Lajmet
Ministria e Arsimit inkurajon vetëdijesimin shëndetësor në shkolla
Pa arsim nuk ka zhvillim, dhe pa edukim nuk ka industri. Kjo është e vërteta historike që shoqëron rrugëtimin e secilit individ të formuar, ka thënë ministrja e Arsimit, Arbërie Nagavci në “Simpoziumin e Teknologjisë Mjekësore” ku po marrin pjesë personalitete të fushave mjekësore nga tërë Kosova, si dhe profesorë, kirurgë, hulumtues nga universitete prestigjioze të Mbretërisë së Bashkuar.
Nagavci theksoi se shëndeti është gjëja më e rëndësishme në jetë, por edukimi është bazamenti i një jete të shëndetshme dhe të suksesshme.
Nagavci tha se ky Simpozium, i pari i llojit të vet në Kosovë dhe në rajon, është fryt i vullnetit tonë politik për të krijuar kushte për përmirësimin e jetës së qytetarëve tanë.
“Që nga marrja e mandatit qeverisës, në Ministrinë e Arsimit dhe Qeverinë e Kosovës në tërësi kemi punuar fort e pa u ndalur drejt përmirësimit të jetës në Kosovë. Si Ministri pa dyshim që fushëveprimi ynë shtrihet në fushën e arsimit, në të gjitha nivelet e tij. Njëkohësisht e kemi të qartë që nismat madhore nuk realizohen vetëm, por kërkohet bashkëpunim institucional dhe ndërsektorial. Kjo është arsyeja pse, së bashku me Ministrinë e Shëndetësisë, dhe me Ministrin Vitia në veçanti, vendosëm të organizojmë këtë Simpozium. Jemi me fat që sot kemi arritur të sjellim personalitete të fushave mjekësore nga tërë Kosova, si dhe mysafirë specialë profesorë, kirurgë, hulumtues nga universitete prestigjioze të Mbretërisë së Bashkuar. Një përshëndetje e veçantë për mysafirët tanë të huaj, të cilët vijnë për herë të parë në Kosovë. Jam e bindur se do të krijoni lidhje të forta me vendin tonë, qoftë profesionalisht, qoftë personalisht”, tha ajo.
Nagavci ka potencuar se në Ministrinë e Arsimit theks i shtuar i është vënë tek ndërkombëtarizimit të arsimit të lartë.
“Këtë e kemi realizuar përmes universiteteve tona publike, por edhe duke ofruar mbështetje në forma të ndryshme duke mbështetur me bursa për herë të parë vajzat që studiojnë në fushat STEM. Qëllimi është të inkurajojmë vajzat të zhvillojnë potencialin e tyre në fusha tradicionalisht të mbizotëruara nga djemtë, por njëkohësisht edhe të krijojmë hapësira që inxhinieret e ardhshme të kontribuojnë në adresimin e nevojave edukative dhe shëndetësore të qytetarëve tanë. Që në fillim të mandatit tonë kemi rikthyer në funksionim Këshillin Kombëtar të Shkencës, duke e ringjallur këtë organ tepër të rëndësishëm pas një dekade pasivitet. Në këtë kuadër, kemi miratuar edhe Programin Kombëtar të Shkencës 2023-2028, dhe kemi aprovuar Koncept-Dokumentin për Veprimtarinë Kërkimore-Shkencore. Javën e kaluar mbajtëm një tryezë me shkencëtarë dhe hulumtues të vendit, me qëllim të zbatimit praktik të Programit Kombëtar të Shkencës dhe përcaktimit konkret të fushave prioritare dhe sektorëve me rëndësi shtetërore dhe kombëtare”, tha ajo.
Po në kuadër të avancimit të universiteteve tona, dhe me synim mobilitetin e shtuar të studentëve dhe stafit akademik, ajo tha Kosova u anëtarësua në Horizon Europe, programi më i madh i Bashkimit Evropian për kërkim dhe inovacion.
“Këtë vit, me mbështetjen po të BE-së, ka marrë hov projekti për njohjen e kualifikimeve profesionale dhe profesionet e rregulluara, mes të cilëve është edhe profesioni i mjekut. Kjo do të krijojë mundësi dhe hapësira të shtuara që profesionistët shëndetësorë të mund të veprojnë lirshëm brenda dhe jashtë Kosovës, duke shkëmbyer dhe marrë përvoja nga kolegët e tyre kudo që ndodhen”.
Sipas saj Ministria e Arsimit në vazhdimësi promovon dhe inkurajon vetëdijesimin shëndetësor në shkolla përmes aktiviteteve kurrikulare dhe ndër-kurrikulare.
“Të njëjtat parime i ndjekim edhe në arsimin e lartë përmes ndërkombëtarizimit të universiteteve, të hulumtimeve shkencore, krijimit të platformave ku profesionistët të ndajnë punën dhe arritjet e tyre. Ky Simpozium bashkon ekspertë të nivelit të lartë, hulumtues dhe profesionistë të industrisë së implanteve ortopedike, për të diskutuar zhvillimet e fundit në këtë fushë shkencore aq të nevojshme sot. Këtu më së miri ndërthuren akademia me industrinë, meqenëse kërkimet e kanë pikënisjen në auditorët universitare, për të vazhduar më tej në laboratorët dhe qendrat e testimit. Pa arsim nuk ka zhvillim, dhe pa edukim nuk ka industri. Kjo është e vërteta historike që shoqëron rrugëtimin e secilit individ të formuar”, tha Nagavci.
