Lajmet

NATO: Për misionin e KFOR-it vendosin aleatët

Published

4 years ago

on

“Të gjitha vendimet në NATO, përfshirë ato për KFOR-in, merren në pajtueshmëri me të gjitha 30 vendet anëtare”, ka thënë një zyrtar i NATO-s për Radion Evropa e Lirë, kur është pyetur rreth deklaratës së presidentit serb Aleksandar Vuçiq më 13 maj, se vendi i tij ka marrë informacione nga burimet e inteligjencës, se një nga fuqitë e mëdha së shpejti do të fillojë të kërkojë zyrtarisht tërheqjen e forcave të KFOR-it dhe UNMIK-ut nga Kosova.

Në përgjigjjen e NATO-s është thënë se aleanca veriatlantike ka kontribuuar në stabilitetin e Ballkanit Perëndimor për shumë vjet dhe vazhdon të jetë e përkushtuar për rajonin.

“Misioni ynë i KFOR-it ka për bazë Rezolutën 1244 të Këshillit të Sigurimit të Kombeve të Bashkuara të vitit 1999, për të ofruar ambient të sigurt dhe liri të lëvizjes për të gjitha komunitetet që jetojnë në Kosovë”, është thënë mes tjerash në përgjigjen e zyrtarit të NATO-s.

Vuçiq, ndërkaq, u ka thënë të enjten gazetarëve në Beograd se nuk mund të thotë se për cilën fuqi bëhet fjalë, porse informacionet janë nga “burimet zyrtare”.

Vuçiq ka thënë po ashtu se do të përpiqet të flasë për këtë çështje me Sekretarin e Përgjithshëm të NATO-s, Jens Stoltenberg, me të cilin pritet të takohet më 17 maj në Bruksel.

“Kemi marrë informacione se një nga fuqitë e mëdha së shpejti do të fillojë një kërkesë zyrtare për tërheqjen e KFOR-it dhe UNMIK-ut [nga Kosova]. Do të përpiqem të flas me Stoltenbergun për të bërë gjithçka të mundur që kjo të mos ndodhë”, ka thënë Vuçiq të enjten.

Sipas tij, tërheqja e KFOR-it dhe UNMIK-ut nga Kosova do të ishte “një katastrofë”.

UNMIK-u, përkatësisht Misioni i Përkohshëm i Kombeve të Bashkuara, është vendosur në Kosovë në vitin 2000, pas sulmeve ajrore të NATO-s në caqet e ushtrisë serbe.

Ai është vendosur në bazë të Rezolutës 1244, e cila është miratuar nga Këshilli i Sigurimit i Kombeve të Bashkuara në qershor të vitit 1999 dhe e cila është ende në fuqi.

Pas shpalljes së pavarësisë së Kosovës në vitin 2008, UNMIK-u ia ka dorëzuar shumicën e përgjegjësive të tij Misionit të Bashkimit Evropian për Sundimin e Ligjit në Kosovë (EULEX).

Misioni paqeruajtës i NATO-s, KFOR, është vendosur në Kosovë po ashtu në qershor të vitit 1999, pas tërheqjes së forcave serbe nga Kosova.

Related Topics:
Continue Reading

Bota

Komisioni Evropian hap hetim për subvencionet shtetërore të Kroacisë për pyjet dhe kompanitë e drurit

Published

37 seconds ago

on

February 24, 2025

By

Komisioni Evropian ka hapur një hetim të detajuar mbi subvencionet shtetërore që ka marrë kompanisë kroate të pyjeve, Hrvatske šume (HŠ), dhe disa kompanive të përpunimit të drurit. Hetimi po shqyrton nëse këto subvencione përbëjnë ndihmë të paligjshme dhe nëse janë në kundërshtim me rregullat e tregut të brendshëm të BE-së.

Subvencionet dyshohet se janë dhënë për të shmangur që HŠ të paguante shtetit kroat për të drejtën ekskluzive për të menaxhuar pyjet publike të Kroacisë. Po ashtu, Komisioni po heton nëse HŠ ka ofruar çmime jo të tregut për disa kompani të përpunimit të drurit, duke i dhënë atyre një avantazh të padrejtë ekonomik. HŠ është një kompani 100% shtetërore, që ka të drejtën ekskluzive për shfrytëzimin komercial të pyjeve publike të Kroacisë që nga viti 1990.

