

Magazinë
Ndarja me Sophie Turner, Joe Jonas: Ideja e ribashkimit më dukej e frikshme
Published
4 months agoon
By
UBT NewsJoe Jonas ka folur për pasiguritë që ndjeu kur u përpoq të dilte sërish në takime pas divorcit nga Sophie Turner, madje duke zbuluar se një varg nga partnerja e tij e re frymëzoi këngën e tij të re “Only Love”.
Në një intervistë me TalkShopLive, këngëtari 35-vjeçar dhe ish-anëtar i Jonas Brothers foli për procesin e krijimit të albumit të tij solo “Music for People Who Believe in Love”, i cili publikohet të premten, më 23 maj.
“Në atë kohë po dilja me dikë dhe fillova të eksploroja idenë e ridaljes së një lidhjeje. Ishte vërtet e frikshme dhe stresuese“, pranoi Jonas. “Dashuria merr forma të ndryshme dhe unë po rizbuloja se çfarë do të thotë kjo“.
Jonas ishte i martuar me Sophie Turner nga 2019 deri në divorcin e tyre më 2023. Së bashku patën dy vajza, Willa e Delphine. Pas divorcit, pati një lidhje me modelen Stormi Brie, me ndarjen e tyre që ndodhi në qershor 2024.
Siç tha ai, vajza me të cilin po dilte gjatë periudhës kur u frymëzua për “Only Love” i’a kishte minimizuar shqetësimet me humor, duke i thënë: “Hajde, është thjesht dashuri”. “E dëgjova dhe thashë me vete, ‘Kur e thua kështu…’ Dhe shkruam një këngë për të ”, tha Jonas. “Dua të them, nuk ishte asgjë e rëndësishme – por për mua ishte, dhe për personin tjetër gjithashtu. Por është në rregull të marrësh një rrezik dhe të provosh përsëri, të ekspozohesh emocionalisht.”
Siç zbuloi ai, e kishte shkruar këngën me qëllimin për ta interpretuar me vëllezërit e tij në grupin Jonas Brothers. Por kur filloi ta dëgjonte përsëri, e kuptoi se e lidhte shumë fort me historinë e tij personale.
Magazinë
Halloween në Netflix! Top 5 filma horror që duhet të shikoni
Published
16 hours agoon
October 3, 2025By
UBT News
Ka ardhur tetori, muaji i përsosur për maratonat e filmave horror.
Në këtë stinë, adhuruesit e zhanrit kërkojnë të përfshihen në atmosferën e frikës dhe tensionit. Netflix ka përgatitur surpriza të shumta.
Platforma ofron përzgjedhje filmash – që nga klasikët që kanë lënë gjurmë në historinë e kinemasë së horrorit, deri te produksionet moderne që premtojnë emocione të forta.
Pra, qoftë nëse preferoni frikën e ngadalshme dhe atmosferën e errët të klasikëve apo tronditjen e menjëhershme të filmave të rinj, këtu do të gjeni gjithçka.
Fear Street, Prom Queen, His House, The Ritual, Cobweb dhe Apostle. /A.Z/UBT News/
Magazinë
Vajzat e Emily Blunt nuk e marrin seriozisht famën e saj
Published
17 hours agoon
October 3, 2025By
UBT News
Aktorja Emily Blunt ka zbuluar me humor se vajzat e saj nuk e marrin gjithmonë seriozisht punën e saj si aktore, pavarësisht suksesit të madh në Hollywood.
Gjatë një interviste në “Jimmy Kimmel Live!”, 42-vjeçarja, e cila së fundmi ka luajtur në “The Smashing Machine”, rrëfeu se njëra nga vajzat e saj madje u ndje e turpëruar kur e pa me grimin e plotë pas një fotosesioni.
Blunt, nënë e Hazel, 11 vjeçe, Violet, 9 vjeçe, tregoi se vajzat ishin prapa skenës për ta përkrahur, para se ajo të dilte dhe të bënte shaka me publikun.“Ato ishin aty duke bërë me duar shenjën e zemrës para se të dilja. Pastaj bëra sikur po vjellja… dhe dola në skenë,” rrëfeu ajo.
Edhe Kimmel, i cili ka katër fëmijë, pranoi se ata nuk e marrin seriozisht punën e tij. Ai e pyeti Bluntin nëse mendon se fëmijët e kuptojnë sa argëtues është të marrësh fëmijët me vete në punë. “Çfarë mendon? A kuptojnë fëmijët sa qejf është kur i marrim në punë, krahasuar me kur ne shkonim te puna e prindërve tanë?” pyeti Kimmel.
Aktorja u përgjigj se shpreson që një ditë vajzat e saj ta vlerësojnë këtë, duke kujtuar se sa mbresëlënëse ishte për të të shikonte babanë e saj si avokat penal. Blunt tregoi një moment të çuditshëm pas një fotosesioni për kopertinën e një reviste, kur hyri në shtëpi ende me grim.
“Kam kaluar ditën me njerëz që më thoshin: ‘Sa e fortë je! Dukesh mahnitëse! Je e bukur, Emily’. Por kur hyra në apartament, vajza ime e madhe, Hazel, tha: ‘Ew’. E vogla, Violet, tha: ‘Mendoj se dukesh bukur, mami’. Pra, të paktën njërën e ktheva në anën time,” rrëfeu aktorja.
Kimmel qeshi dhe shtoi se ka një fëmijë që të del i mirë, por pranoi se nuk impresionohen nga asgjë dhe kjo është normale.
