Lajmet nga UBT

Ndikimi i teknologjisë në art dhe kulturë, tema kryesore në konferencën e UBT-së

Published

on

Në kampusin e UBT-së në Lipjan u zhvillua Konferenca Ndërkombëtare mbi Artin, Median Digjitale, Dizajnin e Integruar dhe Modën, një ngjarje që bashkoi profesorë, studiues dhe studentë nga fushat krijuese për të prezantuar risitë dhe hulumtimet e tyre më të fundit. Konferenca, e strukturuar në katër sesione, përfshiu prezantime mbi trendet në modë, inovacionet në dizajn grafik, zhvillimin e materialeve të avancuara dhe ndikimin e teknologjive të reja në art dhe kulturë.

Sesioni i parë drejtuar nga Prof. Mevludin Shabani, përfshiu tema si ndikimi i trendeve të modës në shoqërinë bashkëkohore nga Prof. Afërdita Statovci dhe inovacionet në dizajnin grafik nga Prof. Arbëresha Hoxha. Prezantimet përfshinë gjithashtu zbatimin e fibrave të avancuara në tekstile për të përmirësuar zgjedhjen e materialeve.

Sesioni i parë:

Chair: Mevludin Shabani

Co-Chair: Aferdita Statovci

  • “Fashion Trends: Causes and Effects in Contemporary Society” – Prof. Aferdita Statovci, UBT College, Prishtina;
  • “Creativity and Innovation in Graphic Design” – Prof. Arbresha Hoxha, IC–ID-AMD 2024, UBT College, Prishtina;
  • “Advanced Fiber Composites in Textiles: Enhancing Material Selection with Ashby Charts” – Prof. Mevludin Shabani, UBT College, Prishtina.

Sesioni i dytë u fokusua në teori të ngjyrave në dizajnin UI/UX nga Prof. Milot Gusia dhe përdorimin e strukturave fleksibile në nanoteknologji, ku Prof. Naim Ostergllava trajtoi përbërjet e karbonit dhe kobaltit. Gjithashtu, u diskutua ndotja vizuale në hapësirat publike dhe identiteti vizual i restoranteve në Kosovë.

Sesioni i dytë:

Chair: Mevludin Shabani

Co-Chair: Aferdita Statovci

  • “The Application of Color Theory in UI/UX Design” – Prof. Milot Gusia, UBT College, Prishtina;
  • “Carbon Fiber and Cobalt Composites in the Nanotechnology Industry and the Analysis of the New Flexible Structure, according to the CES EduPack Method” – Prof. Naim Ostergllava, Arenë Ostergllava, UBT College, Prishtina;
  • “The Artistic and Informative Functions of Facial Painting and Colors in Bridal Attire Across Various Ethnographic Regions” – Prof. Nexhat Cocaj, UBT College, Prishtina;
  • “Branding and Visual Identity of Restaurants in Kosovo: An Emphasis on Logo Design” – Prof. Kaltrina Veseli Shllaku, Visar Shllaku, UBT College, Prishtina;
  • “Visual Pollution of Public Spaces in Kosovo (with emphasis on the city of Pristina)” – Prof. Uran Krasniqi, Prof. Kaltrina Veseli Shllaku, Prof. Besfort Saliu, UBT College, Prishtina;
  • “Theoretical and Practical Exploration of Classical and Traditional Design Tools: Classic Graphic Design Aids for Fashion Apparel” – Prof. Ariana Gjoni, UBT College, Prishtina.

Sesioni i tretë përfshiu tema të rëndësishme si ndikimi i industrisë së tekstilit në ngrohjen globale nga Prof. Ardita Rizvanolli dhe ndikimi i teknologjive digjitale në transformimin e hapësirave publike nga Prof. Ylber Limani dhe Aroma Kqiku. Një nga prezantimet më të spikatura ishte analiza krahasuese e heqjes së monumenteve në kontekste postkoloniale, nga Prof. Alban Muja.\

Sesioni i tretë:

Chair: Mevludin Shabani

Co-Chair: Aferdita Statovci

  • “The Impact of the Textile Industry on Global Warming: Strategies for Reducing Environmental Damage Through Government Intervention and Technological Innovation” – Prof. Ardita Rizvanolli, UBT College, Prishtina, IC–ID-AMD 2024;
  • “The Impact of Digital Technologies on Product Design Envisioned for Sustainable Public Space Transformation” – Prof. Ylber Limani, Aroma Kqiku, UBT College, Prishtina;
  • “Justice and Aesthetic Reflection: A Comparative Analysis of Monument Removal in Postcolonial Contexts” – Prof. Alban Muja, UBT College, Prishtina;
  • “The Role of Digital Media in the Promotion of Cultural Heritage and Art” – Prof. Arben Arifi, UBT College, Prishtina.

