Të shtënat në Darkën e Korrespondentëve të Shtëpisë së Bardhë duken të jenë tentativa e tretë për atentat me të cilën është përballur Donald Trump, pas incidenteve në Butler, Pensilvani në korrik 2024, dhe në klubin e tij të golfit në Florida në shtator të po atij viti.

Por në një intervistë për “60 Minutes” dje, Trump tha: “Nuk isha i shqetësuar. Unë e kuptoj jetën. Jetojmë në një botë të çmendur.”

I pyetur rreth rrjedhës së ngjarjeve – ku JD Vance u nxor i pari me nxitim nga dhoma – Trump tha se ai “nuk po ua bënte të lehtë” agjentëve të Shërbimit Sekret që ta evakuonin nga salla.

“Doja të shihja se çfarë po ndodhte… Doja të shihja se çfarë po bëhej. Dhe në atë kohë filluam ta kuptonim se ndoshta ishte një problem i rëndë.”

I pyetur për momentin kur u ul përtokë ndërsa po nxirrej nga dhoma, Trump u përgjigj: “Fillova të ecja me ta [ekipin e sigurisë]. U ktheva, fillova të ecja dhe ata thanë: ‘Ju lutem uluni. Ju lutem uluni në dysheme.’ Kështu që unë u ula, dhe Zonja e Parë u ul gjithashtu.”

Partneri i BBC-së, CBS News, ka parë një dokument të shkruar që besohet se lidhet me të dyshuarin, Cole Allen, ku thuhej se ai donte të shënjestronte anëtarët e administratës Trump “nga rangu më i lartë tek ai më i ulët”.

Gjatë intervistës në “60 Minutes”, Trump u irritua me gazetaren Norah O’Donnell pasi ajo e pyeti rreth përmbajtjes së raportuar të shkrimeve, të cilat përfshinin referenca si “pedofil, përdhunues dhe tradhtar”.

Ai e quajti O’Donnell “turp” që e pyeti për ato fragmente, duke shtuar se “duhet të kesh turp nga vetja që i lexon ato, sepse unë nuk jam asnjë nga ato gjëra”. /BBC/

Paniku shpërtheu në darkën vjetore të Shoqatës së Korrespondentëve të Shtëpisë së Bardhë në mbrëmjen e 25 prillit, pasi u dëgjuan të shtëna pranë një pike sigurie jashtë sallës së banketit, duke detyruar evakuimin e presidentit Donald Trump dhe qindra të ftuarve të profilit të lartë.

Agjentët e shërbimit sekret amerikan e larguan me shpejtësi Trumpin nga skena, ndërsa forcat e rendit vërshuan në vendngjarje me armë në duar.

Të pranishmit, të veshur me rroba formale, u panë duke u fshehur nën tavolina në një gjendje të mbizotëruar nga hutimi dhe frika.

Autoritetet konfirmuan se një i dyshuar u arrestua pranë zonës kryesore të kontrollit. Presidenti më vonë e identifikoi atë si një burrë 31-vjeçar nga Kalifornia, që besohet të ketë vepruar i vetëm.

Kaos në “Nerd Prom”

Ngjarja ndodhi pak pas fjalëve hapëse dhe gjatë shërbimit të darkës, pak përpara se Trump ta mbante fjalimin kryesor në këtë gala, një ngjarje e rëndësishme në kalendarin politik dhe mediatik të Uashingtonit.

Një reporter i Radios Evropa e Lirë në vendngjarje përshkroi se kishte dëgjuar disa shpërthime të forta, të ndjekura nga thirrje “të shtëna me armë”, gjë që shkaktoi panik në gjithë sallën.

Derisa Policia e rrethoi hotelin, helikopterët fluturonin mbi të dhe njësitë taktike siguruan perimetrin.

Në një deklaratë në vonë në Shtëpinë e Bardhë, Trump tha se kishte dashur të qëndronte në darkë, por ishte lejuar nga sigurimi.

Ai konfirmoi se i dyshuari ishte i armatosur me disa armë dhe se të paktën një oficer policie u qëllua, por shpëtoi falë jelekut antiplumb.

“Ai u qëllua nga një distancë shumë e afërt me një armë shumë të fuqishme, por jeleku e kreu punën e vet”, tha Trump, duke e përshkruar gjendjen e oficerit si stabile dhe me “gjendje të mirë shpirtërore”.

Hetimi

Zyrtarët thanë se një hetim është duke u zhvilluar, dhe se agjentë federalë që po i marrin në pyetje dëshmitarë dhe po kontrollojnë banesën e të dyshuarit.

