Lajmet

Infermierët të pakënaqur me koeficientin, paralajmërohet ikje e madhe e tyre

Përkundër pakënaqësive, infermierët nuk kanë menduar që Ligjin për Paga ta dërgojnë në Kushtetuese.

Publikuar

1 vit më parë

më

Infermierët e angazhuar në institucionet publike shëndetësore janë të pakënaqur me vlerën e koeficientit prej 105 euro. Sipas Sindikatës së Infermierëve, një vlerë e tillë veçse ka zbehur dëshirën e këtyre punëtorëve shëndetësorë për të vazhduar punën në klinikat e spitalet e Kosovës.

Kryetari i Sindikatës së Infermierëve, Përparim Berisha u shpreh se përkundër këtyre pakënaqësive ende nuk kanë menduar që Ligjin për Paga ta dërgojnë në Gjykatën Kushtetuese apo të parashtrojnë kërkesë për diçka të tillë tek Avokati i Popullit.

“Kemi kërkuar që vlera e koeficientit të jetë të paktën 120 euro, edhe kjo nuk ka ndodhur, kështu që normal që ka pakënaqësi tek infermierët. Tek ne si sindikatë ende nuk kemi menduar për ta dërguar në Gjykatën Kushtetuese sepse jemi pjesë e Federatës, ndërsa para pak ditësh Federata ka vendosur që përmes 5 pikave iu është drejtuar Qeverisë ku asnjëra nga pikat nuk është që Federata do ta dërgojë ligjin në Gjykatën Kushtetuese”, theksoi Berisha.

Por, koeficienti prej 105 eurosh sipas Berishës vetëm sa e ka rritur dëshirën e stafit infermieror për tu larguar nga Kosova. Ai madje tha se deri në mesin e vitit 2024 priten të largohen rreth 2 mijë infermierë.

“Ka ngjallur pakënaqësi ata që kanë qenë të luhatshëm për atë se a të qëndrojnë për të punuar në Kosovë apo të shkojnë jashtë, sigurisht që i janë rritur kërkesat për të shkuar jashtë dhe një pjesë e tyre kanë thënë se ‘nga ky moment ne më nuk mund të punojmë’ dhe vlen të ceket që nuk është vetëm paga, por janë edhe kushtet e rënda, janë edhe mungesa e madhe e infermierëve ku ka reparte që një infermier kujdeset deri për 25 pacientë derisa sipas OBSH-së një infermier duhet të kujdeset për pesë pacientë… Sipas informatave që kemi ne janë rreth 2 mijë infermierë të cilët priten të largohen deri kah mesi i vitit 2024 gjë që do ta vështirësojë edhe më tutje pozitën e infermierëve dhe po ashtu do të ketë normal ofrim të shërbimeve më jocilësore për pacientët”, theksoi ai.

E infermierët ende nuk e kanë të qartë se si do tu paguhet ndërrimi i natës, vikendet dhe ditët e festave. Për këtë çështje kryetari i Sindikatës së Infermierëve, Përparim Berisha tha se janë në pritje të publikimit të rregullores.

“Për çdo ditë thuajse janë duke u publikuar në faqen zyrtare të Qeverisë rregullore përmes të cilës do të rregullohen edhe vlera do të caktohet për ndërrimin e natës, vikendet dhe festa ne kërkojmë dhe kemi kërkuar edhe nga ministri që të shkohet sipas Ligjit të pagave siç është e përcaktuar dhe sipas Ligjit të punës”, tha Berisha.

Lidhur me protestën dhe grevat e paralajmëruar nga kjo sindikatë për shkak të mos pagesës së ditëve të lira për festat zyrtare për stafin infermieror, Përparim Berisha tha se veprimet sindikale të parapara i kanë shtyrë dhe se janë në pritje të rregulloreve që parashohin edhe këto kompensime.

“Dje ka skaduar afati, por dje kemi pasur takim me ministrin, dhe ministri është zotuar që gjithçka do të shkoj sipas Ligjit të pagave dhe ligjit të Punës dhe ne po presim dhe do e mbajmë për fjale ministrinë… Kërkesa jonë ka qenë që ditët e pushimit ka pas problem tek Ligji për festat zyrtare ku në momentin që ka rënë një festë në vikend është shtyrë për ditën e hënë dhe është bërë ditë e lirë dhe ajo është paguar si festë gjë për të cilën kemi reaguar edhe ne dhe kemi kërkuar edhe neve të na paguhet dhe mos të diskriminohemi… Për momentin vetëm janë shtyrë për shkak të takimit të djeshëm dhe po presim rregulloret t’i shohim se sa do të jetë vlera, pagesa për ndërrim të natës, për orë shtesë ose për festa”, theksoi ai.