Ministri i Shëndetësisë, Arben Vitia ka thënë se shpreson se simpozium ky do të jetë hapi i parë në edukimin, në rrjetëzimin e profesionistëve tanë dhe bërjen e teknologjisë si pjesë të pandashme, siç është dhe sot në shkencat mjekësore.
“Përparimet në fushën e implanteve ortopedike janë një dëshmi e mundësive të mëdha që teknologjia dhe inxhinieria mjekësore ofrojnë në përmirësimin e kujdesit shëndetësor dhe cilësisë së shëndetit të pacientëve tanë. Si MSH kemi për qëllim të mbështesim zhvillimin e avancimin e teknologjive të avancuara mjekësore për të përmirësuar cilësinë e kujdesit shëndetësor në vendin tonë. Përpjekjet tona janë të fokusuar në forcimin e infrastrukturës shëndetësore, përmirësimin e trajnimeve dhe rritjen e qasjes në pajisje dhe teknologji moderne mjekësore”, tha Vitia.
Sipas tij, simpoziumi është mundësi e shkëlqyer për të ndarë të gjitha eksperiencat e fundit në këtë fushë e për të diskutuar sfidat që paraqiten para tyre.
“Përparimet në fushën e implanteve ortopedike janë një dëshmi e mundësive të mëdha që teknologjia dhe inxhinieria mjekësore ofrojnë në përmirësimin e kujdesit shëndetësor dhe cilësisë së shëndetit të pacientëve tanë. Si MSH kemi për qëllim të mbështesim zhvillimin e avancimin e teknologjive të avancuara mjekësore për të përmirësuar cilësinë e kujdesit shëndetësor në vendin tonë. Përpjekjet tona janë të fokusuar në forcimin e infrastrukturës shëndetësore, përmirësimin e trajnimeve dhe rritjen e qasjes në pajisje dhe teknologji moderne mjekësore”, tha ai.
Aktualitet
A janë sëmundjet e zemrës trashëgimore dhe si ndikon diabeti? Flet kardiologu Edis Demiri
Seti i njohur i serialit “Teletubbies” duket i panjohur 24 vjet pas përfundimit të shfaqjes, pasi pronari i tokës ka bërë ndryshim të madh.
Seriali popullor për fëmijë u transmetua fillimisht në BBC Two nga viti 1997 deri në 2001. Gjatë kësaj periudhe, xhirimet për serinë u realizuan në Wimpstone, Warwickshire.
Më shumë se dy dekada më vonë, vendi duket shumë ndryshe që nga hera e fundit kur u xhirua “Teletubbies” atje, shkruan The Sun.
Një video e shpërndarë në Instagram tregoi se deri në vitin 2007 – gjashtë vjet pas përfundimit të shfaqjes – pronari i tokës kishte krijuar një pellg gjigant për të parandaluar hyrjen e të huajve.
Deri më 2025, toka mbetet e zbrazët, edhe pse pronarët menaxhojnë një fermë dhe dyqan me produkte ujore pranë saj. Një fans shkroi: “Trishtim. Ishte shumë e rëndësishme në atë kohë. Mund të kishte qenë një destinacion turistik. Shumë fëmijë, tani të rritur, janë rritur me të”.
Një tjetër komentoi: “Fakti që gjithçka u xhirua në atë copë të vogël toke është e pabesueshme”.
Një i tretë shtoi: “Njerëzit nuk e kuptojnë që ata janë fermerë dhe nuk u intereson paratë që mund të fitonin duke shitur bileta për vizitorët nostalgjikë – ata thjesht duan paqe”.
Një i katërt: “Imagjino dikë që e donte “Teletubbies” të kishte blerë atë tokë, të shkarkonte pellgun dhe të ringjallte të gjithë setin, duke e kthyer në muze?”.
Vitin e kaluar, një nga yjet e shfaqjes u shfaq në emisionin “This Morning” me fëmijën e saj.
Jess Smith, tani 30, është e njohur për rolin si bebi në diell në shfaqjen për fëmijë. Ajo me kolegët Nikki Smedley (Laa-Laa) e John Simmit (Dispy), rikujtuan kohën e tyre në “Teletubbies”. Jess u shoqërua nga vajza, Poppy, që atëherë ishte pesë muajshe, u pyet nëse i tregon miqve për famën e saj gjatë fëmijërisë.
Jess tha: “Nuk ua them unë, por të gjithë që janë me mua e dinë, kështu që të tjerët ua tregojnë gjithkujt. Partneri im Ricky ua thotë të gjithëve, po ashtu familja e tij, edhe familja ime. Të gjithë ua tregojnë të gjithëve, kështu që nuk ka rëndësi ku shkoj, të gjithë e dinë”.
Studimi: Bakteret e zorrëve mund të lidhen me pagjumësi
Studim: Chip i trurit deshifron mendimet me saktësi deri në 74%
E dini kur është koha ideale për të pirë kafe?
Në konferencën e parë te Milani, Jashari: Rrënjët shqiptare më japin forcë, Xhaka mbetet shembull i madh për mua
Shëndeti mendor, praktikat që ndihmojnë në luftën kundër ankthit dhe stresit
Johnny Depp në bisedime për rikthim në filmin “Piratët e Karaibeve”
UBT përgatit liderët e ardhshëm të fushës paramjekësore
Këshilla si të kërkoni rritje page
A janë sëmundjet e zemrës trashëgimore dhe si ndikon diabeti? Flet kardiologu Edis Demiri
-
Lajmet nga UBT2 months agoUBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT2 months agoUBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT2 months agoUBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Lajmet nga UBT3 months agoUBT organizoi Akademi Përkujtimore në nder të Prof. Dr. Naser Kamberit