Emily e përkrahu këtë, duke thënë se e sheh si diçka të “shëndetshme”. Megjithatë, ajo pranoi se shpesh janë prindërit e shoqeve të vajzave të saj ata që reagojnë ndaj famës së saj.
“Nganjëherë prindërit përpiqen t’i bindin duke u thënë: ‘Ajo është Mary Poppins’. Ndërsa unë jam aty me veshje sportive, dhe vajzat e mia thonë: ‘Jo, s’është. Apo shpresoj të mos jetë’,” tregoi Blunt.
Emily Blunt ka dy vajza me bashkëshortin e saj, aktorin dhe regjisorin John Krasinski. /A.Z/UBT News/
Magazinë
Princ William bën një rrëfim emocional për diagnozën e kancerit të Kate
Published
20 hours agoon
October 3, 2025By
UBT News
Princi William ka folur hapur për ndikimin që ka pasur diagnoza e kancerit e Kate Middleton mbi të dhe familjen e tyre.
Në një intervistë me aktorin Eugene Levy, për serialin e tij në Apple TV+, “The Reluctant Traveler” (Udhëtari Ngurrues), Princi i Uellsit, 43 vjeç, ndau emocionet dhe sfidat që ka përjetuar gjatë kësaj periudhe të vështirë.
Në një fragment të episodit të ardhshëm, me titull “Jeta Mbretërore në Mbretërinë e Bashkuar”, ai bisedon me aktorin 78-vjeçar për mënyrën se si jeta mund të ndryshojë brenda një çasti.
“Ne kemi qenë me shumë fat, nuk kemi pasur sëmundje të mëdha në familje për një kohë të gjatë. Gjyshërit e mi jetuan deri në mbi 90 vjeç,” tha William, duke iu referuar Mbretëreshës Elizabeth dhe Princit Philip.
“Ata ishin shembull i forcës, qëndrueshmërisë. Kur papritur kupton se gjithçka mund të të ndryshojë brenda momentit, atëherë e shikon jetën ndryshe. Mendon gjithmonë se nuk do të ndodhë me ty… derisa të ndodh. Dhe kjo të çon në vende të errëta, jo të këndshme,” shtoi ai.
Gjatë një shëtitjeje në kështjellën Windsor, princi bëri shaka me aktorin duke thënë: “Ofrojmë guida personale për të gjithë.”
I pyetur për kohën e lirë, ai iu përgjigj me humor: “Fle. Kur ke tre fëmijë të vegjël, gjumi është pjesa më e rëndësishme e jetës.”
Gjatë një ndalese, Levy dhe William diskutuan mbi vitet e fundit të mbushura me sfida. Përveç diagnozës së Kate, edhe babai i tij, Mbreti Charles, u përball me kancer. “Do të thosha se vitet 2023-2024 kanë qenë më të vështirat e jetës sime,” pranoi princi.
“Por jeta na vë në provë dhe mënyra se si i përballojmë këto sfida na formon si njerëz.”
Në mars 2024, Princesha e Uellsit bëri publike se po trajtohej për kancer dhe qëndroi jashtë vëmendjes gjatë kimioterapisë. Në shtator 2024, ajo konfirmoi se e kishte mposhtur sëmundjen.
“Teksa vera po mbyllet, nuk mund ta përshkruaj lehtësimin që ndjej, tani që kam përfunduar trajtimin. Nëntë muajt e fundit kanë qenë jashtëzakonisht të vështirë për familjen tonë. Jeta mund të ndryshojë brenda një çasti dhe ne kemi qenë të detyruar të gjejmë forcë për të kaluar këtë udhëtim të panjohur”, tha ajo.
Në janar 2025, Kate e përshkroi periudhën e rikuperimit si një moment “lehtësimi” dhe shtoi: “Siç e dinë të gjithë ata që përballen me kancerin, duhet kohë për t’u përshtatur me realitetin e ri. Por tashmë pres me padurim një vit të mbushur me gëzim. Ka kaq shumë arsye për të shpresuar. Faleminderit të gjithëve për mbështetjen e vazhdueshme.” /A.Z/UBT News/
Magazinë
Festival i Këngës në RTSH, Era Istrefi ndër emrat e përfolur
Published
22 hours agoon
October 3, 2025By
UBT News
Lista zyrtare e këngëtarëve pjesëmarrës në Festivalin e Këngës në RTSH 2025 ende nuk është publikuar, por në rrjetet sociale dhe rrethet artistike kanë nisur të qarkullojnë spekulimet e para mbi emrat që mund të ngjiten në skenën më të rëndësishme të muzikës shqiptare, e cila gjithashtu shpërndan biletën për Eurovision.
Ditët e fundit, është përfolur gjerësisht emri i këngëtares së njohur Era Istrefi, një nga artistet shqiptare më të suksesshme në skenën ndërkombëtare.
Burime nga RTSH sugjerojnë se Istrefi është tashmë në bisedime me organizatorët e festivalit, duke e bërë emrin e saj një nga më të përmendurit për këtë edicion.
Era Istrefi është e njohur për hitet që kanë kapërcyer kufijtë shqiptar, duke mbledhur miliona klikime e duke fituar famë ndërkombëtare.
Pjesëmarrja e saj në Festivalin e Këngës do të përbënte një risi, duke fuqizuar konkurrencën dhe duke sjellë një atmosferë më ndërkombëtare në skenën shqiptare.
Nëse thashethemet konfirmohen, Era do të jetë padyshim një nga konkurrueset më të forta, me mundësinë e përfaqësimit të Shqipërisë në Eurovision dhe duke krijuar pritshmëri të lartë tek publiku. /A.Z/UBT News/

