Lajmet

Molliqaj: Kurti hoqi dorë nga shtetësia, i njeh dokumentet që e paraqesin Kosovën pjesë të Serbisë

Ai pohon se në këso rrethanash çdo marrëveshje i konvenon vetëm Serbisë dhe se nuk po punohet për njohjen reciproke.

Published

4 years ago

on

Kryetari i Partisë Socialdemokrate (PSD), Dardan Molliqaj, po thotë se marrëveshja për lëvizjen e lirë Kosovë-Serbi është mbajtur e fshehtë dhe se opinioni i është paraqitur vetëm një pjesë e saj.

Ai tha se dakordimi Kurti-Vuçiq për këtë çështje është në dëm të Kosovës. Për faktin se sipas tij, me këtë marrëveshje bëhet legalizimit të dokumenteve që i lëshojnë strukturat paralele të Serbisë për qytetarët që jetojnë në Kosovë.

Prandaj siç thotë ai Kurti me këtë marrëveshje e paraqet Kosovën pjesë të Serbinë. Molliqaj thotë se ky është problem i madh ngase po hiqet dorë nga shtetësia dhe se Kurti në vazhdimësi po e qon vendin në krijimin e një entiteti territorial në veri.

Ai pohon se në këso rrethanash çdo marrëveshje i konvenon vetëm Serbisë dhe se nuk po punohet për njohjen reciproke.

“Tash është e qartë që ka dakordim midis Kurtit dhe Vuçiqit për çështjen e lirisë së lëvizjes, ajo që ne e kemi ngritur si shqetësim është që kompromisi ka qenë i fshehur, opinioni i është paraqitur vetëm ajo që është dukur se mund të jetë fitore ndërsa pjesë me e keq e marrëveshjes që është shumë e keqe e legalizimit të dokumenteve që i lëshojnë strukturat paralele të Serbisë për qytetarët që jetojnë në Kosovë. Me këtë marrëveshje të gjithë ata që kanë dokument të lëshuar nga drejtoritë e veçanta të Policisë në komunat paralele mund të kalojnë kufirin. Pra Kosova me këtë marrëveshje që mundëson hyrjen daljen në Kosovë me dokumente që e paraqesin Kosovën si pjesë të Serbisë. Kjo është problem i madh ngase po hiqet dorë nga shtetësia e në atë tjetër është vazhdën e kompromiseve që Kurti po i bënë e kjo po qon në krijimin e një entiteti territorial në veri. Për fatin e keq korniza e dialogut në themel e ka mosnjohjen se nëse vazhdimisht bënë marrëveshje që ajo nuk të njeh ty pse duhet të njeh në fund. Ngase nëse ka njohjen në fund të gjitha këto marrëveshje janë të pavlefshme. Kështu që Kurti e ka pranuar këtë kornizë të dialogut dhe temat e dialogu që në masë të madhe i interesojnë Serbisë”, tha Molliqaj.

Related Topics:
Continue Reading

Vendi

Mbi 100 gramë kokainë dhe marihuanë kapen në Vërmicë

Published

9 hours ago

on

June 19, 2026

By

Dogana e Kosovës, në bashkëpunim me Policinë e Kosovës, ka zbuluar dy raste të substancave narkotike gjatë kontrolleve në Pikën Kufitare të Vërmicës.

Në rastin e parë, gjatë kontrollit të një automjeti që po hynte në Kosovë, janë gjetur 104.90 gramë substancë e dyshuar si kokainë, e fshehur në çantën personale të një udhëtari.

Ndërkaq, në rastin e dytë janë zbuluar 5.53 gramë substancë e dyshuar si marihuanë, e fshehur në bagazhin e një automjeti. Gjatë kontrollit është gjetur edhe një thikë kuzhine e padeklaruar.

Rastet janë proceduar për hetime të mëtejshme nga autoritetet kompetente.

/A.K/

Continue Reading

Vendi

Mbyten dy vajza të mitura në Tale

Published

10 hours ago

on

June 19, 2026

By

Një ngjarje e rëndë ka ndodhur mesditën e sotme në plazhin e Tales, ku dy vajza të mitura, të moshës 11 dhe 9 vjeçe, janë mbytur në det.