Pakënaqësi për koeficientin kanë shprehur edhe nga Oda e Infermierëve të Kosovës.

Ndërsa, derimë tani nga Institucioni i Avokatit të Popullit (IAP) ka pranuar 18 ankesa kundër Ligjit për paga në sektorin publik. Kështu ka bërë të ditur zëdhënësi i këtij institucioni, Petrit Çollaku i cili tha se Avokati i Popullit është duke i trajtuar këto ankesa dhe më pas do të del me një qëndrim.

“Ankesat kanë ardhur nga sektorë të ndryshëm, si nga Këshilli Prokurorial i Kosovës, auditorë të brendshëm, zyrtarët komunal të arsimit të Komunës së Prizrenit, Shoqata sindikale e shërbimit sprovues të Kosovës, nga organizata Instituti Kosovar i Drejtësisë (IKD), infermierët, mjekët që punojnë në Ministrinë e Shëndetësisë, laborantë të lartë mjekësor, oda e fizioterapeutëve të Kosovës, sindikata e Policisë së Kosovës, Komisioni Qendror Zgjedhor, Qendra për pajisje të dokumenteve, Shoqata e Instrumentarëve të Kosovës. Institucioni i Avokatit të Popullit është duke i trajtuar këto ankesa, dhe po ashtu është duke analizuar ligjin në fjalë, dhe pas kësaj, Avokati i Popullit do të dalë me një qëndrim në lidhje me këtë çështje”, thuhet në përgjigjen me shkrim.

Etiketa
Vazhdo të lexosh

Lajmet

AUV: Mishi që shiste “Apetit” në Shqipëri ka patur origjinë nga Kosova ashtu siç edhe është deklaruar

Sipas AUV, bazuar në rezultatet e inspektimit, auditimit, gjurmimit dhe mostrimit, Agjencia e Ushqimit dhe Veterinës nuk është cënuar shëndeti i konsumatorit dhe se mishi dhe produktet e tij janë të përshtatshme për konsum.

Publikuar

1 orë më parë

më

24 Prill, 2024

nga

Agjencia e Ushqimit dhe Veterinarisë ka sqaruar se pas verifikimeve të kryera, është vërtetuar se kompania “Apetit SH.P.K”, mishin që e kishte shitur në Shqipëri ishte me origjinë nga Kosova.

“Me kërkesë të autoriteteve të Shqipërisë janë verifikuar Çertifikatat Veterinare Shëndetësore të eksportit dhe produkteve të mishit të gjedhit të cilat rezultuan të jenë në përputhshmëri, mbrenda standardardeve dhe të harmonizuara. Nga ky verifikim u vërtetua se produkti (mish gjedhi) ka patur origjinë nga Kosova ashtu siç edhe është deklaruar! Mostrat e marra dhe të testuara nga Autoriteti Kombëtar i Ushqimit të Republikës së Shqipërisë, kanë rezultuar në përputhshmëri dhe konform parametrave dhe standardeve të sigurisë ushqimore. Gjatë inspektimeve zyrtare për produktet me origjinë nga Kosova të subjektit ekonomik përkatës, nuk është gjetur ndonjë parregullsi e cila do të mund të kishte ndonjë ndikim në sigurinë ushqimore”, thuhet në reagimin e AUV-it.

Sipas AUV, bazuar në rezultatet e inspektimit, auditimit, gjurmimit dhe mostrimit, Agjencia e Ushqimit dhe Veterinës nuk është cënuar shëndeti i konsumatorit dhe se mishi dhe produktet e tij janë të përshtatshme për konsum.

“Sasia e mishit të freskët që është ekportuar në Shqipëri por edhe në tregun e brendshëm, rezulton se është gjeneruar nga therja e kafshëve në thertoren e subjektit të cilat janë nënshtruar kontrollit veterinar (para, gjatë dhe pas therjes). Kafshët e therura kanë rezultuar të përshtatshme për konsum human. Kafshët janë therur, copëtuar, kategorizuar dhe paketuar në thertoren e subjektit”, thuhet në reagim.

