Lajmet

​Musliu-Shoshi: Ftojmë prokurorinë të hetojë humbjen e dokumenteve të bashkatdhetarëve

Published

on

Deputetja e Partisë Demokratike të Kosovës (PDK), Ariana Musliu Shoshi ka ftuar prokurorinë që të hetojë “zhdukjen e dokumenteve të bashkatdhetarëve”. Sipas saj, gjatë këtij muaji kanë humbur 406 pasaporta, 165 letërnjoftime dhe katër vendime për shtetësi të mërgimtarëve në postën diplomatike të Republikës së Kosovës.

Gjatë seancës së sotme plenare, deputetja e PDK-së ka thënë se gjatë këtij muaji, po ashtu, kanë dhënë dorëheqje 10 pjesëtarë të FSK-së.

Ky pushtet i ka sjellur në ditën që vetëm një fakt dua ta ndajë me ju, 10 pjesëtarë të FSK-së kanë dhënë dorëheqje vetëm në muajin tetor. Pra, nga data 1 deri sot që jemi më 31 tetor, 10 pjesëtarë të FSK-së kanë dhënë dorëheqje”, tha Musliu-Shoshi.

Përveç kësaj, ajo foli edhe për “aferat dhe skandalet në Ministrinë e Punëve të Jashtme dhe të Diasporës”. Ajo i ka bërë thirrje organeve të rendit dhe të drejtësisë të merren me këtë çështje.

Nga data 2 tetor 2024 kanë humbur 406 pasaporta, 165 letërnjoftime dhe katër vendime për shtetësi të mërgimtarëve tanë në postën diplomatike të Republikës së Kosovës. Dhe ky nuk është rasti i parë që bashkatdhetarët tanë përballen me probleme të tilla, me pajisje të dokumenteve personale. Të ri sjellim në vëmendje vonesat e shumta për shkak të mungesës së materialit, kanë qenë mjaft evidente edhe në fillim të këtij mandati qeveritar të cilat kanë shkaktuar probleme të shumta të mërgimtarëve tanë, anë e mbanë botës. Duke pamundësuar edhe ardhjen e tyre në vendlindje për disa muaj. Këto vonesa kishin vetëm një qëllim dhe qëllimi i vetëm është aplikimin e kontratave një-burimore nga kjo ministre e pa përgjegjshme. Për të qenë më e qartë me ju, kontratat një-burimore janë hajni”, deklaroi Musliu-Shoshi.

Deputetja e PDK-së shtoi se humbja e dokumenteve personale rrezikon keqpërdorimin e identitetit të qytetarëve nga diaspora. Sipas saj, Ministria e Punëve të Jashtme dhe Diasporës ka adresuar kërkesën për të shpallur të pavlefshëm të rreth 500 dokumenteve të mërgatës.

Sot me urgjencë kërkojmë llogaridhënie nga kjo qeveri, pse dhe si u zhdukën dokumentet personale të bashkatdhetarëve tanë? Ku janë këto dokumente? Pse është anuluar kërkesa për shpallje të pavlefshme të këtyre dokumenteve? Duke ditur rrezikun për dëmin që mund të ju shkaktohet mërgimtarëve tanë, me vjedhje të identitetit, ne me ngulm ftojmë prokurorinë që të hetojë këtë rast”, shtoi ajo.

Lajmet

Rama: Refuzimi për ta çuar PZHK-në në shqyrtim publik mohon të drejtën e qytetarëve

Published

on

By

Kryetari i Prishtinës, Përparim Rama, ka paralajmëruar se mosvotimi i nxjerrjes në shqyrtim publik të Planit Zhvillimor Komunal (PZHK) përbën një mohim të së drejtës së qytetarëve për pjesëmarrje në vendimmarrje.

“Sot votohet për transparencë të plotë”, deklaroi Rama, duke theksuar se votimi nuk është për miratim të planit, por për ta bërë dokumentin publik dhe të hapur për koment nga qytetarët.

Sipas tij, pas një viti e gjysmë bllokimesh, procesi po vazhdon të pengohet nga ata që nuk duan transparencë dhe përfshirje qytetare.

Ndërkohë, opozita kryesore në Prishtinë, Lëvizja Vetëvendosje, ka njoftuar se nuk do të marrë pjesë në seancën e sotme, duke e cilësuar planin si të paligjshëm.

Continue Reading

Lajmet

Murati: Kosova me rritjen më të shpejtë ekonomike në Evropë në vitin 2025

Published

on

By

Ministri në detyrë i Financave, Hekuran Murati, ka deklaruar se Kosova pritet të ketë rritjen ekonomike më të shpejtë në Evropë gjatë vitit 2025, sipas parashikimeve të Fondit Monetar Ndërkombëtar (FMN).

Përmes një postimi në Facebook, sipas Muratit kjo rritje është rezultat i reformave të ndërmarra gjatë katër viteve të fundit, të cilat janë vlerësuar pozitivisht nga Banka Botërore dhe FMN-ja.

Ai përmendi takimet e fundit me zëvendëspresidentin e Bankës Botërore, Akihiko Nishio, dhe me misionin e FMN-së të udhëhequr nga David Amaglobelli, gjatë të cilave Kosova është përgëzuar për performancën ekonomike dhe maturinë fiskale.

“Rezultatet e punës së mirë 4-vjeçare mund të mos shihen menjëherë, por sigurisht që herët a vonë do të vërehen”, ka shkruar Murati, duke shtuar se megjithatë ka ende shumë punë për të bërë.

Continue Reading

Lajmet

Avokati i familjes Lika: Të përmbahemi nga hamendjet, drejtësia s’duhet të ndikohet

Published

on

By

Avokati Arianit Koci, i angazhuar nga familja e rreshterit të ndjerë Muhamet Lika, i ka bërë thirrje publikut dhe mediave që të shmangin komentet e pabazuara lidhur me rastin e vrasjes së pjesëtarit të Policisë së Kosovës në Kaçanik.

Në një deklaratë publike, Koci theksoi se deri në këtë fazë të hetimeve nuk ka asnjë cilësim zyrtar që e ndërlidh rastin me terrorizmin apo ndonjë grup me motive religjioze.

“Drejtësia nuk lejohet të ngatërrohet me hamendje. As Policia e as Prokuroria nuk kanë konstatuar ndonjë lidhje me ndonjë grup terrorist”, u shpreh ai.

Avokati shtoi se nëse gjatë hetimeve dalin të dhëna të reja, opinioni publik do të njoftohet zyrtarisht. Ai e cilësoi vrasjen si një akt makabër dhe tha se autorët do të përballen me drejtësinë.

Continue Reading

Lajmet

86 aksidente trafiku dhe mbi 2 mijë gjoba në 24 orët e fundit

Published

on

By

Policia e Kosovës ka raportuar se brenda 24 orëve të fundit janë regjistruar gjithsej 86 aksidente trafiku. Nga to, një ka rezultuar me fatalitet, 25 me lëndime trupore dhe 61 me dëme materiale.

Gjatë kësaj periudhe, janë shqiptuar gjithsej 2,241 gjoba për shkelje të rregullave në komunikacion.

Po ashtu, policia ka arrestuar 26 persona, ndërsa 15 janë dërguar në mbajtje.

Continue Reading

Të kërkuara