Kulturë

Musine Kokalari, veprimtare politike dhe shkrimtare e persekutuar nga regjimi komunist

Published

on

108 vjet më parë, në Adanë të Turqisë, lindi shkrimtarja dhe veprimtarja e njohur politike, Musine Kokalari. Ky personalitet i veçantë, që la një shenjë të thellë në historinë e letërsisë dhe politikës shqiptare, e filloi udhën e saj të lavdishme në një kontekst të vështirë, të mbushur me persekutime dhe sakrifica të mëdha.

Familja e saj, e cila ishte origjinë nga Shqipëria, u kthye pas disa vitesh në Adanë dhe u vendos në qytetin e Gjirokastrës. Atje, Musineja e nisi rrugën e edukimit dhe u dallua për talentin dhe dashurinë për shkollën. Pas disa vitesh, familja Kokalari u shpërngul në Tiranë, ku Musineja vazhdoi shkollën e mesme, dhe në vitin 1937, e mbaroi me sukses në shkollën “Nëna Mbretëreshë”. Pas kësaj, ajo e ndoqi studimin e lartë në Universitetin e Romës, ku mori diplomën me rezultate të shkëlqyera në vitin 1941.

Në vitin 1939, ajo publikoi librin e saj të parë, “Seç më thotë nëna plakë”, një vepër që tregonte thellësinë e karaktereve dhe të ndjeshmërinë e asaj kohe. Në vitin 1943, me përpjekjet dhe angazhimin e saj, Musineja mori pjesë aktivisht në formimin e Partisë Socialdemokrate, duke kontribuar gjithashtu në ngritjen e gazetës “Zëri i Lirisë”, që filloi të publikohej një vit më vonë. Ky veprim ishte një hap i guximshëm për të promovuar idetë e lirisë dhe të drejtave të njeriut, në një periudhë kur regjimi komunist po merrte pushtetin në Shqipëri.

Në vitin 1944, ajo botoi librin “Rreth vatrës”, një vepër që vazhdonte të pasqyronte tragjeditë dhe jetën e popullit shqiptar gjatë Luftës së Dytë Botërore. Por, pas ngjarjeve të këtij viti, jetës së Musine Kokalarit i erdhi një kthesë tragjike. Më 12 nëntor të atij viti, vëllezërit e saj, Muntaz dhe Vesim Kokalari, u pushkatuan nga regjimi komunist, një akt që shënoi fundin e një periudhe të dhimbshme dhe shpërthimin e një pasigurie të madhe për të. Katër ditë më vonë, Musineja u arrestua dhe u mbajt në burg për 17 ditë.

Në vitin 1945, ajo botoi librin e tretë, “Sa u tund jeta”, një tjetër reflektim i forcës së shpirtit njerëzor për të qëndruar kundër padrejtësive. Në janar të vitit 1946, Musine Kokalari u arrestua për herë të dytë nga forcat e Mbrojtjes së Popullit dhe u dënua me 20 vjet heqje lirie, një dënim që pasqyronte sistemin e egër të diktaturës.

Pas 16 vitesh burgim, në vitin 1961, ajo u lirua dhe u dërgua në internim në Rrëshen, ku jetoi në kushte të vështira dhe mori pension me gjysmë page. Njëzet vjet më pas, pas një periudhe të gjatë vuajtjesh dhe sëmundjes, Musine Kokalari vdiq nga kanceri në vitin 1983.

Pas vdekjes, kontributi i saj i paharrueshëm për lirinë dhe demokracinë shqiptare nuk mbeti pa u nderuar. Në vitin 1993, dhjetë vjet pas largimit të saj nga kjo jetë, Musineja u nderua me medaljen “Martir i Demokracisë” për qëndresën e saj të jashtëzakonshme ndaj diktaturës dhe për veprat që la pas, që vazhdojnë të frymëzojnë breza të tërë.

