Lajmet

Ministri i Pushtetit Lokal për asociacionin: S’mund ta shkelim Kushtetutën të kemi institucion një etnik

Duke cituar kreun e Qeverisë, Albin Kurti, ai thotë se varianti i propozuar më herët përbën shkelje të Kushtetutës.

Published

4 years ago

June 19, 2021

Betim Gashi

Ministri i Administrimit të Pushtetit Lokal, Elbert Krasniqi në një intervistë për Ekonomia Online ka thënë se në një shtet multi-etnik nuk mund të ketë një institucion një etnik, kjo duke iu referuar asociacionit të komunave me shumicë serbe.

Duke cituar kreun e Qeverisë, Albin Kurti, ai thotë se varianti i propozuar më herët përbën shkelje të Kushtetutës.

“Besoj që kryeministri Kurti ka qenë vazhdimisht i qartë në këtë temë dhe unë po e theksoj faktin që nuk mundemi që në një shtet multi-etnik të kemi një institucion një etnik”.

“…varianti i propozuar më herët ka shkelje Kushtetuese kështu që ne nuk mund që me veprimet tona të jemi në dis-harmoni me shtetin tonë sa i përket asociacionit”.

Ai ka folur edhe për zgjedhjet lokale që do të mbahen me 17 tetor, duke sqaruar se janë në komunikim të vazhdueshëm me kryetarët aktual të komunave që ky proces të shkojë në rregull.

“Po vazhdojmë të kemi komunikime të vazhdueshme me kryetarët e komunave, procesi i zgjedhjeve është para nesh, ne si ministri kemi kompetencat e përcaktuara në këtë pjesë, kështu që presim që ky proces të shkojë mirë dhe të organizohet mirë nga KQZ-ja dhe të fillojnë administratat e reja komunale të punojnë, por që besoj deri atëherë kemi kohë të punojë me gjithë kryetarët që janë aktualisht në detyrë”.

Sa i përket pasojave të pandemisë ia tha se do të përgatisin një pasqyrë reale në mënyrë që në vitin e ardhshëm në kuadër të ministrisë të organizohen takime ku kryetarët e komunave mund të gjejnë donatorë dhe investitorë.

“Deshëm apo nuk deshëm pandemia ka qenë njëra prej punëve tona kryesore, sigurisht të koordinuara me ministrinë e shëndetësisë në aspektin lokal ne kemi organizuar disa takime me ministrin dhe diskutimin me kryetarët e komunave dhe fillimisht i kemi njoftuar kryetarët e komunave faktin që ata gjithmonë kanë qenë në vijën e parë të frontit në ballafaqimin me situatën pandemike dhe jemi koordinuar për proceset të cilat janë marrë në nivel qendror dhe cilat kanë pasur efekt nacional”.

“…ku diskutimi ka qenë edhe rreth studimit të pandemisë që dëshirojmë t’i bëjmë në 38 komuna ku tashmë kemi filluar me grupet e para punuese për një studim që dëshirojmë ta bëjmë në këto komuna për të kuptuar drejtë se cili është efekti i nivelit lokal në pandemi në aspektin edhe të ofrimit të shërbimeve të qytetarëve dhe kështu të përgatisin një pasqyrë reale për efektet të cilat pandemia i ka lënë në nivelin lokal, dhe mandej është në planin tonë është që në vitin e ardhshëm në kuadër të ministrisë tonë të organizojmë një moment ku kryetarët e komunave mund të gjejnë donatorë dhe investitorë për një rifillim të mirë pas pandemisë”.

Ai ka folur edhe për punë e paraardhësve të tij, duke thënë se kjo ministri është udhëhequr më shumë nga sekretari dhe se ka probleme me stafin.

