Sport

Mirlind Daku golashënuesi më i mirë në futbollin kosovar që nga paslufta

Published

5 years ago

May 25, 2021

Betim Gashi

Mirlind Daku, futbollisti gjilanas ka hyrë në historinë e futbollit kosovar, duke e thyer rekordin e lojtarit Oto John në sezonin 2016/2017, prej 27 golave të shënuara brenda një sezoni që nga paslufta.

28 gola i mjaftonin që ta thyente këtë rekord, por ai nuk u ndal dhe në sezonin 2020/2021 shënoi plot 31 gola duke u bërë kështu golashënuesi më i mirë në futbollin kosovar.

23-vjeçari edhe pse i ri në moshë, e përmbushi njërin nga shumë synimet e tij. Gjithçka në rrugëtimin e tij sa të mirë po aq të vështirë filloi sa ishte pjesë e ekipit të Hajvalisë në sezonin 2016/2017, ku debutoi si 18-vjeçar.

Sulmuesi shtatëlartë ra në syrin e ekipit llapjan ku arriti ta thyejë portën e paprekur të tyre pas plot shtatë ndeshjeve, në minutat e fundit të ndeshjes së tetë të KF Llapit, Daku i Hajvalisë shënoi duke e prishur atë ecuri. Kështu duke e parë veçantinë dhe kapacitetin se sa mund të bënte ai u transferua në ekipin e KF Llapit duke u bërë sulmuesi kryesor i skuadrës.

Në sezonin 2017/2018 ai kishte shënuar 17 gola po aq sa kishte edhe një sulmues tjetër i superligës, Oto John.

“Përveç dekurajuese barazimi me gola me Oto John ka qenë shumë inkurajuese sepse vazhdova të punojë edhe më fort që një ditë të arrijë lart, aty ku dua unë”, tha ai.

Pas kësaj, ekipi kroat Osijek ishte radari tjetër i sulmuesit ku u transferua në verën e vitit 2018. Vështirësia e ambientimit aty bëri që të huazohej te ekipi shqiptar, Kukësi, e më pas erdhi po prapë në formë huazimi te KF Ballkani ku shkëlqeu pas shumë vështirësive.

“Frymëzimi kryesor ka qenë familja dhe shoqëria që kishin besim të plotë në mua pas asaj periudhe jo të mirë. U ktheva në superligën e Kosovës dhe i bëra këto arritjet personale që është ndjenjë e papërshkrueshme për mua, ndoshta edhe që erdhi pas kohës së vështirë nëpër të cilën kalova. Është krenari të hysh në historinë e futbollit të vendlindjes tënde, po ashtu është diçka që secili do e dëshironte”, shtoi ai.

Synimet e Dakut nuk ndalen me kaq, ai pret që karrierën ta vazhdojë jashtë Kosovës, në Evropë. Së pari do të shoh planet me ekipin e Osijekut pasi që ka kontratë aty, nëse përshtatet do të mbetet pjesë e ekipit kroat, e nëse jo do e shohim në ndonjë ekip tjetër evropian.

Për fund ai dha një mesazh për të gjithë ata që duan ta ndjekin rrugën e tij.

“Mos u dorëzoni asnjëherë, ndjekni ëndrrën tuaj, besoni në veten tuaj në mënyrën më të mirë të mundshme sepse një ditë do të arrini aty ku ju gjithmonë dëshironit”, përfundoi ai./UBTNews

(Alketë Zejnullahu, studente në Media dhe Komunikim në UBT)

Related Topics:Mirlind Daku futbolli kosovar

Up Next

Gattuso gjen punë të re si trajner

Don't Miss

Kështu janë vendosur skuadrat në vazot e Ligës së Kampionëve për sezonin 2011/22

Sport

Haxhiu pret Federatën e Kickbox-it pas suksesit në Kupën e Botës në Turqi

Published

16 hours ago

May 22, 2026

UBTNews

Ushtruesja e Detyrës së Presidentes së Kosovës, Albulena Haxhiu, ka pritur në takim përfaqësuesit e Federata e Kickbox-it të Kosovës, pas suksesit të sportistëve kosovarë në Turkish WAKO World Cup të mbajtur në Antalya.

Haxhiu vlerësoi paraqitjen e Kosovës në një nga ngjarjet më të mëdha ndërkombëtare të kickbox-it, ku morën pjesë rreth 3 mijë garues nga mbi 40 shtete të botës.

Në kuadër të këtij takimi, ajo ndau mirënjohje institucionale për federatën dhe sportistët që përfaqësuan Kosovën me sukses në këtë garë prestigjioze.

Sipas saj, Art Dulaj fitoi medaljen e artë në kategorinë “Full Contact”, duke regjistruar tri fitore me nokaut dhe duke dominuar konkurrencën.

Ndërkohë, Artor Mehmeti dhe Nart Mehmeti siguruan medalje të bronzta në disiplinën “Lowkick”, pasi arritën deri në gjysmëfinale me fitore bindëse 3:0.

Kosova u përfaqësua denjësisht edhe në aspektin e referimit, ku Albin Musa ishte pjesë e panelit ndërkombëtar të gjyqtarëve.

Haxhiu shprehu mirënjohje edhe për kryetarin e federatës Fatmir Makolli, si dhe për selektorët Nesret Salihaj dhe Ilir Menxhiqi, për kontributin dhe drejtimin profesional të ekipit.

“Ky sukses dëshmon se përfaqësimi dinjitoz i Kosovës ndërtohet me disiplinë, përkushtim dhe punë të përbashkët”, ka deklaruar Haxhiu.

