Kulturë

Muzikantët në Mbretërinë e Bashkuar do të jenë në gjendje të udhëtojnë pa viza në 19 vende të BE-së

Published

5 years ago

on

Muzikantët dhe interpretuesit britanikë do të jenë në gjendje të bëjnë turne në disa vende evropiane pa pasur nevojë për viza ose leje pune, ka njoftuar qeveria britanike.

Rregullat që hynë në fuqi në fillim të vitit nuk garantonin udhëtim pa viza për muzikantët në Bashkimin Evropian dhe kanë ngjallur frikën se artistët do të kenë tarifa të mëdha në shumë nga vendet që vizitojnë.

Megjithatë, Departamenti për Digjitalizimin, Kulturën, Median dhe Sportin (DKMS) tha se kishte negociuar me 19 vende anëtare të BE-së për të lejuar muzikantët dhe interpretuesit britanikë të zhvillojnë turne pa viza.

Këto vende janë: Austria, Belgjika, Republika Çeke, Danimarka, Estonia, Finlanda, Franca, Gjermania, Hungaria, Irlanda, Italia, Letonia, Lituania, Luksemburgu, Holanda, Polonia, Sllovakia, Sllovenia dhe Suedia.

Qeveria tha se bisedimet ishin duke vazhduar me vendet e mbetura të BE -së, përfshirë Spanjën, Portugalinë dhe Greqinë, për të harmonizuar marrëveshjet e tyre me Mbretërinë e Bashkuar, e cila lejon interpretuesit dhe stafin mbështetës të vizitojnë vendet në të cila shkojnë, deri në tre muaj pa vizë.

“Ne duam të sigurohemi që kur të hiqen kufizimet për COVID-19, turneu mund të rifillojë dhe artistët tanë krijues dhe kulturorë kryesorë në botë mund të vazhdojnë të udhëtojnë gjerësisht, duke mësuar zanatin e tyre, duke rritur audiencën e tyre dhe duke treguar më të mirën e krijimtarisë britanike në botë”, ka thënë DKMS tha në një deklaratë.

Ky vendim vjen pas disa muajsh fushate nga muzikantë të tillë si Elton John dhe Ed Sheeran për çështjen e turneve pas Brexit, të cilët thonin se rregullat kërcënonin “një brez talentesh”./theguardian/klankosova.tv

Related Topics:
Continue Reading

Lajmet

Bogujevci viziton ekspozitën “Sy më Sy”, vlerëson rëndësinë e ruajtjes së kujtesës së të mbijetuarve të dhunës seksuale

Published

1 hour ago

on

June 30, 2026

By

Ministrja e Kulturës, Rinisë dhe Sportit, Saranda Bogujevci, vizitoi ekspozitën “Sy më Sy”, ku u prit nga drejtoresha e Qendrës Kosovare për Rehabilitimin e të Mbijetuarve të Torturës, Feride Rushiti.

Gjatë vizitës u diskutua për rëndësinë e dokumentimit dhe ruajtjes së kujtesës së të mbijetuarve të dhunës seksuale gjatë luftës në Kosovë. Përmes dëshmive që sjell, ekspozita “Sy më Sy” synon të ruajë kujtesën kolektive dhe të fuqizojë përpjekjet për drejtësi, duke vendosur në qendër historitë e guximit, qëndresës dhe dinjitetit të të mbijetuarve.

Ministrja Bogujevci shprehu mirënjohjen e saj për punën shumëvjeçare të Qendrës Kosovare për Rehabilitimin e të Mbijetuarve të Torturës dhe të Feride Rushitit, duke vlerësuar angazhimin e tyre të vazhdueshëm në mbështetjen e të mbijetuarve dhe në ruajtjen e dëshmive që dokumentojnë një nga kapitujt më të dhimbshëm të historisë së Kosovës./A.K/

Continue Reading

Lajmet

Filmi “Dua” i Blerta Bashollit prezantohet sonte në festival ndërkombëtar

Published

19 hours ago

on

June 29, 2026

By

Filmi artistik me metrazh të gjatë “Dua”, me skenar dhe regji të regjisores kosovare Blerta Basholli, do të prezantohet sonte në orën 20:30 në kuadër të një festivali ndërkombëtar të filmit, ku marrin pjesë produksione nga e gjithë bota.

Filmi ka tërhequr vëmendjen e skenës ndërkombëtare pasi është vlerësuar me Çmimin SACD Semaine de la Critique – Cannes 2026.

Sipas njoftimit zyrtar, pas prezantimit në festival, “Dua” pritet të nisë së shpejti edhe shfaqjet në kinema.

I vendosur në Kosovën e viteve ’90, filmi trajton sfidat me të cilat u përball populli shqiptar gjatë asaj periudhe, përmes rrëfimit të protagonistes kryesore, Dua, e interpretuar nga aktorja Pinea Matoshi./A.K/

Continue Reading

Lajmet

Baleti Kombëtar i Kosovës performon për herë të parë në Romë me “Carmina Burana”

Published

23 hours ago

on

June 29, 2026

By

Baleti Kombëtar i Kosovës do të prezantojë shfaqjen “Carmina Burana” në Romë, Itali, në bashkëpunim me Ambasadën e Republikës së Kosovës në Itali dhe Accademia Nazionale di Danza di Roma.

Shfaqja, me koreografi nga Toni Candeloro, do të mbahet më 18 korrik në Teatro Grande të Accademia Nazionale di Danza.

Kjo shënon performancën e parë të Baletit Kombëtar të Kosovës në kryeqytetin italian, ku publikut do t’i prezantohet një nga veprat më të njohura të repertorit ndërkombëtar./A.K/

Continue Reading

Lajmet

Kori “Okarina” përmbyll me sukses “Javën e Kulturës së Kosovës” në Berlin

Published

1 day ago

on

June 29, 2026

By

Ambasadori i Kosovës në Gjermani, Faruk Ajeti, ka vlerësuar koncertin e Korit të Fëmijëve “Okarina” në Filarmoninë e Berlinit si një nga momentet më të veçanta të “Javës së Kulturës sëKosovës në Berlin 2026”.

Sipas tij, interpretimi i veprës “Baresha”, i shoqëruar me tingujt e çiftelisë, emocionoi publikun dhe dëshmoi vlerat artistike të muzikës shqiptare në një nga skenat më prestigjioze në botë.

Ajeti theksoi se koncerti përmbylli me sukses aktivitetet e “Javës së Kulturës së Kosovës në Berlin 2026”, duke e cilësuar si një hap të rëndësishëm në promovimin e kulturës kosovare dhe forcimin e prezencës së saj në Gjermani dhe në arenën ndërkombëtare. /A.K/

Continue Reading

Të kërkuara