Sport

Mourinho favoriti kryesor për ta marrë drejtimin e Portugalisë

Sipas gazetës portugeze ‘Record’, trajneri aktual i Romës do të zgjidhet për rolin e trajnerit.

Published

2 years ago

December 15, 2022

UBT news

Në Portugali janë të sigurt se federata dëshiron t’ia besojë stolin e kombëtares José Mourinhos , pas lamtumirës gjithnjë e më të afërt të Fernando Santos në fund të një Botërori zhgënjyes.

Sipas gazetës portugeze ‘Record’, trajneri aktual i Romës do të zgjidhet për rolin e trajnerit. Drejtuesit federatës portugeze nuk kanë marrë ende një vendim përfundimtar, por hipoteza më e mundshme e sheh “ Special One” në pozitën e përzgjedhësit të kombëtares.

Është e qartë se ka një pengesë shumë të vështirë për t’u kapërcyer: kontrata që lidh Mourinhon me Romën deri në vitin 2024 . Në fakt, nuk mund të imagjinohet që Mourinho të jetë njëkohësisht trajneri i “Giallorossëve” dhe i Portugalisë.

Në të kaluarën Mou kishte komentuar ofertën e Portugalisë në vitin 2013 me mundësinë e një pune të dyfishtë.

“Doja të pranoja, por nuk do të kisha kohë për një punë tjetër me kohë të pjesshme dhe nuk do të ishte etike”, kishte thënë ai.

Në çdo rast, Mourinho nuk do të jetë në pankinën portugeze këtë sezon, shkruan gazeta. Është diskutuar për këtë që nga qershori, por federata duhet të gjejë një marrëveshje me Romën. Në pritje të marrëveshjes, Federata Portugeze e Futbollit do të mendonte për një zgjidhje të përkohshme si trajneri i U-21, Rui Jorge .

Tifozët portugez nuk kanë asnjë dyshim dhe duan José Mourinhon si trajnerin e ardhshëm të Portugalisë. Kjo është ajo që del nga një sondazh i gazetës lokale “A Bola”.

“Special One” mposhti konkurrencën, duke mbledhur 40.3% të votave. Në vendin e dytë, shumë prapa, Rui Jorge (11.6%) përpara Leonardo Jardim dhe Abel Ferreira.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.