Lajmet

Mungesa e infermierëve po konsiderohet sfidë

Published

5 years ago

on

Kryetari i Sindikatës së Infermierëve të Kosovës, Fitim Havolli ka thënë se ka shtretër të mjaftueshëm në spitale pasi tani numri i të infektuarve me Covid-19 është ulur, por që mungesa e stafit të infermierëve, vazhdon të jetë një sfidë.

“Realisht sa i përket mjeteve mbrojtëse për komunitetin shëndetësor, në përgjithësi kemi pasur mjaftueshëm dhe kemi për t’u përballur me këtë virus dhe derisa vaksina ende nuk është duke u dhënë edhe në shtetin tonë do të jetë e vetmja mënyrë për mbrojtjen nga Coronavirusi. Po ashtu edhe shtretër kemi mjaftueshëm përderisa edhe numri është pak më i ulët dhe ka kapacitete të mjaftueshme. Sa i përket komunitetit të infermierëve edhe si sistem shëndetësor ka pasur mungesë të vazhdueshme të këtij komuniteti apo resursi human për t’i shërbyer vendit. Në këtë kohë pandemie roli dhe rëndësia e infermierit ka qenë e jashtëzakonshme me shërbimin që iu është ofruar atyre qytetarëve të prekur me Covid-19. Po shpresoj që në të ardhmen që e gjithë shoqëria dhe shteti do të merren më konkretisht me sistemin shëndetësor dhe të mos na gjej një virus i tillë e që sistemi shëndetësor të jetë i papërgatitur edhe me resurse humane”, tha ai për Ekonomia Online.

Tutje, Havolli tha se që nga paslufta nuk janë trajtuar me prioritet problemet e sektorit të shëndetësisë, prandaj ai thotë se ka vendosur të kandidojë për deputet si pjesë e listës së LDK-së,  ku thotë se nëse arrin ta fitojë mandatin e deputetit do të jetë zëri i komunitetit të infermierëve.

Mes tjerash, ai tha se sigurimi shëndetësor është çelësi i zgjidhjeve të shumë problemeve në shëndetësi.

“Fokusi im konkretisht se pse i jam futur politikës është t’i ndihmojmë sa më shumë sistemin shëndetësor në përgjithësi por në veçanti meqenëse i përkas komuniteti të infermierëve do të kem fokus të veçantë për ato kërkesa të cilat në vazhdimësi i kemi bërë dhe ato do të jenë tash e tutje nëse e marr besimin qytetar do t’i shtyjmë përpara që shëndetësia të ketë një vend më të merituar. Duke marrë parasysh që shëndetësia që nga paslufta nuk është trajtuar me prioritet nga të gjitha partitë politike. Sistemi shëndetësor ka nevojë të ketë një fokus të veçantë dhe investim shumë më të madh në resurse humane në mënyrë që të ketë pak më i përafërt me shërbime më të avancuara shëndetësore qoftë në aspektin e resurseve qoftë në aspektin e përgatitjeve të tjera profesionale. Sigurimi shëndetësor do të jetë një çelës i zgjidhjeve dhe shumë problemeve në shëndetësi, i cili nuk ka ndodhur ende dhe shpresoj që qeveria e re duhet ta ketë në fokus sigurimin shëndetësor të popullatës dhe investimet e vazhdueshme që duhet të ndodhin në resurse humane por edhe ato të infrastrukturës moderne që e ka bota. Por duhet shumë me investuar dhe me shtuar numrin e komuniteteve me nevojë sepse sistemi shëndetësor ka mungesë qe 20 vjet”, përfundoi ai.

Related Topics:
Continue Reading

Lajmet

Top Kolshi një muaj paraburgim për vrasjen e Enver Bajraktarit në Baicë të Lipjanit

Published

3 minutes ago

on

August 13, 2025

By

Një muaj paraburgim i është caktuar Top Kolshit, si i dyshuar për vrasjen dhe groposjen e Enver Bajraktarit në Baicë të Lipjanit.

Kolshi, i dyshuar për vrasjen e Enver Bajraktarit, ka dalë sot para gjykatës. Ai kishte pranuar vrasjen gjatë intervistimit të tij nga Prokuroria.

Kolshi u arrestua të martën, pas kontrolleve të kryera në fshatin ku ndodhi edhe vrasja.

“Pas ndalimit në Polici dhe dhënies së deklaratës, i dyshuari ka pranuar veprimet e tij dhe kryerjen e veprës penale”, u tha në njoftimin e përbashkët të Prokurorisë Themelore në Prishtinë dhe Policisë së Kosovës.

