Sot Komisioni Qendror i Zgjedhjeve (KQZ) ka hedhur shortin për renditjen e subjekteve politike të certifikuara në fletëvotimin e Zgjedhjeve për Kuvendin e Republikës së Kosovës.

Sipas këtij shorti, Lëvizja Vetëvendosje në zgjedhjet e 9 shkurtit do ta ketë numrin 118, Partia Demokratike e Kosovës në fletëvotime do ta ketë numrin 131, Lidhja Demokratike e Kosovës do ta ketë numrin 124, Aleanca për Ardhmërinë e Kosovës së bashku me partnerët e koalicionit mbajnë numrin 137, Koalicioni për Familjen do ta ketë numrin 129 në fletëvotim.

Derisa gjatë hedhjes së shortit Lista Serbe nuk ka pasur përfaqësues, por numri i këtij subjekti në zgjedhjet e 9 shkurtit do të jetë 112.

Gjatë kësaj ceremonie Kreshnik Radoniqi kryetar i KQZ-së tregon se gjithçka ka shkuar siç është planifikuar dhe se KQZ-ja sipas tij do vazhdoj me aktivitete në lidhje me fushatën zgjedhore.

Ai tregon se nga 9 janari qytetarët jashtë Kosovës që janë regjistruar do mund të votojnë subjektet e tyre favorite.

“Që nga mesi i muajit gusht, Komisioni Qendror i Zgjedhjeve është duke zhvilluar përgatitjet intensive për organizimin e këtyre zgjedhjeve dhe deri më tani shumë nga aktivitetet e planifikuara zgjedhore janë kryer dhe të tjera janë duke u zhvilluar. Edhe ngjarja e sotme është e rëndësishme pasi i paraprin disa aktiviteteve tjera zgjedhore siç është miratimi i përmbajtjes së dizajnit dhe të fletëvotimit të zgjedhjeve. Pasi KQZ të miratoj fletëvotimin e zgjedhjeve më 9 janar do të filloj procesi i votimit jashtë Kosovës për votuesit e regjistruar për të votuar përmes postës ndërkaq me 11 janar subjektet politike do të fillojnë zyrtarisht fushatën zgjedhore”, tha ai.

Shorti u bë nga zëdhënësi i Komisionit Qendror të Zgjedhjeve, Valmir Elezi, ku zgjidhej subjekti politik dhe përfaqësuesi i secilës parti zgjidhte numrin përmes shortit.

Kjo është renditja e subjekte e politike që do paraqiten në listat e votimit.

Partia e Ashkalive për Integrim 123

Srpska Demokratija 116

Srpska Lista 112

Yenilikçi Türk Hareket Partisi 130

Partia Rome e Bashkuar e Kosovës 114

PDAK – LPB 125

Gradjanska Inicijativa Narodna Pravda 126

Naša Bošnjačka Koalicija 121

AAK, NISMA, Lista Konservatore 137

Partija Kosovskih Srba 120

LDK 124

PDK 131

Srbski Narodni Pokret 133

Lëvizja Vetëvendosje 118

Partia Liberale Egjiptiane 115

Opre Roma Kosova 136

Koalicija Vakat 135

Nova Demokratska Stranka 119

Jedinstvena Goranska Partija 113

Kosova Demokratik Türk Pastisi 134

Socijaldemokratska Unija SDU 127

Za Slobodu Pravdu i Opstanak 132

Kosova Adalet Türk Partisi 122

FJALA 138

Koalicioni për Familje 129

Partia Balli Kombëtar Demokrat Shqiptar 117

Iniciativa e Re Demokratike e Kosovës IRDK 111

Fatmir Bytyqi 128

Kryetari i Komunës së Zubin Potokut, Izmir Zeqiri shprehet i rezervuar për mundësinë e përsëritjes së sulmeve të ngjashme me atë të 29 nëntorit 2024 në të ardhmen, teksa gjendjen aktuale në komunën që ai e drejton e vlerëson të qetë dhe nën kontroll.

Zeqiri thotë se bashkëpunimi me komunitetin serb është i mirë dhe se nuk ka probleme të theksuara.

“Sulm terrorist me metoda të diversionit… Tash sa i përket grupeve ose individëve që mund të bëjnë sërish veprime të tilla, unë nuk e shoh të pamundur, sepse ndodhin nëpër të gjitha shtetet e konsoliduar… Sa i përket sigurisë mendoj se gjithçka është nën kontroll, edhe pse ekipet e sigurisë akoma hulumtojnë ndërlidhjet me rastin që ka ndodhur (në kanalin Ibër-Lepenc), kështu që situata është nën kontroll. Besoj se është një relaksim i situatës edhe sa i përket qytetarëve, do të thotë jetohet lirshëm, qarkullohet lirshëm dhe punohet lirshëm…”, ka thënë Zeqiri.

Sa i përket bashkëpunimit me nivelin qendror, Zeqiri thotë se nuk ka ankesa të theksuara në këtë drejtim teksa asnjëherë nuk ka kërkuar mbrojtje të afërt për çështje sigurie.