FC Ferizaj prezanton trajnerin e ri, Nevil Dede

Lamine Yamal mungon ndaj Sevillas për shkak të një dëmtimi muskulor

Petrit Halilaj fiton çmimin prestigjioz Nasher 2027 për skulpturë

Rektori Hajrizi: Studentët e UBT-së, të gatshëm për tregun global të punës

Sa është i dëmshëm ndryshimi i orës? Ja çfarë thonë studimet e reja

Elon Musk kritikon Wikipedia-n dhe njofton Grokipedia

Zhytësi rus thyen rekordin botëror, 126 metra pa frymë

Halloween në Netflix! Top 5 filma horror që duhet të shikoni

Rekordi i Chris Waddle mund të thyhet nga Granit Xhaka
Të kërkuara
-
Lajmet nga UBT1 month ago
Profesori i UBT-së, Bahri Gashi, pjesë e rrjetit prestigjioz ndërkombëtar të recensimit shkencor në Taylor & Francis
-
Rajoni2 months ago
BSc në Shëndet Publik dhe Shkenca Mjekësore në UBT – Investim për të ardhmen e shëndetit të popullatës
-
Lajmet nga UBT3 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA
-
Vendi4 weeks ago
Votoni për UBT-në dhe Rektorin Hajrizi në Triple E Awards: Dy nominime të reja ndërkombëtare për institucionin dhe Kosovën