Lajmet

Ministri Latifi: 130 mjekë e 160 infermierë janë të infektuar me COVID-19

Sipas tij, numri i të hospitalizuarve vazhdon të jetë i ulët dhe i menaxhueshëm.

Published

4 years ago

on

Ministri i Shëndetësisë, Rifat Latifi, u është përgjigjur akuzave të opozitës për masat në fuqi antiCOVID-19 duke thënë se ato janë marrë në konsultim me të gjitha palët.

Në seancën e sotme plenare mbi pandeminë, ministri Latifi ka deklaruar se përkundër rritjes së shpejtë të rasteve pozitive me COVID-19, numri i të hospitalizuarve vazhdon të jetë i ulët dhe i menaxhueshëm, teksa ka ngritur si shqetësim numrin e mjekëve dhe infermierëve të infektuar me koronavirus.

“Sipas të dhënave të SHSKUK-së dhe QKUK në të gjitha spitalet tona janë trajtim 181 pacientë prej tyre 149 me COVID të konfirmuar dhe vetëm dy në kujdesin intensiv. Unë pajtohem sërish dhe plotësisht me kolegun tim Dreshaj që ne duhet të rritim numrin dhe kualitetet e shërbimeve të kujdesit intensiv në Kosovë. Elementi i tretë që ne jemi duke u bazuar është numri i punëtorëve shëndetësorë të infektuar me COVID, përkatësisht aftësia e sistemit shëndetësor t’i përballojë një fluksi të madh të mundshëm. Sipas të dhënave të djeshme, ne kemi pasur mbi 130 mjekë dhe 160 infermierë të infektuar, por në bazë të evidencës me omicron dhe praktikave të menaxhimit që filloi në SHBA, ne e kemi shkurtuar afatin në punë në pesë ditë nëse janë pa simptoma klinike”, tha ai.

Ministri Latifi kërkoi nga deputetët që të diskutojnë për transformimin e shëndetësisë kosovare në të ardhmen, ku në qendër të vëmendjes do të jetë pacienti.

“Në Kosovë ne kemi zgjedhur një rrugë më të moderuar kemi vendosur kufizime në sektorë të caktuar që janë me rrezik të lartë dhe po presim të shohim se si po zhvillohet situata në spitalet tona. Natyrisht që për çdo ditë e vlerësojmë këtë dhe do t’i marrim masat konform zhvillimeve… Si shumë të këqija tjera që i kanë ngjarë Kosovës edhe kjo do të përfundojë, por herën tjetër kisha dëshiruar jashtëzakonisht shumë që të ulemi në këtë dhomë të shenjtë dhe të merremi vesh se si ta transformojmë shëndetësinë e Kosovës për të diskutuar transformimin e shëndetësisë dhe shkencës mjekësore që është neglizhuar për tri dekada dhe në qendër të vëmendjes të kemi pacientin, dhe e gjithë kjo të menaxhohet nga një ekip i shkëlqyeshëm i mjekëve dhe shkencëtarëve tanë të Kosovës”, u shpreh Latifi. 

Related Topics:
Continue Reading

Lajmet

Ky është rezultati nga rinumërimi i 120 vendvotimeve

Published

3 hours ago

on

January 15, 2026

By

Komisioni Qendror i Zgjedhjeve (KQZ) ka rinumëruar 120 vendvotime nga 914 gjithsej.

Bazuar në përditësimin e fundit, VV ka fituar 46.19% të votave.

PDK renditet e dyta me 21.42%, LDK e treta me 14.40% dhe AAK ka marrë plot 7.21% të votave, deri më tani gjatë procesit të rinumërimi.

Continue Reading

Lajmet

Hykmete Bajrami jep dorëheqje nga pozita e nënkryetares së LDK-së, kërkon edhe dorëheqjen e Abdixhikut

Published

18 hours ago

on

January 14, 2026

By

Hykmete Bajrami ka dhënë dorëheqje të parevokueshme nga pozita e nënkryetares së Lidhjes Demokratike (LDK), dhe në të njëjtën kohë ka kërkuar dorëheqjen e kryetarit të partisë, Lumir Abdixhiku, kanë thënë dy burime të ndryshme brenda kryesisë së kësaj partie.

Sipas këtyre burimeve, Bajrami e ka prezantuar vendimin e saj në takimin joformal të strukturave drejtuese të LDK-së, që është mbajtur të martën pasdite.

“Znj. Bajrami ka dorëzuar dorëheqjen e parevokushme nga pozita e nënkryetares dhe ka kërkuar që njëjtë të veprojnë edhe kryetari Abdixhiku dhe kryesia e ngushtë. Ajo ka këmbëngulur se struktura drejtuese ka humbur legjitimitetin, pas rezultatit të LDK-së në zgjedhjet e parakohshme të 28 dhjetorit si dhe ka kërkuar të veprohet konform standardit të krijuar në LDK”, ka thënë një nga pjesëmarrësit në takim.

Bajrami arsyet i ka listuar në një letër që e ka deponuar në parti.

Para takimit të së martës, ajo refuzoi të deklarohet për media dhe tha se qëndrimin do ta japë pas takimit. Por, deri tash nuk e ka bërë këtë.

Në zgjedhjet e fundit, LDK-ja ka siguruar vetëm 13.23 për qind të votave, 5 pikë të përqindjes më pak se në zgjedhjet e shkurtit të 2025-s.

Në legjislaturën e dhjetë, LDK-ja do të përfaqësohet me 15 deputetë, 5 më pak se në parapraken. Nga kandidatët e LDK-së, Bajrami u rëndit e dyta me 57 mijë vota.

Continue Reading

Lajmet

Workshop Online për validimin e profileve profesionale në sistemin e drejtësisë së të miturve

Published

19 hours ago

on

January 14, 2026

By

Në kuadër të projektit CORE-ED ACADEMY, UBT, në bashkëpunim me universitete të tjera partnere, organizoi një workshop online për diskutimin dhe validimin e profileve profesionale në sistemin e drejtësisë së të miturve.

Workshopi u moderua nga Prodekanja Prof. Asoc. Egzone Osmanaj dhe pati pjesëmarrjen e përfaqësuesve nga:

  • Shërbimi Korrektues i Kosovës
  • Shërbimi Sprovues i Kosovës
  • Profesorë nga Fakulteti Juridik në UBT, etj.

Ky aktivitet synon të përmirësojë praktikën profesionale në trajtimin e çështjeve të të miturve dhe të fuqizojë bashkëpunimin ndërinstitucional në këtë fushë.

Continue Reading

Lajmet

PDK në ora 17:00 mban konferencë për media

Published

20 hours ago

on

January 14, 2026

By

Partia Demokratike e Kosovës do të mbajë sot konferencë për media sot në ora 17:00.

Nëpërmjet një komunikate për media, nuk janë bërë të ditura arsyet.

Continue Reading

Të kërkuara