Lajmet

Navalny po përballet me një sëmundje misterioze në burg, thotë zëdhënësja e tij

Sipas saj, ai po vritet ngadalë në mënyrë që të tërheqë më pak vëmendje.

Published

2 years ago

on

Alexey Navalny, politikani më i shquar i opozitës ruse, po vuan nga një sëmundje misterioze në burg dhe ka humbur 8 kg në pak më shumë se dy javë, ka thënë zëdhënësja e tij.

Një ambulancë u thirr për Navalny-n të shtunën në koloninë penale të sigurisë maksimale IK-6 në Melekhovo.

Kira Yarmysh, zëdhënësja e tij, tha në një videoklip në Twitter se ai kishte pasur një problem me stomakun të premten dhe mjekët e burgut e kishin trajtuar atë në të kaluarën me ilaçe të cilat ata kishin refuzuar ta identifikonin.

“Ne nuk e përjashtojmë që pikërisht në këtë kohë, Alexey Navalny po helmohet ngadalë, po vritet ngadalë në mënyrë që të tërheqë më pak vëmendje”, tha Yarmysh.

“Ai po mbahet në një qeli dënimi me dhimbje akute pa ndihmë mjekësore” tha ajo.

Kur u pyet për një helmim të mundshëm të Navalny-t, Kremlini tha se nuk po ndiqte gjendjen e tij shëndetësore, gjë që ishte një çështje e shërbimit federal penitenciar.

Navalny, i cili po vuan dënime të kombinuara prej 11.5 vjetësh për mashtrim dhe përbuzje të gjykatës, tha përmes Twitter të martën se ai ishte kthyer në izolim dhe ishte detyruar të duronte kushte “jashtëzakonisht djallëzore”.

Qeveria gjermane tha të mërkurën se ishte e shqetësuar për përkeqësimin e shëndetit të Navalny./UBTNews/

Related Topics:
Continue Reading

Lajmet

66 aksidente në 24 orët e fundit në Kosovë

Published

16 minutes ago

on

September 17, 2025

By

66 aksidente trafiku kanë ndodhur në 24 orët e fundit në vendin tonë, nga të cilat një me fatalitet, 29 me të lënduar dhe 36 me dëme materiale.

Sipas statistikave të policisë, kësaj periudhe janë shqiptuar 2 mijë e 383 gjoba trafiku.

Në 24 orëshin e fundit gjithashtu janë arrestuar 16 persona dhe 15 janë dërguar në mbajtje./D.B/EO

Continue Reading

Lajmet

​Edi Rama takohet sot me sekretarin e NATO-s në Bruksel

Published

18 minutes ago

on

September 17, 2025

By

Sekretari i Përgjithshëm i NATO-s, Mark Rutte, do të presë sot (e mërkurë) në takim kryeministrin e Shqipërisë, Edi Rama, në selinë e NATO-s, në Bruksel.

Kështu thuhet në një njoftim të NATO-s, ku theksohet se Rutte dhe Rama do të kenë konferencë për media në orën 09:00. Ndërkohë, mediat e akredituara duhet të jenë para sallës së konferencave në orën 08:30.

Deklaratat për shtyp do të transmetohen drejtpërdrejt në faqen e internetit të NATO-s dhe në X. /D.B/KP

Continue Reading

Lajmet

​Arsenali e nis me fitore rrugëtimin në Ligën e Kampionëve

Published

27 minutes ago

on

September 17, 2025

By

Arsenali ka startuar mbarë në këtë edicion të Ligës së Kampionëve, duke triumfuar 2-0 ndaj Athletic Bilbaos.

Pas një pjese të parë pa gola, londinezët gjetën rrugën e fitores në fraksionin e dytë të lojës.

Gabriel Martinelli zhbllokoi rezultatin në minutën e 72-të, duke e çuar skuadrën e tij në avantazh. Më pas, Leandro Trossard vulosi gjithçka në minutën e 87-të, duke realizuar golin e dytë që i siguroi Arsenalit tre pikët e para në grup.

Në ndeshjen tjetër të këtij grupi, PSV Eindhoven pësoi një humbje befasuese në shtëpi kundër Union SG me rezultatin 1-3, duke e komplikuar menjëherë garën për kualifikim./S.K/KP/

Continue Reading

Aktualitet

​Tërmet në Shqipëri

Published

29 minutes ago

on

September 17, 2025

By

Një tërmet me magnitudë 3.0 të shkallës Rihter është regjistruar pasditën e djeshme në Shqipëri.

Sipas Qendrës Europiane dhe Mesdhetare të Sizmiologjisë (EMSC), lëkundjet u ndjenë rreth orës 17:26, me epiqendër 19 kilometra në jug të Tiranës dhe në një thellësi prej 10.7 kilometrash.

Tërmeti është ndjerë lehtë në disa zona përreth, por fatmirësisht nuk raportohet për dëme materiale apo të lënduar./S.K/KP/

Continue Reading

Të kërkuara