“Jemi mësuar me idenë që kudo që vjen një ministër, ka kritika për ministrin e kaluar dhe për Qeverinë e kaluar, por me të vërtetë në ministrinë që unë udhëhiqi ka më shumë se sa mjaftueshëm arsye që të ketë kritika, fakti që një ministër më herët këtu nuk është marrë me menaxhimin e ministrisë, mirëpo kjo ministri është menaxhuar më shumë nga sekretari apo ushtruesi i detyrës që është një problem shtesë dhe stafi sesa nga niveli politik, kështu që ka probleme të mjaftueshme ka kaluar koha kur ne flasim vetëm për ato probleme si diçka që i kemi gjetur, por që tani jemi në procesin e marrjes edhe veprimeve të duhura për të gjetur zgjidhjen e gjithë këtyre problemeve, ne tani kemi hapur mundësinë për sekretar dhe të mbulohen edhe pozicione të tjera. Si ministër jam shumë i interesuar që procesi i sekretarit të jetë shumë transparent dhe të zgjidhet pa ndikime të asnjë lloji”.

Kur se tash ai tha se pas skenimit të gjendjes në ministri janë të gatshëm të implementojnë aktivitet dhe objektivat zhvillimore, raporton EO.

“Tashmë disa muaj kaluan dhe jemi shumë afër edhe 100-ditëshit kështu që nuk është edhe krejt fillimi, mirëpo disa procese edhe ende janë në fillim për shkak edhe të natyrës së zgjidhjes së problematikave. Kemi pasur kohë të mjaftueshme edhe të skanojmë situatën brenda ministrisë edhe t’i barazojmë me idetë zhvillimore që ne i kemi pasur për këtë ministri, kështu që kjo kohë ka qenë produktive dhe ne tani jemi në implementim e sipër të aktiviteteve tona të cilat janë votuar edhe në objektivat e Qeverisë për mandatin tonë”.

Lajmet

Ditë e natë në terren, forcat e NATO-s dërgojnë mesazh stabiliteti

Published

5 hours ago

December 16, 2025

UBTnews

Ushtarët gjermanë të caktuar në Komandën Rajonale-Lindje (RC-E) të misionit të KFOR-it, të udhëhequr nga NATO, po vazhdojnë patrullimet e tyre të rregullta ditën dhe natën në disa komuna brenda zonës së përgjegjësisë.

Sipas njoftimit, këto patrullime sigurojnë një prani të dukshme dhe qetësuese në terren, rrisin ndërgjegjësimin situativ dhe kontribuojnë drejtpërdrejt në ruajtjen e stabilitetit rajonal. Patrullat janë pjesë thelbësore e misionit të vazhdueshëm të KFOR-it për të garantuar një mjedis të sigurt dhe të qëndrueshëm për të gjithë qytetarët që jetojnë në Kosovë.

KFOR-i thekson se vazhdon zbatimin e mandatit të tij, të bazuar në Rezolutën 1244 të Këshillit të Sigurimit të Kombeve të Bashkuara të vitit 1999, me qëllim sigurimin e një ambienti të qetë dhe të sigurt, si dhe garantimin e lirisë së lëvizjes për të gjithë, në çdo kohë.

Po ashtu, KFOR-i vepron në koordinim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre përkatëse si reagues të sigurisë, duke synuar ruajtjen e paqes dhe stabilitetit në vend.

Lajmet

Nesër samiti mes BE-së dhe Ballkanit Perëndimor, Rama niset drejt Brukselit

Published

5 hours ago

December 16, 2025

UBTnews

Kryeministri Edi Rama është nisur pasditen e kësaj të marte drejt Brukselit. Rama nesër do të marrë pjesë në samitin mes BE dhe vendeve te Ballkanit Perëndimor.

Takimi pritet të përqëndrohet në gjetjet më të fundit të paketës së zgjerimit 2025. Gjatë takimit do të dikutohet edhe Plani i Rritjes për Ballkanin Perëndimor prej 6 miliard eurosh.

Ndërkaq, nga Kosova europianët i çuan ftesë presidentes Vjosa Osmani, e cila ka konfirmuar se do të marrë pjesë në këtë samit.

Lajmet

Spiropali në Greqi, rihapet dialogu për kufirin detar

Published

5 hours ago

December 16, 2025

UBTnews

Ministrja e Jashtme e Shqipërisë, Elisa Spiropali nisi sot një vizitë dyditore në Greqi me ftesë të homologut grek, George Gerapetritis. Vizita e Ministres Spiropali nisi në Presidencën greke, ku u prit nga Presidenti Konstantinos Tasoulas.

