Kulturë

Mjeshtri i Kompozicionit: Universiteti i Arteve përkujton Ramadan Sokolin

Published

on

Më 14 qershor 1920, në qytetin e lashtë të Shkodrës, lindi etnomuzikologu, kompozitori dhe studiuesi i mirënjohur, Ramadan Sokoli. Arsimin bazë e kreu në vendlindje, ku që në moshë të hershme filloi të spikaste në fushën e kompozicionit, duke u veçuar ndër muzikantët e kohës.

Protesta ndaj fashizmit i kushtoi lirinë, pasi qëndrimi i tij armiqësor ndaj pushtuesve do të sillte dënimin me internim në Itali. Megjithatë, muzika mbeti oazi i tij edhe në dhe të huaj.

I vendosur në Firence, Sokoli kreu studimet në Konservatorin “Luigi Cherubini” me rezultate të shkëlqyera. Pas ikjes së forcave fashiste më 1944, ai u kthye në vendlindje dhe u bë pjesë e strukturave të Legalitetit. Pas arrestimit për shkak të lëvizjeve antiqeveritare pas Kryengritjes së Postribës, Sokoli vijoi aktivitetin muzikor duke u bërë pjesë e organizimeve të ndryshme, nga Ansambli i Ushtrisë deri në Korin e Filarmonisë.

Ai kontribuoi në Festivale të Këngës dhe Valles Popullore, por biografia e tij e “njollosur” shpesh e pengoi në karrierë. Punimet e tij mbetën burim frymëzimi për brezat e rinj të artistëve, duke e bërë një figurë të paharruar në kulturën muzikore shqiptare.

Me rastin e 104-vjetorit të lindjes së tij, Universiteti i Arteve promovoi disa vepra të rëndësishme të muzikologut të shquar: një album pianistik për piano me katër duar dhe një përmbledhje veprash për flaut, instrument të cilin e kishte studiuar në Itali. Aktiviteti u shoqërua nga një performancë muzikore e studentëve të Universitetit të Arteve, duke sjellë në jetë trashëgiminë e çmuar të Ramadan Sokolit dhe duke e ndarë me brezat e rinj të artistëve dhe dashamirësve të muzikës./UBTNews/

Magazinë

Liam Neeson shet apartamentin luksoz në New York për mbi 10 milionë dollarë

Published

on

Nuk është vetëm suksesi në kinema që po i sjell fitime Liam Neeson këto ditë.

Aktori hollivudian, i cili sapo ka dalë në ekran me“The Naked Gun”, ka shitur së fundmi apartamentin e tij në New York City për plot 10.3 milionë dollarë. Lajmi u bë i ditur nga dokumentet zyrtare të qytetit dhe u raportua fillimisht nga New York Post, ndërsa PEOPLE konfirmoi gjithashtu transaksionin.

Bëhet fjalë për një super-apartament me 5 dhoma gjumi, 5 banjo, me sipërfaqe prej 4,524 metrash katrorë, kombinim i tre njësive banimi të bashkuara.

Prona u listua në treg në mars për 10.75 milionë dollarë, por përfundimisht u shit pak më lirë. Neeson dhe bashkëshortja e tij e ndjerë, aktorja Natasha Richardson, e kishin blerë apartamentin më 1999 për 3.9 milionë dollarë, duke realizuar kështu një fitim të konsiderueshëm pas më shumë se dy dekadash.

Shtëpia ndodhet në një nga zonat më prestigjioze të Manhatanit, vetëm një bllok larg Central Park. Dhomat ofrojnë pamje panoramike të parkut dhe lumit Hudson, kuzhinë të madhe me dritare të plota, dhomë familjare dhe një suitë master me spa private, dhomë për fëmijë dhe palestër personale.

Ndërtesa, siç pritej, është e pajisur me portier 24 orë, supermarket brenda kompleksit, pishinë dhe palestër moderne të markës Equinox, si dhe fushë basketbolli për rezidentët.