“Sa i përket qeverisë dhe ministrive nuk mund të them se kam ndonjë ankesë të theksuar. Ani pse telashet te ne janë të mëdha, derën hapur e kemi te secila ministri… Nuk kemi diçka të themi se jemi të anashkaluar, kemi premtime shumë, ndoshta realizime më pak… Jo, nuk kam kërkuar dhe nuk kam mbrojtje të afërt… Nuk do të dëshiroja të vijmë në situata kur mua më duhet të mobilizoj forca rreth vetes për ta kryer detyrën time kushtetuese si një shërbyes ndaj qytetarit”, tha Zeqiri.

Duke folur mbi punësimet në komunë, kryetari Zeqiri thotë se ajo është pothuajse e barabartë në aspektin ndër-etnik.

“40 janë të punësuar në komunë nëpër detyra të ndryshme…mund të jetë përqindja e serbëve pak më e madhe, mos të them 50-50 për qind… Ne po i shqyrtojmë mundësitë dhe hapësirat e punësimit dhe jemi në trend të hapjes së konkurseve, kryesisht prioritetin si në konkurset e mëparshme, por edhe tash e kanë shumica serbe për t’u punësuar dhe shpresoj shumë se do ta plotësojmë stafin edhe në nivel të përbërjes etnike ashtu qysh shkon, 80 për qind të jetë shumica serbe dhe diku rreth 20 për qind t’i takojë komunitetit shqiptar…”, ka thënë Zeqiri.

I pari i Zubin Potokut ka folur edhe për planet e realizimit të projekteve për 2025, por duke mos dashur të zbulojë nëse do t’i hyjë garës edhe për një mandat të dytë si kryetar i komunës.

“Buxheti është rreth 3 milionë e gjysmë dhe në bazë të kërkesave të qytetarëve kemi planifikuar buxhetin për të investuar. Kryesisht ka kërkesa të mëdha në infrastrukturë. Komuna e Zubin Potokut është e vogël nga numri i qytetarëve, por është e katërta sa i përket terrenit dhe kemi terrene të shpërndara ku mungon infrastruktura rrugore, rrjetet e kanalizimit, elektrifikimi është në shumë vende i dëmtuar… E di që mandati është diku deri nga vjeshta… dhe kujtoj që është herët për të folur për këtë punë…”, ka thënë Zeqiri.

Zeqiri në mesazhin e tij për qytetarët thotë se duhet të ndihen krenarë me infrastrukturën ligjore që ofron shteti i Kosovës për të gjithë, pa asnjë dallim.

Lëvizja Vetëvendosje ka reaguar pas hedhjes së shortit të Komisionit Qendror të Zgjedhjeve për renditjen e partive politike në fletëvotime për zgjedhjet e 9 shkurtit.

Zëvendësministri i Drejtësisë, Blerim Sallahu, ka thënë se KQZ-ja e ka shkelur ligjin lidhur me rastin e ndarjes së numrit për subjektin politik Lista Serbe.

“KQZ shkelë serish ligjin! Lëvizja VETËVENDOSJE! ka bërë ankesë ne PZAP kundër vendimit të KQZ-së lidhur me certifikimin e Listës Serbe. Në bazë të nenit 130 të Ligjit për Procedurën e Përgjithshme Administrative, akti administrativ pezullohet përderisa të vendoset ankesa në organin më lartë, në rastin konkret, në PZAP. KQZ ka shkelur ligjin me rastin e ndarjes së numrit për subjektin politik Lista Serbe, duke mos pritur vendimin përfundimtar të PZAP-së”, ka shkruar Sallahu në rrjetin social Facebook.

Sot është hedhur shorti për renditjen e subjekteve politike të certifikuara për zgjedhjet e 9 shkurtit nga Komisioni Qendror i Zgjedhjeve.

Një arritje e jashtëzakonshme në fushën e teknologjisë është përdorimi i inteligjencës artificiale (IA) për të deshifruar tekstet e lashta, një sfidë që ka përballuar shkencëtarët dhe kërkuesit për shekuj me radhë. Suksesi më i madh deri tani është deshifrimi i papirusëve të Ercolanos në Napoli, të cilët, pavarësisht se janë të karbonizuar dhe të dëmtuar, po bëhen të lexueshëm për herë të parë në histori. Ky avancim ka bërë të mundur që IA të lexojë dhe interpretojë jo vetëm shkronjat dhe fjalët, por edhe tekste të plota që deri tani ishin të padëshiruara dhe të paprekshme.

Për herë të parë, mund të zbërthehen dokumente të rëndësishme historike, si napave të përdorura për të mbështjellë mumiet egjiptiane, kodifikime mikenase nga Kreta e lashtë, simbole greke të gjetura në Sicili dhe arkiva që përmbajnë informacion për 27 mbretëritë koreane, të shkruara në sistemin antik Hanja. Kjo përparësi në teknologji ka hapur mundësi të reja për studimin dhe kuptimin e kulturave të lashta, duke përfshirë edhe libra mesjetarë dhe dokumente historike të rëndësishme.

Sipas një studimi të “Oxford”, deri tani, IA ka arritur të deshifrojë 62% të këtyre teksteve. Megjithatë, kur kombinohet me ekspertizën e studiuesve njerëzorë, ky proces arrin një saktësi prej 72%. Ky avancim hap mundësi të reja për të zbuluar sekrete të botës antike, të cilat deri tani kanë mbetur të padëshiruara dhe shumë të vështira për t’u kuptuar. Shumë prej këtyre teksteve janë ende të paçmuara dhe vetëm një pjesë e vogël është deshifruar deri tani.