Gjatë takimit Spiropali theksoi se “Shqipëria beson fort se nën udhëheqjen greke të Presidencës së BE, Ballkani Perëndimor do të mbetet në krye të agjendës europiane”.

Më pas Spiropali zhvilloi një takim dypalësh me homologun e saj Gerapetritis, të fokusuar në forcimin e marrëdhënieve ndërmjet Shqipërisë dhe Greqisë. Në konferencën për shtyp, Spiropali tha se Greqia duhet të heqë ligjin e luftës, duke theksuar se dy vendet janë pjesë e NATO-s.

“Duke qenë partnerë në NATO, të lidhur nga një Traktat Miqësie dhe me perspektivë të përbashkët europiane, Shqipëria mbështet përfundimin sa më parë të çdo reference ligjore atavike nga Lufta e dytë Botërore, me pasoja në marrëdhëniet aktuale, e cila nuk pasqyron realitetin e marrëdhënieve tona si aleatë dhe si miq”, tha Spiropali.

Ministrja theksoi se Shqipëria është e hapur për dialog për çështjen e detit dhe shtoi se duan të vijojnë negociatat për njohjen e pensioneve.

“Shqipëria mbetet po ashtu e përkushtuar për zgjidhjen e çështjeve të lidhura me kufirin (përfshirë edhe delimitimin e hapësirave detare) në përputhje me të drejtën ndërkombëtare dhe parimet e marrëdhënieve të fqinjësisë së mirë, ku palët janë plotësisht të hapura për dialog konstruktiv. Ne do të vijojmë të udhëhiqemi nga vlerat thelbësore të BE-së, nga respekti për normat e të drejtës ndërkombëtare për zgjidhjen paqësore të mosmarrëveshjeve dhe promovimin e stabilitetit në rajon”, shtoi ajo.

Mëngjesin e së mërkurës, në orën 09.00, Spiropali do të takohet me Ministrin e Mbrojtjes, Niko Dendias. Në orën 09.45, Spiropali do të takohet me përfaqësues të bizneseve dhe sipërmarrjeve që operojnë mes Shqipërisë dhe Greqisë, për potencialin e bashkëpunimit ekonomik mes dy vendeve.

Lajmet

Dyshohet abuzim i të miturit në Ferizaj përmes rrjeteve sociale

Published

7 hours ago

December 16, 2025

UBTnews

Policia e Kosovës ka nisur hetimet lidhur me një rast të dyshuar të abuzimit ndaj një të mituri, i cili dyshohet se është kontaktuar përmes rrjeteve sociale.

Zëdhënësi i Policisë për rajonin e Prishtinës, Agron Borovci, bëri të ditur se rasti është raportuar më 15 dhjetor 2025, rreth orës 11:00, në stacionin policor të Fushë Kosovës.

Sipas policisë, ngjarja dyshohet të ketë ndodhur në territorin e Ferizajt. Me autorizim të Prokurorit të Shtetit, është iniciuar hetim për veprën penale “Dhunimi”, ndërsa policia, në bashkëpunim me institucionet relevante, po punon intensivisht për identifikimin e të dyshuarit dhe sqarimin e plotë të rastit, duke garantuar konfidencialitetin dhe mbrojtjen e viktimës.

“Më datë 15.12.2025, rreth orës 11:00, policia e stacionit policor në Fushë Kosovë, ka pranuar informacionin lidhur me një rast të dyshuar të abuzimit ndaj një të mituri. Dyshimet e ngritura sugjerojnë se i mituri është kontaktuar përmes rrjeteve sociale dhe se ngjarja dyshohet të ketë ndodhur diku në territorin e Ferizajt. Specialist të policisë për hetimin e rasteve të tilla, në bashkëpunim me institucionet relevante, janë duke ndërmarrë të gjitha veprimet e nevojshme për zbardhjen e plotë të rastit. Me autorizim të Prokurorit të Shtetit, gjithnjë duke garantuar konfidencialitetin dhe mbrojtjen e viktimës, policia ka iniciuar një hetim në drejtim të veprës penale “Dhunimi”, përderisa po punohet intensivisht në identifikimin e të dyshuarit dhe përcaktimin e vendndodhjes së tij.”