Sesioni i fundit shënoi mbylljen e konferencës me prezantime mbi artet e bukura në teknologji nga Prof. Dardan Luta dhe aplikimin e realitetit të zgjatur (XR) dhe inteligjencës artificiale për promovimin e turizmit në Kosovë nga Prof. Zymer Veliu. Prezantime të tjera përfshinë rolin e arteve vizuale në modën bashkëkohore dhe krijimin e koleksioneve eksperimentale.

Sesioni i katërt:

Chair: Mevludin Shabani

Co-Chair: Aferdita Statovci

  • “The Importance of Knowing Fine Arts and Their Application Through Computer Technology in Multimedia Arts” – Prof. Dardan Luta, UBT College, Prishtina;
  • “Integration of XR Extended Reality and AI for Tourism Promotion in Kosovo” – Prof. Zymer Veliu, UBT College, Prishtina;
  • “Tradition Meets Trend: Modernizing Traditional Clothing in the Balkans and Europe” – Prof. Cennet Lika, UBT College, Prishtina;
  • “Fragments of Truth: Curating Narratives in a Post-Truth Era” – Prof. Gazmend Ejupi, UBT College, Prishtina;
  • “Smoke Sculpture” Cyborg – Prof. Burim Berisha, UBT College, Prishtina;
  • “The Impact of Visual Arts on Contemporary Fashion: The Evolution of Painting in Garment Design and the Creation of Experimental Collections” – Prof. Ariana Gjoni, Laura Ymeri, UBT College, Prishtina.

Kjo konferencë vuri në pah ndikimin e madh të artit dhe teknologjisë në fushat kreative dhe shërbeu si një platformë e vlefshme për ndarjen e ideve dhe eksperiencave mes profesionistëve dhe studiuesve nga mbarë bota.

Continue Reading

lajme

Rektori i UBT-së, Prof. Dr. Edmond Hajrizi, merr pjesë në Asamblenë e Përgjithshme Vjetore të Asociacionit të Universiteteve të Ballkanit në Prizren

Published

on

By

Rektori i UBT-së Prof. Dr. Edmond Hajrizi, mori pjesë në Asamblenë e Përgjithshme Vjetore të Asociacionit të Universiteteve të Ballkanit (BAUNAS), e cila u mbajt sot në Prizren, duke riafirmuar angazhimin e UBT-së në bashkëpunimin dhe ndërkombëtarizimin e arsimit të lartë në rajon dhe më gjerë.

Gjatë punimeve të Asamblesë u diskutuan dhe u miratuan çështje me rëndësi për funksionimin dhe zhvillimin e asociacionit, përfshirë pranimin e anëtarëve të rinj dhe votimin e rregullores së re. Takimi shërbeu gjithashtu si një mundësi e rëndësishme për shkëmbimin e përvojave dhe forcimin e bashkëpunimit ndërmjet universiteteve anëtare.

Në kuadër të këtij aktiviteti, rektori Hajrizi zhvilloi takime me përfaqësues të universiteteve të ndryshme anëtare, përfshirë rektorin dhe sekretarin e përgjithshëm të Universitetit Trakya, si dhe përfaqësues të tjerë akademikë. Gjatë këtyre takimeve u diskutuan mundësitë e bashkëpunimit në fusha të ndryshme akademike, zhvillimi i projekteve të përbashkëta, shkëmbimi i stafit dhe studentëve, si dhe krijimi i partneriteteve të reja ndërinstitucionale.

UBT është anëtar i rregullt i Asociacionit të Universiteteve të Ballkanit prej disa vitesh dhe merr pjesë aktive në aktivitetet dhe iniciativat e tij. Përveç këtij asociacioni, UBT është pjesë edhe e rrjeteve dhe organizatave të rëndësishme ndërkombëtare të arsimit të lartë, përfshirë Asociacionin e Universiteteve Evropiane (EUA), Magna Charta Universitatum dhe UNIMED-in.

Pjesëmarrja e UBT-së në këto platforma ndërkombëtare dëshmon angazhimin e vazhdueshëm të institucionit për zgjerimin e bashkëpunimit akademik, shkëmbimin e njohurive dhe përvojave, si dhe krijimin e mundësive të reja për studentët dhe stafin akademik.

Përmes pjesëmarrjes aktive në asociacione dhe rrjete ndërkombëtare, UBT vazhdon të kontribuojë në avancimin e arsimit të lartë, forcimin e lidhjeve akademike rajonale dhe ndërkombëtare dhe zhvillimin e partneriteteve strategjike me universitete nga vende të ndryshme.

Continue Reading

lajme

Rektori i UBT-së, Prof. Dr. Edmond Hajrizi, u takua me Prof. Daniel Serwer

Published

on

By

Rektori i UBT-së, Prof. Dr. Edmond Hajrizi, u takua me profesorin e njohur amerikan Daniel Serwer, me rastin e vizitës së tij në Kosovë. Prof. Serwer është nderuar më parë nga UBT me çmimin “Honorary Degree – Excellence in Leadership”, në vlerësim të kontributit të tij të veçantë.