Historia e Musine Kokalarit është një testament i guximit dhe i sakrificës për lirinë, që mbetet një shembull i paharrueshëm për të gjithë ata që luftuan dhe vazhdojnë të luftojnë për drejtësi dhe dinjitet./UBTNews/

Magazinë

Ish-punonjësi i Eminem, i akuzuar për shitjen e këngëve të papublikuara të reperit, dënohet me burg

Published

on

Ish-punonjësi i Eminem, Joseph Strange, është akuzuar për vjedhje dhe shitje të muzikës së papublikuar që u publikua në fillim të këtij viti.

Sipas raporteve, prokurorët federalë kanë akuzuar Joseph Strange për shkelje të të drejtave të autorit dhe transport ndërshtetëror të mallrave të vjedhura pasi ai dyshohet se ua shiti muzikën e reperit individëve që ngarkuan më shumë se 25 këngë në internet në janar.

Zëdhënësi prej kohësh i Eminem, Dennis Dennehy tha se reperi ishte i kënaqur me zhvillimet e fundit në këtë rast.

“Eminem e ekipi i tij vlerësojnë përpjekjet e zyrës së FBI-së në Detroit për hetimin e plotë që çoi në akuzat kundër Joseph Strange,” tha ai.

Më tej ai deklaroi se do të merrte të gjitha hapat e nevojshëm për të mbrojtur muzikën e Eminem.

“Dëmi i konsiderueshëm i shkaktuar nga punonjësi i besuar në trashëgiminë artistike dhe integritetin krijues të Eminem-it nuk mund të mbivlerësohet, e lëre më humbjet e mëdha financiare të pësuar nga krijuesit dhe bashkëpunëtorët që meritojnë mbrojtje për punën e tyre dekada. Do vazhdojmë të ndërmarrim hapat e nevojshëm për të mbrojtur artin e Eminem e asgjë nuk do na ndalojë”, shpjegoi zëdhënësi.

Sipas një kallëzimi penal të marrë nga Variety, Strange ishte ish-producenti i muzikës së Eminem nga 2007 deri 2021, i cili punonte në studio regjistrimi në Michigan. Ai kishte akses në muzikën që kishte rrjedhur në publik. Pasi këngët u shfaqën në internet në janar të këtij viti, disa punonjës të studios kontaktuan FBI-në pasi zbuluan se muzika e papublikuar ishte e disponueshme në internet.

FBI identifikoi disa individë që blenë muzikën e papublikuar, duke përfshirë një të quajtur Doja Rat, i cili tha se kishte paguar Strange 50,000 dollarë (46,000 euro) për këngët. Doja Rat deklaroi se Strange pretendonte se kishte mbi 300 këngë. FBI identifikoi disa individë të tjerë, përfshirë Kali Kush dhe ATL, të cilët ishin të përfshirë në blerjen grupore të këngëve të Eminem.

Agjentët e FBI-së kontrolluan rezidencën e Strange më 28 janar dhe sekuestruan hard disqet që përmbanin kopje të muzikës së papublikuar të Eminem. Të dhënat financiare zbuluan pagesa për Strange për muzikën e shitur.

Në ankesë thuhet se më shumë se 25 nga këngët e Eminem, të regjistruara midis 1999 dhe 2018, u zbuluan në internet pa pëlqimin e tij. Për më tepër, menaxheri i Eminem, John Fisher, u tha zyrtarëve të FBI-së se Strange nuk kishte autoritetin për të zotëruar dosjet.

Nëse shpallet fajtor për shkelje të të drejtave, Strange përballet me dënim maksimal prej pesë vjet burg e gjobë deri në 250,000 dollarë.

Ai gjithashtu përballet me një dënim maksimal deri në 10 vjet burg nëse akuzohet për transport ndërshtetëror të mallrave të vjedhura.

Continue Reading

Magazinë

Bisedë me Jehona Shaqiri: Radio ka magji! Këngëtarja bën thirrje të dëgjohet zëri i gazetarëve të zellshëm

Published

on

Jehona Shaqiri ishte në një linjë telefonike duke dhënë një intervistë për emisionin “N’Ritëm” të Campus Radio me autore dhe moderatore Albina Zeneli.