Më 4 gusht, Bajraktari ishte raportuar i zhdukur nga familjarët e tij. Një ditë më vonë, në Baicë ishte gjetur një trup i pajetë i varrosur në një arë. Më pas u konfirmua se viktima ishte Enver Bajraktari.

Continue Reading

AI

Master në AI? UBT – i vetmi që ofron programin Shkenca Kompjuterike me orientim në këtë fushë

Published

7 minutes ago

on

August 13, 2025

By

Në një kohë kur inteligjenca artificiale po ndryshon mënyrën si jetojmë dhe punojmë, UBT sjell në Kosovë një nga programet më të avancuara të studimeve master – Shkenca Kompjuterike dhe Inxhinieri, me orientim të veçantë në këtë fushë.

Programi, i ndërtuar mbi standarde ndërkombëtare dhe i mbështetur nga laboratorët më modernë në vend, synon të formojë gjeneratën e re të ekspertëve që do të udhëheqin transformimin digjital në Kosovë dhe më gjerë.

Ky master përfshin edhe dy orientime të tjera: Inxhinieria e Komunikimit dhe Inxhinieria e Sistemeve Softuerike. Planprogrami është hartuar me standarde ndërkombëtare, duke u mbështetur në laboratorët më të sofistikuar të teknologjisë informative në vend dhe në bashkëpunimin me profesorë të njohur ndërkombëtarisht, të cilët sjellin përvojën dhe ekspertizën e tyre në UBT.

Studentët e këtij programi do të kenë mundësinë të zhvillojnë njohuri dhe aftësi në fusha si inteligjenca artificiale, inxhinieria softuerike, shkenca e të dhënave, sistemet informative, rrjetat kompjuterike, robotika, multimedialiteti dhe vizualizimi, si dhe informatika shëndetësore.

UBT garanton kushte moderne studimi, përfshirë laboratorët e sigurisë kibernetike, zhvillimit të softuerëve, modelimit dhe simulimit, telekomunikimit, robotikës dhe realitetit virtual. Ligjëratat do të zhvillohen me orar fleksibël, 2–3 herë në javë pas orës 17:30, duke u përshtatur me nevojat e profesionistëve që tashmë janë aktivë në tregun e punës.

APLIKO TANI ONLINE!

Continue Reading

Lajmet

Shkëndija pëson 5 gola në Azerbajxhan, skuadra shqiptare e mbyll aventurën në Champions

Published

19 minutes ago

on

August 13, 2025

By

Shkëndija e Tetovës i jep fund aventurës së saj në kualifikueset e Ligës së Kampionëve, pas humbjes së dytë në ndeshjen e kthimit kundër Qarabag me rezultatin e thellë 5-1.

Pas humbjes së parë në Maqedoni me rezultatin 0-1, kuqezinjtë e nisën mjaft mirë takimin në Baku, ku shënuan në minutën e 10’ me anë të Tamba pas një asisti të Ibraimit.

Por pas vetëm 8 minutash, gjithçka u përmbys me një autogol të Cakes dhe golin e Borges.Pjesa e parë vazhdoi të sillte vuajtje për ekipin shqiptar, pasi pësoi dhe dy gola të tjerë nga Akhundzade dhe Jankovic, ndërsa në pjesën e dytë, vendasit gjetën dhe golin e pestë me Andrade.

Kështu Shkëndija e mbyll aventurën në Champions, teksa do të zbresë menjëherë në play off-et e Europa League, aty ku do të ndeshet me skuadrën që do të eliminohet nga çiftiFerencvaros-Ludogortes, ndërsa ekipi shqiptar ka siguruar të paktën pjesëmarrjen në Conference League. 

Continue Reading

Lajmet

Sekuestrohen 20 motoçikleta nga policia nё Gjilan

Published

23 minutes ago

on

August 13, 2025

By

Policia Rajonale e Gjilanit, gjatë periudhës njëjavore ka shqiptuar 10 gjoba dhe ka konfiskuar 20 motoçikleta.

Sipas njoftimit në Facebook, bëhet e ditur se kjo ka ndodhur për shkak të mungesës së dokumentacionit dhe shkeljeve të rregullave të trafikut.

“Drejtoria rajonale e Policisë në Gjilan, apelon tek qytetarët që të raportojnë çdo rast të ngasjes së motoçikletës në mënyrë të rrezikshme, në mënyrë që së bashku të kontribuojmë për një ambient më të sigurt për të gjithë pjesëmarrësit në trafik”, thuhet në postim.

Continue Reading

Të kërkuara