Gjatë takimit u diskutua për zhvillimet e përgjithshme në Kosovë, në Shtetet e Bashkuara të Amerikës dhe në nivel global, me theks të veçantë në mundësitë e bashkëpunimit akademik dhe zhvillimin e programeve të reja që UBT synon t’i avancojë në kuadër të strategjisë së saj të bashkëpunimit me SHBA-në.

Rektori Hajrizi e falënderoi Prof. Serwer për takimin dhe shkëmbimin e ideve, duke i bërë një ftesë të veçantë për një vizitë të radhës në UBT, në kuadër të aktiviteteve akademike ndërkombëtare.

Takimi rikonfirmoi rëndësinë e dialogut akademik ndërkombëtar dhe të partneriteteve strategjike në avancimin e arsimit të lartë dhe bashkëpunimit ndërkombëtar.

Continue Reading

lajme

UBT pjesë e punëtorisë ndërkombëtare në Rodos në kuadër të projektit CORE ED Academy

Published

on

By

UBT është përfaqësuar në punëtorinë dyditore të mbajtur në Rodos të Greqisë, në kuadër të projektit “CORE ED Academy”, me temë “Adaptimi i profileve profesionale për drejtësinë për të miturit – Punëtori Kombëtare për diskutimin dhe validimin e profileve profesionale të përditësuara sipas qasjes ‘Pedagogy-First’”.

Aktiviteti është zhvilluar në hapësirat e University of the Aegean, ku partnerët e projektit janë mbledhur për të bashkëpunuar dhe diskutuar rreth zhvillimit dhe avancimit të fushës së drejtësisë për të mitur.

Gjatë punëtorisë, fokusi kryesor ishte te rishikimi dhe validimi i profileve profesionale të përditësuara, duke vendosur qasjen pedagogjike në plan të parë për përgatitjen dhe trajnimin e profesionistëve që punojnë me të miturit.

Nga stafi i UBT-së, në këtë punëtori e pranishme ishte Dekania e Fakultetit të Psikologjisë, Prof. Dr. Denis Çelçima dhe Prof. Dr Bleta Brovina.

Continue Reading

Lajmet

Rektori i UBT-së, Prof. Dr. Edmond Hajrizi, mori pjesë si folës në Samitin Botëror të Klimës COP31 në Antalya

Published

on

By

UBT, një nga institucionet kryesore të arsimit të lartë në Kosovë, u përfaqësua në nivel ndërkombëtar në Konferencën e Kombeve të Bashkuara për Ndryshimet Klimatike (COP31), të organizuar në Antalya të Turqisë. Rektori i UBT-së, Prof. Dr. Edmond Hajrizi, mori pjesë si folës në një panel ndërkombëtar të nivelit të lartë, ku u diskutua roli i universiteteve në përballjen me sfidat globale të ndryshimeve klimatike.

Më 18 nëntor 2026, në kuadër të COP31, në Zonën Blu (Blue Zone) në Antalya, u organizua paneli ndërkombëtar me temën: “From Universities to a Global Climate Alliance: Shared Vision and Action for Green Transition” (Nga universitetet drejt një aleance globale për klimën: Vizioni dhe veprimi i përbashkët për transformimin e gjelbër).

Paneli u zhvillua nën moderimin e Rektorit të Universitetit Çanakkale Onsekiz Mart dhe Kryetarit të Këshillit Ndëruniversitar të Turqisë, Prof. Dr. Ramazan Cüneyt Erenoğlu, me pjesëmarrjen e përfaqësuesit të Agjencisë Turke për Bashkëpunim dhe Koordinim (TİKA) dhe rektorëve të universiteteve nga vende të ndryshme.

Vizioni i UBT-së për kampuset inteligjente dhe qytetet rezistente ndaj ndryshimeve klimatike u prezantua në COP31

Në kuadër të panelit, Rektori i UBT-së, Prof. Dr. Edmond Hajrizi, realizoi prezantimin me temën: “From Smart Campuses to Climate-Resilient Cities: The 5S Approach to University Living Labs” (Nga kampuset inteligjente drejt qyteteve rezistente ndaj ndryshimeve klimatike: Qasja 5S për laboratorët e gjallë universitarë).

Prezantimi trajtoi vizionin e UBT-së për zhvillimin e kampuseve inteligjente dhe transformimin e tyre në modele të qëndrueshme, të cilat mund të kontribuojnë në krijimin e qyteteve më rezistente ndaj ndryshimeve klimatike.