Sport

Guardiola i jep fund epokës te City, largohet pas 10 vitesh historike

Published

16 hours ago

May 22, 2026

UBTNews

Pep Guardiola ka njoftuar largimin nga Manchester City F.C., duke i dhënë fund një epoke të jashtëzakonshme dhjetëvjeçare në futbollin anglez.

Trajneri spanjoll largohet nga “Etihad” një vit para përfundimit të kontratës së tij, pas një periudhe historike në të cilën fitoi plot 20 trofe dhe e shndërroi Manchester Cityn në një nga klubet më dominues në Evropë.

Vendimi i Guardiolës vjen pas një sezoni ku City fitoi FA Cup dhe EFL Cup, por humbi titullin e Premier League ndaj Arsenal F.C. së drejtuar nga Mikel Arteta, në një garë dramatike që u vendos vetëm në javët e fundit të kampionatit.

Gjatë qëndrimit të tij në Manchester, Guardiola zhvilloi 592 ndeshje dhe fitoi gjashtë tituj të Premier Ligës, tre Kupa FA, pesë Kupa të Ligës dhe tre Community Shield.

Kulmi i suksesit erdhi në vitin 2023, kur ai i solli Cityt trofeun e parë të UEFA Champions League në histori. Përveç kësaj, ai fitoi edhe UEFA Super Cup dhe FIFA Club World Cup.

Një tjetër moment historik ishte sezoni 2023/24, kur Guardiola udhëhoqi Manchester Cityn drejt titullit të katërt radhazi në Premier Ligë, duke e bërë klubin anglez të parin në histori që arrin një sukses të tillë.

E ardhmja e teknikut spanjoll mbetet ende e paqartë, megjithëse mediat evropiane e lidhin atë me mundësinë e drejtimit të kombëtares së Italy national football team.

Sipas raportimeve të shtypit anglez, pasuesi i Guardiolës pritet të jetë Enzo Maresca, ish-ndihmësi i tij, i cili ka krijuar përvojë si trajner te Leicester City F.C. dhe Chelsea F.C..

Sport

Bardghji mbetet jashtë Kupës së Botës, disiplinimi nga Potter trondit Suedinë

Published

17 hours ago

May 22, 2026

UBTNews

Vendimi i përzgjedhësit të Sweden national football team, Graham Potter, për ta lënë jashtë listës së Kupës së Botës talentin Roony Bardghji ka shkaktuar reagime të mëdha në opinionin sportiv suedez.

Sipas raportimeve të gazetës suedeze Aftonbladet, arsyeja e përjashtimit nuk lidhet me aspektin sportiv, por me sjelljen dhe disiplinën e futbollistit.

Konflikti mes Bardghjit dhe stafit teknik nisi që në muajin mars, kur sulmuesi i ri ishte pjesë e kombëtares, por nuk mori asnjë minutë lojë. Kjo bëri që ai të kërkonte me tone të ashpra një shpjegim nga trajnerët për statusin e tij në ekip.

Situata u tensionua edhe më shumë gjatë darkës festive të organizuar pas kualifikimit të Suedisë në Kupën e Botës. Sipas raportimeve, Bardghji shfaqi pakënaqësi të dukshme dhe nuk iu bashkua atmosferës festive të skuadrës, gjë që u interpretua negativisht nga stafi teknik.

Potter besohet se ka vlerësuar se sjellja e lojtarit vinte interesat personale mbi ato të ekipit, duke ndikuar në harmoninë e grupit dhe atmosferën në dhomat e zhveshjes.

I njohur për filozofinë e tij se disiplina dhe uniteti i skuadrës janë mbi individualitetin, trajneri suedez mori vendimin drastik për ta lënë 20-vjeçarin jashtë turneut më të madh të futbollit.

Ky përjashtim konsiderohet një goditje e rëndë për Bardghjin, i cili pas transferimit te FC Barcelona nga FC Copenhagen verën e kaluar për 2.5 milionë euro, zhvilloi një sezon pozitiv me klubin katalanas.

Me fanellën e Barcelonës këtë edicion, Bardghji regjistroi 28 paraqitje në të gjitha garat, duke realizuar katër gola dhe dy asistime, statistika që e kishin bërë atë një nga emrat më të përfolur për listën e Kupës së Botës.

Sport

Tuchel publikon listën e Anglisë për Kupën e Botës, shumë yje mbeten jashtë

Published

22 hours ago

May 22, 2026

UBTNews

Trajneri i Kombëtares së Anglisë në futboll, Thomas Tuchel, ka publikuar listën e futbollistëve të ftuar për Kupën e Botës, ndërsa përzgjedhja e tij ka sjellë shumë surpriza dhe mungesa të bujshme.

Siç pritej, në listën e publikuar mungojnë disa prej emrave më të njohur të futbollit anglez, përfshirë Cole Palmer, Phil Foden, Morgan Gibbs-White, Harry Maguire, Lewis Hall dhe Trent Alexander-Arnold.

Në anën tjetër, Tuchel ka vendosur t’u besojë disa lojtarëve me përvojë, duke rikthyer në ekip veteranë si Jordan Henderson dhe Dan Burn.

Një tjetër emër që ka tërhequr vëmendje është ai i Noni Madueke, futbollistit të Arsenal F.C., i cili ka siguruar një vend në listën përfundimtare.

Po ashtu, befasi konsiderohet edhe ftesa për John Stones, i cili përfshihet në skuadër pavarësisht spekulimeve për mungesën e tij.

Publikimi i listës ka nxitur reagime të shumta në opinionin sportiv anglez, ndërsa mbetet të shihet nëse zgjedhjet e Tuchel do t’i sjellin sukses Anglisë në turneun më të madh të futbollit botëror.