Aktualitet

Ministrja Ibrahimaj: Rritja e pagave, pjesë e paketës së dytë të rezistencës sociale në Shqipëri

Sipas saj, kriza ekonomike pritet të vazhdojë edhe vitin e ardhshëm.

Published

3 years ago

on

Ministrja e Financave dhe Ekonomisë, Delina Ibrahimaj deklaroi sot se rritja e pagave për disa kategori, është pjesë e paketës së dytë të rezistencës sociale.

Në një intervistë, Ibrahimaj u shpreh se ky vendim u mor për shkak se kriza ekonomike pritet që të vazhdojë edhe vitin e ardhshëm.

“Rritjet e pagave që kaluan dje me vendim të Këshillit të Ministrave, janë pjesë e paketës së rezistencës numër 2, që qeveria ka ndërmarrë në këtë vjeshtë. Na u desh të merrnim një vendim, nëse do të ecnim me një paketë të ngjashme me paketën e parë, e cila kishte karakter të përkohshëm, apo do të merrnim një vendim për disa masa apo iniciativa ligjore që do kishin karakter të përhershëm. Duke parë situatën ekonomike, krizën e cila me shumë gjasa do vazhdojë edhe për vitin e ardhshëm, ne vendosëm të marrim këto masa, rritje pagash, indeksim për herë të dytë të pensioneve brenda një viti, që është hera e parë që ndodh, rritje të ndihmës ekonomike, rritje për herë të dytë të pagës minimale, etj”, u shpreh ajo.

Ibrahimaj vuri theksin në faktin se qeveria shqiptare ka mbështetur buxhetet familjare dhe ato të biznesit të vogël dhe të mesëm edhe përmes subvencionit të çmimit të energjisë elektrike.

“Nëse nuk do të kishim subvencionuar çmimin e energjisë, por të kishim vepruar si shumë vende të tjera, duke transferuar rritjen e çmimit te konsumatori shpenzimet e buxheteve familjare dhe kostot e prodhimit të produkteve shqiptare do të ishin rritur ndjeshëm dhe do të përballeshim me ngadalësim të konsumit dhe aktivitetit ekonomik vendas. Ndërsa inflacioni nuk do të mund të ishte mbajtur në këtë nivel që në fakt është më i ulëti në rajon. Ne kemi bërë maksimumin duke konsideruar që Shqipëria vjen pas dy krizave të njëpasnjëshme, tërmetit dhe pandemisë”, deklaroi ministrja.

Ibrahimaj theksoi se viti 2023 ka pasiguri të larta që lidhen jo me situatën ekonomike të vendit tone, por të vendeve të rajonit, partnerëve tregtarë, që sipas saj, në mënyrë të pashmangshme ndikon edhe në ekonominë tonë.

Këshilli i Ministrave vendosi ditën e djeshme rritje të pagave për punonjësit në Policinë e Shtetit, Policinë e Burgjeve, zjarrfikëset dhe administratën publike.

Related Topics:
Continue Reading

Aktualitet

Bëhet publike letra me të cilën Albin Kurti e paralajmëroi dorëheqjen

Published

18 hours ago

on

April 15, 2025

By

Kreu i Lëvizjes Vetëvendosje, Albin Kurti, ka dhënë dorëheqje nga posti i kryeministrit, në mënyrë që të mund të bëjë betimin si deputet i legjislaturës së nëntë.

Dorëheqje kanë dhënë edhe anëtarët e tjerë të Qeverisë në detyrë të Kosovës, që janë zgjedhur deputetë në zgjedhjet e 9 shkurtit.

Ndërkohë nuk është miratuar raporti i komisionit të përkohshëm për verifikimin e mandateve të deputetëve në Kosovë.

Kjo është hera e parë që ndodhë një gjë e tillë, e çon në ndërprerjen e seancës konstituive.

Një pjesë e deputetëve janë larguar nga salla e seancave plenare. Ndërkohë që anëtarët e komisionit janë duke diskutuar me kryesuesin e seancës për të vendosur si do të vazhdohet më tej.

 

Continue Reading

Aktualitet

Kusari Lila: PDK, LDK, AAK dhe Lista Serbe votuan së bashku kundër mandateve të tyre

Published

18 hours ago

on

April 15, 2025

By

Deputetja e Kuvendit të Kosovës, Mimoza Kusari-Lila ka reaguar pas mos konsituimit të kuvendit. Ajo tha se kjo po ndodh për herë të parë duke i fajësuar deputet nga opozita dhe Lista Serbe.

“Për herë të parë në Kosovë, opozita aktuale dhe ajo e ardhshme nuk e voton raportin për certifikimin e rezultateve dhe konfirmimin e mandateve.

“PDK, LDK, AAK dhe Lista Serbe votuan së bashku kundër konstituimit të Kuvendit – pra edhe kundër mandateve të tyre. Me këtë veprim, sot, përmes një tjetër shfaqjeje të paaftësisë së tyre të vazhdueshme, treguan se nuk e pranojnë më rezultatin e zgjedhjeve që vetë e kishin pranuar dhe votuar në KQZ”, ka shkruar Kusari Lila.

 

Continue Reading

Aktualitet

Krasniqi: Nuk do të lejojmë që të fillojë legjislatura e re me shkelje të Kushtetutës

Published

18 hours ago

on

April 15, 2025

By

Kryetari i Partisë Demokratike të Kosovës, Memli Krasniqi, është deklaruar pasi ka dështuar të bëhet konstituimi i Kuvendit.

Krasniqi para mediave deklaroi se është e paprecedentë situate që ka krijuar Lëvizja Vetëvendosje, transmeton Telegrafi.

“Vetë e kanë miratuar ligjin pa votat tona, edhe në atë ligj e kanë shkruar vetë se nuk mundet kryeministri dhe ministrat e ekzekutivit me u betu si deputet, është çështje shumë e thjeshtë. Logjika e tyre me shkel Kushtetutën me çdo kusht është logjikë që nuk mundet me kalu në Kuvendin e Kosovës”, ka thënë Krasniqi.

Ai ka deklaruar tutje se LVV që katër vjet ka shkelur Kushtetutën.

“Nuk do të lejojmë të fillojë legjislatura e re me shkelje të Kushtetutës”, u shpreh ai.

Kryesuesi i seancës së Kuvendit, Avni Dehari ka ndërprerë seancën konstituive të Kuvendit. Dehari tha se pas situatës së krijuar me mosvotimin e raportit për konfirmimin e mandatave, seanca ndërpritet.

“Për shkak të rrethanave të krijuara meqë raporti i komisionit nuk mori votat e mjaftueshme në këto rrethana duhet ta ndërpresim seancën dhe me një letër ta njoftojmë presidenten sesi do të vijohet tutje”, tha Dehari.

Raporti i Komisionit të përkohshëm për verifikimin e mandateve nuk kaloi. 52 deputetë ishin pro, 46 kundër e 11 abstenuan.

Continue Reading

Aktualitet

Ndërpritet seanca konstituive

Published

19 hours ago

on

April 15, 2025

By

Seanca konstituive e Kuvendit të Kosovës edhe pse ishte paraparë të fillonte në ora 10:00, ende nuk ka filluar pas një ore vonesë.

Kryesuesi i seancës Avni Dehari tha se ndërpritet senaca konstituive pas mosmiratimit të raportit të Komisionit të përkohshëm për verifikimin e mandateve.

UBT News do të ju mbajë të informuar në kohë reale. /UBT News/

 

Continue Reading

Të kërkuara