Vazhdo të lexosh

Lajmet

Zgjedhjet në Maqedoninë e Veriut, voton Osmani

Kandidati për president i koalicionit që udhëhiqet nga Bashkimi Evropian për Integrim (BDI), kërkoi zgjedhje të lira, të drejta dhe demokratike.

Publikuar

1 orë më parë

më

24 Prill, 2024

nga

Kandidati i Frontit Evropian për president, Bujar Osmani, ka votuar për zgjedhjet presidenciale në Maqedoni të Veriut, duke thënë se beson në fitore të madhe të tyre. Kandidati për president i koalicionit që udhëhiqet nga Bashkimi Evropian për Integrim (BDI), kërkoi zgjedhje të lira, të drejta dhe demokratike.

Më tutje Osmani tha se: “Uroj zgjedhje të lira, fer dhe demokratike. Inkurajoj qytetarët që të dalin në numër sa më të madh. Të votojnë sipas bindjes së tyre, sipas vullnetit të tyre për një të ardhme më të mirë për vendin tonë. Unë mendoj se këto zgjedhje nuk janë të zakonshme, janë vendimtare për të ardhmen e vendit tonë, pasi shteti është në udhëkryq, dy opsione janë para nesh dhe qytetarët duhet të vendosin njërin prej këtyre opsioneve, integrimin apo izolimin…Besoj në fitore të madhe të Fronit për Evropë në këto zgjedhje vendimtare për të ardhmen e shtetit”.

Sipas Komisionit Shtetëror të Zgjedhjeve (KShZ) në Maqedoninë e Veriut deri në orën 9:00 kanë votuar vetëm 3.85 për qind e qytetarëve.

Sot qytetarët e Maqedonisë së Veriut vendosin për presidentin e tyre të ardhshëm. Këto zgjedhje janë të shtatat, ndërsa raundi i dytë i mundshëm pritet të mbahet së bashku me zgjedhjet parlamentare më 8 maj.

Kandidati tjetër shqiptar për president është Arben Traravari nga koalicioni VLEN, i cili përbëhet nga parti opozitare shqiptare në Maqedoni të Veriut.

Vazhdo të lexosh

Lajmet

​Deri në ora 09:00 në Tetovë kanë votuar mbi 2 mijë qytetarë

“Nga 117 vendvotime në kuadër të KKZ të Tetovës, të drejtën e tyre të votës e kanë shfrytëzuar 2 mijë e 300 qytetarë, apo në përqindje i bie 3.2%”, tha Dauti.

Publikuar

1 orë më parë

më

24 Prill, 2024

nga

Kryetari i Komisionit Komunal Zgjedhor në Tetovë, Nazmi Dauti tha se deri në ora 09:00 në Tetovë kanë votuar 2 mijë e 300 qytetarë.

“Nga 117 vendvotime në kuadër të KKZ të Tetovës, të drejtën e tyre të votës e kanë shfrytëzuar 2 mijë e 300 qytetarë, apo në përqindje i bie 3.2%”, tha Dauti.

Qytetarët e Maqedonisë së Veriut sot vendosin për presidentin e tyre të ardhshëm. Këto janë zgjedhjet e shtatë presidenciale, ndërsa raundi i dytë i mundshëm mbahet së bashku me zgjedhjet parlamentare më 8 maj. Vendvotimet janë hapur në orën 7:00, ndërsa votimi zgjatë deri në orën 19:00. Votohet në 3480 vendvotime në tërë Maqedoninë e Veriut. Ndërsa, numri i përgjithshëm i votuesve të regjistruar në Listën zgjedhore është 1 milion e 8 14 mijë e 317.

Në mënyrë teorike presidenti mund të zgjidhet edhe në rrethin e parë me atë kandidat i cili do të marrë shumicën e votave nga numri i përgjithshëm i votave, përkatësisht 50% plus një, gjë për të cilën ekzistojnë gjasa të vogla posaçërisht në këto zgjedhje kur votohet për shtatë kandidatë.

VMRO DPMNE-ja opozitare në zgjedhje do të garojë me deputetët aktuale Gordana Siljanovska*Davkovën. Lidhja Social Demokrate në pushtet do të garojë me presidentin aktual, Stevo Pendarovski. Në garën zgjedhore, Bashkimi Demokratik për Integrim do të garojë me ministrin e Punëve të Jashtme, Bujar Osmani, ndërsa opozita e bashkuar shqiptare me Arben Taravarin, kryetarin aktual të Gostivarit. Pjesë e garës zgjedhore do të jetë edhe Maksim Dimitrievski, kryetari i komunës së Kumanovës, Stevçe Jakimovski, kryetari i komunës së Karposhit në Shkup dhe Biljana Vankovska, kandidate e partisë “E Majta”.