Continue Reading

Magazinë

Katy Perry ndal koncertin për fansen që humbi ndjenjat në krahët e saj

Published

on

Një moment emocional ndodhi gjatë koncertit të fundit të Katy Perry në Detroit, ku një fanse e vogël, McKenna, humbi ndjenjat sapo u ngjit në skenë për të kënduar me idhullin e saj.

Perry e ftoi nga shkallët më të larta të arenës, por emocionet ishin shumë të forta për vajzën, e cila u rrëzua në tokë para se kënga “The One That Got Away” të niste. Reagimi i këngëtares ishte prekës: ajo u ul pranë McKennës dhe i qëndroi afër deri në ardhjen e ndihmës.

“O Zot, lutemi për McKennën, që ajo të rikthehet më e fortë se kurrë”, u lut Katy në skenë, përpara se të siguronte publikun se vajza ishte jashtë rrezikut.

Ky nuk ishte incidenti i vetëm i muajit për Perry-n, vetëm pak ditë më parë, flutura mekanike ku po performonte ra disa metra mbi publik, duke shkaktuar panik. Fatmirësisht, gjithçka përfundoi mirë edhe atëherë.

Continue Reading

Magazinë

Tom Holland rikthehet në Skoci – xhiron SpiderMan-in në rrugët e Glasgout

Published

on

Aktori britanik, Tom Holland, është takuar me fansat në qendër të Glasgow gjatë xhirimeve të filmit më të ri të Marvel-it, “Spider-Man: Brand New Day”, që pritet të jetë kapitulli i ardhshëm në sagën e famshme të superheroit.

Xhirimet nisën të premten dhe pritet të zgjasin për dy javë, me rrugë të tëra të qytetit që janë transformuar për të imituar atmosferën e një qyteti amerikan.

Disa zona të Glasgout janë bllokuar për qarkullim, autoritetet paralajmëruan për ndërprerje e devijime të përkohshme, shkruan BBC. Holland u pa të dielën duke xhiruar një skenë aksioni me kostumin e Spider-Man, përpara se t’i afrohej një grupi fansash të mbledhur aty pranë.

Rreth 100 persona ndoqën momentet e xhirimit, aktori ndau disa çaste me ta jashtë kamerave. Ky është projekti i dytë që Tom xhiron në Skoci. Më herët, ai u pa në zona të ndryshme përreth Inverness dhe Moray për filmin “The Odyssey”, të drejtuar nga regjisori Christopher Nolan.

Glasgou është shndërruar në një nga destinacionet më të preferuara për filmat e mëdhenj të Hollywood-it.

Në vitet e fundit, qyteti ka shërbyer si sfond për filma si “The Flash”, “The Batman”, “Indiana Jones and the Dial of Destiny” dhe shumë të tjerë, duke zëvendësuar metropole si New York-u apo edhe Gotham City-n e famshëm.

Continue Reading

Magazinë

John Krasinski rikthehet me pjesën e tretë të “A Quiet Place”

Published

on

John Krasinski ka konfirmuar se do të rikthehet si skenarist, regjisor dhe producent për filmin “A Quiet Place Part III”, pjesën e tretë të sagës së njohur horror. Përmes një njoftimi në rrjetet sociale, ai bëri të ditur se filmi do të dalë në kinema më 9 korrik 2027.

Ende nuk janë zbuluar detaje për kastin apo rrjedhën e ngjarjeve në këtë kapitull të ri. Krasinski shkroi, drejtoi, prodhoi dhe interpretoi në filmin e parë të serisë, përkrah bashkëshortes së tij, Emily Blunt, si dhe aktorëve Noah Jupe dhe Millicent Simmonds.

Filmat ndjekin mbijetues të ndryshëm në një botë të shkatërruar nga krijesa të rrezikshme që reagojnë ndaj zhurmës.

Vitin e kaluar u publikua filmi prequel “A Quiet Place: Day One”, me regji nga Michael Sarnoski dhe në rolin kryesor Lupita Nyong’o.

Continue Reading

Të kërkuara