Lajmet
Mosrealizimi i reformës në drejtësi po konsiderohet dështim i qeverisë
Instituti i Kosovës për Drejtësi thotë se qeveria ka dështuar sa i përket reformës në drejtësi.
Hulumtuesi Gëzim Shala e ka përmendur mungesën e Vetingut si dështim në këtë proces, që ishte premtim i qeverisë.
IKD ka prezantuar të hënën raportin me titull “Dështimi i reformës në drejtësi”, aktivitet që po mbahet në kuadër të “Javës Kundër Korrupsionit 2024”.
“Përderisa në fillim të mandatit është ndryshuar ligji për përgjegjësinë disiplinore të gjyqtarëve dhe prokurorëve në vetëm një nen dhe janë injoruar problemet e tjera të këtij ligji, pra nuk janë hapur edhe problemet e tjera. Ndërkaq tash kur po përfundon mandati, ligji për përgjegjësinë disiplinore të gjyqtarëve dhe prokurorëve ende nuk është i reformuar, ende nuk ka të drejtë ankese nëse një autoritet kompetent e hedh një ankesë disiplinore dhe të gjitha këto çështje e ndërtojnë argumentin se reforma në drejtësi në kuptimin e plotë të fjalës ka dështuar dhe nuk është arritur kjo reformë përkundër premtimeve dhe pritjeve të mëdha që kjo reformë të ndodh”, ka thënë ai.
Në këtë tryezë, koordinatori i Departamentit për drejtësi në Partinë Demokratike të Kosovës, Përparim Gruda ka kritikuar qeverinë Kurti për mos punë në reformën për drejtësi.
“Qeveria nuk ka miratuar strategji kundër korrupsionit, është shprehje e mungesës totale të vullnetit politik për të korrupsionin, po ky vend ka një standard, ai standard është që kur njerëzit akuzohen për korrupsion, nuk ndodh si ka ndodh në qeveritë e kaluara, jo që kanë bërë mrekulli, por qeveritë e kaluara, kryeministrat, kanë bërë një distancë ndaj njerëzve të akuzuar dhe i kanë lënë të paktën organet e drejtësisë me e bë punën e vet. Ky standard më nuk ekziston. Sa herë akuzohet një ministër, kryeministri në kuvend i merr në mbrojtje të akuzuarit dhe i sulmon gjyqtarët dhe prokurorët. E keni ministren e Drejtësisë që bënë të njëjtën që është totalisht jashtë funksionit të saj, pasi që përshkrimet e tyre janë të forcojë sistemin e drejtësisë…Kjo është Qeveria më e dështuar që ka pasur Kosova, prej që është e lirë, e jo vetëm e pavarur”, ka thënë ai.
Shef i grupit parlamentar të AAK-së, Besnik Tahiri ka thënë se Kosova po përballet me problemin e korrupsionit.
“Si ka mundësi të votohet një familjar i një zëvendëskryeministri duke qenë prezent, a e dini çfarë konflikt interesi është ky. A e dini çfarë praktike është kjo. Kjo është praktikë e pabesueshme, e pa imagjinueshme në një shtet. Në një rast e njoh personin në fjalë, është një zonjë e nderuar, mirëpo prej konceptit është gabim. Nuk po e gjykoj individin, por mendësia është total gabim…Tjetra çështje lidhet drejtpërdrejt me luftën kundër korrupsionit. Ne e kemi armik Serbinë, por armiku i shoqërisë Kosovë e Shqipëri është korrupsioni. Ne duhet të flasim hapur sidomos gjatë kësaj jave, pasi që është problem serioz që duhet luftuar nga të gjithë ne. Korrupsioni është kancer”, ka thënë ai.
Instituti i Kosovës për Drejtësi ka radhitur, ndër të tjera, si dështim të qeverisë edhe mosjetësimin e reformës në Këshillin Prokurorial si dhe mungesën e Strategjisë kundër korrupsion.
Aktualitet
Ndërpritet qarkullimi i trenave në Kosovë: Sindikata e Infrakos hyn në grevë, pezullohen të gjitha linjat
Vendi
Kosovari Rexhep Rexhepi fiton çmimin kryesor “Aiguille d’Or” që njihet si “Oscari” i orëndreqjes
Orëndreqësi me origjinë nga Kosova që jeton dhe vepron në Zvicër, Rexhep Rexhepi, ka shënuar një sukses të jashtëzakonshëm duke fituar çmimin prestigjioz “Aiguille d’Or” gjatë ceremonisë madhështore të Grand Prix d’Horlogerie de Genève (GPHG).
Ky çmim, i cili konsiderohet si “Oscari” i industrisë së prodhimit të orëve, ishte i hapur për të gjitha kategoritë. Rexhepi triumfoi me modelin e tij “Chronograph Flyback”, duke pasuar gjigantin e industrisë Breguet që e kishte fituar atë një vit më parë.
Ora fituese dallon për përmasat elegante dhe fushën në ngjyrë blu të errët të punuar me teknikën tradicionale Grand Feu, e frymëzuar nga kronografët e vjetër të orëve të xhepit. Çmimi zyrtar i orës fituese është 150 mijë franga zvicerane, rreth 160 mijë euro, mirëpo vlera e saj në tregun e koleksionistëve pritet të jetë dukshëm më e lartë. Rexhepi e nisi karrierën e tij si praktikant 15-vjeçar te kompania e njohur Patek Philippe, ndërsa sot udhëheq markën e tij të pavarur në Gjenevë.
Në këtë edicion të GPHG-së garuan 84 orë dhe mekanizma kohorë në 14 kategori të ndryshme. Fituesit u përzgjodhën nga një juri ndërkombëtare ekspertësh, ku për herë të parë organizatorët hoqën ndarjet gjinore duke prezantuar kategori të reja teknike si Essential Watch dhe Complication Watch.
Moti sot në Kosovë: Reshje shiu, vranësira dhe mjegull në mëngjes
Ndërpritet qarkullimi i trenave në Kosovë: Sindikata e Infrakos hyn në grevë, pezullohen të gjitha linjat
Kosovari Rexhep Rexhepi fiton çmimin kryesor “Aiguille d’Or” që njihet si “Oscari” i orëndreqjes
Shiroka Pula nderon 14 ushtarët britanikë që humbën jetën gjatë shërbimit në Kosovë
Trump është një histori e mbaruar, këta janë tre skenarët që e presin Amerikën dhe botën
Rritet numri i viktimave në Poloni, të paktën gjashtë të vrarë nga të shtënat në Krakov
Ditari: Lajmet kryesore që shënuan datën 7 nëntor 1992-1998?
Ekspertja e Hollywood-it ligjëron para studentëve të studimeve të sigurisë në UBT
Ngrihet aktakuzë ndaj dy personave në Prizren, synonin marrjen e pasurisë prej 1 milion eurosh
-
Sport3 months agoTrumpi mbron Infantinon: “Do të ishte gabim i tmerrshëm nëse FIFA e zëvendëson”
-
Aktualitet3 months agoTrump konfirmon ndërrimin e fshehtë të avionit në Turqi pas kërcënimit nga SHBA-ja
-
Sport3 months agoTronditet pozita e Infantinos, shumica e federatave kundër mandatit të katërt
-
Lajmet2 months agoThaçi dënohet me 25 vjet burgim për krime lufte