Dy zyrtarë policorë në detyrë janë sulmuar të enjten në Vushtrri nga tre person të dyshuar, të cilët janë arrestuar nga Policia e Kosovës.

Në njoftimin e Policisë thuhet se zyrtarët policorë kanë pranuar trajtim mjekësor, derisa njëri prej të dyshuarve pas inicimit të rastit është dërguar në vuajtje të dënimit.

“Vushtrri, 28.11.2024 – 17:00. Dy zyrtarë policorë gjatë realizimit të një urdhër arresti ndaj të dyshuarit kosovar kanë pësuar lëndime trupore pasi janë sulmuar fizikisht nga i dyshuari dhe dy familjarë të tij. Tre të dyshuarit janë arrestuar. Zyrtarët policorë kanë pranuar trajtim mjekësor. Njëri prej të dyshuarve pas inicimit të rastit është dërguar në vuajtje të dënimit ndërsa dy të dyshuarit tjerë janë dërguar në mbajtje”, thuhet në njoftimin e policisë.

Sipas policisë, edhe në Prizren dje është arrestuar një i dyshuari kosovar për shkak se i njëjti kishte kanosur dhe ofenduar zyrtarin policor gjatë kryerjes së detyrës zyrtare.

Më tej thuhet se i dyshuari me vendim të prokurorit është dërguar në mbajtje.

Kryetari i Komunës së Zveçanit, e ka dënuar fuqishëm, sulmin me granatë në objektin e Komunës së Zveçanit.

Ai tha se ky akt është i pa pranueshëm duke përmendur edhe rastin e ndodhur dy ditë më parë.

“Mbrëmjen e djeshme, rreth orës 23:45, disa individë të paidentifikuar kanë kryer një sulm ndaj objektit të Komunës së Zveçanit me granata dore. Ky akt i dhunshëm ka shkaktuar dëme materiale, por fatmirësisht nuk ka pasur të lënduar. Si Kryetar i Komunës, unë e dënoj fuqishëm këtë akt të papranueshëm të dhunës dhe terrorit ku para dy dite ka ndodhur i njëjti sulm në stacionin policor të Komunës së Zveçanit”, ka shkruar Peci në rrjetin social Facebook.

Objekti komunal në Zveçan është sulmuar me granatë mbrëmë pak para mesnatës, ndërsa përveç dëmeve materiale nuk ka të lënduar.

Shqiptarët festojnë sot 29 Nëntorin, 80-vjetorin e Çlirimit të vendit nga pushtuesit nazifashistë.

Kryeministri Edi Rama ka ndarë në faqen e tij në Facebook një urim të veçantë për këtë ditë feste.

Ai ka postuar pamjen e vogëlushit Dians, i cili ka ardhur në jetë ditën e djeshme, në ditën e Pavarësisë, në maternitetin “Koço Gliozheni”.

“Mirëmëngjes dhe me Diansin, vogëlushi që erdhi në jetë në maternitetin “Koço Gliozheni” dje, Ditën e bekuar të Pavarësisë, ju uroj sot të gjithëve Ditën e 80-vjetorit të Çlirimit”, shkruan Rama.

Sheshet e Prishtinës janë stolisur me flamuj kuq e zi për nderë të festës së 28 Nëntorit, Ditës së Pavarësisë së Shqipërisë. Në sheshet e Prishtinës u panë edhe flamujt e shtetit të Kosovës.

Shqiptarët më 28 nëntor festojnë Ditën e Pavarësisë dhe Ditën e Flamurit.