Lajmet

Ndarja nga jeta e Mario Brunettit: Figura kryesore në nismën për mbrojtjen, promovimin e arbërishtes

Published

1 year ago

on

Akademia e Shkencave të Shqipërisë njoftoi sot me pikëllim ndarjen nga jeta të Mario Brunetti, një personalitet i shquar që la një trashëgimi të paharrueshme në mbrojtjen e gjuhëve të pakicave dhe në forcimin e statusit ligjor të arbërishtes në Itali. Brunetti, i njohur ndryshe si “mbrojtësi i gjuhës së etërve”, ishte një figurë e rëndësishme në fushën e jurisprudencës, publicistikës dhe politikës, me një veprimtari që mbulon më shumë se 70 vjet.

Si hartues i ligjit për mbrojtjen e gjuhëve të pakicave në Itali, Brunetti luajti një rol kyç në realizimin e statusit ligjor të arbërishtes në shkolla, një arritje që e vendosi atë në zemrat e komunitetit arbëresh dhe të shqiptarëve në përgjithësi. Edhe pse nuk ishte arbëresh nga origjina, ai u bë simbol i mbrojtjes dhe promovimit të kulturës dhe gjuhës arbëreshe, duke u shprehur në mënyrë të tillë që të thuhet se “u bë më arbëresh se ne”.

Mario Brunetti pati një karrierë të pasur si jurist, publicist dhe politikan i njohur në radhët e së majtës italiane. Ai ishte gjithashtu një përfaqësues i shquar i antifashizmit italian, duke luajtur një rol të rëndësishëm në luftën antifashiste. Pas Luftës së Dytë Botërore, ai u angazhua aktivisht në jetën politike dhe intelektuale italiane, duke kontribuar në shumë projekte kulturore dhe shkencore.

Akademia e Shkencave e Shqipërisë pati nderin të ftojë dhe mikpresë Mario Brunetti-n në disa ngjarje të rëndësishme, përfshirë konferencën shkencore të 75-vjetorit të çlirimit të Shqipërisë në vitin 2019. Vitet e fundit, edhe në moshën e tij të avancuar, Brunetti ndërmori një nismë të rëndësishme për të nderuar figurën e Antonio Gramsci, një veprimtar antifashist dhe teoricien i njohur europian me lidhje të forta me Shqipërinë.

Nisma e tij, “Itinerari gramsciani”, e themeluar për të nderuar dhe promovuar trashëgiminë e Gramscit, u zhvillua në bashkëpunim me Akademinë e Shkencave të Shqipërisë dhe komunitetet arbëreshe. Mario Brunetti ishte i pranishëm dhe aktiv në veprimtaritë e organizuara nga dijetarët arbëreshë si Francesco Altimari dhe Matteo Mandalà, të cilët drejtojnë katedrat e shqipes në Cosenza dhe Palermo.

Ndarja nga jeta e Mario Brunetti është një humbje e madhe për botën akademike dhe për të gjithë ata që e kanë njohur dhe vlerësuar kontributin e tij të çmuar në mbrojtjen e gjuhëve të pakicave dhe promovimin e kulturës arbëreshe. Trashëgimia e tij do të mbahet mend si një simbol i përkushtimit dhe pasionit për lirinë dhe kulturën./UBTNews/

Related Topics:
Continue Reading

Lajmet

Rasti “Banjska”, seanca e radhës më 16 janar

Published

1 hour ago

on

January 14, 2026

By

Seanca e radhës ndaj tre të akuzuarve, Blagoje Spasojeviq, Vladimir Toliq dhe Dushan Maksimoviq, në rastin “Banjska” do të mbahet më 16 janar.

Seanca do të zhvillohet nga ora 09:30.

“Ju njoftojmë se seanca gjyqësore në çështjen penale kundër të pandehurve B.S., V.T. dhe D.M., do të mbahet sipas planifikimit, me datë 16.01.2026, në ora 09:30”, thuhet në përgjigjen e Gashit.

Ndërkohë, Spasojeviq, Toliq e Maksimoviq, përballen me akuza të rënda për përfshirje në ngjarjet e 24 shtatorit 2023 në fshatin Banjskë të komunës së Zveçanit, ku një sulm i armatosur ndaj Policisë së Kosovës çoi në vdekjen e rreshterit Afrim Bunjaku dhe plagosjen e disa pjesëtarëve të tjerë të policisë.