Ushtruesi i detyrës së prokurorit të përgjithshëm, Todd Blanche, tregoi se ngritja e aktakuzës së shpejti, ndërsa drejtori i FBI-së, Kash Patel, tha se hetuesit po punojnë për të ndërtuar një pasqyrë të plotë të ngjarjes.

Trump tha se autoritetet besojnë që i dyshuari ishte veproi i vetëm dhe se nuk ka shenja të menjëhershme për ndonjë komplot më të gjerë apo lidhje të huaja.

Të shtënat shtojnë shqetësimet e vazhdueshme për dhunën politike në Shtetet e Bashkuara.

Trump u ka mbijetuar më parë tentativa për atentat, përfshirë një atentati gjatë një tubimi të fushatës në Pensilvani në vitin 2024.

Pavarësisht ndërprerjes, presidenti tha se darka do të riplanifikohet brenda një muaji./REL/

NATO ka bërë të ditur se traktati themelues i saj nuk parashikon asnjë dispozitë për pezullimin apo përjashtimin e shteteve anëtare nga aleanca.

Reagimi vjen pas raportimeve se Shtetet e Bashkuara të Amerikës mund të shqyrtojnë masa ndaj Spanja, për shkak të qëndrimit të saj lidhur me konfliktin me Iranin.

Sipas një raporti të publikuar nga Reuters, një email i brendshëm i Pentagonit kishte sugjeruar masa ndëshkuese ndaj aleatëve që nuk kanë mbështetur veprimet ushtarake kundër Iranit. Në të njëjtin komunikim thuhej se SHBA mund të rishikojë edhe qëndrimin ndaj pretendimeve të Mbretëria e Bashkuar mbi Ishujt Falkland, të cilët pretendohen edhe nga Argjentina.

Një zyrtar i NATO-s, në një deklaratë për BBC, theksoi se nuk ekziston asnjë mekanizëm ligjor për largimin e një vendi nga aleanca.

Ndërkohë, kryeministri spanjoll Pedro Sánchez i ka hedhur poshtë këto raportime.

Presidenti amerikan Donald Trump ka kritikuar vazhdimisht aleatët e NATO-s për, siç ka thënë, mungesë angazhimi më të madh pas sulmeve të SHBA-së dhe Izraelit ndaj Iranit në fund të shkurtit.

Spanja, nga ana e saj, ka refuzuar të lejojë përdorimin e bazave ajrore në territorin e saj për operacione kundër Iranit, ndonëse SHBA-ja ka dy baza ushtarake në këtë vend.

Mbi 54 ditë më parë është ndërprerë qasja në internet në Iran, duke e bërë këtë një nga ndërprerjet më të gjata të komunikimeve në nivel kombëtar në historinë moderne. Kjo periudhë krahasohet me rastin e Libisë gjatë Pranverës Arabe në vitin 2011, kur interneti kishte qenë i bllokuar për rreth gjashtë muaj, por me një popullsi shumë më të vogël.

Ekspertët e rrjetit NetBlocks e kanë përshkruar këtë situatë si një rast “të paparë për nga përmasa dhe ashpërsia në komunikimet e një shoqërie”. Sipas të dhënave, trafiku ndërkufitar i internetit në Iran ka rënë në nivele minimale, duke e bërë pothuajse të pamundur qasjen e qytetarëve në shërbime dhe platforma ndërkombëtare.

Ndërprerja filloi më 28 shkurt, menjëherë pas sulmeve ajrore të SHBA-së dhe Izraelit ndaj Iranit. Ndryshe nga bllokimet e mëparshme, këtë herë autoritetet kanë aplikuar një sistem “selektiv” të qasjes në internet, duke u lejuar lidhje vetëm institucioneve dhe individëve të përzgjedhur.

Po ashtu është krijuar edhe një skemë me pagesë e quajtur “Internet Pro”, e cila u mundëson bizneseve dhe akademikëve qasje të kufizuar në internet, duke u kritikuar si ndarje e shoqërisë në nivele digjitale.

Organizata ndërkombëtare për të drejtat e njeriut e kanë cilësuar këtë situatë si “errësirë digjitale”, duke theksuar se qasja në internet është e drejtë themelore, sidomos në kohë konflikti.

Sipas vlerësimeve, ndërprerja ka shkaktuar humbje të mëdha ekonomike dhe rrezikon qindra mijëra vende pune në sektorin digjital, ndërsa ekspertët paralajmërojnë pasoja afatgjata për ekonominë dhe shoqërinë iraniane,raporton Radio Evropa e Lirë.