Lajmet

Ndërtimi i aeroportit të Vietnamit mbulon me pluhur të gjitha ndërtesat

Ndërtimi ka njollosur çdo gjë, nga pemët tek shtëpitë e deri tek uniformat e nxënësve.

Published

3 years ago

April 6, 2023

UBT news

Një shtresë e trashë pluhuri nga ndërtimi i një aeroporti të madh në Vietnam ka mbuluar lagjet e afërta për muaj të tërë, duke njollosur çdo gjë, nga pemët, shtëpitë e deri tek uniformat e nxënësve të shkollave.

I vendosur 40 kilometra nga qendra jugore e biznesit Ho Chi Minh City, aeroporti Long Thanh me katër pista — i cili do të jetë më i madhi në vend — parashikohet të transportojë 100 milion pasagjerë dhe pesë milion ton ngarkesë në vit pasi të përfundojë.

Por pas fillimit të punimeve të rënda ndërtimore në fillim të këtij viti, banorët deri në 10 kilometra larg zonës kanë jetuar nën retë e pluhurosura, të frikësuar për shëndetin e tyre dhe kanë qenë të zemëruar për përçarjen e shkaktuar në jetën e tyre.

“Ka qenë e padurueshme. Pluhuri i kuq është kudo në komunitetin tonë”, tha një banor.

Hoang, 59 vjeç, fillon çdo ditë duke hequr baltën para shtëpisë, por pluhuri ishte aq i rëndë saqë ai përdori një rrjetë të hollë najloni rreth të gjithë seksionit të përparmë të shtëpisë.

Gruaja e tij, Nguyen Thi Tuyet Hanh, tha se ata e kishin mbajtur nipin e tyre njëvjeçar brenda pothuajse tërësisht për muaj të tërë.

“Ne nuk mund ta detyrojmë atë të mbajë një maskë për fytyrën. Kështu që është më mirë të kufizojmë kohën e tij jashtë”, tha Hanh.

Një shtresë e trashë pluhuri mund të shihej në oborrin e shkollave lokale, ndërsa fotot në mediat shtetërore tregonin se tekstet shkollore, klasat dhe uniformat e fëmijëve ishin bërë të kuqe, pas një dite mësimi në shkollë/

Nguyen Van Chanh, 70 vjeç, tha se karriget, tasat dhe enët në kuzhinën e tij ishin të mbuluara, si dhe rrobat e tij.

Brenda kantierit të ndërtimit, mund të shiheshin dhjetëra kamionë që lëviznin andej-këtej, duke trazuar tokën e kuqe.

Inspektimet nga departamenti lokal i mjedisit treguan se ndotja e pluhurit në vend arriti maksimum deri në 18 herë më shumë se nivelet e lejuara, raportoi media shtetërore./UBTNews/

Lajmet

Arrestohet një person në Vushtrri, dyshohet për dhunim të një të miture

Published

1 minute ago

June 16, 2026

UBTNews

Policia e Kosovës ka arrestuar një person në Vushtrri, i dyshuar për veprën penale të dhunimit.

Sipas raportit policor, rasti ka ndodhur më 15 qershor 2026, rreth orës 15:00. I dyshuari, mashkull kosovar, dyshohet se ka kryer marrëdhënie seksuale me një viktimë të mitur.

Viktima është dërguar për trajtim mjekësor, ndërsa lidhur me rastin janë ndërmarrë veprimet e nevojshme hetimore.

Me vendim të prokurorit, pas inicimit të rastit, i dyshuari është ndaluar dhe është dërguar në mbajtje.

Autoritetet kompetente po vazhdojnë hetimet për zbardhjen e plotë të rrethanave të rastit.

Lajmet

Arrestohet shtetas i Serbisë në Bërnjak, dyshohet për dhënie ryshfeti

Published

2 minutes ago

June 16, 2026

UBT News

Në Pikën Kufitare Bërnjak, dje rreth orës 16:15, është arrestuar një shtetas i Serbisë nën dyshimin për dhënie ryshfeti zyrtarëve policorë.

Sipas policisë, i dyshuari ka tentuar të ofrojë 30 euro për të kaluar kufirin dhe për të hyrë kundërligjshëm në territorin e Republikës së Kosovës. Paratë janë sekuestruar në vendngjarje.

Pas intervistimit, me vendim të prokurorit, i dyshuari është dërguar në mbajtje.

/A.K/

Lajmet

Policia zbulon tetë bimë kanabis në një shtëpi në Kaçanik

Published

5 minutes ago

June 16, 2026

UBTNews

Policia e Kosovës ka konfiskuar tetë bimë të dyshuara të llojit kanabis sativa gjatë një kontrolli të realizuar në Kaçanik.

Sipas raportit policor, rasti ka ndodhur të hënën rreth orës 14:30 në rrugën “UÇK-ja”, pas pranimit të informatave se në një pronë po kultivoheshin bimë narkotike.

Njësitë policore kanë kryer kontroll në shtëpinë e një të dyshuari mashkull kosovar, ku kanë gjetur dhe sekuestruar tetë vazo me bimë të mbjella kanabis sativa, si dhe shishe që dyshohet se përdoreshin për ujitjen e tyre.

Lidhur me rastin është njoftuar prokurori kompetent, ndërsa deri më tani nuk raportohet për persona të arrestuar.

Hetimet për veprën penale “Kultivimi i bimës së hashashit, shkurres së kokainës ose bimës së kanabisit” janë duke vazhduar.

Lajmet

Tri raste të dhunës në familje raportohen në Prishtinë dhe Mitrovicën e Jugut

Published

9 minutes ago

June 16, 2026

UBT News

Në Kosovë janë raportuar tri raste të dhunës në familje në Prishtinë dhe Mitrovicën e Jugut, bëjnë të ditur raportet policore.

Në Prishtinë, më 15.06.2026 rreth orës 11:30, një viktimë femër kosovare ka raportuar se është sulmuar nga nëna dhe bashkëshorti i saj. Palët janë shoqëruar në stacion policor dhe pas intervistimit, në konsultim me prokurorin, rasti është proceduar në procedurë të rregullt.

Ndërkohë, në Mitrovicën e Jugut më 14.06.2026 rreth orës 21:00, një person mashkull kosovar është arrestuar pasi dyshohet se ka sulmuar fizikisht vajzën e tij. Pas intervistimit dhe konsultimit me prokurorin, i dyshuari është liruar në procedurë të rregullt.

Në një rast tjetër të po kësaj dite, rreth orës 23:51, policia është njoftuar për dhunë psikike të ushtruar vazhdimisht nga bashkëshorti ndaj viktimës. Palët janë intervistuar dhe pas inicimit të rastit, në konsultim me prokurorin, janë liruar në procedurë të rregullt.

/A.K/