Sipas njoftimit zyrtar të Policisë, tragjedia ka ndodhur rreth orës 12:50. Pas marrjes së informatës, zyrtarët policorë kanë dalë menjëherë në vendngjarje dhe, në bashkëpunim të ngushtë me pushuesit e tjerë, kanë bërë të mundur gjetjen dhe nxjerrjen e trupave të pajetë në breg.

“Në bashkëpunim me pushuesit, është bërë e mundur gjetja dhe nxjerrja e trupave të pajetë në breg“, thuhet në njoftimin e policisë.  /E.A/

Continue Reading

Vendi

Dyshime për cilësinë: Bllokohen mbi 1 mijë e 400 infuzione në Spitalin e Mitrovicës

Published

11 hours ago

on

June 19, 2026

By

Shërbimi Spitalor Klinik dhe Universitar i Kosovës (ShSKUK) ka njoftuar se ka bllokuar përkohësisht 1,432 njësi të një produkti mjekësor në Spitalin Rajonal “Sami Haxhibeqiri” në Mitrovicë, pas dyshimeve se ai mund të mos jetë brenda specifikave të kërkuara të cilësisë.

Bëhet fjalë për infuzionet e llojit Compound Sodium Lactate (500 ml). Alarmi u ngrit fillimisht nga farmacistja përgjegjëse e spitalit, gjë që vuri në lëvizje Inspektoratin Farmaceutik dhe Agjencinë e Kosovës për Produkte dhe Pajisje Medicinale (AKPPM).

Pas një inspektimi të dytë të kryer më 17 qershor, autoritetet urdhëruan bllokimin e menjëhershëm të këtij kontingjenti deri në pranimin e rezultateve nga analizat laboratorike. ShSKUK ka njoftuar opinionin publik se ky është një masë parandaluese dhe se mbetet e përkushtuar për të garantuar sigurinë e plotë të pacientëve dhe cilësinë e barnave nëpër spitalet publike. /E.A/

Continue Reading

Lajmet

KQZ gati për rezultatet përfundimtare: Përfundon rinumërimi i 185 vendvotimeve

Published

13 hours ago

on

June 19, 2026

By

Komisioni Qendror i Zgjedhjeve (KQZ) ka përmbyllur zyrtarisht procesin e rinumërimit për të gjitha 185 vendvotimet e kontestuara. Sipas zëdhënësit të KQZ-së, Valmir Elezi, procesi ka përfunduar sot në orën 12:00 dhe të dhënat e reja tashmë janë përditësuar në platformën zyrtare të rezultateve.

Me këtë hap, KQZ-ja ka mbyllur teknikisht të gjitha aktivitetet e administrimit të votave dhe është gati për shpalljen e rezultateve përfundimtare të zgjedhjeve të 7 qershorit.

Megjithatë, përpara shpalljes zyrtare, duhet të respektohen afatet ligjore për ankesat e mundshme. Elezi sqaroi se sot përfundon afati për ankesat lidhur me administrimin e numërimit nga dita e mërkurë (17 qershor), ndërsa po ashtu do të pritet nëse do të ketë ankesa për procesin e rinumërimit të përmbyllur sot.

Për më tepër, para se të procedohet tutje, KQZ-ja do të kërkojë një konfirmim zyrtar nga Paneli Zgjedhor për Ankesa dhe Parashtresa (PZAP) për të vërtetuar nëse ka ndonjë ankesë tjetër ende në shqyrtim.

Në fund, Qendra e Numërimit dhe Rezultateve (QNR) do të hartojë një raport të detajuar për gjetjet në secilin prej 185 vendvotimeve. Ky raport synon të konfirmojë se procesi i parë i numërimit nëpër komuna është zhvilluar me saktësi dhe në përputhje të plotë me vullnetin e shprehur të qytetarëve, raporton Ekonomia Online. /Ekonomia Online/ /E.A/

Continue Reading

Të kërkuara