Komisioni ka bërë të qartë se hapja e hetimit nuk do të thotë se ka ndodhur ndihmë të paligjshme, dhe palët e interesuara do të kenë mundësinë të paraqesin komentet e tyre./UBTNews/

Continue Reading

Lajmet

​Shefi i EULEX-it nderon punën e Bajram Qerkinit në kërkimin të të zhdukurve

Published

2 minutes ago

on

February 24, 2025

By

Shefi i misionit të EULEX-it në Kosovë, Giovanni Pietro Barbano ka reaguar pas vdekjes së Bajram Qerkini, drejtor i Qendrës Burimore të Personave të Zhdukur, duke thënë se nderon punës së tij të pandërprerë në kërkimin e së vërtetës për fatin e të gjithë personave të zhdukur në luftën e Kosovës.

Ai ka rikonfirmuar angazhimin e EULEX për të mbështetur trashëgiminë e tij në mbështetjen e institucioneve në këtë kauzë fisnike.

Qerkini vdiq pas një sëmundje që e mbajti shtrirë që disa muaj. Kështu është bërë me dije nga familja e tij.

Varrimi i tij do të bëhet ditën e martë, më 25 shkurt 2025, në orën 12:00, në varrezat e qytetit në Shipol të Mitrovicës.

Për rreth 25 vite Qerkini është përpjekur për të ditur fatin e djalit të tij dhe të personave të tjerë të pagjetur nga lufta në Kosovë.

Continue Reading

Lajmet

Zgjedhja e kryetarit të ri në Novi Sad shkakton protesta dhe përplasje me policinë

Published

5 minutes ago

on

February 24, 2025

By

Në Novi Sad, Këshilltarët e Kuvendit të Komunës kanë zgjedhur Žarko Mićin si kryetarin e ri të bashkisë, një kandidat nga lista “Aleksandar Vuçiq Novi Sad Tomorrow”.

Ky zhvillim ka shkaktuar protesta të opozitës, e cila e kundërshton këtë zgjedhje, duke deklaruar se pushteti aktual ka humbur legjitimitetin dhe nuk ka të drejtë morale të zgjedhë kryetarin e bashkisë. Opozita i ka bërë thirrje qytetarëve që të mblidhen para Kuvendit për të shprehur pakënaqësinë e tyre.

Mëngjesin e sotëm, një numër i madh protestuesish janë mbledhur përpara Kuvendit, ku ka pasur përplasje fizike me policinë, dhe disa persona janë plagosur. Protestuesit hodhën vezë në drejtim të godinës së Kuvendit. Këto ngjarje pasojnë një periudhë tensioni në Serbi pas tragjedisë në Novi Sad më 1 nëntor 2024, ku humbën jetën 15 persona. Ky aksident dhe pasoja e tij kanë nxitur një valë protestash, duke përfshirë kërkesa për dorëheqjen e liderëve dhe përmirësimin e funksionimit të institucioneve./UBTNews/

Continue Reading

Lajmet

​Mbi 13 mijë të huaj të punësuar në Shqipëri në 2024-ën

Published

24 minutes ago

on

February 24, 2025

By

Agjencia Kombëtare e Punësimit dhe Aftësive (AKPA) bën të ditur se në 2024-ën janë punësuar në vendin tonë mbi 13 mijë shtetas të huaj me një kontratë të rregullt pune.

“Rritja e numrit të të huajve ka si arsye rritjen ekonomike që ka pësuar vendi. Në vitin 2024 janë të regjistruar 700 mijë të punësuar në listëpagesat tona, ku rreth 13 mijë janë të huaj që kanë aplikuar për t’u punësuar në Shqipëri”, shprehet drejtoresha e Shërbimit të Tregut të Punës, Gertiola Çepani në një intervistë në media.

Të huajt në tregun e punës dominohen nga italianët, turqit dhe indianët, por nuk mungojnë edhe nga shtetet e tjera, ATSh.

Sektorët kryesorë ku janë siguruar kontratat e punës renditen shërbimi, akomodi, ndërtimi, tregtia dhe industria përpunuese.

Ligji parashikon që të gjithë shtetasit e huaj duhet të sigurojnë një kontratë pune, për të aplikuar më pas për leje qëndrimi në vendin tonë.

Continue Reading

Të kërkuara