i cili kishte pasur probleme fizike edhe gjatë grumbullimit me Përfaqësuesen e Kosovës muajin e kaluar.

Ende nuk është bërë e ditur data e saktë e rikthimit të tij në fushë.

D.L