Lajmet

NATO: Rusia po rigrupohet në tentim që ta marrë Donbasin

Ai shtoi se aleatët kanë kohë që ta ndihmojnë ushtrinë ukrainase që të përgatitet për këtë ofensivë.

Published

on

Rusia ka të ngjarë të nisë një ofensivë të re në rajonin lindor ukrainas të Donbasit në javët e ardhshme, tha të martën sekretari i Përgjithshëm i NATO-s, Jens Stoltenberg. Ai shtoi se aleatët kanë kohë që ta ndihmojnë ushtrinë ukrainase që të përgatitet për këtë ofensivë.

Duke folur një ditë para se ministrat e Jashtëm të NATO-s të takohen në Bruksel për të diskutuar për më shumë mbështetje financiare, ushtarake dhe humanitare për Ukrainën, Stoltenberg tha se Rusia po planifikon një ofensivë “shumë të përqendruar”.

“Ne tani po shohim një lëvizje të madhe të forcave ruse që po largohen nga Kievi për t’u rigrupuar, riarmatosur dhe furnizuar dhe për të ndryshuar fokusin e tyre në lindje”, tha Stoltenberg në një konferencë për media.

“Në javët e ardhshme, ne presim që të shohim një ofensivë ruse në lindje dhe jug të Ukrainës, në tentim për të marrë të gjithë Donbasin dhe për të krijuar një lidhje tokësore me Krimenë e okupuar”, shtoi ai.

Komentet e Stoltenbergut duket se konfirmojnë njoftimin që Moska bëri në fund të marsit, duke thënë se do të përqendrohet në “çlirimin e plotë të Donbasit”, pasi kjo zonë, ku gjenden rajonet Donjeck dhe Luhanks, pjesërisht ka qenë e okupuar nga separatistët pro-rusë që prej vitit 2014.

Stoltenberg tha se po ashtu se kjo do të ishte një fazë e re dhe e rëndësishme e pushtimit të Rusisë, që nisi më 24 shkurt.

“Ripozicionimi i trupave ruse me gjasë do të marrë kohë, ndoshta disa javë”, tha ai.

Sipas tij, kjo kohë është “jashtëzakonisht e rëndësishme që aleatët e NATO-s të ofrojnë mbështetje” për Ukrainën.

Ministrat e Jashtëm të NATO-s të mërkurën dhe të enjten pritet të diskutojnë se si do të dërgojnë më shumë armë kundërtanke, municion dhe furnizime mjekësore në Ukrainë, tha Stoltenberg.

Ministri i Jashtëm ukrainas, Dmytro Kuleba, pritet të marrë pjesë gjatë këtij takimi dyditor në Bruksel./REL

Lajmet

Sulmohet një person zyrtar në Prizren, i dyshuari dërgohet në mbajtje

Published

on

Një rast i sulmit ndaj personit zyrtar është raportuar në Prizren, ku një person është arrestuar nga Policia e Kosovës.

Sipas raportit të fundit të Policisë, ngjarja ka ndodhur më 26 prill 2026 rreth orës 10:10 në fshatin Nashec, ku i dyshuari mashkull kosovar dyshohet se ka sulmuar fizikisht një person zyrtar teksa ai ishte duke ushtruar detyrën e tij.

Me vendim të prokurorit, i dyshuari është dërguar në mbajtje, ndërsa rasti po trajtohet nga organet kompetente.

Continue Reading

Lajmet

Të shtëna me armë dhe armëmbajtje pa leje, dy raste të raportuara në Kaçanik dhe Mitrovicë

Published

on

Dy raste që lidhen me përdorimin dhe posedimin e armëve janë raportuar në Kaçanik dhe Mitrovicë, ku janë përfshirë persona të dyshuar meshkuj kosovarë.

Në fshatin Bajnic të Kaçanikut, më 26 prill, policia ka arrestuar një të dyshuar pasi dyshohet se nga vetura kishte shtënë në ajër me armë zjarri. Në vendin e ngjarjes janë gjetur dhe sekuestruar disa gëzhoja, ndërsa nga i dyshuari është konfiskuar një armë e tipit AK-47 me 35 fishekë. Sipas raportit të fundit të Policisë së Kosovës, me vendim të prokurorit i dyshuari është liruar në procedurë të rregullt.

Ndërkohë, një rast tjetër është shënuar në fshatin Vidimriq të Mitrovicës së Jugut, ,ku gjatë kontrollit të një veture është gjetur dhe sekuestruar një pushkë ajrore me 15 diabolla. Edhe në këtë rast, i dyshuari është arrestuar, por më pas është liruar me vendim të prokurorit, ndërsa rasti vazhdon në procedurë të rregullt.

 

Continue Reading

Lajmet

Kuvendi nderon akademikun Rexhep Qosja, familja kërkon privatësi dhe refuzon ceremonitë zyrtare

Published

on

By

Kuvendi i Kosovës ka mbajtur një seancë të veçantë duke nderuar me një minutë heshtje figurën e akademikut, shkrimtarit dhe kritikut të shquar letrar, Rexhep Qosja, i cili u nda nga jeta në moshën 90-vjeçare.

Ndonëse shteti i Kosovës e shpalli 24 prillin ditë zie kombëtare në nderim të kontributit të tij kolosal, përcjellja e fundit e akademikut është bërë në rreth të ngushtë.

Nipi i të ndjerit, Valjet Rexhepi, njoftoi se me dëshirën e vetë Qosjes, varrimi është kryer të enjten përmes një ceremonie private familjare.

Për më tepër, familja ka bërë të ditur se nuk do të organizojë pritje për ngushëllime dhe nuk do të marrë pjesë në asnjë organizim institucional, duke kërkuar publikisht që t’u respektohet privatësia për të mbajtur zi në qetësi.

Continue Reading

Lajmet

Hapet zyra e Ministrisë së Bujqësisë në Mitrovicën e Veriut; Kurti: Diskriminimit i erdhi fundi

Published

on

By

Të hënën është hapur zyrtarisht në Mitrovicën e Veriut zyra e Ministrisë për Bujqësi, Pylltari dhe Zhvillim Rural, në një ceremoni ku morën pjesë kryeministri Albin Kurti dhe ministrat Peci, Sveçla e Krasniqi.

Gjatë kësaj ngjarjeje, vëmendja e mediave u përqendrua te mungesa e kryetarit të Mitrovicës së Veriut, për të cilin Kurti u shpreh se institucionet duhet të fokusohen më shumë te qytetarët e thjeshtë sesa te shtresa e lartë e zyrtarëve, duke sugjeruar që mediat të mos shqetësohen për figurat politike.

Kryeministri theksoi se hapja e kësaj zyre simbolizon fundin e diskriminimit dhe ofrimin e shërbimeve gjithëpërfshirëse për të gjithë, duke falënderuar kontribuuesit që mundësuan shtrirjen e këtyre funksioneve administrative në veri të vendit.

Continue Reading

Të kërkuara