Përzgjedhja e shefit të shtetit duhet të ndodh në rrethin e dytë kur do të vendoset për dy kandidatë të cilët në rrethin e parë kanë marrë më së shumti vota. Megjithatë edhe për përzgjedhjen e tyre nevojitet plotësimi i censusit, përkatësisht në zgjedhje të dalin më së paku 40% të votuesve të regjistruar. Rezultatet e zgjedhjeve nga rrethi i parë i zgjedhjeve presidenciale, KSHZ duhet t’i publikojë para mesnatës së 24 prillit. Ndërkohë janë gjithsej 942 vëzhgues, gazetarë dhe përkthyes të huaj janë të akredituar për monitorimin e zgjedhjeve presidenciale.

Vazhdo të lexosh

Lajmet

Zgjedhjet në RMV, deri në orën 09:00 kanë votuar 3.85 për qind e qytetarëve

Probleme janë paraqitur në disa vendvotime në qytetin e Kumanovës.

Publikuar

3 orë më parë

më

24 Prill, 2024

nga

Komisioni Shtetëror i Zgjedhjeve (KShZ) në Maqedoninë e Veriut ka njoftuar se deri në orën 09:00 kanë votuar 3.85 për qind e qytetarëve për zgjedhjet presidenciale.

Kryetari i KShZ-së, Aleksandar Dashtevski, tha se të gjitha vendvotimet janë hapur dhe se procesi po shkon pa parregullsi. Sipas tij në disa qendra janë paraqitur disa probleme teknike, por që do të zgjidhen shumë shpejt. Probleme janë paraqitur në disa vendvotime në qytetin e Kumanovës.

“Siç thashë kemi filluar me kohë në orën 9:30. Në 1480 vendvotime në 80 komuna në territorin e Maqedonisë së Veriut të drejtën për të votuar e kanë gjithsejtë 1814,317 qytetarë, dy orë e gjysmë që kur ka filluar votimi, në të gjitha vendvotimet, procesi zgjedhor po rrjedh pa parregullsi. Deri në orën 09:00 kanë arritur të dhëna për daljen e votuesve në 832 vendvotime nga gjithsejtë 402 748 votues të regjistruar në këto vendvotime, kanë votuar 15487apo 3.85 për qind e votuesve. Deri në këtë moment në KSHZ janë dorëzuar 12 parashtresa që kanë të bëjnë me mbrojtjen e të drejtës zgjedhore të cilat janë lëndë e përpunimit. Këtë proces zgjedhor janë duke e përcjellë 915 mbikëqyrës vendor dhe 544 ndërkombëtar dhe 58 gazetar të huaj”, tha ai në konferencë për medie.

Krahas kësaj, ai bëri të ditur se konferenca e radhës e KShZ-së do të mbahet në orën 13:00.

Qytetarët e Maqedonisë së Veriut sot vendosin për presidentin e tyre të ardhshëm. Këto janë zgjedhjet e shtatë presidenciale, ndërsa raundi i dytë i mundshëm mbahet së bashku me zgjedhjet parlamentare më 8 maj. Vendvotimet është paraparë të hapen në orën 7:00, ndërsa votimi zgjatë deri në orën 19:00. Votohet në 3480 vendvotime në tërë Maqedoninë e Veriut. Ndërsa, numri i përgjithshëm i votuesve të regjistruar në Listën zgjedhore është 1.814.317.

VMRO DPMNE-ja opozitare në zgjedhje do të garojë me deputetët aktuale Gordana Siljanovska*Davkovën. Lidhja Social Demokrate në pushtet do të garojë me presidentin aktual, Stevo Pendarovski. Në garën zgjedhore, Bashkimi Demokratik për Integrim do të garojë me ministrin e Punëve të Jashtme, Bujar Osmani, ndërsa opozita e bashkuar shqiptare me Arben Taravarin, kryetarin aktual të Gostivarit. Pjesë e garës zgjedhore do të jetë edhe Maksim Dimitrievski, kryetari i komunës së Kumanovës, Stevçe Jakimovski, kryetari i komunës së Karposhit në Shkup dhe Biljana Vankovska, kandidate e partisë “E Majta”.

Vazhdo të lexosh

Të kërkuara