Continue Reading

Lajmet

Prishtina pa rrymë e në zhurmën e gjeneratorëve – Pësojnë bizneset

Published

1 hour ago

on

January 14, 2026

By

Pa kaluar shumë orë nga njoftimi, vendi u përball me reduktime të energjisë elektrike, e nga kjo po pësojnë qytetarët.

Disa biznese, u detyruan të ndezin gjeneratorët, por disa të tjera nuk i posedojnë.

Rrobaqepësi, barnatore, furra, kafiteri, janë veç disa nga bizneset në Prishtinë të cilat që nga mëngjesi nuk kanë rrymë.

Ndërkohë që mbrëmjen e së martës Operatori i Sistemit, Transmisionit dhe Tregut të energjisë elektrike të Kosovës-KOSTT ka  njoftuar se do të ketë reduktime të rrymës për sot dhe nesër në vend. Në njoftimin e KOSTT thuhet se kjo do të bëhet “për të garantuar funksionimin e sigurt të sistemit elektroenergjetik dhe për të mbrojtur integritetin e rrjetit”.

Continue Reading

Lajmet

Ambasadorët takojnë Kurtin, Orav: Nënvizuam rëndësinë e formimit të shpejtë të Qeverisë

Published

1 hour ago

on

January 14, 2026

By

Ambasadori i Bashkimit Evropian në Kosovë, Aivo Orav, ka bërë të ditur se së bashku me ambasadorët dhe shefat e misioneve të BE-së në Kosovë janë takuar me kryeministrin në detyrë, Albin Kurti, për të diskutuar zhvillimet pas zgjedhjeve.

Orav ka thënë se gjatë takimit është vlerësuar procesi zgjedhor, duke e cilësuar atë si një dëshmi të angazhimit të fortë të Kosovës ndaj parimeve demokratike, derisa është nënvizuar edhe rëndësia e formimit të shpejtë të qeverisë së re.

“Përgëzuam procesin zgjedhor që pasqyron një angazhim të fortë ndaj parimeve demokratike dhe nënvizuam rëndësinë e formimit të shpejtë të qeverisë”, ka shkruar Orav në platformën “X”.

Ai ka bërë të ditur se ambasadorët e BE-së kanë kërkuar gjithashtu ratifikimin e shpejtë të marrëveshjeve që lidhen me Planin e Rritjes, me qëllim që përfitimet të arrijnë sa më shpejt te qytetarët e Kosovës.

Po ashtu, Orav ka theksuar se dialogu i lehtësuar nga Bashkimi Evropian për normalizimin e marrëdhënieve ndërmjet Kosovës dhe Serbisë mbetet thelbësor për përparimin e të dyja palëve në rrugën e tyre drejt integrimit evropian.

Continue Reading

Lajmet

​Arrestohet një person nën dyshimet për sulm ndaj KFOR-it dhe Policisë së Kosovës

Published

3 hours ago

on

January 14, 2026

By

Prokuroria Speciale e Kosovës ka arrestuar të dyshuarin S.R nën dyshimin për sulm ndaj pjesëtarëve të KFOR-it dhe Policisë së Kosovës në maj të vitit 2023.

Sipas Prokurorisë Speciale për veprimet e mëtutjeshme publiku do të njoftohet në kohë.

“Prokuroria Speciale e Republikës së Kosovës, në koordinim me hetuesit policorë nga Drejtoria për Krime të Rënda dhe Krim të Organizuar, ka arrestuar të dyshuarin S. R nën dyshimet për sulm ndaj pjesëtarëve të KFOR-it dhe të Policisë së Kosovës në maj të vitit 2023.Për veprimet e mëtutjeshme publiku do të njoftohet në kohë”, thuhet në njoftimin e PSRK së.

S.R është në mesin e të arrestuarve për trazirat në Zveçan para tri vjetësh.

Kujtojmw se, më shumë se 90 pjesëtarë të KFOR-it kishin pësuar lëndime, pas përleshjes me protestuesit serbë.

Dhuna në Zveçan shpërtheu pasi serbët lokalë kundërshtuan hyrjen e kryetarëve të rinj shqiptarë në ndërtesat komunale në Zveçan, Leposaviq dhe Zubin Potok – komuna në veri të Kosovës, të banuara me shumicë serbe, pas zgjedhjeve lokale të mbajtura më herët po atë vit, që u bojkotuan nga serbët.

Continue Reading

Të kërkuara