Lajmet

NATO përfundon stërvitjet historike ajrore në Evropë

Manovrat “Air Defender 23”, të udhëhequra nga Gjermania, mblodhën rreth 250 avionë ushtarakë nga 25 vende të NATO-s.

Published

on

Organizata e Traktatit të Atlantikut Verior (KFOR) i përfundoi më 23 qershor stërvitjet më të mëdha ndonjëherë të dislokimit të forcave ajrore në Evropë, në atë që po cilësohet si një shfaqje e fuqisë kundër kërcënimeve të mundshme, si nga Rusia.

Manovrat “Air Defender 23”, të udhëhequra nga Gjermania, mblodhën rreth 250 avionë ushtarakë nga 25 vende të NATO-s, si dhe aleate të tjera, përfshirë Japoninë dhe Suedinë. Kjo e fundit tashmë ka kërkuar anëtarësimin në aleancën ushtarake.

Rreth 10.000 pjesëtarë të shërbimit ushtarak morën pjesë në stërvitjet që synonin të rrisin ndërveprimin dhe gatishmërinë për t’u mbrojtur nga dronët dhe raketat lundruese në rast të një sulmi brenda territorit të NATO-s.

“Ne donim të tregonim se këto 25 kombe të ndryshme mund të veprojnë së bashku që nga dita e parë dhe ne ia dolëm”, tha kreu i forcave ajrore gjermane, Ingo Gerhartz, në transmetuesin NTV.

Stërvitja ishte një “sukses i plotë” në nivelet taktike dhe organizative, tha Gerhartz nga baza ajrore Jagel në Gjermaninë veriore.

Nga 2.000 fluturime të planifikuara, rreth 1.800 u ekzekutuan, tha Gerhartz, i cili e quajti këtë shkallë “rekorde” të ekzekutimit për këtë lloj ushtrimi.

“Air Defender” u konceptua në vitin 2018 pjesërisht në përgjigje ndaj aneksimit rus të Krimesë nga Ukraina katër vjet më parë, megjithëse Gerhartz më parë kishte këmbëngulur se këto stërvitje nuk “kishin askënd në shënjestër”.

Në anë tjetër, ambasadorja e SHBA-së në Gjermani, Amy Gutmann, tha se stërvitja do të tregonte “përtej çdo dyshimi shkathtësinë dhe shpejtësinë e forcës sonë aleate” dhe kishte për qëllim të dërgonte një mesazh për disa vende, përfshirë Rusinë.

“Do të isha shumë e befasuar nëse ndonjë lider botëror nuk do ta merrte parasysh atë që tregon kjo për sa i përket frymës së kësaj aleance, që do të thotë forcën e kësaj aleance, dhe kjo përfshin zotin Putin”, u tha ajo gazetarëve, duke iu referuar presidentit të Rusisë, Vladimir Putin.

Lufta e Rusisë kundër Ukrainës ka intensifikuar aktivitetet e aleancës ushtarake perëndimore, të krijuar pothuajse 75 vjet më parë për t’u përballur me Bashkimin Sovjetik.

Finlanda dhe Suedia, të cilat për një kohë të gjatë mbajtën një qëndrim zyrtar neutraliteti për të shmangur ndonjë konflikt me Moskën, kanë kërkuar anëtarësim në NATO pas pushtimit të Ukrainës në shkurt të vitit 2022.

Finlanda u anëtarësua në prill, por kërkesa e Suedisë është shtyrë kryesisht për shkak të kundërshtimeve turke./REL

Aktualitet

Dështoi zgjedhja e tre kandidatëve të Vetëvendosjes për kryetar të Kuvendit

Published

on

Në vazhdimin e seancës konstituive, Hekuran Murati, Arbërie Nagavci dhe Dimal Basha nga Lëvizja Vetëvendosje ishin emrat që s’arritën të siguronin 61 votat e nevojshme për t’u zgjedhur në krye të Kuvendit të Kosovës.

Kjo ishte hera e dytë që Murati u propozua për këtë post dhe hera e parë për Nagavcin dhe Bashkën. Për Muratin dhe Nagavcin votuan 55 deputetë, 46 ishin kundër. Për Muratin abstenuan pesë deputetë, e për Nagavcin katër.

Ndërsa, Basha mori 57 vota për, 25 ishin kundër dhe 24 abstenuan. Ai mori votën e Arben Gashit dhe Bekë Berishës, nga partitë që mandatin e kaluar ishin në opozitë.

Seanca konstituive u ndërpre dhe do të vazhdojë më 26 gusht, duke filluar nga ora 11:00.

