Kronikë e zezë

Mjekët tregojnë për gjendjen shëndetësore të të plagosurit në Gjilan

Një person ka mbetur i vdekur.

Published

4 years ago

November 9, 2021

Betim Gashi

Gjendja e të plagosurit me armë zjarri në Gjilan është stabile dhe jashtë rrezikut për jetë. Kështu ka bërë të ditur drejtori i Ortopedisë në Klinikën e Qendrës Klinike Universitare të Kosovës (QKUK), Gani Jashanica.

“Ai është jashtë rrezikut për jetë, gjendja e përgjithshme është e mirë. Ka një plagë në regjionin e kofshës. Por diçka rrezik nuk ka, nuk ka asht të thyer”, tregoi Jashanica.

Ndërsa drejtori i Spitalit të Përgjithshëm në Gjilan, Arsim Emini tregoi se i plagosuri mori dy plagë me armë zjarri, por që për shkak të rrezikut për përkeqësim të gjendjes ai është dërguar për trajtim të mëtutjeshëm të QKUK.

“I ka pas dy plagë me armë zjarri në regjionin e ijëve, dhe për shkak të rrezikut të përkeqësimit të gjendjes ai është përcjellë më tutje në QKUK. Ai është nisur në gjendje stabile, me parametra stabile dhe në gjendje të vetëdijshme. Ai është dërguar në gjendje stabile në QKUK”, tregoi Emini.

Shkak i të shtënave me armë zjarri në lagjen “Arbëria” në Gjilan një person mbrëmjen e së hënës mbeti i vdekur. Ai ishte dërguar në spitalin e Gjilanit pa shenja jete.

Lajmin mbrëmë e ka konfirmuar nënkolonel Remzi Azemi, sipas të cilit rasti ka ndodhur pak para orës 21:00.

“Ka qenë një incident. Dyshohet se është përdorur arma e zjarrit dhe si pasojë një person ka vdekur dhe një tjetër është plagosur”, tha Azemi.

Sipas tij, ende nuk dihen rrethanat e incidentit dhe nuk ka persona të dyshuar, ndërkohë që policia ka nisur hetimet lidhur me zbardhjen e rastit.

Kronikë e zezë

Arrestohen dy të dyshuar për fajde në Prizren

Published

8 hours ago

February 20, 2026

UBTNews

Dy burra janë arrestuar në Prizren, nën dyshimin se kanë kryer veprën penale të fajdesë, duke e detyruar viktimën të paguajë kamatë mujore prej 100%.

Sipas Policisë së Kosovës, pas arrestimit dhe intervistimit, me vendim të prokurorit, të dyshuarit janë dërguar në mbajtje, ndërsa rasti po hetohet nga autoritetet kompetente.

Kronikë e zezë

Arrestohet serbi në Jarinje për ryshfet ndaj zyrtarit policor

Published

8 hours ago

February 20, 2026

UBTNews

Sipas raportit të fundit 24-orësh të Policisë së Kosovës, në Pikën e Kalimit Kufitar në Jarinje është arrestuar një i dyshuar, shtetas i Serbisë, pasi ka ofruar 50 euro ryshfet një zyrtari policor.

Policia bën të ditur se rasti ka ndodhur në PKK Jarinje, ku i dyshuari ka tentuar t’i japë para zyrtarit gjatë kryerjes së detyrës zyrtare.

Pas intervistimit, me vendim të prokurorit, i dyshuari është dërguar në mbajtje, ndërsa hetimet për këtë rast po vazhdojnë si “Dhënie e ryshfetit”.

Kronikë e zezë

Katër raste të dhunës në familje brenda 24 orëve

Published

9 hours ago

February 20, 2026

UBTNews

Sipas raportit njëditor të Policisë se Kosovës, në 24 orët e fundit janë regjistruar disa raste të dhunës në familje në Prishtinë dhe Pejë.

Në Prishtinë është raportuar se një person ka dëmtuar veturën e ish të dashurës së tij duke e goditur me shqelm. Viktima, nga frika, është larguar nga vendi i ngjarjes, ndërsa rasti është duke u hetuar.

Po ashtu në Prishtinë, një burrë i dyshuar është arrestuar pasi, pas një mosmarrëveshjeje, kishte sulmuar fizikisht bashkëshorten e tij, duke i shkaktuar lëndime trupore. Viktima ka pranuar tretman mjekësor, ndërsa me vendim të prokurorit kujdestar i dyshuari është dërguar në qendrën e mbajtjes.

Në Pejë, një tjetër i dyshuar është arrestuar pasi kishte sulmuar fizikisht bashkëshorten e tij pas një mosmarrëveshjeje. Me vendim të prokurorit ai është liruar në procedurë të rregullt.

Ndërkohë, në një raport shtesë për një rast tjetër në Pejë, policia ka njoftuar se i dyshuari është arrestuar dhe, pas intervistimit, me vendim të prokurorit është dërguar në mbajtje. Hetimet për rastet janë duke vazhduar.

Kronikë e zezë

Dy të arrestuar në Obiliq për armëmbajtje pa leje

Published

9 hours ago

February 20, 2026

UBTNews

Sipas raportit të Policisë se Kosovës, në 24 orët e fundit janë regjistruar dy raste të armëmbajtjes pa leje në Obiliq.

Rasti i parë ka ndodhur në fshatin Mazgit, Obiliq, ku është arrestuar një burrë i dyshuar, pasi gjatë kontrollit policor i është gjetur dhe sekuestruar një revole me 16 fishekë. Me vendim të prokurorit, pas intervistimit, i dyshuari është liruar në procedurë të rregullt.

Ndërkaq, në rrugën “Guri i Plakës” në Obiliq, është arrestuar një tjetër burrë i dyshuar, pasi gjatë kontrollit i është gjetur dhe konfiskuar një revole me 26 fishekë. Edhe në këtë rast, me vendim të prokurorit, i dyshuari është liruar në procedurë të rregullt, ndërsa rasti vazhdon në procedurë të rregullt.