Presidenti i Ukrainës Volodymyr Zelenskyy mbajti një fjalim gjatë Samitit të zhvilluar në Kiev në 3-vjetorin e nisjes së agresionit rus ndaj Ukrainës.

Zelensky tha se një shkëmbim i plotë i të burgosurve të luftës me Rusinë mund të jetë “fillimi” i përfundimit të luftës.

Ka pasur 60 shkëmbime të burgosurish midis dy palëve që nga fillimi i luftës, duke përfshirë një në dhjetor që përfshinte qindra të burgosur të shkëmbyer.

“Ky është opsioni i drejtë”, thotë Zelensky, duke vënë në dukje se ka mijëra ukrainas të arrestuar në Rusi – disa që janë mbajtur që nga pushtimi i Krimesë në 2014.

“Mijëra-mijëra njerëz të mbajtur nga Rusia”, tha ai.

“Rusia duhet t’i lërë të lirë ukrainasit. Ukraina është gati të shkëmbejë të gjithë për të gjithë dhe ky është një opsion i drejtë”.

Ukraina nuk publikon numrat e të burgosurve të luftës që mbahen nga Rusia, por totali mendohet të jetë më shumë se 8,000.

Ai paralajmëron gjithashtu për çdo marrëveshje të negociuar me nxitim me Rusinë, duke vënë në dukje: “Paqja nuk mund të shpallet thjesht në një orë”.

Liderët evropianë, bashkë me kryeministrin kanadez Justin Trudeau kanë mbërritur në Kiev këtë të hënë, për të shprehur mbështetjen e tyre ndaj Ukrainës në përvjetorin e tretë të fillimit të pushtimit rus.

Në samit mbajti fjalën, dhe Presidenti gjerman Frank-Ëalter Steinmeier, i cili përmes një video-lidhjeje dënoi agresionin rus në Ukrainë, duke thënë se Rusia është përgjegjësja e vetme për nisjen e luftës.

Ai theksoi se, megjithë mbështetjen nga Shtëpia e Bardhë, Rusia nuk ka fituar asnjë centimetër legjitimitet në këtë konflikt.

“Është Rusia ajo që e filloi këtë luftë,” tha Steinmeier, duke kundërshtuar hapur presidentin Trump i cili bëri përgjegjëse Ukrainën për nisjen e luftës.

“Rusia mund të ketë fituar një “vesh që e dëgjon” në Shtëpinë e Bardhë, por ata nuk kanë fituar asnjë centimetër legjitimitet.”

Ai theksoi se zhvillimet e fundit kanë forcuar edhe më shumë vendosmërinë e Evropës.

“Dy javët e fundit vetëm sa kanë forcuar vendosmërinë tonë si evropianë. Më shumë se kurrë ne duhet të ngrihemi për veten dhe Ukrainën,” përfundoi ai.

Edhe kancelari i ardhshëm i Gjermanisë, Friedrich Merz, deklaroi pas fitores në zgjedhje se Evropa duhet të forcojë sigurinë e saj duke shkëputur varësinë që nga SHBA në fushën e mbrojtjes.

Merz, i njohur si një mbështetës i zjarrtë i marrëdhënieve të ngushta me SHBA-në, befasoi shumë me tonin e tij të ashpër. Ai tha se administrata e Donald Trump nuk po tregon më kujdes për Evropën, duke e vënë në dyshim qëndrueshmërinë e aleancës transatlantike.

“Pas deklaratave të Donald Trump javën e kaluar, është e qartë se kjo administratë nuk shqetësohet më për fatin e Evropës,” tha Merz gjatë një debati pas zgjedhjeve të dielën. “Prioriteti im absolut do të jetë forcimi i Evropës, në mënyrë që të mund të arrijmë pavarësinë nga SHBA hap pas hapi.”

Ai madje sugjeroi se NATO, në formën e saj aktuale, mund të mos ekzistojë më në të ardhmen, duke nënkuptuar nevojën për një mbrojtje të pavarur evropiane.

Kremlini ka refuzuar përfshirjen e Bashkimit Evropian në negociatat për arritjen e një marrëveshjeje paqeje me Ukrainën, duke deklaruar se nuk sheh “asnjë bazë” për të rinovuar dialogun me Evropën.

Në një deklaratë për media të dhënë nga zëdhënësi i Kremlinit, Dmitry Peskov, Moska theksoi se sanksionet e fundit të miratuara nga BE-ja janë një pengesë për përpjekjet e Rusisë për të gjetur një zgjidhje paqësore.

Peskov theksoi se paketa e sanksioneve të BE-së, e cila përfshin kufizime për bankat ruse, është në kontrast me përpjekjet e Rusisë për të arritur një marrëveshje paqeje.

Peskov gjithashtu theksoi se bisedimet me SHBA-në, të cilat filluan javën e kaluar, janë të fokusuar në zhbllokimin e punës së misioneve diplomatike dhe kërkimin e mundësisë për një dialog të mundshëm me SHBA-të. Ai nënvioi se Moska nuk sheh mundësi për rinovimin e dialogut me Evropën.

Peskov kërkoi që SHBA të bëjë një analizë të thellë të shkaqeve rrënjësore të luftës, duke pohuar se pa një kuptim të plotë të këtyre shkaqeve, është e pamundur të arrihet një zgjidhje të qëndrueshme për konfliktin në Ukrainë.

Ai theksoi se Rusia ka tentuar vazhdimisht të tërheqë vëmendjen e shteteve evropiane për këto shkaqe, por ato kanë refuzuar të angazhohen në një analizë të tillë.

Ndërmarrja “Trepça” ka larguar nga puna një punëtor që dyshohet se ka shkaktuar dëme financiare prej mbi 27 mijë euro.

Sipas njoftimit të kompanisë, sot komisioni disiplinor ka vendosur masën e “ndërprerjes së marrëdhënies së punës” për punëtorin në fjalë.

Njoftimi i plotë:

Me datën 24.02.2025 Komisioni Disiplinor ka mbajtur shqyrtimin publik lidhur me rastin e z.Sh.S. Pas mbajtjes së shqyrtimit publik Komisioni Disiplinor ka vërtetuar se i njëjti ka kryer shkelje të rendë të detyrave të punës nga neni 10 paragrafi 1 nën paragrafi 1.1, 1.5, 1.13 dhe 1.52 i Rregullores nr.prot: 2906 dt. 30.07.2020 për përgjegjësinë disiplinore dhe materiale të punëtorëve të Trepça Sh.A, për shkak se i njëjti i ka shkaktuar dëm financiar Ndërmarrjes Trepça Sh.A., mbi 27,472.00 euro, dhe i njëjti ka qenë recidivist i shkeljeve të rënda të detyrave të punës dhe në disa raste të tjera e gjithë kjo e bazuar në raportin 983 nga komisionet përkatëse.
Andaj, Komisioni disiplinor ka sjellur vendim me nr.prot: 1198 të dt. 24.02.2025 dhe ka shqiptuar masën disiplinore ndërprerja e marrëdhënies së punës për z.Sh.S.