Vazhdimi i sotëm i seancës konstituive ishte i treti pas publikimit të aktgjykimit të plotë të Gjykatës Kushtetuese, që përcaktoi zgjedhjen e kryeparlamentarit brenda 30 ditësh përmes votimit të hapur, që kandidati i njëjtë mund të votohet vetëm tri herë dhe se të gjithë deputetët duhet të marrin pjesë në votim.

Continue Reading

Aktualitet

​Vdes 26-vjeçari në Skenderaj pasi ra nga kati i tetë i një objekti

Published

on

Një 26-vjeçar ka vdekur në Skenderaj pasi dyshohet se ka rënë nga kati i tetë i një objekti banesor. Në njoftimin e Policisë së Kosovës thuhet se rasti i rëndë tragjik ka ndodhur rreth orës 21:00.

Policia në Skenderaj është njoftuar se një person kishte rënë nga kati i tetë i një objekti banesor dhe ishte transportuar menjëherë në emergjencën e QKMF në Skenderaj.

Ekipi mjekësor ka konfirmuar se personi 26-vjeçar, i gjinisë mashkullore, si pasojë e lëndimeve të pësuara kishte humbur jetën.

Njësitë policore kanë dalë menjëherë në vendin e ngjarjes dhe po merren me hetimin e rrethanave të rastit.

Continue Reading

Aktualitet

​Vdes 31-vjeçari nga rënia e një lisi në zonën e Gollakut

Published

on

Një 31-vjeçar ka humbur jetën tragjikisht pasi nuk ka mund t’u mbijetojë plagëve të marra si pasojë e rënies së një trungu druri në një zonë të Gollakut.

Nga policia rajonale për Prishtinë, Enis Pllana nga ka konfirmuar se ngjarja tragjike ka ndodhur në orët e pasdites ditën e diel.

“Rreth orës 17:00, policia ka pranuar një informatë për një person të lënduar rëndë, dyshohet si pasojë e rënies së një trungu druri. Personi i lënduar L. G, mashkull, 31 vjeç, nuk ka arritur t’u mbijetojë plagëve dhe i njëjti i ka vdekur. Vdekjen e ka konstatuar ekipi mjekësor”, ka thënë Pllana.

Njësitet policore në koordinim me prokurorinë po zhvillojnë hetime për të sqaruar të gjitha rrethanat e rastit.

Continue Reading

Aktualitet

​Një i dyshuar për sulm ndaj KFOR-it e policisë kapet pasi hyn nga Serbia në Kosovë

Published

on

Një person i dyshuar me inicialet Lj.M. është dërguar në mbajtje për 48 orë nën dyshimet se ka qenë pjesë e sulmit ndaj misionit KFOR dhe Policisë së Kosovës para objektit komunal të Zveçanit më 29 maj 2023, pak kohë pasi kishte hyrë nga Serbia në Kosovë.

Lidhur me rastin është informuar Prokuroria Speciale dhe në koordinim me Prokurorinë Speciale, duke konsideruar peshën e veprave të kryera dhe rrezikun potencial për arratisje pasi që i dyshuari punon dhe qëndron në Serbi, si dhe mundësinë për manipulimin apo zhdukjen e provave, Policia e Kosovës ka ndërmarrë veprime për ndalimin e tij si dhe sigurimin e prezencës së tij në procedurën penale që zhvillohet ndaj tij, lidhur me dyshimet për kryerjen e veprave penale kundër rendit kushtetues dhe sigurisë.

I dyshuari është ndaluar nga Policia e Kosovës në Komunën e Zveçanit dhe me qëllim të sigurimit të provave dhe dëshmive, është realizuar kontrolli në shtëpinë e tij.

Gjatë kontrollit në shtëpinë e të dyshuarit, në cilësinë e provave materiale janë sekuestruar një telefon uniforma të ndryshme ushtarake, dy USB, dhe një fanellë me mbishkrim nacionalist, të cilën dyshohet se e ka pasur të veshur ditën kritike.

I dyshuari është intervistuar në prezencë të avokatit dhe të përkthyesit dhe me vendim të prokurorit është dërguar në mbajtje për 48 orë.

Po ashtu, me vendim të prokurorit është iniciuar rasti për veprat penale “bashkim për veprimtari kundër kushtetuese, me qellim të sulmit kundër rendit kushtetues të Republikës se Kosovës, rrezikim i personave nën mbrojtje ndërkombëtare, sulm ndaj personit zyrtar dhe pjesëmarrja në turmë që kryen vepra penale dhe huliganizëm.

Continue Reading

Të kërkuara