U lind dhe u rrit në Prishtinë, por këngëtarja zgjodhi Tetovën për të jetuar e kjo paska një arsye goxha të fortë.

Artistja ka zbuluar për risitë e radhës e një mesazh interesant e ka dhënë për dëgjuesit e radios sonë dhe programeve të reja që do t’i kemi në vazhdimësi.

Këngëtarja Jehona theksoi edhe rëndësinë që për të ka performanca live dhe dashuria që ajo pranon nga audienca duke përmendur edhe pasionin që e ka për profesionin e jetës.

Pjesë nga biseda: https://www.facebook.com/campusradio100.7/videos/490296394017077

/UBT News/

 

 

 

Continue Reading

Magazinë

Frymëzuar nga jeta reale, pse të gjithë po flasin për serialin “Adolescence”?

Published

on

Duket se të gjithë po flasin për serialin “Adolescence”. Me një histori të fuqishme, seriali është shkruar dhe krijuar nga aktori Stephen Graham. Seriali me katër episode ka bërë që ai të vlerësohet si një nga ‘aktorët më të mëdhenj’ ndonjëherë.

Frymëzuar nga jeta reale, “Adolescence” ndjek një djalë të ri Jamie (Owen Cooper) i cili akuzohet se theri me thikë për vdekje një nga shoqet e klasës së tij.

Graham luan babanë e tij, Eddie, me njerëz si Christine Tremarco si mama, Manda, Ashley Walters si DI Luke Bascombe dhe Erin Doherty si psikologe për fëmijë Briony Ariston.

Shfaqja fillon me arrestimin e Jamie dhe shtrihet gjatë gjithë vitit dhe pak pas, ndërsa më shumë detaje për të cilin ai akuzohet dalin në dritë. Graham ka zbuluar ‘historinë e vërtetë’ tronditëse pas adoleshencës.

“Kishte një incident ku një djalë i ri gjoja theri me thikë një vajzë” – tha Graham për Tudum të Netflix.

“Më tronditi. Çfarë po ndodh në shoqëri ku një djalë godet me thikë një vajzë? Dhe pastaj ndodhi përsëri dhe ndodhi përsëri dhe unë me të vërtetë doja të ndriçoja dhe të pyesja, ‘Pse po ndodh sot?’”.

Kohët e fundit ka pasur një rritje të krimeve me thika vdekjeprurëse mes adoleshentëve dhe Graham e përshkroi si një ‘epidemi mes të rinjve lart e poshtë vendit’ dhe se kjo gjë duhet të merret parasysh.

Continue Reading

Magazinë

Mes pianos, aktrimit dhe modelizmi! Njihuni me artisten Lentiana Lutaj

Published

on

Lentiana Lutaj ishte e ftuar në emisionin “n’Ritëm’ në Campus Radio me autore dhe moderatore Albina Zeneli.

Me të diskutuam për albumin e parë me 7 këngë që titullohet ‘Hënëza’ ku veçantia e tyre është se janë performuar me piano.

Pianisja 20 vjeçare ka qenë e vazhdon të jetë prezente me disa role në seriale vendore të zhanrit komedi.

Krahas këtyre angazhimeve, Lentiana edhe e ka botuar librin ‘Meloditë e një vajze’, shkrimet unike ajo i ka përmbledhur në disa poezi.

“Po, do ju bëja apel rinisë që të paktën 1 muaj të i’a kushtojnë një libri”, shprehet Lentiana e cila thekson se rëndësi ka të bën profesionet që dëshiron duke potencuar faktin që mbështetje të madhe ka pranuar nga familja.

“Kam pasur vështirësi të madhe të i’a arrij të korr suksese në tre profesione, e madje profesorët në shkollë më kanë thënë se pse spo e zgjedh një lëmi me të cilën do të merresh gjatë sepse po e mbingarkon vetën’, tha mes tjerash Lutaj e cila shprehet se kanë qenë prindërit ata që nuk e kanë lejuar të shkëputet nga asnjëri angazhim. /UBT News/

Continue Reading

Të kërkuara