Në kuadër të konceptit: “UBT Smart City: Integrating Education, Research, Emerging Technologies and Climate Action” (UBT Smart City: Integrimi i arsimit, kërkimit shkencor, teknologjive të reja dhe veprimit klimatik), u theksua rëndësia e ndërthurjes së arsimit, kërkimit shkencor, inovacionit teknologjik dhe veprimeve konkrete klimatike në një model të integruar të zhvillimit të qëndrueshëm.

Qasja UBT Smart City mbështetet në konceptin se kampuset universitare nuk duhet të shërbejnë vetëm si qendra të arsimit dhe kërkimit shkencor, por edhe si laboratorë të gjallë (Living Labs), ku teknologjitë e qëndrueshme mund të zhvillohen, testohen dhe të shndërrohen në zgjidhje praktike për shoqërinë.

Bashkëpunimi me TİKA-n dhe Universitetin Çanakkale Onsekiz Mart në fushën e transformimit të gjelbër

Përfaqësimi i UBT-së në COP31 ka një rëndësi të veçantë edhe në kontekstin e vazhdimësisë së bashkëpunimeve akademike ndërkombëtare të universitetit.

Në vitin 2024, UBT dhe Universiteti Çanakkale Onsekiz Mart nënshkruan një marrëveshje bashkëpunimi akademik, e cila krijoi bazën për zhvillimin e iniciativave të përbashkëta në fushën e arsimit, shkencës dhe qëndrueshmërisë.

Në vazhdim të këtij bashkëpunimi, me mbështetjen e Agjencisë Turke për Bashkëpunim dhe Koordinim (TİKA), në UBT u realizua Projekti i Transformimit të Gjelbër.

Projekti u zhvillua në bashkëpunim me Koordinimin e Transformimit të Gjelbër të Universitetit Çanakkale Onsekiz Mart, me pjesëmarrjen e rreth 30 studentëve të UBT-së.

Në kuadër të projektit, synimi kryesor ishte zhvillimi i njohurive dhe aftësive të të rinjve në fushën e transformimit të gjelbër, zhvillimit të qëndrueshëm dhe përgjegjësisë mjedisore.

Ky bashkëpunim përfaqëson një shembull konkret të mënyrës se si njohuritë shkencore dhe partneritetet ndërkombëtare mund të shndërrohen në aktivitete edukative dhe programe për ngritjen e kapaciteteve njerëzore.

UBT vazhdon të zhvillojë aktivitete në fushën e qëndrueshmërisë, jo vetëm përmes konceptit të kampuseve inteligjente, por edhe përmes kërkimeve shkencore dhe zhvillimit të teknologjive inovative mjedisore.

Pjesëmarrja e universitetit në renditjen ndërkombëtare UI GreenMetric World University Rankings pasqyron angazhimin institucional për vlerësimin dhe përmirësimin e performancës në fushën e qëndrueshmërisë mjedisore dhe menaxhimit të kampuseve universitare.

 

Gjithashtu, UBT ka zhvilluar projekte kërkimore në fushën e teknologjive mjedisore, përfshirë projektin që synon prodhimin e karbonit aktiv nga mbetjet bujqësore dhe përdorimin e tij për largimin e ndotësve nga ujërat e ndotura.

Kjo iniciativë shkencore përfaqëson një shembull të rëndësishëm të orientimit të universitetit drejt ekonomisë qarkore, shfrytëzimit të qëndrueshëm të burimeve natyrore dhe zhvillimit të teknologjive miqësore me mjedisin.

Një hap i rëndësishëm drejt forcimit të bashkëpunimit akademik ndërkombëtar

Gjatë panelit ndërkombëtar në kuadër të COP31 u diskutuan përgjegjësitë që universitetet mund të marrin në përballjen me ndryshimet klimatike, transferimin e teknologjive të gjelbra, diplomacinë shkencore dhe zhvillimin e projekteve të përbashkëta ndërkombëtare.

Pjesëmarrja e Rektorit të UBT-së, Prof. Dr. Edmond Hajrizi, si folës në këtë panel ndërkombëtar përfaqëson një mundësi të rëndësishme për promovimin e vizionit të universitetit në fushën e qëndrueshmërisë, teknologjive inovative dhe bashkëpunimit shkencor në një platformë globale.

Përmes këtij përfaqësimi, UBT dëshmon përkushtimin e tij për të kontribuar në diskutimet ndërkombëtare mbi sfidat klimatike dhe për të forcuar lidhjet ndërmjet arsimit të lartë, kërkimit shkencor, inovacionit dhe zhvillimit të qëndrueshëm.

UBT mbetet i përkushtuar ndaj integrimit të arsimit, shkencës, teknologjisë dhe bashkëpunimit ndërkombëtar, me synimin për të kontribuar në ndërtimin e një të ardhmeje më të gjelbër, më të qëndrueshme dhe më rezistente ndaj ndryshimeve klimatike.

 

Continue Reading

Të kërkuara